Category: AMERICA

വാഷിംഗ്ടണ്‍: ചൈനയുടെ വർദ്ധിച്ചുവരുന്ന പ്രകോപനങ്ങള്‍ക്ക് മറുപടിയായി, സൈനിക സഹകരണം വർദ്ധിപ്പിക്കാൻ അമേരിക്ക, ഓസ്‌ട്രേലിയ, ജപ്പാൻ എന്നിവയുടെ പ്രതിരോധ മന്ത്രിമാർ ശനിയാഴ്ച തീരുമാനിച്ചു. യുഎസ് ജനപ്രതിനിധി സഭാ സ്പീക്കർ നാൻസി പെലോസി ഓഗസ്റ്റിൽ തായ്‌വാൻ സന്ദർശിച്ചതിനുശേഷം ഹവായിയിലെ മന്ത്രിമാരുടെ ചർച്ചകൾ തായ്‌വാൻ കടലിടുക്കിൽ ചൈന നടത്തിയ ബാലിസ്റ്റിക് മിസൈൽ വിക്ഷേപണത്തെ “ശക്തമായി അപലപിച്ചു”. “സ്വതന്ത്രവും തുറന്നതുമായ ഇന്തോ-പസഫിക് യാഥാർത്ഥ്യമാക്കുന്നതിന് പിന്തുണയ്‌ക്കുന്നതിന് ഞങ്ങൾ ത്രികക്ഷി സഹകരണം ശക്തിപ്പെടുത്തുന്നത് തുടരും,” ജാപ്പനീസ് പ്രതിരോധ മന്ത്രി യസുകസു ഹമാദ മാധ്യമ പ്രവർത്തകരോട് പറഞ്ഞു. പസഫിക്കിനുള്ള യുഎസ് സൈനിക ആസ്ഥാനത്തേക്ക് ഓസ്‌ട്രേലിയയിൽ നിന്നും ജപ്പാനിൽ നിന്നുമുള്ള പ്രതിനിധികളെ സ്വാഗതം ചെയ്തുകൊണ്ട് യുഎസ് പ്രതിരോധ സെക്രട്ടറി ലോയ്ഡ് ഓസ്റ്റിൻ പറഞ്ഞു, “തായ്‌വാൻ കടലിടുക്കിലും മേഖലയിലെ മറ്റിടങ്ങളിലും ചൈനയുടെ വർദ്ധിച്ചുവരുന്ന ആക്രമണാത്മകവും ഭീഷണിപ്പെടുത്തുന്നതുമായ പെരുമാറ്റത്തിൽ ഞങ്ങൾ വളരെയധികം ആശങ്കാകുലരാണ്. ലോകത്തിന്റെ നിയമങ്ങളെ അടിസ്ഥാനമാക്കിയുള്ള ക്രമം നിലനിർത്തുക എന്നതാണ്…

ചിക്കാഗോ: ഒക്ടോബർ ഒന്നാം തീയതി സ്ഥാനരോഹണം ചെയ്ത മാർ ജോയി ആലപ്പാട്ടിനെ നേരിൽ കണ്ട് അനുമോദിക്കുന്നതിനായി ചിക്കാഗോ ആർച്ച്ഡയസിസിലെ (ലത്തീൻ) ബിഷപ്പ് കർദിനാൾ ബ്ലെയ്സ് സൂപ്പിച്ച് ബെൽവുഡിലുള്ള മാർ തോമാ ശ്ലീഹാ കത്തീഡ്രലിൽ രാവിലെ 7.30 ന് എത്തിച്ചേർന്നു. കർദ്ദിനാൾ സൂപ്പിച്ചിനെ മേജർ ആർച്ച് ബിഷപ്പ് കർദ്ദിനാൾ ജോർജ് ആലഞ്ചേരി, നിയുക്ത മെത്രാൻ മാർ ജോയി ആലപ്പാട്ട്, മാർ ജേക്കബ് അങ്ങാടിയത്ത്, ഇംഗ്ലണ്ടിലെ മെത്രാനായ മാർ ജോസഫ് സ്രാമ്പിക്കൽ, അതിരൂപതാ ചാൻസലർ വിൻസെൻറ് ചെറുവത്തൂർ, വികാരി ജനറൽ ഫാ. തോമസ് കടുകപ്പിള്ളി, രൂപതാ ചാൻസലർ ഡോ. ജോർജ് ദാനവേലി, രുപതാ പ്രെക്രുറേറ്റർ ഫാ. കുര്യൻ നെടുവേലിച്ചാലുങ്കൽ, പാലാ രുപതാ ചാൽസലർ ഫാ. സെബാസ്റ്റ്യൻ വേന്താനത്ത് മറ്റു വൈദികർ, സന്യാസിനിമാർ, കൈക്കരന്മാർ എന്നിവർ ചേർന്ന് സ്വീകരിച്ചു. പാരിഷ് ഹാളിൽ നിന്ന് ദേവലായത്തിലേക്ക് പ്രദക്ഷിണമായി നീങ്ങിയ വിശിഷ്ഠ വ്യക്തികളെ മലയാളത്തനിമയോടെ…

