Author: .

തിരുവനന്തപുരം: സ്കൂൾ പാചകത്തൊഴിലാളികൾക്ക് 2024-25 അധ്യയന വർഷത്തെ ഡിസംബർ മാസത്തിലെ ഓണറേറിയം അനുവദിച്ചതായി പൊതു വിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി. ഓണറേറിയം വിതരണം ചെയ്യുന്നതിനായി ആകെ പതിനാല് കോടി ഒമ്പത് ലക്ഷത്തി ഇരുപത്തിനാലായിരത്തി ഒരുന്നൂറ്റി എഴുപത്തിയഞ്ച് രൂപയാണ്(14,09,20,175) അനുവദിച്ചത്. ആകെ 13,453 പാചകത്തൊഴിലാളികൾക്കാണ് ഓണറേറിയം ലഭിക്കുക. പി ആര്‍ ഡി, കേരള സര്‍ക്കാര്‍

തിരുവനന്തപുരം:  മാധ്യമ പ്രവർത്തകർ വേട്ടയാടപ്പെടുകയും അക്രമിക്കപ്പെടുകയും ചെയ്യുന്ന സാഹചര്യം രാജ്യത്ത് നിലനിൽക്കുമ്പോൾ മാധ്യമ പ്രവർത്തകർക്ക് കേരള സമൂഹത്തിൽ മികച്ച സ്വീകാര്യത ലഭിക്കുന്നതായി നിയമസഭാ സ്പീക്കർ എ എൻ ഷംസീർ. മാധ്യമ സ്വാതന്ത്ര്യത്തിൽ ആഗോള സൂചികയിൽ ഇന്ത്യയുടെ സ്ഥാനം 161 ആണ്. എന്നാൽ കേരളം മാധ്യമ സ്വാതന്ത്ര്യത്തിലും മുന്നിലാണെന്ന് അദ്ദേഹം അഭിപ്രായപ്പെട്ടു. ഇൻഫർമേഷൻ പബ്ലിക് റിലേഷൻസ് വകുപ്പിന്റെ ആഭിമുഖ്യത്തിൽ മാസ്‌കറ്റ് ഹോട്ടലിൽ സംഘടിപ്പിച്ച മാധ്യമ ദിനാഘോഷം ഉദ്ഘാടനം ചെയ്യുകയായിരുന്നു അദ്ദേഹം. മാധ്യമ പ്രവർത്തകർക്ക് നമ്മുടെ സംസ്ഥാനത്ത് അന്തസോടെയും അഭിമാനത്തോടെയും പ്രവർത്തിക്കാനാകുന്നുണ്ട്. ഇത് നിലനിർത്തേണ്ട ഉത്തരവാദിത്തം അവരുടേതാണ്. മാധ്യമധർമ്മത്തിലൂന്നി പക്ഷം ചേരാതെ സത്യസന്ധമായി വസ്തുതകൾ അവതരിപ്പിക്കണം. വാർത്തകൾ അതിവേഗം നൽകാൻ മത്സരിക്കുമ്പോൾ വിശ്വാസ്യത നഷ്ടമാകരുത്. വർത്തമാനകാല ഇന്ത്യൻ പശ്ചാത്തലത്തിൽ ചർച്ച ചെയ്യേണ്ട വിഷയങ്ങൾ ചർച്ച ചെയ്യപ്പെടാതെ പോകുന്നുണ്ട്. രാഷ്ട്രീയ പ്രവർത്തകരെ പോലെ മാധ്യമ പ്രവർത്തകരും വിമർശിക്കപ്പെടാമെന്നും സ്പീക്കർ അഭിപ്രായപ്പെട്ടു. ജനാധിപത്യം…

