Author: ??????? ?????

കോഴഞ്ചേരി: ലോകപ്രശസ്തമായ മാരാമൺ കൺവെൻഷൻ യുവവേദിയിൽ ഇന്ന് (ശനി) ഉച്ചകഴിഞ്ഞ് 4 മണിക്ക് മുഖ്യപ്രഭാഷണം നടത്തുന്ന റവ. ഫാ. അലക്സാണ്ടർ ജെയിംസ് കുര്യന് കോഴഞ്ചേരിയിലെ കോലത്ത് തറവാട്ടിൽ ഊഷ്മളമായ സ്വീകരണം നൽകി ആദരിച്ചു. വൈറ്റ് ഹൗസ് ഫെയ്ത്ത് ഓഫീസ് ലിയാസൺ, സീനിയർ എക്സിക്യൂട്ടീവ് ഡെപ്യൂട്ടി അസോസിയേറ്റ് അഡ്മിനിസ്ട്രേറ്റർ, യു.എസ്. ഗവൺമെന്റ് (വാഷിംഗ്ടൺ ഡി.സി., യു.എസ്.എ.) എന്നീ പ്രമുഖ നിലകളിൽ സേവനം ചെയ്യുന്ന റവ. ഫാ. അലക്സാണ്ടർ ജെയിംസ് കുര്യനെ ആദരിക്കുന്നതിനായി സംഘടിപ്പിച്ച സ്നേഹസമ്മേളനത്തിൽ വിവിധ മേഖലകളിലെ പ്രമുഖർ പങ്കെടുത്തു. പ്രസ്തുത സ്നേഹസംഗമത്തിൽ ഡോ. കെ. എം. ചെറിയാൻ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിന്റെ മാനേജിംഗ് ഡയറക്ടർ ഫാ. അലക്സാണ്ടർ കൂടാരം, വേൾഡ് മലയാളി കൗൺസിൽ ഗ്ലോബൽ വൈസ് പ്രസിഡന്റ് ജെയിംസ് കൂടൽ, WMC ഖത്തർ പ്രൊവിൻസ് വനിതാ ഫോറം പ്രസിഡന്റ് ശ്രീമതി ഷീലാ ഫിലിപ്പോസ്, FOMAA (USA)…

സമുദ്രതീരത്ത് നിന്ന് വെള്ളം അസാധാരണമായി ഉൾവലിയുന്നത് നാം കണ്ടിട്ടുണ്ടാകും. അത് വെറുമൊരു പിന്മാറ്റമല്ല, മറിച്ച് വരാനിരിക്കുന്ന ഒരു വലിയ സുനാമിയുടെയോ കൊടുങ്കാറ്റിന്റെയോ മുന്നോടിയായുള്ള നിഗൂഢമായ ശാന്തതയാണ്. സമാനമായ ഒരു പ്രതിഭാസം ഇന്ന് നമ്മുടെ സാമൂഹിക-സാംസ്കാരിക മണ്ഡലങ്ങളിലും ദൃശ്യമാണ്. ഇന്നലെവരെ സജീവമായി ഇടപെട്ടിരുന്നവർ, ചോദ്യങ്ങൾ ചോദിച്ചിരുന്നവർ, നിലപാടുകൾ വ്യക്തമാക്കിയിരുന്നവർ പെട്ടെന്ന് നിശബ്ദരാകുന്നു. എന്താണ് ഈ പിൻവാങ്ങലുകൾക്ക് പിന്നിൽ? നിരാശയോ അതോ ബോധപൂർവ്വമായ അകലം പാലിക്കലോ? സമൂഹത്തിൽ നിന്ന് മനുഷ്യൻ അകന്നുപോകുന്നതാണോ അതോ മനുഷ്യനിൽ നിന്ന് സമൂഹം അകന്നുപോകുന്നതാണോ എന്നതാണ് പ്രസക്തമായ ചോദ്യം. പ്രത്യേകിച്ച് ആരാധനാലയങ്ങൾ കേന്ദ്രീകരിച്ചു നടക്കുന്ന പ്രവർത്തനങ്ങളിൽ നിന്ന് പലരും മനംനൊന്ത് പിന്മാറുന്നു. കൃത്യമായ നിലപാടുകളും ചോദ്യങ്ങളും ഉന്നയിക്കുന്നവരെ ‘ശല്യക്കാർ’ ആയി മുദ്രകുത്തി മാറ്റിനിർത്തുന്ന പ്രവണത വർദ്ധിച്ചുവരുന്നു. തെറ്റുകൾ ചൂണ്ടിക്കാണിക്കുമ്പോൾ അവ തിരുത്തുന്നതിന് പകരം, ചൂണ്ടിക്കാണിച്ച വ്യക്തിയെ വ്യക്തിഹത്യ ചെയ്യാനാണ് പലപ്പോഴും നേതൃത്വങ്ങൾ ശ്രമിക്കുന്നത്. “പുരോഹിതർ തെറ്റ്…

