Category: AMERICA

ഈ അടുത്ത കാലത്തു് ഇന്ത്യക്ക് അഭിമാനകരമായ ഒരു നേട്ടമുണ്ടായത് ലോകത്തെ വൻശക്തിയായ ബ്രിട്ടനെ ആറാം സ്ഥാനത്തേക്ക് മാറ്റി ലോകത്തെ അഞ്ചാമത്തെ സാമ്പത്തിക ശക്തിയായി ഇന്ത്യ ഉയർന്നതാണ്. ഐ.എം.എഫ് സ്ഥിതി വിവരണക്കണക്കുകളുടെ അടിസ്ഥാനത്തിൽ ബ്ലൂംബർഗ് പുറത്തുവിട്ടതാണിത്. അമേരിക്ക, ചൈന, ജപ്പാൻ, ജർമ്മനിയാണ് ഇന്ത്യയുടെ മുന്നിലുള്ള രാജ്യങ്ങൾ. ധാരാളം അഭിനന്ദനങ്ങൾ വാരിക്കോരി കൊടുക്കുമ്പോൾ, ഇന്ത്യയുടെ ചുവരെഴുത്തുകൾ വായിക്കുമ്പോൾ അഭിമാനത്തിന്റെ അരുണിമയിൽ മുങ്ങിയവർ പട്ടിണിയിൽ വെയിലേറ്റ് വാടിയ വിശന്നുവലഞ്ഞ ഈറനണിഞ്ഞ മിഴികളോടെ വിശപ്പിൽ മരിച്ചുവീണു കൊണ്ടിരിക്കുന്ന ഇന്ത്യയിലെ പട്ടിണി പാവങ്ങളെ ഒരു നിമിഷം ഓർക്കണം. വന്യമൃഗത്തിന്റെ മുന്നിൽ ഭയന്നു വിറച്ച പാവപ്പെട്ട മാൻപേടയുടെ ദീനരോദനം പോലെ പാവങ്ങളുടെ ദുഃഖ ദുരിതം, പട്ടിണി, വിശപ്പ് ആരുമറിയു ന്നില്ല. ഇന്ത്യയിലെ സമ്പന്നരും അധികാരികളും മനോഹരങ്ങളായ മട്ടുപ്പാവുകളിൽ സമ്പൽ സമൃദ്ധിയുടെ അഹങ്കാരത്തിൽ സുഖലോലുപരായി രാജ്യത്തിന്റെ ധനസമ്പത്ത് സ്വന്തമാക്കി ആനന്ദാശ്രു നിറഞ്ഞ കണ്ണുകളോടെ സുഖനിദ്ര കൊള്ളുമ്പോൾ ഒരു…

ഹൂസ്റ്റണ്‍: ആഗോളതലത്തില്‍ മെഡിക്കല്‍ ക്യാപിറ്റല്‍ എന്ന ബഹുമതി ഹൂസ്റ്റനു ലഭിക്കുമോ. അടുത്ത ആഴ്ച പ്രഖ്യാപിക്കുന്ന 2022 ലെ നോബല്‍ പീസ് പ്രൈസിന് ടെക്‌സസ് ചില്‍ഡ്രന്‍സ് ഹോസ്പിറ്റല്‍ ആന്റ് ബെയ്‌ലല്‍ കോളേജ് ഓഫ് മെഡിസിന്‍ ഡോക്ടര്‍മാരായ ഡോ. പീറ്റര്‍ ഹോട്ട്‌സ്, ഡോ. മറിയ ഇലാന ബോട്ടസ്സി എന്നിവര്‍ അര്‍ഹരാകുമോ എന്ന് ആകാംഷയോടെ കാത്തിരിക്കുകയാണ് ഹൂസ്റ്റണ്‍ നിവാസികള്‍. ഇവര്‍ ഇതിനകം തന്നെ അന്തര്‍ദേശീയ ശ്രദ്ധ പിടിച്ചുപറ്റി കഴിഞ്ഞു. ഇവര്‍ വികസിപ്പിച്ചെടുത്ത പുതിയ കോവിഡ് 19 വാക്‌സിന് ഇന്തോനീഷ്യയില്‍ അടിയന്തിര അംഗീകാരം ലഭിച്ചു.ഇന്തോനീഷ്യ ഫാര്‍മസ്യുട്ടിക്കല്‍ കമ്പനിയായ ബയോഫാര്‍മ ഇന്തോ വാക്‌സീനു വേണ്ടി പ്രോട്ടോ ടൈപ്പ് വികസിപ്പിച്ചെടുത്തത് ഈ രണ്ടു ഡോക്ടര്‍മാരുടെ അശ്രാന്ത പരിശ്രമത്തിന്റെ പരിണിത ഫലമായിരുന്നു. ഇരുപതു മില്യണ്‍ ഡോസ് വാക്‌സിന്‍ ഉണ്ടാകാനാണ് ബയോഫാര്‍മ കമ്പനി ലക്ഷ്യമിട്ടിരിക്കുന്നത്. ഇസ്ലാമിക് നിയമങ്ങള്‍ക്കു വിധേയമായി ഈ വാക്‌സീനു അംഗീകാരം ലഭിക്കുന്നതിനുള്ള അവസാന ശ്രമങ്ങളാണു രണ്ടു…