വാഷിംഗ്ടണ്‍: ആക്രമണമുണ്ടായാൽ റഷ്യ ഉക്രെയ്നിൽ ആണവായുധങ്ങൾ ഉപയോഗിക്കില്ലെന്ന് യുഎസ് പ്രതിരോധ സെക്രട്ടറി ലോയ്ഡ് ഓസ്റ്റിൻ തറപ്പിച്ചുപറഞ്ഞു. അത്തരം നീക്കങ്ങൾ സൂചിപ്പിക്കുന്ന തെളിവുകളൊന്നും വാഷിംഗ്ടൺ കാണുന്നില്ലെന്നും അദ്ദേഹം ചൂണ്ടിക്കാട്ടി. “റഷ്യൻ പ്രസിഡന്റ് വ്‌ളാഡിമിർ പുടിൻ അത്തരമൊരു തീരുമാനം എടുത്തിട്ടുണ്ടെന്ന് വിശ്വസിക്കാൻ എന്നെ പ്രേരിപ്പിക്കുന്ന ഒന്നും ഞാൻ ഇപ്പോൾ കാണുന്നില്ല,” ഓസ്റ്റിൻ ശനിയാഴ്ച സിഎൻഎൻ-ന്റെ ഫരീദ് സക്കറിയയ്ക്ക് നൽകിയ അഭിമുഖത്തിൽ പറഞ്ഞു. ഈ ആശങ്കകൾ വാഷിംഗ്ടൺ മുമ്പ് മോസ്കോയെ ഉന്നതതല ചാനലുകൾ വഴി അറിയിച്ചിരുന്നതായി പെന്റഗൺ മേധാവി പറഞ്ഞു. റഷ്യൻ പ്രതിരോധ മന്ത്രി സെർജി ഷോയ്ഗുമായി അതേക്കുറിച്ച് അടുത്തിടെ എന്തെങ്കിലും സംസാരിച്ചിരുന്നോ എന്ന ചോദ്യത്തിന് ഓസ്റ്റിൻ നിഷേധാത്മകമായി പ്രതികരിച്ചു. പുടിൻ ഉക്രെയ്നിനെ ആക്രമിക്കാനുള്ള നിരുത്തരവാദപരമായ തീരുമാനം എടുത്തതുപോലെ അവിടെ ആണവായുധങ്ങൾ ഉപയോഗിക്കാൻ അദ്ദേഹം മറ്റൊരു കാരണം കണ്ടുപിടിച്ചേക്കാമെന്നും ഓസ്റ്റിന്‍ സൂചന നല്‍കി. കിഴക്കൻ ഉക്രേനിയൻ പ്രദേശങ്ങളായ ഡോൺബാസ്, കെർസൺ, സപോറോഷെ…