തിരുവനന്തപുരം: മന്ത്രിസഭ പ്രാരംഭ അനുമതി നൽകിയ പാലക്കാട് എലപ്പുള്ളിയിലെ എഥനോൾ പ്ലാന്റിനായി ഒരു തുള്ളി ഭൂഗർഭ ജലം പോലും എടുക്കില്ലെന്ന് എക്സൈസ് വകുപ്പ് മന്ത്രി എം ബി രാജേഷ്. പ്ലാന്റിന് 0.05ദശലക്ഷം ലിറ്റർ വെള്ളമാണ് തുടക്കത്തിൽ ആവശ്യമായി വരിക. പൂർണമായി പ്രവർത്തനം ആരംഭിക്കുന്നതോടെ 0.5ദശലക്ഷം ലിറ്റർ വെള്ളം മതിയാകും. പാലക്കാട് നഗരത്തിന് ആവശ്യമായി വരുന്ന ആകെ വെള്ളത്തിന്റെ 1.1 ശതമാനം മാത്രമാണിത്.  ഇതുകൂടാതെ പ്ലാന്റിൽ അഞ്ച് ഏക്കർ ഭൂമിയിൽ ജലസംഭരണി നിർമിക്കുമെന്ന കാര്യം പ്രെപ്പോസലിൽ ഉൾപ്പെടുത്തിയിട്ടുണ്ടെന്നും മന്ത്രി വാർത്താസമ്മേളനത്തിൽ അറിയിച്ചു. ജല അതോറിറ്റി കമ്പനിക്ക് ആവശ്യമായ വെള്ളം നിലവിലുള്ള പദ്ധതിക്ക് പുറത്തു നിന്നല്ല നൽകാമെന്ന് സമ്മതിച്ചിരിക്കുന്നത്. മലമ്പുഴയിൽ  നിന്നും കിൻഫ്രയിലേക്ക് പ്രതിദിനം 10 ദശലക്ഷം ലിറ്റർ വെള്ളമെത്തിക്കുന്ന പദ്ധതി പുരോഗമിക്കുന്നുണ്ട്. ഈ ലൈനിൽ നിന്നാണ് ആവശ്യമായ ജലം ലഭ്യമാക്കുക. നിലവിൽ കേരളത്തിൽ കിൻഫ്രയുടേയും വ്യവസായ വകുപ്പിന്റേയും ഇൻഡസ്ട്രിയൽ പാർക്കുകളിലേക്ക് ജല അതോറിറ്റി വെള്ളം നൽകുന്നുണ്ട്. ഇതിന്റെ…

ഹൂസ്റ്റൺ: ചെന്നിത്തല തൂമ്പാട്ട് വിള ബഥേലിൽ പരേതരായ കെ ഒ ഉമ്മന്റേയും ശോശാമ്മ ഉമ്മൻ്റെയും മകന്‍ ഉമ്മൻ ടി ഉമ്മൻ (രാജു 70) ഹൂസ്റ്റണിൽ അന്തരിച്ചു. ഭാര്യ: ലിസി ഉമ്മൻ കോന്നി വകയാർ കുഴുമുറിയിൽ കുടുംബാംഗം മക്കൾ: ജൂലി, ജെനി, ജെമി. സഹോദരങ്ങൾ: പാസ്റ്റർ റ്റി ഓ ജേക്കബ്, റ്റി ഒ ജെയിംസ്, റ്റി ഒ ജോൺസൻ (ഹൂസ്റ്റണ്‍), ജോളി ജോയ്സ് (ഹൂസ്റ്റണ്‍), റ്റി ഓ സാജൻ (യു എ ഇ). ജോയ്സ് സാമുവേൽ സഹോദരി ഭർത്താവാണ്. പൊതുദർശനവും സംസ്കാരശുശ്രുഷയും സമയം: ഫെബ്രുവരി 1 ശനിയാഴ്ച 10 മണിക്ക് സ്ഥലം :(ഷോരോൻ ഫെല്ലോഷിപ്പ് ചർച്ച് ഓഫ് ഹൂസ്റ്റൻ) . തുടർന്ന് സംസ്കാരം :South Park Funeral Home and Cemetery(1310 N Main St, Pearland, TX 77581) കൂടുതൽ വിവരങ്ങൾക്ക്: റ്റി ഒ ജോൺസൻ (ഹൂസ്റ്റണ്‍)…