ലോസ്‌ആഞ്ചലസ്: ലോസ്‌ആഞ്ചലസ് പോലീസ് ക്യാപ്റ്റൻ ലില്ലിയൻ കാരൻസായുടെ (35) വ്യാജ നഗ്നചിത്രം പ്രചരിപ്പിച്ച കുറ്റത്തിന് ലോസ്‌ആഞ്ചലസ് പോലീസ് ഡിപ്പാർട്ട്മെന്റിനോട് 4 മില്യൺ ഡോളർ നഷ്ടപരിഹാരം നൽകണമെന്നു കൗണ്ടി സുപ്പീരിയർ കോടതി ജൂറി വിധിച്ചു. വനിതാ പോലീസ് ക്യാപ്റ്റന്റെ ചിത്രത്തിനു സാമ്യമുള്ള ചിത്രമാണ് പോലീസ് ഡിപ്പാർട്ട്മെന്റിൽ പ്രദർശിപ്പിച്ചത്. മാറു മറയ്ക്കാത്ത ചിത്രം പ്രദർശിപ്പിച്ചതിനെതിരെ ഇവർ ഡിപ്പാർട്ട്മെന്റിനെതിരെ ലൈംഗിക അപവാദത്തിന് കേസ് ഫയൽ ചെയ്തിരുന്നു. സിറ്റിയെയാണ് ഇതിൽ പ്രതി ചേർത്തിരുന്നത്. 2018ൽ നടന്ന സംഭവത്തിൽ സിറ്റി ഖേദം പ്രകടിപ്പിക്കുകയും വനിതാ ക്യാപ്റ്റനുമായി ധാരണയിലെത്തുകയും ചെയ്തതിനെ തുടർന്നാണ് നാലു മില്യൺ ഡോളർ ശിക്ഷ വിധിച്ചത്. ഫോട്ടോ വ്യാജമാണെന്ന് ലില്ലിയൻ ഡിപ്പാർട്ട്മെന്റിനെ അറിയിച്ചുവെങ്കിലും സ്റ്റേറ്റ് ലൊ അനുസരിച്ചു ഈ ചിത്രം നീക്കം ചെയ്യുന്നതിന് സിറ്റി അടിയന്തിര നടപടികൾ സ്വീകരിച്ചില്ലെന്നും ജൂറി കണ്ടെത്തി. തങ്ങളുടെ അവകാശങ്ങൾക്കു പൊരുതുക എന്ന സന്ദേശം സമൂഹത്തിനു നൽകാൻ കഴിഞ്ഞു…

ബാൾട്ടിക് കടലിനു കീഴിലുള്ള നോർഡ് സ്ട്രീം പ്രകൃതിവാതക പൈപ്പ്ലൈൻ സംവിധാനം പൊട്ടിപ്പോകാൻ സാധ്യതയുണ്ടെന്നും, പരിസ്ഥിതിയില്‍ നാശമുണ്ടാക്കുന്ന ഏറ്റവും വലിയ മീഥേൻ ചോര്‍ച്ചയ്ക്ക് കാരണമാകുമെന്നും ഐക്യരാഷ്ട്രസഭയുടെ പരിസ്ഥിതി പ്രോഗ്രാം വെള്ളിയാഴ്ച റിപ്പോർട്ട് ചെയ്തു. UNEP യുടെ ഇന്റർനാഷണൽ മീഥെയ്ൻ എമിഷൻസ് ഒബ്സർവേറ്ററി അഥവാ IMEO യിലെ ഗവേഷകർ ഈ ആഴ്ച്ച പറഞ്ഞത്, വളരെ ശക്തിയേറിയതും എന്നാൽ കാർബൺ ഡൈഓക്സൈഡിനേക്കാൾ കുറഞ്ഞ ആയുസ്സുള്ളതുമായ ഒരു ഹരിതഗൃഹ വാതകമായ ഉയർന്ന സാന്ദ്രതയുള്ള മീഥേന്റെ ഒരു വലിയ കൂമ്പാരം തങ്ങൾ കണ്ടെത്തിയെന്നാണ്. “ഇത് വളരെ മോശമാണ്, ഒരുപക്ഷേ എക്കാലത്തെയും വലിയ എമിഷൻ ഇവന്റ്. നമ്മൾ എപ്പോൾ എമിഷൻ കുറയ്ക്കണം എന്നത് സഹായകരമല്ല,” UNEP-യുടെ IMEO യുടെ ആക്ടിംഗ് ഹെഡ് മാൻഫ്രെഡി കാൽടാഗിറോൺ പറഞ്ഞു. ഗാസ്‌പ്രോമിന്റെ നേതൃത്വത്തിലുള്ള പൈപ്പ്‌ലൈൻ സിസ്റ്റത്തിൽ നിന്നുള്ള മീഥെയ്ന്‍ ചോർച്ചയുടെ അളവ് ഇമേജറി ഉപയോഗിച്ച് ഗവേഷകർ ഇതുവരെ നിർണ്ണയിച്ചിട്ടില്ല. എന്നാൽ,…