വാഷിംഗ്ടണ്‍: അമേരിക്കയുടെ അഫ്ഗാനിസ്ഥാൻ അധിനിവേശം ഒരു പിശകായിരുന്നു എന്ന് അമേരിക്കൻ എഴുത്തുകാരനും അക്കാദമിക്, രാഷ്ട്രീയ നിരീക്ഷകനുമായ നോം ചോംസ്‌കി പറഞ്ഞു. അമേരിക്കൻ സാമ്രാജ്യത്വത്തെക്കുറിച്ചും ഉപരോധങ്ങളെക്കുറിച്ചും അഫ്ഗാനിസ്ഥാൻ അധിനിവേശത്തെക്കുറിച്ചും അടുത്തിടെ നടത്തിയ ഒരു അഭിമുഖത്തിലാണ് ചോംസ്‌കി ഈ പരാമര്‍ശം നടത്തിയത്. “ഒരു രാജ്യത്തിന്റെ വിഭവങ്ങളുടെ പ്രാഥമിക ഗുണഭോക്താക്കൾ” രാജ്യത്തെ ജനങ്ങളാണെന്നും എന്നാൽ, അമേരിക്ക ആ തത്വം ലംഘിക്കുകയായിരുന്നു എന്നും പ്രശസ്ത യുഎസ് രാഷ്ട്രീയ നിരീക്ഷകന്‍ പറഞ്ഞു. “യുഎസ് നയം യുഎസ് ആവശ്യങ്ങൾക്കായി നന്നായി രൂപകൽപ്പന ചെയ്തതാണോ എന്ന് ഇപ്പോൾ നിങ്ങൾക്ക് ചോദിക്കാം. എന്നാൽ ഉദ്ദേശ്യങ്ങൾ മറഞ്ഞിരിക്കുന്നില്ല, അവ എല്ലായ്പ്പോഴും ഉണ്ടായിരുന്നതുപോലെ തന്നെ. സിയ സ്വേച്ഛാധിപത്യത്തെയും മറ്റ് സ്വേച്ഛാധിപത്യത്തെയും അവർ പിന്തുണച്ചപ്പോഴും അങ്ങനെ തന്നെ,” അദ്ദേഹം പറഞ്ഞു. ഈ വർഷം ഏപ്രിലിൽ ഭരണമാറ്റ പ്രക്രിയയില്‍ ബൈഡന്‍ ഭരണകൂടം അട്ടിമറിച്ച പാക്കിസ്താന്‍ മുൻ പ്രധാനമന്ത്രിയെ പരാമർശിച്ച് അദ്ദേഹം പറഞ്ഞു, “ഇമ്രാൻ ഖാൻ…

മയാമി: അന്തരിച്ച സിപിഎം പൊളിറ്റ് ബ്യൂറോ അംഗവും സംസ്ഥാന സെക്രട്ടറിയുമായിരുന്ന കോടിയേരി ബാലകൃഷ്ണന് (69) ഇന്ത്യാ പ്രസ് ക്ലബ് ഓഫ് നോർത്ത് അമേരിക്ക ആദരാഞ്ജലികളർപ്പിച്ചു. കേരള രാഷ്ട്രീയത്തിൽ ദീർഘകാലം നിറഞ്ഞു നിന്ന അതികായനായിരുന്ന അദ്ദേഹം പ്രസ് ക്ലബിന്റെ ഉറ്റ സുഹൃത്തുമായിരുന്നു. സി.പി.എം. മന്ത്രിമാരോ , എം.എൽ.എ മാരോ പ്രസ് ക്ലബ് സമ്മേളനത്തിൽ പങ്കെടുക്കാൻ അനുമതി തേടുമ്പോൾ ഉടനടി അത് അനുവദിക്കുന്ന വിശാല മനസ്കനായിരുന്നു അദ്ദേഹം. ആഭ്യന്തര-ടുറിസം മന്ത്രിയായിരിക്കെ അമേരിക്ക സന്ദർശിച്ചപ്പോൾ ഇന്ത്യ പ്രസ് ക്ലബ് അദ്ദേഹത്തെ ആദരിച്ചിരുന്നു. സംസ്ഥാനത്തിന്റെ നായകനാകുമെന്ന് കരുതിയിരുന്ന അദ്ദേഹത്തെ കാൻസർ രോഗം കീഴ്പ്പെടുത്തിയെങ്കിലും പ്രവർത്തനങ്ങളിലും ജനകീയ ബന്ധങ്ങളിലും ഒരു കുറവും വരുത്താൻ അദ്ദേഹം തയ്യാറായിരുന്നില്ല. ശക്തമായ നിലപാടുകളും അവക്ക് വേണ്ടിയുള്ള വിട്ടുവീഴ്ച്ചയില്ലാത്ത പ്രവർത്തനങ്ങളുമാണ് അദ്ദേഹത്തെ കേരള രാഷ്ട്രീയത്തിൽ വ്യത്യസ്തനായ നേതാവാക്കിയയത്. അദ്ദേഹത്തിന്റെ വേർപാടിൽ പ്രസ് ക്ലബിന്റെ അഗാധമായ ദുഃഖം അറിയിക്കുന്നതായി പ്രസിഡന്റ് സുനിൽ…