ഫിലഡല്‍‌ഫിയ: ലോക മലയാളികളെ ഒരു കുടക്കീഴില്‍ അണി നിരത്തുന്ന ഓവർസീസ് റസിഡൻ്റ് മലയാളീസ് അസോസിയേഷന്‍ (ORMA) അഥവാ ‘ഓര്‍മ്മ ഇൻറർനാഷണൽ’ സംഘടിപ്പിച്ച ഇന്ത്യൻ റിപ്പബ്ലിക്ക് ദിനാഘഷങ്ങളോടനുബന്ധിച്ച്, രണ്ടായിരത്തി ഇരുപത്തിയഞ്ചിലെ പ്രവർത്തനോദ്ഘാടനവും, അന്താരാഷ്ട്ര പ്രസംഗ മത്സരത്തിൻ്റെ മൂന്നാം സീസൺ കിക്ക്‌ ഓഫും സംയുക്തമായി ഫിലഡൽഫിയയിൽ ആഘോഷപൂർവ്വം നടത്തപ്പെട്ടു. ഹോളി ഫാമിലി യൂണിവേഴ്സിറ്റി അക്കാദമിക് അഫയേഴ്സ് വൈസ് പ്രസിഡൻ്റ് ഡോ. ബിന്ദു ആലപ്പാട്ട്‌ ഭദ്രദീപം കൊളുത്തി ഉദ്‌ഘാടനം നിർവഹിച്ച ചടങ്ങിൽ ഫിലഡൽഫിയയിലെ വിവിധ സാമൂഹിക സാംസ്‌കാരിക സംഘടനാ നേതാക്കൾ, ഓർമയുടെ സ്പോൺസര്‍മാര്‍, അഭ്യുദയകാംക്ഷികൾ, മാധ്യമ പ്രവർത്തകർ എന്നിവർ പങ്കെടുത്തു. ഷൈൻ തോമസിന്റെ ഈശ്വര പ്രാർത്ഥനയോടെ ആരംഭിച്ച പൊതുയോഗത്തിൽ പ്രസിഡന്റ് സജി സെബാസ്റ്റ്യൻ അദ്ധ്യക്ഷത വഹിച്ചു. ട്രസ്റ്റീ ബോർഡ് ചെയർമാൻ ജോസ് ആറ്റുപുറം പുതിയ ഭാരവാഹികളായ പ്രസിഡൻ്റ് സജി സെബാസ്റ്റ്യൻ, സെക്രട്ടറി ക്രിസ്റ്റി എബ്രഹാം, ട്രഷറർ റോഷൻ പ്ലാമൂട്ടിൽ എന്നിവർക്ക് പ്രതിജ്ഞാവാചകം…

ചിക്കാഗോ: ഭാരതത്തിന്റെ 76-ാം റിപ്പബ്ലിക് ദിനമായ ജനുവരി 26-ന് ചങ്ങനാശേരി എസ്.ബി കോളജില്‍ വച്ച് നടന്ന പൂര്‍വ്വ വിദ്യാര്‍ത്ഥി മഹാസമ്മേളനത്തിന് അമേരിക്കന്‍ ഐക്യനാടുകളിലെ എല്ലാ എസ്.ബി പൂര്‍വ്വ വിദ്യാര്‍ത്ഥികളുടേയും ദേശിയ നെറ്റ് വർക്കിന്റെ അഭിനന്ദനങ്ങള്‍. മുഖ്യാതിഥിയും എസ്.ബി കോളജ് പൂര്‍വ്വ വിദ്യാര്‍ത്ഥിയും ബാംഗളൂര്‍ സേവ്യര്‍ ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് ആന്‍ഡ് എന്‍ടര്‍പ്രണര്‍ഷിപ്പ് ചെയര്‍മാനുമായ പ്രൊഫ. ജെ. ഫിലിപ്പ് സമ്മേളനം ഉദ്ഘാടനം ചെയ്തു. അലുംമ്‌നി അസോസിയേഷന്‍ മദര്‍ ചാപ്റ്റര്‍ പ്രസിഡന്റ് ഡോ.എന്‍.എം. മാത്യു അദ്ധ്യക്ഷത വഹിച്ചു. അതിരൂപതാ വികാരി ജനറാളും കോളജ് മാനേജരുമായ മോണ്‍ ആന്റണി ഏത്തക്കാട് അനുഗ്രഹ പ്രഭാഷണം നടത്തി. പ്രിന്‍സിപ്പല്‍ ഫാ. റെജി പ്ലാത്തോട്ടം സ്വാഗത പ്രസംഗവും മികച്ച വിദ്യാര്‍ത്ഥികള്‍ക്കുള്ള വിവിധ സ്‌കോളര്‍ഷിപ്പുകളും വിതരണം ചെയ്തു. ചങ്ങനാശേരി എം.എല്‍.എ ജോബ് മൈക്കിള്‍, ബ്രിഗേഡിയര്‍ ഒ.എ. ജെയിംസ്, മുന്‍ പ്രിന്‍സിപ്പല്‍ ഡോ. സ്റ്റീഫന്‍ മാത്യൂസ്, ബര്‍സാര്‍ ഫാ.…

