Author: അനിൽ ആറന്മുള

ഹ്യൂസ്റ്റൺ: കണിക്കൊന്ന പൂക്കൾ എങ്ങും നിറഞ്ഞാടി പീതവർണ്ണം നിറച്ച കെ എച് എൻ എ വിഷു ആഘോഷം. ഹൂസ്റ്റണിലെ മീനാക്ഷി ക്ഷേത്ര ഓഡിറ്റോറിയത്തിൽ ഒഴുകിയെത്തിയ പുരുഷാരം ഉണ്ണിക്കണ്ണനെ കണികണ്ടു മനം നിറയെ. പിന്നെ കൈനീട്ടവും കലാപരിപാടികളും വിഭവ സമൃദ്ധമായ സദ്യയും ഒരുക്കി കെ എച് എൻ എ പ്രവർത്തകർ. പൊതു സമ്മേളനത്തിൽ ഹ്യൂസ്റ്റൺ കെ എച് എൻ എ കൺവെൻഷൻ കൺവീനർ അശോകൻ കേശവൻ അധ്യക്ഷനായിരുന്നു. ഡോ. ബിജു പിള്ള സ്വാഗതം ആശംസിച്ചു. ആഘോഷങ്ങൾ മുഖ്യാതിഥി ടെക്സാസ് ഡിസ്ട്രിക്ട് ജഡ്ജ് സുരേന്ദ്രൻ പട്ടേൽ ഉത്ഘാടനം ചെയ്തു. മീനാക്ഷി ക്ഷേത്രം ചെയർമാൻ വിനോദ് കൈല, ഡോ. വേണുഗോപാൽ മേനോൻ എന്നിവർ ആശംസാ പ്രസംഗങ്ങൾ നടത്തി. പരിപാടികളിൽ പങ്കെടുക്കാനെത്തിയവർ സ്റ്റേജിനു സമീപം തയാറാക്കിയ പീഠത്തിൽ ഒരുക്കിയ അതിമനോഹരമായി വർണ്ണ വിളക്കുകൾ കൊണ്ടലങ്കരിച്ച വിഷുക്കണി കണ്ടു മനം നിറച്ചു മുത്തശ്ശിമാരിൽ നിന്നും…

ടെക്സാസ് :ടെക്‌സാസിൽ നാവ് നഷ്ടപ്പെട്ട പശുക്കളെ ചത്ത നിലയിൽ കണ്ടെത്തി. ആറ് പശുക്കളെ സമാനമായ രീതിയിൽ വികൃതമാക്കുകയും ടെക്സസ് ഹൈവേയിൽ വിവിധ സ്ഥലങ്ങളിൽ നിന്ന്ചത്ത നിലയിൽ കണ്ടെത്തുകയും ചെയ്തു, ഒന്നിലധികം പോലീസ് ഉദ്യോഗസ്ഥരെ അന്വേഷണത്തിനായി ചുമതലപെടുത്തിയതാ യി അധികൃതർ പറഞ്ഞു. സ്‌റ്റേറ്റ് ഹൈവേ ഒഎസ്‌ആറിന് സമീപമുള്ള മാഡിസൺ കൗണ്ടിയിൽ 6 വയസ്സുള്ള പശുവിനെ ചത്ത നിലയിൽ കണ്ടെത്തി, അതിന്റെ നാവ് നഷ്ടപ്പെട്ടതായി, ഓൾഡ് സാൻ അന്റോണിയോ റോഡിന്റെ ഒരു ഭാഗത്തെ പരാമർശിച്ച് ഷെരീഫിന്റെ ഓഫീസ് വാർത്താക്കുറിപ്പിൽ പറഞ്ഞു. പശുവിന്റെ വായ്‌ക്ക് ചുറ്റുമുള്ള തോൽ നീക്കം ചെയ്യുന്നതിനായി കൃത്യതയോടെ നേരായതും വൃത്തിയുള്ളതുമായ ഒരു മുറിവ് ഉണ്ടാക്കി, നീക്കം ചെയ്ത തോലിനടിയിലെ മാംസം തൊടാതെ അവശേഷിക്കുന്നു,” പ്രസ്താവനയിൽ പറയുന്നു. “രക്തം ചോരാതെ ശരീരത്തിൽ നിന്ന് നാവും പൂർണ്ണമായും നീക്കം ചെയ്തു.”പശുവിനെ കണ്ടെത്തിയ ചുറ്റുമുള്ള പ്രദേശങ്ങളിൽ കാൽപ്പാടുകളോ ടയർ ട്രാക്കുകളോ ഇല്ലെന്നും…