ചിക്കാഗോ: 2001-ൽ സ്ഥാപിതമായ സിറോ മലബാർ രൂപതയുടെ സിൽവർ ജൂബിലി ആഘോഷങ്ങളുടെ ഭാഗമായി ജൂലൈ 9,10,11,12 തീയതികളിൽ നടക്കുന്ന കൺവെൻഷനിൽ രൂപതാതലത്തിൽ നിറപ്പകിട്ടാർന്ന കലാപരിപാടികൾ സംഘടിക്കപ്പെടുന്നു. ജൂലൈ 10, വെള്ളിയാഴ്ച്ച സായാഹ്നത്തിൽ രൂപതയിലെ എല്ലാ ഇടവകകളെയും സംഘടിപ്പിച്ച് ‘പാരിഷ് ഫെസ്റ്റ്’ നടത്തുന്നു. അനുവദിക്കപ്പെട്ട പത്ത് മിനിട്ടിൽ ഇടവകാംഗങ്ങൾ ഒന്നു ചേർന് അവരുടെ വിശ്വാസവും കൂട്ടായ്മയും കലാഭിരുചികളും കോർത്തിണക്കി വേദിയിലെത്തുന്നു എന്നതു തന്നെ ഈ സായാഹ്നത്തെ ഏറെ മനോഹരമാക്കുമെന്നതിൽ സംശയമില്ല. ‘പാരിഷ് ഫെസ്റ്റ്’ നു പുറമെ എല്ലാ ഇടവകളിലെയും മുതിർന്ന പെൺകുട്ടികളെയും യുവതികളെയും സ്ത്രീകളെയും ഉൾപ്പെടുത്തി വിമൻസ് ഫോറത്തിൻ്റെ നേതൃത്വത്തിൽ ‘മെഗാ ഡാൻസ് പ്രോഗ്രാം’ സംഘടിപ്പിക്കുന്നു. പരമ്പരാഗത കലാരൂപമായ മാർഗ്ഗംകളിയാണ് ഇതിലേക്കായി തിരഞ്ഞെടുത്തിരിക്കുന്നത്. പാരിഷ് ഫെസ്റ്റ്, മെഗാ ഡാൻസ് പ്രോഗ്രാം പരിപാടികളുടെ കൂടുതൽ വിവരങ്ങൾക്കായി വിളിക്കുക: കൾച്ചറൽ കോഓർഡിനേറ്റർ ജൂഡി റോസ് ജെയിംസ് (317) 490-5839 പ്രോഗ്രാം കോർഡിനേറ്റർസ്…