ഫോര്‍ട്ട് മയേഴ്‌സ്(ഫ്‌ളോറിഡ): ഫ്‌ളോറിഡാ ഫോര്‍ട്ട് മയേഴ്‌സില്‍ ഇയാന്‍ ചുഴലിയുടെ ഭീകരത അനുഭവിക്കേണ്ടി വന്ന നിസ്സഹായരെ മോഷണത്തിലൂടെ ചൂഷണം ചെയ്യാന്‍ ശ്രമിച്ച സ്ഥലവാസികളായ യുവാക്കളെ ബീച്ച് പോലീസ് അറസ്റ്റു ചെയ്തു. ഫോര്‍ട്ട് മേയേഴ്‌സ് ബീച്ച് കവര്‍ച്ച ചെയ്യാന്‍ എത്തിയവരായിരുന്ന യുവാക്കളെന്നും അവരെ കയ്യാമം വെച്ചു ബീച്ചിനു സമീപം ഇരുത്തിയിരിക്കുന്നതായി സെപ്റ്റംബര്‍ 30 വ്യാഴാഴ്ച പോലീസ് പുറത്തു വിട്ട പ്രസ്താവനയില്‍ പറയുന്നു. തകര്‍ത്തടിഞ്ഞ കെട്ടിട കൂബാരങ്ങളില്‍ നിന്നും മോഷണം നടത്തുവാന്‍ ശ്രമിക്കുന്നവര്‍ക്കെതിരെ കര്‍ശന നിയമ നടപടികള്‍ സ്വീകരിക്കുമെന്നും, ജയില്‍ ശിക്ഷ വരെ ലഭിക്കാവുന്ന വകുപ്പുകള്‍ ചേര്‍ത്തു കേസ്സെടുക്കുമെന്നും പോലീസ് മുന്നറിയിപ്പു നല്‍കിയിട്ടുണ്ട്. പരിസര പ്രദേശത്തുള്ള ഗ്യാസ് സ്റ്റേഷനില്‍ മോഷണം നടത്താന്‍ ശ്രമിച്ചവരെ കയ്യോടെ പിടികൂടി അറസ്റ്റു രേഖപ്പെടുത്തിയതായും പോലീസ് അറിയിച്ചു. ചുഴലിയുടെ ദുരന്തം അനുഭവിക്കുന്നവരെ സംരക്ഷിക്കുന്നതിനും, ആശ്വാസം പകരുന്നതിനും 85,000 എമര്‍ജന്‍സി ജീവനക്കാരെയാണ് ഫ്‌ളോറിഡായില്‍ വിന്യസിച്ചിട്ടുള്ളത്. ചുഴലിക്കു മുമ്പു ഒഴിഞ്ഞുപോകണമെന്ന…