ഡാളസ്: ഇന്ത്യ പ്രസ്സ് ക്ലബ് ഓഫ് നോര്‍ത്ത് അമേരിക്ക ഫ്‌ളോറിഡായിലെ മയാമിയില്‍ വെച്ച് നവംബര്‍ 2, 3, 4 തീയതികളില്‍ നടത്തപ്പെടുന്ന 10-ാമത് അന്താരാഷ്ട്ര മധ്യമ സമ്മേളനത്തിന്റെ ഡാളസ് ചാപ്റ്റർ കിക്കോഫ് സമ്മേളനത്തിൽ പങ്കെടുക്കുവാനായി നാളെ (ചൊവ്വാഴ്ച) ഡാളസിൽ എത്തിച്ചേരുന്നു. ഏപ്രില്‍ 25 ചൊവ്വാഴ്ച (നാളെ) വൈകിട്ട് 6.30ന് ഡാളസിലെ കേരളാ അസ്സോസിയേഷന്‍ ഹാളില്‍ (3821, Broadway Blvd, Garland, TX. 75043) വെച്ച് നടത്തപ്പെടുന്ന സമ്മേളനത്തില്‍ മുന്‍മന്ത്രിയും കാഞ്ഞിരപ്പള്ളി എംഎല്‍എയുമായ ശ്രീ. മോന്‍സ് ജോസഫ്, പാല എംഎല്‍എ ശ്രീ. മാണി സി. കാപ്പന്‍, കൈരളി ചാനലിന്റെ നോര്‍ത്ത് ഇന്ത്യാ ഹെഡും, സീനിയര്‍ ന്യൂസ് എഡിറ്ററുമായ ശ്രീ. പി.ആര്‍. സുനില്‍ എന്നിവര്‍ മുഖ്യാതിഥികളായി സംബന്ധിക്കും. ചടങ്ങില്‍ ഇന്ത്യ പ്രസ്സ് ക്ലബ് ഓഫ് നോര്‍ത്ത് അമേരിക്കയുടെ നാഷണല്‍ പ്രസിഡന്റ് സുനില്‍ തൈമറ്റം, അഡ്‌വൈസറി ബോര്‍ഡ് ചെയര്‍മാന്‍ ബിജു കിഴക്കേക്കുറ്റ്,…

ഓസ്റ്റിൻ(ടെക്സാസ്) :കഴിഞ്ഞ ഞായറാഴ്ച മുതൽ കാണാതായ 25 കാരിയായ ടിയറ സ്‌ട്രാൻഡ് എന്ന യുവതിയുടെ മൃതദേഹം കണ്ടെത്തിയതായി ടെക്‌സസ് അധികൃതർ അറിയിച്ചു. വെള്ളിയാഴ്ചയാണ് സ്‌ട്രാൻഡിന്റെ മൃതദേഹം കണ്ടെത്തിയതെന്ന് ബെൽ കൗണ്ടി ഷെരീഫ് ഡിപ്പാർട്ട്‌മെന്റ് സ്ഥിരീകരിച്ചു. വാക്കോയ്ക്കും ടെമ്പിളിനും ഇടയിലുള്ള ബെൽ കൗണ്ടി റോഡിന്റെ വശത്തുള്ള ഒരു കുഴിയിൽ ഒരു വഴിയാത്രക്കാരനാണു മൃതദേഹം കണ്ടെത്തിയത്. “മരണത്തിന്റെ കാരണവും രീതിയും ഇപ്പോൾ അജ്ഞാതമാണ്, മെഡിക്കൽ എക്സാമിനറുടെ തീരുമാനത്തിന് കാത്തിരിക്കുകയാണ്,” അധികൃതർ പ്രസ്താവനയിൽ പറഞ്ഞു.കേസിൽ ഫൗൾ പ്ലേ സംശയിക്കുന്നതായി സ്ട്രാൻഡിന്റെ പിതാവിനോട് അധികൃതർ പറഞ്ഞു. ഏപ്രിൽ 16 ന് അതിരാവിലെ ഓസ്റ്റിനിലെ മൂസെക്നക്കിൾ പബ്ബിലാണ് 25 കാരിയായ യുവതിയെ അവസാനമായി ജീവനോടെ കണ്ടത്. ഒരു കൂട്ടം പെൺകുട്ടികൾ ക്ലബ്ബിൽ വച്ച് തന്നെ ആക്രമിച്ചെന്നും വഴക്ക് പുറത്തേക്ക് നീങ്ങിയെന്നും സ്ട്രാൻഡിന്റെ അമ്മ മോണിക്ക ഹെറോൺ വിശ്വസിക്കുന്നു. മകൾക് അവരോട് ദേഷ്യമുണ്ടെന്ന് അമ്മ പറഞ്ഞു,…