മിനസോട്ട പള്ളി പ്രതിഷേധം: മാധ്യമപ്രവർത്തകൻ ഡോൺ ലെമൺ കോടതിയിൽ കുറ്റം നിഷേധിച്ചു. സെന്റ് പോൾ, മിനസോട്ട: അമേരിക്കയിലെ മിനസോട്ടയിലുള്ള പള്ളിയിൽ നടന്ന പ്രതിഷേധവുമായി ബന്ധപ്പെട്ട സിവിൽ അവകാശ ലംഘനക്കേസിൽ പ്രമുഖ മാധ്യമപ്രവർത്തകൻ ഡോൺ ലെമൺ കുറ്റം നിഷേധിച്ചു. വെള്ളിയാഴ്ച സെന്റ് പോളിലെ ഫെഡറൽ കോടതിയിൽ ഹാജരായ ലെമൺ, തനിക്കെതിരെയുള്ള ആരോപണങ്ങൾ അടിസ്ഥാനരഹിതമാണെന്ന് വാദിച്ചു. ജനുവരി 18-ന് സെന്റ് പോളിലെ ‘സിറ്റീസ് ചർച്ചിന്’ മുന്നിൽ നടന്ന പ്രതിഷേധമാണ് കേസിന് ആധാരം. ഇവിടുത്തെ പാസ്റ്റർ ഒരു ഇമിഗ്രേഷൻ ആൻഡ് കസ്റ്റംസ് എൻഫോഴ്‌സ്‌മെന്റ് (ICE) ഉദ്യോഗസ്ഥൻ കൂടിയാണ്. താൻ അവിടെ എത്തിയത് മാധ്യമപ്രവർത്തകൻ എന്ന നിലയിൽ വാർത്ത റിപ്പോർട്ട് ചെയ്യാനാണെന്നും പ്രതിഷേധത്തിൽ പങ്കാളിയായിട്ടില്ലെന്നും മുൻ സിഎൻഎൻ (CNN) അവതാരകൻ കൂടിയായ ലെമൺ കോടതിക്ക് പുറത്ത് പറഞ്ഞു. തന്റെ ഭരണഘടനാപരമായ അവകാശങ്ങൾക്കായി പോരാടുമെന്നും അദ്ദേഹം വ്യക്തമാക്കി. പ്രമുഖ മനുഷ്യാവകാശ അഭിഭാഷക നെകീമ ലെവി…

സൗത്ത് കരോലിന: അമേരിക്കയിലെ സൗത്ത് കരോലിനയിൽ മീസിൽസ് (അഞ്ചാംപനി) ബാധിതരുടെ എണ്ണം കുത്തനെ ഉയരുന്നു. പുതിയതായി 17 കേസുകൾ കൂടി റിപ്പോർട്ട് ചെയ്തതോടെ സംസ്ഥാനത്തെ ആകെ രോഗബാധിതരുടെ എണ്ണം 950 ആയതായി ആരോഗ്യ വകുപ്പ് അറിയിച്ചു. രോഗം ബാധിച്ചവരിൽ ഭൂരിഭാഗവും (883 പേർ) വാക്സിൻ എടുക്കാത്തവരാണ്. 26 പേർ രണ്ട് ഡോസ് വാക്സിനും സ്വീകരിച്ചവരായിരുന്നു. ഒക്ടോബറിൽ ആരംഭിച്ച ഈ രോഗവ്യാപനം നിലവിൽ ഗ്രീൻവിൽ, സ്പാർട്ടൻബർഗ് തുടങ്ങിയ വടക്കുപടിഞ്ഞാറൻ മേഖലകളിലാണ് കേന്ദ്രീകരിച്ചിരിക്കുന്നത്. 186 പേർ നിലവിൽ ക്വാറന്റൈനിലും 9 പേർ ഐസൊലേഷനിലുമാണ്. പ്രതിദിന കേസുകളിൽ നേരിയ കുറവുണ്ടാകുന്നുണ്ടെങ്കിലും രോഗവ്യാപനം കുറഞ്ഞുവെന്ന് ഉറപ്പിച്ചു പറയാറായിട്ടില്ലെന്ന് ആരോഗ്യ വിദഗ്ധർ മുന്നറിയിപ്പ് നൽകുന്നു. 2026-ന്റെ തുടക്കം മുതൽ അമേരിക്കയിലാകെ റിപ്പോർട്ട് ചെയ്യപ്പെട്ട മീസിൽസ് കേസുകളുടെ എണ്ണം ഫെബ്രുവരി 12-ലെ കണക്കനുസരിച്ച് 910 ആണ്.