ന്യൂജേഴ്‌സി: ഫിലഡൽഫിയ സെൻറ് ജോൺ ന്യൂമാൻ ക്നാനായ മിഷൻ സ്വർഗ്ഗീയ മധ്യസ്ഥനായ വി. ജോൺ ന്യൂമാന്റെയും കൊന്ത പത്ത് ആചരണവും ഒക്ടോബർ 8, 9 തിയതികളിൽ ഭക്ത്യാദരപൂർവ്വം നടത്തപ്പെടും. 8 ശനിയാഴ്ച വൈകീട്ട് 5:00 മണിക്ക് വി. കുർബ്ബാനയും മെഴുകുതിരി പ്രദക്ഷിണവും മിഷൻ കാർണിവലും നടത്തപ്പെടും. തിരുനാൾ ദിവസമായ ഞായർ വൈകുന്നേരം 4.30 ന് വി. കുർബ്ബാനയും ആഘോഷമായ പ്രദക്ഷിണവും, നേർച്ചയും സ്നേഹവിരുന്നും ക്രമീകരിച്ചിട്ടുണ്ട്. ഈ തിരുനാൾ ഏറ്റെടുത്ത് നടത്തുന്നത് ജോസഫ്, ആദ്മ ഇല്ലിക്കൽ, ഡോൺ, ആൻ വയലിൽ, റ്റോം, റിനി മങ്ങാട്ടുതുണ്ടത്തിൽ കുടുംബാംഗങ്ങൾ ആണ്. വിവിധ കമ്മിറ്റികളുടെ നേതൃത്വത്തിൽ ഒരുക്കങ്ങൾ പുരോഗമിക്കുന്നു.

വാഷിംഗ്ടണ്‍: കാലാവസ്ഥാ വ്യതിയാനം, ആരോഗ്യ സംരക്ഷണം തുടങ്ങിയ നിർണായക വിഷയങ്ങളിൽ ചൈന യുഎസുമായുള്ള സഹകരണം പുനഃസ്ഥാപിക്കണമെന്ന് ബെയ്ജിംഗിലെ യുഎസ് അംബാസഡർ നിക്കോളാസ് ബേൺസ് ആവശ്യപ്പെട്ടു. “നമുക്ക് സംസാരിക്കാം, തുറന്ന ചര്‍ച്ചകളുമായി മുന്നോട്ട് പോകാം എന്നതാണ് ചൈനക്കാരോടുള്ള ഞങ്ങളുടെ സന്ദേശം,” സിംഗപ്പൂരിൽ വ്യാഴാഴ്ച നടന്ന മിൽക്കൺ ഇൻസ്റ്റിറ്റ്യൂട്ട് ഏഷ്യ ഉച്ചകോടിയിൽ ബേൺസ് സദസ്സിനോട് പറഞ്ഞതായി ബ്ലൂംബെർഗ് റിപ്പോര്‍ട്ട് ചെയ്തു. ഹൗസ് സ്പീക്കർ നാൻസി പെലോസിയുടെ ചൈനീസ് തായ്പേയ് സന്ദർശനത്തെത്തുടർന്ന് ഓഗസ്റ്റ് ആദ്യം നിർണായക വിഷയങ്ങളിൽ വാഷിംഗ്ടണുമായുള്ള സഹകരണം ബീജിംഗ് വിച്ഛേദിച്ചിരുന്നു. 1990-കൾക്ക് ശേഷം, ചൈനയുടെ ശക്തമായ മുന്നറിയിപ്പുകൾ അവഗണിച്ച്, ലോകത്തിലെ രണ്ട് വൻശക്തികൾ തമ്മിലുള്ള സംഘർഷങ്ങൾക്കിടയിലും, യുഎസ് പ്രതിനിധി സഭയിലെ സ്പീക്കർ തായ്പേയ് സന്ദർശിക്കുന്ന ഏറ്റവും ഉയർന്ന റാങ്കുള്ള അമേരിക്കൻ ഉദ്യോഗസ്ഥയായി. സ്വയംഭരണ പ്രദേശത്ത് നിന്ന്, പെലോസി ബെയ്ജിംഗിനെയും അതിന്റെ നേതൃത്വത്തെയും വിമർശിച്ചു. അതേസമയം, ദ്വീപിനെ പ്രതിരോധിക്കാനുള്ള യുഎസ്…