വാഷിംഗ്ടണ്‍: ബുധനാഴ്ച രാത്രി പൊട്ടോമാക് നദിക്ക് മുകളില്‍ നടന്ന വിനാശകരമായ ഒരു മിഡ് എയർ കൂട്ടിയിടിയിൽ ആരും രക്ഷപ്പെട്ടിട്ടില്ലെന്ന് അധികൃതർ സ്ഥിരീകരിച്ചു. അമേരിക്കൻ എയർലൈൻസിൻ്റെ പാസഞ്ചർ ജെറ്റും യുഎസ് ആർമി ബ്ലാക്ക് ഹോക്ക് ഹെലികോപ്റ്ററുമാണ് 67 പേരുടെ മരണത്തിനിടയാക്കിയ അപകടത്തിൽ പെട്ടത്. ഡിസി ഫയർ ആൻഡ് ഇഎംഎസ് മേധാവി ജോൺ ഡോണലി വ്യാഴാഴ്ച രാവിലെ പത്രസമ്മേളനത്തിൽ ഹൃദയഭേദകമായ വാർത്ത പങ്കിട്ടു. “ഞങ്ങൾ ഇപ്പോൾ ഒരു രക്ഷാപ്രവർത്തനത്തിൽ നിന്ന് വീണ്ടെടുക്കൽ പ്രവർത്തനത്തിലേക്ക് മാറുന്ന ഘട്ടത്തിലാണ്. ഈ ഘട്ടത്തിൽ, ഈ അപകടത്തിൽ നിന്ന് രക്ഷപ്പെട്ടവരായി ആരും ഉണ്ടെന്ന് ഞങ്ങൾ വിശ്വസിക്കുന്നില്ല,” അദ്ദേഹം പറഞ്ഞു. വീണ്ടെടുക്കൽ ടീമുകൾ ഇതിനകം 28 മൃതദേഹങ്ങൾ കണ്ടെടുത്തു-27 അമേരിക്കൻ എയർലൈൻസ് ജെറ്റിൽ നിന്നും ഒന്ന് ആർമി ഹെലികോപ്റ്ററിൽ നിന്നും. ശേഷിക്കുന്നവരെ വീണ്ടെടുക്കാനുള്ള ശ്രമങ്ങൾ അധികൃതർ തുടരുകയാണ്. അപകടത്തിൽ മരിച്ചവരുടെ മുഴുവൻ മൃതദേഹങ്ങളും വീണ്ടെടുക്കാനാകുമെന്ന വിശ്വാസത്തിലാണ് അധികൃതർ.…

ന്യൂയോര്‍ക്ക്: ഇന്ത്യൻ വ്യവസായി ഗൗതം അദാനിക്കെതിരെ യു എസ് നീതിന്യായ വകുപ്പ് (DoJ) ഉന്നയിച്ച ആരോപണങ്ങൾ തന്ത്രപരമായ പിഴവാണെന്ന് പ്രശസ്ത അമേരിക്കൻ മാസികയായ ഫോർബ്‌സ് വിശേഷിപ്പിച്ചു. മാഗസിനിൽ പ്രസിദ്ധീകരിച്ച ‘ദി യു എസ് ഹാർംസ് ദി വെസ്റ്റ്സ് അലയൻസ് വിത്ത് എ ഫാർ-ഫ്ലംഗ് ഇൻഡിക്‌മെൻ്റ് ഇൻ ഇന്ത്യ’ എന്ന ലേഖനത്തിൽ, ഈ നീക്കം ഇന്ത്യ-യുഎസ് ബന്ധത്തെ ദോഷകരമായി ബാധിക്കുമെന്ന് എഴുത്തുകാരൻ മെലിക് കെയ്‌ലാൻ വാദിക്കുന്നു. പ്രത്യേകിച്ചും, ചൈനയുടെ വർദ്ധിച്ചുവരുന്ന സ്വാധീനത്തെ ചെറുക്കാൻ ശക്തമായ സഖ്യം രൂപീകരിക്കാൻ അമേരിക്ക ശ്രമിക്കുമ്പോൾ. ചൈനയുടെ ബെൽറ്റ് ആൻഡ് റോഡ് ഇനിഷ്യേറ്റീവിനെ (ബിആർഐ) പ്രതിരോധിക്കാൻ രൂപകല്പന ചെയ്ത ഇന്ത്യ-മിഡിൽ ഈസ്റ്റ്-യൂറോപ്പ് സാമ്പത്തിക ഇടനാഴി (ഐഎംഇസി) പോലുള്ള പദ്ധതികളിൽ ഇന്ത്യ പാശ്ചാത്യ രാജ്യങ്ങളുടെ ഒരു പ്രധാന പങ്കാളിയാണെന്നും ലേഖനത്തിൽ പറയുന്നു. എന്നാൽ, യുഎസ് നീതിന്യായ വകുപ്പിൻ്റെ ഈ നടപടി ഈ സാമ്പത്തിക പങ്കാളിത്തത്തെയും വിശ്വാസത്തെയും…