Author: മാത്യു വർഗീസ്

കാനഡ:കാനഡയിലെ ടംബ്ലർ റിഡ്ജ് സ്കൂളിൽ എട്ടുപേരുടെ മരണത്തിനിടയാക്കിയ വെടിവെപ്പിന് പിന്നാലെയാണ് ചാറ്റ് ജിപിടി (ChatGPT) നിർമ്മാതാക്കളായ ഓപ്പൺ എഐ സുരക്ഷാ പ്രോട്ടോക്കോളുകളിൽ മാറ്റം വരുത്താൻ തീരുമാനിച്ചത്. പ്രതിയായ ജെസ്സി വാൻ റൂട്ട്സെലർക്ക് ചാറ്റ് ജിപിടിയിൽ രണ്ടാമതൊരു അക്കൗണ്ട് കൂടി ഉണ്ടായിരുന്നതായി കമ്പനി ഇപ്പോൾ വെളിപ്പെടുത്തിയിരിക്കുകയാണ്. അക്രമാസക്തമായ ഉള്ളടക്കം ശ്രദ്ധയിൽപ്പെട്ടതിനെത്തുടർന്ന് ഇയാളുടെ ആദ്യ അക്കൗണ്ട് കഴിഞ്ഞ ജൂണിൽ കമ്പനി നിരോധിച്ചിരുന്നു. എന്നാൽ നിരോധനം മറികടന്ന് ഇയാൾ മറ്റൊരു അക്കൗണ്ട് കൂടി ഉപയോഗിച്ചുവെന്ന് വെടിവെപ്പിന് ശേഷമാണ് കമ്പനി കണ്ടെത്തിയത്. നേരത്തെ കൃത്യമായ സ്ഥലമോ സമയമോ വ്യക്തമാക്കിയുള്ള ഭീഷണികൾ മാത്രമേ പോലീസിനെ അറിയിച്ചിരുന്നുള്ളൂ എങ്കിൽ, ഇനി മുതൽ അപകടകരമെന്ന് തോന്നുന്ന ഏത് സംഭാഷണത്തെക്കുറിച്ചും പോലീസിനെ അറിയിക്കാൻ കമ്പനി തീരുമാനിച്ചു. അപകടകാരികളായ ഉപയോക്താക്കളെക്കുറിച്ചുള്ള വിവരങ്ങൾ കൈമാറാൻ കനേഡിയൻ പോലീസുമായി ചേർന്ന് പ്രത്യേക സംവിധാനം ഒരുക്കും. മതിയായ സുരക്ഷാ സംവിധാനങ്ങൾ ഒരുക്കിയില്ലെങ്കിൽ എഐ ചാറ്റ്ബോട്ടുകളെ…

ഡാളസ്: നോര്‍ത്ത് അമേരിക്കയിലെ സ്വര്‍ഗ്ഗീയ വിരുന്നിന്റെ (ഹെവന്‍ലി ഫീസ്റ്റ്) രണ്ടാമത് വാർഷിക ഫാമിലി കോണ്‍ഫറന്‍സ് മാര്‍ച്ച് 6 വെള്ളി മുതല്‍ 8 ഞായര്‍ വരെ ഡാളസിലുള്ള ശാരോണ്‍ ഇവന്റ് സെന്ററില്‍ (940 Barnes Bridge Rd, Mesquite TX 75150) വെച്ച് നടത്തപ്പെടുന്നു.അനുഗ്രഹീത ആരാധനയും, ആഴമേറിയ ദൈവവചന പഠനവും, കൃപാവര ശുശ്രൂഷയും മൂന്നു ദിവസത്തെ കോണ്‍ഫറന്‍സില്‍ ഉണ്ടായിരിക്കും. ലോകമെമ്പാടുമുള്ള മലയാളികള്‍ക്ക് സുപരിചിതനായ സഭയുടെ സ്ഥാപകന്‍ ഡോ. മാത്യു കുരുവിള (തങ്കു ബ്രദര്‍), സഭയുടെ സീനിയര്‍ പാസ്റ്ററും അനുഗ്രഹീത ദൈവ വചന അദ്ധ്യാപകനുമായ ഡോ.തോമസ് ഏബ്രഹാം (തോമസുകുട്ടി ബ്രദര്‍) തുടങ്ങിയ ദൈവ ദാസന്മാര്‍ മുഖ്യ സന്ദേശം നല്‍കും. റോണക്ക് ബ്രദര്‍, അഡ്വ. ബിനോയ് ബ്രദര്‍ തുടങ്ങി അനേക ദൈവദാസന്മാർ ചടങ്ങിൽ പങ്കെടുക്കും. വിവിധ ആവശ്യങ്ങളാല്‍ ഭാരപ്പെടുന്നവര്‍, രോഗികള്‍ എന്നിവര്‍ക്കുവേണ്ടി ഈ യോഗങ്ങളില്‍ പ്രത്യേക പ്രാര്‍ത്ഥന ഉണ്ടായിരിക്കുന്നതാണന്നും, ജാതി മത…