ഓസ്റ്റിൻ: ടെക്സസ് ഗവർണർ സ്ഥാനത്തേക്ക് മൂന്നാം തവണയും മത്സരിക്കുന്ന ഗവർണർ ഗ്രോഗ് ഏബട്ടും ഡമോക്രാറ്റിക് പാർട്ടിയുടെ യുവനേതാവും തീപ്പൊരി പ്രാസംഗികനുമായ ബെറ്റൊ ഒ റൂർക്കെയും തമ്മിലുള്ള ആദ്യ തിരഞ്ഞെടുപ്പ് സംവാദം ഇന്ന് (വെള്ളി). എഡിൻബർഗ് റിയൊ ഗ്രാന്റ് വാലിയിലുള്ള ടെക്സസ് യൂണിവേഴ്സിറ്റിയിലാണ് ഇരുവരുടേയും സംവാദം. വെള്ളിയാഴ്ച രാത്രി ഏഴു മുതൽ എട്ടു വരെ നടക്കുന്ന തിരഞ്ഞെടുപ്പു സംവാദത്തിന്റെ തൽസമയ പ്രക്ഷേപണം ടെക്സസ് കൗണ്ടികളിലെല്ലാം ടെലിവിഷനിലൂടേയും റേഡിയോയിലൂടേയും ശ്രവിക്കാം. ദേശീയ പ്രാധാന്യമുള്ള ഈ തിരഞ്ഞെടുപ്പിൽ റിപ്പബ്ലിക്കൻ സംസ്ഥാനമായി അറിയപ്പെടുന്ന ടെക്സസിൽ ഈയിടെ നടത്തിയ സർവേകൾ ഗ്രോഗ് ഏബട്ടിന്റെ ലീഡ് വർധിച്ചുവരുന്നതായാണ് ചൂണ്ടികാണിക്കുന്നത്. ഏറ്റവും ഒടുവിൽ നടത്തിയ സർവേ 50–43 ലീഡാണ് ഗ്രോഗിനു നൽകിയിരിക്കുന്നത്. നവംബർ തിരഞ്ഞെടുപ്പിൽ ഇമ്മിഗ്രേഷൻ, ഗൺവയലൻസ്, ഗർഭചിദ്രാവകാശം എന്നിവ ഗൗരവമായി ചർച്ച ചെയ്യപ്പെടും. ടെക്സസ് ഗവർണർ തിരഞ്ഞെടുപ്പ് സംവാദത്തിലും ഈ വിഷയങ്ങൾ തന്നെയായിരിക്കും ചർച്ച ചെയ്യപ്പെടുകയെന്നാ…

വാഷിംഗ്ടണ്‍: ഇയാൻ ചുഴലിക്കാറ്റ് ഫ്ലോറിഡയിലെ എക്കാലത്തെയും “മാരകമായ” കൊടുങ്കാറ്റായി മാറിയേക്കുമെന്ന് യുഎസ് പ്രസിഡന്റ് ജോ ബൈഡൻ വ്യാഴാഴ്ച മുന്നറിയിപ്പ് നൽകി. സംസ്ഥാനത്തുടനീളം “ഗണ്യമായ” മരണങ്ങൾ ഉണ്ടായേക്കാമെന്ന ഭയവും അദ്ദേഹം പങ്കുവെച്ചു. “ഫ്ലോറിഡയുടെ ചരിത്രത്തിലെ ഏറ്റവും മാരകമായ ചുഴലിക്കാറ്റായിരിക്കും ഇത്”, വാഷിംഗ്ടണിലെ ഫെമ എമർജൻസി മാനേജ്‌മെന്റ് ഹെഡ്ക്വാർട്ടേഴ്‌സിൽ നടന്ന ഒരു ബ്രീഫിംഗിന് ശേഷം അദ്ദേഹം പറഞ്ഞു. “സംഖ്യകൾ… ഇപ്പോഴും വ്യക്തമല്ല, പക്ഷേ കാര്യമായ ജീവഹാനിയെക്കുറിച്ചുള്ള റിപ്പോർട്ടുകൾ ഞങ്ങൾ കേൾക്കുന്നു,” അദ്ദേഹം പറഞ്ഞു. സാഹചര്യങ്ങള്‍ വിലയിരുത്തിയതിനു ശേഷം താന്‍ ഫ്ലോറിഡയിലേക്ക് പോകുമെന്നും അദ്ദേഹം കൂട്ടിച്ചേര്‍ത്തു. നേരത്തെ ഫിയോണ ചുഴലിക്കാറ്റിൽ നിന്ന് കരകയറുന്ന യുഎസ് കരീബിയൻ ദ്വീപായ പ്യൂർട്ടോ റിക്കോ സന്ദർശിക്കുന്നതും പരിഗണനയിലുണ്ടെന്ന് അദ്ദേഹം മാധ്യമ പ്രവർത്തകരോട് പറഞ്ഞു. ഫ്ലോറിഡയുടെ അടിയന്തര സേവനങ്ങളെ ബൈഡൻ പ്രശംസിച്ചു. കാറ്റും വെള്ളപ്പൊക്കവും നശിപ്പിച്ച മേഖലകളിൽ അത്യാഹിത വിഭാഗവും രക്ഷാപ്രവര്‍ത്തകരും അഭിമുഖീകരിക്കുന്ന ദൗത്യത്തിന്റെ വലിയ തോതിനെക്കുറിച്ചും…