ന്യൂജെഴ്‌സി / ചിക്കാഗോ: വടക്കേ അമേരിക്കയിലെ മലയാളികളുടെ കലാസാംസ്കാരിക കൂട്ടായ്‌‌മയായ അല കലാസാഹിത്യരംഗത്തെ പ്രശസ്തരെ അണിനിരത്തി ആർട്ട്സ്‌ ആൻ്റ് ലിറ്റററി ഫെസ്റ്റിവൽ (ALF) സംഘടിപ്പിക്കുന്നു. വിനോദത്തോടൊപ്പം അറിവും ആനന്ദവും പകർന്ന് നൽകുന്നതിനായി അലയുടെ വിവിധ ചാപ്റ്ററുകൾ സംയുക്തമായാണ് അല ആർട്ട്സ്‌ ആൻ്റ് ലിറ്റററി ഫെസ്റ്റിവൽ 2023 സംഘടിപ്പിക്കുന്നത്. മെയ് 20ന് ന്യൂജെഴ്‌സിയിലും, 27ന് ചിക്കാഗോയിലുമായി ആർട്ട്സ്‌ ആൻ്റ് ലിറ്റററി ഫെസ്റ്റിവൽ അരങ്ങേറും. സാഹിത്യോത്സവത്തിൽ മലയാളത്തിൻ്റെ എഴുത്തുകാരായ പോൾ സഖറിയ (സഖറിയ), ബെന്യാമിൻ, കാലിഗ്രാഫിയിലൂടെ ശ്രദ്ധേയയായ ഡോണ മയൂര എന്നിവർ അതിഥികളായി എത്തും. സാഹിത്യോത്സവത്തിന് അനുബന്ധമായി അലയിലെ പ്രതിഭകൾ കഥകളി ഉൾപ്പെടെയുള്ള കലാവിരുന്നുകളും അവതരിപ്പിക്കും. 2023 മെയ് 20 ശനിയാഴ്ച പ്രാദേശിക സമയം രാവിലെ 10.00ന് ന്യൂജെഴ്‌സിയിയും മെയ് 27ന് രാവിലെ 10.00ന് ചിക്കാഗോയിലുമായാണ് ആർട്ട്സ്‌ & ലിറ്റററി ഫെസ്റ്റിവൽ സംഘടിപ്പിച്ചിരിക്കുന്നത്. ഫെസ്റ്റിവലിൽ നിന്നും ലഭിക്കുന്ന അധികവരുമാനം കേരളത്തിലെ…

മലപ്പുറം: പ്രതിപക്ഷ നേതാവ് രാഹുൽ ഗാന്ധിയെ അയോഗ്യനാക്കിയ ഭരണകൂട നടപടിയിലും സംഘ്പരിവാർ സമഗ്രാദിപത്യത്തിനും എതിരെ ഫ്രറ്റേണിറ്റി മലപ്പുറം ജില്ലാ കമ്മിറ്റിയുടെ നേതൃത്വത്തിൽ മലപ്പുറം ടൗണിൽ നടന്ന സ്ട്രീറ്റ് മാർച്ച് ജനപങ്കാളിത്തം കൊണ്ട് ശ്രദ്ധേയമായി. മാർച്ച് ഫ്രറ്റേണിറ്റി സംസ്ഥാന പ്രസിഡന്റ് കെ.എം. ഷെഫ്റിൻ ഉദ്ഘാടനം ചെയ്തു. വെൽഫെയർ പാർട്ടി ദേശീയ വൈസ് പ്രസിഡന്റ് ഹമീദ് വാണിയമ്പലം മുഖ്യപ്രഭാഷണം നടത്തി. ഫ്രറ്റേണിറ്റി ജില്ലാ പ്രസിഡന്റ് ജംഷീൽ അബൂബക്കർ അധ്യക്ഷത വഹിച്ച പരിപാടിയിൽ ജനറൽ സെക്രട്ടറി സുമയ്യ ജാസ്മിൻ സ്വാഗതം പറഞ്ഞു. വെർഫെയർ പാർട്ടി ജില്ലാ പ്രസിഡന്റ് നാസർ കീഴുപറമ്പ്, മലപ്പുറം മുനിസിപ്പാലിറ്റി ചെയർമാൻ മുജീബ്കാ ടേരി, അഡ്വ ഫാത്തിമ തെഹ്ലിയ, എസ്.ഐ.ഒ സംസ്ഥാന സെക്രട്ടറി വാഹിദ് ചുള്ളിപ്പാറ, അഡ്വ അമീൻ ഹസൻ , , കെ.എസ്.യു ജില്ല ജനറൽ സെക്രട്ടറി ആദിൽ കെ.കെ.ബി, എ.ഐ.വൈ.എഫ് ജില്ല എക്സിക്യുട്ടീവ് അംഗം മുർഷിദുൽ…

എസ്.ഐ.ഒ മലപ്പുറം ജില്ലാ കമ്മിറ്റിയുടെ ആഭിമുഖ്യത്തിൽ യുവ എഴുത്തുകാർ, അക്കാദമിക-സാംസ്കാരിക രംഗങ്ങളിൽ ഇടപെടുന്നവർ എന്നിവർക്കായി ഇഫ്താർ സംഗമവും ചർച്ചാ സദസ്സും സംഘടിപ്പിച്ചു. എസ്.ഐ.ഒ ജില്ലാ പ്രസിഡന്റ് തഹ്സീൻ മമ്പാട് അദ്ധ്യക്ഷത വഹിച്ച പരിപാടി സംസ്ഥാന സെക്രട്ടറി വാഹിദ് ചുള്ളിപ്പാറ ഉദ്ഘാടനം നിർവഹിച്ചു. സംസ്ഥാന കമ്മിറ്റിയംഗം അൻഫാൽ ജാൻ, സോളിഡാരിറ്റി ജില്ലാ പ്രസിഡന്റ്‌ ബാസിത് പി.പി തുടങ്ങിയവർ അതിഥികളുമായി സംവദിച്ചു.