ഡാളസ് : ക്രിസ്തുരാജ ക്നാനായ കത്തോലിക്ക ഇടവക ദൈവാലയത്തിന്റെ 2026 – 27 വർഷത്തേക്കുള്ള പുതിയ കൈക്കാരൻമാരെയും പാരീഷ് കൗൺസിൽ അംഗങ്ങളെയും തിരഞ്ഞെടുത്തു. റ്റെറി വാളാച്ചേരിൽ, ബിനോ പുല്ലുകാട്ട്, റെനി പഴേടത്ത്, ജയിംസ് കൊല്ലമാരുപറമ്പിൽ എന്നിവരാണ് പുതിയ കൈക്കാരന്മാര്‍. ഇവരോടൊപ്പം പാരിഷ് കൗൺസിൽ അംഗങ്ങൾ ആയി രാകേഷ് തേവരുപറമ്പിൽ, സ്റ്റാൻലി തൈപറമ്പിൽ, ജോ പുതിയടത്ത്ശ്ശേരിൽ, മിനി പടപുരയ്ക്കൽ, റോയ് പുത്തേട്ട്, തിയോഫിൽ ചാമക്കാല, സൈമൺ ചാമക്കാല, മെർലിൻ പാറയ്ക്കൽ പൂത്തറ, മാത്യു പാക്കാട്ടിൽ, പ്രിൻസ് പാറയ്ക്കശ്ശേരിൽ, ജെയിക്സൺ ചാലിൽ, മനോജ് വിരുത്തിക്കുളങ്ങര, റാഹൂൽ സ്റാമ്പിച്ചിറ, രത്ന്ന കുടകശ്ശേരിൽ, കുരുവിള ചെമ്മാച്ചേൽ, സിൽവി നടക്കുഴയ്ക്കൽ, ബീനു അത്തിമറ്റത്തിൽ, ജിനു കുടിലിൽ, അബീന മാടപറമ്പത്ത്, ജോനത്തൻ പരുപണത്തേട്ട് എന്നിവർ തിരഞ്ഞെടുക്കപ്പെട്ടു. ഞായറാഴ്ച വി.കുർബാനയ്ക്ക് ശേഷം ദൈവതിരുമുമ്പാകെ അവർ തങ്ങളുടെ ശുശ്രൂഷ ഏറ്റെടുത്തു. പുതിയതായി ദൈവഹിതത്താൽ തിരഞ്ഞെടുക്കപ്പെട്ട എല്ലാവരെയും അഭിനന്ദിച്ച് കൊണ്ട്…

ഹൂസ്റ്റൺ: ഡൗൺടൗൺ ഹൂസ്റ്റണിലെ ഒരു അപ്പാർട്ട്‌മെന്റ് സമുച്ചയത്തിൽ യുവതിയെയും യുവാവിനെയും വെടിയേറ്റ് മരിച്ച നിലയിൽ കണ്ടെത്തി. വ്യാഴാഴ്ച രാത്രി ഫാനിൻ സ്ട്രീറ്റിലെ അപ്പാർട്ട്‌മെന്റിലാണ് സംഭവം. യുവാവ് യുവതിയെ വെടിവെച്ച് കൊലപ്പെടുത്തിയ ശേഷം സ്വയം ജീവനൊടുക്കിയതാകാമെന്നാണ് പൊലീസിന്റെ പ്രാഥമിക നിഗമനം. അപ്പാർട്ട്‌മെന്റിന് പുറത്ത് രക്തം തളംകെട്ടി നിൽക്കുന്നത് ശ്രദ്ധയിൽപ്പെട്ട അയൽവാസിയാണ് പൊലീസിനെ വിവരമറിയിച്ചത്. 24 വയസ്സുള്ള യുവതിയെ വെടിയേറ്റ നിലയിൽ കണ്ടെത്തി. തുടർന്ന് നടത്തിയ പരിശോധനയിലാണ് യുവാവിന്റെ മൃതദേഹവും ലഭിച്ചത്. ഹൂസ്റ്റൺ പൊലീസ് നടത്തിയ പ്രാഥമിക അന്വേഷണത്തിൽ ഇത് ഒരു ‘മർഡർ-സൂയിസൈഡ്’ (കൊലപാതകത്തിന് ശേഷമുള്ള ആത്മഹത്യ) കേസാണെന്ന് കരുതുന്നു. യുവാവ് യുവതിയെ വെടിവെച്ച ശേഷം സ്വയം നിറയൊഴിക്കുകയായിരുന്നു എന്നാണ് സൂചന. സംഭവത്തിൽ പൊലീസ് വിശദമായ അന്വേഷണം നടത്തിവരികയാണ്.