ന്യൂയോർക്കിലെ കൊളംബിയ സർവകലാശാലയിൽ പഠിക്കുന്ന അസർബൈജാൻ സ്വദേശിനിയായ എൽമിന “എല്ലി” അഗയേവയെയാണ് വ്യാഴാഴ്ച പുലർച്ചെ ഫെഡറൽ ഏജന്റുകൾ അറസ്റ്റ് ചെയ്തത്. എന്നാൽ, ന്യൂയോർക്ക് മേയർ സോഹ്‌റാൻ മംദാനി വൈറ്റ് ഹൗസിലെത്തി പ്രസിഡന്റ് ട്രംപുമായി നേരിട്ട് സംസാരിച്ചതിനെത്തുടർന്ന് മണിക്കൂറുകൾക്കകം യുവതിയെ വിട്ടയക്കാൻ ഉത്തരവിടുകയായിരുന്നു. വിവാദപരമായ അറസ്റ്റ്: കാണാതായ ഒരു കുട്ടിയെ തിരയുകയാണെന്ന് കള്ളം പറഞ്ഞ്, തെറ്റായ രേഖകൾ കാണിച്ച് ഏജന്റുകൾ അഗയേവയുടെ അപ്പാർട്ട്‌മെന്റിൽ അതിക്രമിച്ചു കയറിയതായി സർവകലാശാല അധികൃതർ ആരോപിച്ചു. 2016-ൽ ക്ലാസുകളിൽ ഹാജരാകാത്തതിനെത്തുടർന്ന് അഗയേവയുടെ സ്റ്റുഡന്റ് വിസ റദ്ദാക്കപ്പെട്ടിരുന്നുവെന്നാണ് ഔദ്യോഗിക വിശദീകരണം. നിലവിൽ ഇവർ കൊളംബിയയിൽ ന്യൂറോ സയൻസ് വിദ്യാർത്ഥിനിയാണ്. ഏജന്റുകളുടെ നടപടി ഭയപ്പെടുത്തുന്നതും അംഗീകരിക്കാനാവാത്തതുമാണെന്ന് കൊളംബിയ ആക്ടിങ് പ്രസിഡന്റ് ക്ലെയർ ഷിപ്പ്മാൻ പറഞ്ഞു. ശരിയായ വാറന്റില്ലാതെ ഫെഡറൽ ഉദ്യോഗസ്ഥരെ ക്യാമ്പസിനുള്ളിലോ ഹോസ്റ്റലിലോ പ്രവേശിപ്പിക്കരുതെന്ന് കർശന നിർദ്ദേശം നൽകിയിട്ടുണ്ട്. അറസ്റ്റിനെത്തുടർന്ന് സർവകലാശാലയിൽ വലിയ രീതിയിലുള്ള പ്രതിഷേധങ്ങൾ അരങ്ങേറി.…

ആരോഗ്യ വകുപ്പിനും മന്ത്രിക്കുമെതിരെ കുറേ നാളുകളായി നടന്നുവരുന്ന ആക്രമണ സ്വഭാവത്തിലുള്ള സമരങ്ങൾക്ക് പിന്നിൽ ആഗോള സ്വകാര്യ കുത്തകകളാണെന്ന് സംശയിക്കണമെന്ന് കേരളാ കോൺഗ്രസ്‌ (എം) സംസ്ഥാന ജനറൽ സെക്രട്ടറി കെ. ആനന്ദകുമാർ ആരോപിച്ചു. കേരളത്തിലെ സർക്കാർ, ആരോഗ്യ മേഖലയിൽ കൈവരിച്ച സമാനതകളില്ലാത്ത നേട്ടങ്ങളും, നടന്നുവരുന്ന വികസന പ്രവർത്തനങ്ങളും പലരേയും വിറളി പിടിപ്പിച്ചിട്ടുണ്ട്. കേരളത്തിലെ ആരോഗ്യ മേഖലയിൽ; പ്രത്യേകിച്ച് അനവധി മൾട്ടി സ്പെഷ്യാലിറ്റി ആശുപത്രികൾ ഏറ്റെടുത്തുകൊണ്ട് സഹസ്ര കോടികൾ നിക്ഷേപിച്ച, ആഗോള നിക്ഷേപ കമ്പനികളുടെ താൽപ്പര്യങ്ങളാണ് ഇത്തരം സമരങ്ങൾക്ക് പിന്നിലുള്ളത്. പൊതുജനരോഗ്യ രംഗം തകർന്നാൽ അതിന്റെ ഗുണഭോക്താവ് ആരാണെന്ന് ജനങ്ങൾക്ക് ബോധ്യമായിട്ടുണ്ട്. കോഴിക്കോട് കേന്ദ്രമാക്കി ഇന്ത്യയിലെ ആദ്യ അവയവമാറ്റത്തിനുള്ള ആശുപത്രിയുടെ നിർമ്മാണ പ്രവർത്തനങ്ങൾ തുടങ്ങിയതും, റീജിയണൽ കാൻസർ സെന്ററിന്റെ അത്യാധുനിക സൗകര്യങ്ങളുള്ള പുതിയ ബഹുനില മന്ദിരം ഉദ്ഘാടനം ചെയ്യപ്പെട്ടതും, കൊച്ചിൻ കാൻസർ പ്രവർത്തനം ആരംഭിച്ചതും പലരുടെയും ഉറക്കം കെടുത്തിയിട്ടുണ്ട്. രണ്ടര…