വാഷിംഗ്ടണ്‍: അമേരിക്കയില്‍ എല്ലാ പ്രായക്കാർക്കിടയിലും ആത്മഹത്യ ഒരു ഗുരുതരമായ പൊതുജനാരോഗ്യ പ്രശ്‌നമാണെന്നും, രണ്ട് വർഷത്തെ ഇടിവിന് ശേഷം 2021 ൽ 10 മുതൽ 34 വയസ്സ് വരെ പ്രായമുള്ള യുവാക്കൾക്കിടയിൽ ഇത് വർദ്ധിച്ചതായും ഒരു പുതിയ റിപ്പോർട്ടില്‍ പറയുന്നു. യുണൈറ്റഡ് സ്റ്റേറ്റ്‌സ് സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷന്റെ നാഷണൽ സെന്റർ ഫോർ ഹെൽത്ത് സ്റ്റാറ്റിസ്റ്റിക്‌സ് പുറത്തുവിട്ട പ്രൊവിഷണൽ ഡാറ്റയുടെ വിശകലനത്തെ അടിസ്ഥാനമാക്കിയുള്ള റിപ്പോർട്ടിൽ, ആത്മഹത്യയിൽ 4 ശതമാനം വർദ്ധനവ് കഴിഞ്ഞ രണ്ട് വർഷങ്ങളില്‍ ഉണ്ടായതായി പറയുന്നു. “യു എസിലെ ആത്മഹത്യയാണ്, പ്രത്യേകിച്ച് 10-34 വയസ് പ്രായമുള്ളവർക്കിടയിൽ, മരണത്തിന്റെ രണ്ടാമത്തെ പ്രധാന കാരണം” എന്ന് റിപ്പോർട്ടില്‍ പറയുന്നു. രണ്ട് വർഷത്തെ ഇടിവിന് ശേഷം 2021-ൽ യുഎസിലെ ആത്മഹത്യാ നിരക്ക് വീണ്ടും ഉയർന്നു. യുവാക്കള്‍ക്കിടയിലെ നിരന്തരമായ മാനസികാരോഗ്യ പ്രതിസന്ധിയാണ് ഇതിന് പ്രധാന കാരണമെന്ന് റിപ്പോര്‍ട്ട് ചൂണ്ടിക്കാട്ടുന്നു. 1999…

വാഷിംഗ്‌ടൺ: ലോകത്തിലാദ്യമായി വിദ്യുച്ഛക്തി ഉപയോഗിച്ചു മാത്രം പ്രവർത്തിക്കുന്ന ആദ്യ വിമാനം പറന്നുയർന്നത്‌ യു എസ്സിനു ചരിത്ര നേട്ടം സമ്മാനിച്ചു .ആലീസ് എന്നു നാമകരണം ചെയ്യപ്പെട്ട ആദ്യത്തെ സമ്പൂർണ ഇലക്‌ട്രിക് പാസഞ്ചർ വിമാനം വാഷിങ്ടണിൻ ഗ്രാന്റ് കൗണ്ടി ഇന്റർനാഷണൽ വിമാനത്താവത്തിൽ നിന്നും സെപ്റ്റ 29നു .രാവിലെ 7 മണിക്കാണ് ആകാശത്തേക്കു പറന്നുയർന്നത്‌. കമ്പനി ആദ്യമായി നിര്‍മിച്ച പ്രോട്ടോടൈപ്പ് മോഡല്‍ വിമാനം 3,500 അടി ഉയത്തിൽ എയർഫീൽഡിന് ചുറ്റും വട്ടം ചുറ്റിയ ശേഷമാണ് പരീക്ഷണ പറക്കൽ നടത്തിയത് . . ഒന്‍പത് യാത്രക്കാരെയും രണ്ട് പൈലറ്റിനേയും ഉള്‍ക്കൊള്ളിക്കാവുന്ന തരത്തിൽ നിർമ്മിച്ച വിമാനം എട്ടു മിനിറ്റ് ആകാശ പറക്കൽ നടത്തിയ ശേഷം സുരക്ഷിതമായി നിലത്തിറങ്ങി ..ആകാശ പറക്കലിൽ പുറം തള്ളുന്ന ഇന്ധന പൊല്യൂഷൻ ഒഴിവാക്കി സംശുദ്ധമായ അന്തരീക്ഷം ആകാശത്തിലും ശ്ര ഷ്ടിക്കുക എന്നതാണ് ഭാവിയിൽ ഇതുകൊണ്ടു ലക്ഷ്യമിടുന്നത്

“പണത്തിനു മീതെ പരുന്തും പറക്കുകില്ല” എന്ന പ്രകൃതി സത്യം എല്ലായിടത്തും വാണരുളുന്ന കാലഘട്ടത്തിലൂടെയാണ് നാം കടന്ന് പോകുന്നത്. പണമുണ്ടെങ്കിൽ എന്തും സാധ്യമാക്കാം എന്ന അവസ്ഥ. അധികാരവും പണവും ഉള്ളവന് അഹങ്കാരവും ഹുങ്കും വദ്ധിക്കുന്നു. തന്നിലും കവിഞ്ഞ്‌ ആരുമില്ല എന്ന ധാരണ മനസ്സിൽ ഉടലെടുക്കുന്നു. രാഷ്ട്രീയത്തിലായാലും മതത്തിലായാലും സംഘടനകളിൽ ആയാലും പണമുള്ളവന് സ്വാധീനവും അംഗീകാരവും അധികമായി ലഭിക്കുന്നു. പണമില്ലെങ്കിൽ വെറും പിണം എന്ന സ്ഥിതിയിലേക്ക് കാര്യങ്ങൾ നീങ്ങുന്നു. പണം സമ്പാദിക്കുവാനും ആഡംബര ജീവിതം നയിക്കുവാനുമായി ബന്ധങ്ങൾ പോലും നോക്കാതെ കൊലപാതകം നടത്താൻ വരെ മടിക്കാത്ത കാലം. സ്വത്തു തട്ടിയെടുക്കുന്നതിനായി മാതാപിതാക്കളെയും സഹോദരങ്ങളെയെയും വിഷം നൽകി കൊലപ്പെടുത്തിയ കൂടത്തായി ജോളിയെയും അടുത്ത കാലത്തു പണത്തിനായി സ്വന്തം അമ്മയെ എലിവിഷം കൊടുത്തു കൊലപ്പെടുത്തിയ ഇന്ദുലേഖയെയും മലയാളികൾക്കു മറക്കാനാവുമോ? ഇന്ത്യൻ ദേശീയ രാഷ്ട്രീയത്തിലായാലും സംസ്ഥാന രാഷ്ട്രീയത്തിലായാലും നേതാക്കളാകുന്നത് പണം സമ്പാദിക്കാൻ മാത്രമുള്ള ഒരു…

ഈ അടുത്ത കാലത്തു് ഇന്ത്യക്ക് അഭിമാനകരമായ ഒരു നേട്ടമുണ്ടായത് ലോകത്തെ വൻശക്തിയായ ബ്രിട്ടനെ ആറാം സ്ഥാനത്തേക്ക് മാറ്റി ലോകത്തെ അഞ്ചാമത്തെ സാമ്പത്തിക ശക്തിയായി ഇന്ത്യ ഉയർന്നതാണ്. ഐ.എം.എഫ് സ്ഥിതി വിവരണക്കണക്കുകളുടെ അടിസ്ഥാനത്തിൽ ബ്ലൂംബർഗ് പുറത്തുവിട്ടതാണിത്. അമേരിക്ക, ചൈന, ജപ്പാൻ, ജർമ്മനിയാണ് ഇന്ത്യയുടെ മുന്നിലുള്ള രാജ്യങ്ങൾ. ധാരാളം അഭിനന്ദനങ്ങൾ വാരിക്കോരി കൊടുക്കുമ്പോൾ, ഇന്ത്യയുടെ ചുവരെഴുത്തുകൾ വായിക്കുമ്പോൾ അഭിമാനത്തിന്റെ അരുണിമയിൽ മുങ്ങിയവർ പട്ടിണിയിൽ വെയിലേറ്റ് വാടിയ വിശന്നുവലഞ്ഞ ഈറനണിഞ്ഞ മിഴികളോടെ വിശപ്പിൽ മരിച്ചുവീണു കൊണ്ടിരിക്കുന്ന ഇന്ത്യയിലെ പട്ടിണി പാവങ്ങളെ ഒരു നിമിഷം ഓർക്കണം. വന്യമൃഗത്തിന്റെ മുന്നിൽ ഭയന്നു വിറച്ച പാവപ്പെട്ട മാൻപേടയുടെ ദീനരോദനം പോലെ പാവങ്ങളുടെ ദുഃഖ ദുരിതം, പട്ടിണി, വിശപ്പ് ആരുമറിയു ന്നില്ല. ഇന്ത്യയിലെ സമ്പന്നരും അധികാരികളും മനോഹരങ്ങളായ മട്ടുപ്പാവുകളിൽ സമ്പൽ സമൃദ്ധിയുടെ അഹങ്കാരത്തിൽ സുഖലോലുപരായി രാജ്യത്തിന്റെ ധനസമ്പത്ത് സ്വന്തമാക്കി ആനന്ദാശ്രു നിറഞ്ഞ കണ്ണുകളോടെ സുഖനിദ്ര കൊള്ളുമ്പോൾ ഒരു…