Category: AMERICA

ഡാളസ്: ഈസ്റ്റർ ഞായറാഴ്ച രാത്രി റോക്ക് വാൾ ലേക്ക് റേ ഹബാർഡിൽ ഉണ്ടായ ബോട്ടപകടത്തിൽ മരിച്ച സാബു ആൻറണിയുടെ പൊതുദർശനം മേയ് 2 തിങ്കളാഴ്ച രാവിലെ 10 മുതൽ 10:30 വരെ കോപ്പേൽ റോളിങ് ഓക്സ് സെമിട്രിയിൽ വെച്ച് നടക്കും. തുടര്‍ന്ന് സംസ്ക്കാരം. എറണാകുളം കലൂർ പരേതരായ കോട്ടയ്ക്കൽ ജോസഫ് ആൻറണിയുടെയും കല്യാണി അമ്മയുടെയും മകനാണ് ഡാളസ് നോർത്തു വെസ്റ്റ് ഹൈവേ അൾട്ട മെസ്സാ കോർട്ടിൽ താമസിച്ചിരുന്ന സാബു ആൻറണി. രണ്ടു മക്കളുടെ പിതാവുകൂടിയാണ് സാബു. സാബു ആന്റണിയെ കൂടാതെ അതേ ബോട്ടപകടത്തിൽ മരിച്ച ബിജു അബ്രഹാമിന്റെ സംസ്കാരം കഴിഞ്ഞ ശനിയാഴ്ച നടത്തിയിരുന്നു. ഗിരിജ പ്രദീപ്, ബേബി ശശി, ബീന വിജയൻ, ബാബു ആൻറണി, ഷീബ സാബു, ഷാജി ആൻറണി എന്നിവർ സഹോദരങ്ങളാണ്.

ന്യൂയോർക്ക്: ന്യൂയോർക്ക് മലയാളി അസോസിയേഷൻ, നൈമയുടെ ചരിത്രത്തിൽ സ്വർണ ലിപികളാൽ ആലേഖനം ചെയ്യപ്പെടേണ്ട ചടങ്ങുകളായിരുന്നു നടന്നത്. 2022 ഏപ്രിൽ 23 ശനിയാഴ്ച വൈകിട്ട് 6 മണിമുതൽ ന്യൂയോർക്കിലുള്ള ടൈസൺ സെന്ററിൽ നൈമയുടെ 2022- 2023 ലെ ഭാരവാഹികളുടെ സ്ഥാനാരോഹണ ചടങ്ങ് വൈവിദ്ധ്യങ്ങളാൽ സമ്പന്നമായിരുന്നു. ന്യൂയോർക്ക് സ്‌റ്റേറ്റ് ഏഷ്യൻ കമ്യൂണിറ്റി അഫേഴ്‌സ് ഡയറക്ടർ സിബു നായരായിരുന്നു അസോസിയേഷൻ ഭാരവാഹികളുടെ സ്ഥാനാരോഹണ ചടങ്ങുകൾ ഉദ്ഘാടനം ചെയ്തത്. ചടങ്ങിൽ അസോസിയേഷൻ പ്രസിഡന്റ് ലാജി തോമസ് അധ്യക്ഷത വഹിച്ചു. ഫോമാ പ്രസിഡന്റ് അനിയൻ ജോർജ്ജ്, ചടങ്ങിൽ മുഖ്യാതിഥിയായിരുന്നു. സെക്രട്ടറി സിബു ജേക്കബ്ബ് അതിഥികളെ സ്വാഗതവും ട്രഷറർ ജോർജ് കൊട്ടാരം നന്ദിയും അറിയിച്ചു. ചടങ്ങിൽ അമേരിക്കൻ ദേശീയ ഗാനം എമ്മാ കുര്യനും. അഞ്ചന മൂലയിൽ ഇന്ത്യൻ ദേശീയ ഗാനവും ആലപിച്ചു. സുജിത് മൂലയിൽ ആലപിച്ച പ്രാർത്ഥനാഗാനത്തോടെ ചടങ്ങിന് ഔദോഗികമായ തുടക്കമായി. സുനിൽ ട്രൈസ്റ്റാർ (…

ന്യൂയോര്‍ക്ക്: തിരുവല്ല വളഞ്ഞവട്ടം വെസ്റ്റ് സെന്റ് ജോര്‍ജ് ഓര്‍ത്തഡോക്‌സ് പള്ളി ശതാബ്ദിയുടെ നിറവില്‍ എത്തിയിരിക്കുകയാണ്. പത്തനംതിട്ട ജില്ലയില്‍ കടപ്ര വില്ലേജില്‍ പുളിക്കീഴ് ബ്ലോക്കിലെ വളഞ്ഞവട്ടത്ത് 1922-ല്‍ സ്ഥാപിതമായ ഈ ദേവാലയം 100 വര്‍ഷത്തെ സ്മരണകളുമായി ഒരു വര്‍ഷം നീളുന്ന ശതാബ്ദി ആഘോഷങ്ങള്‍ക്ക് തുടക്കം കുറിക്കുകയാണ്. വര്‍ഷങ്ങള്‍ക്കു മുമ്പ് ചെമ്പകശ്ശേരി രാജാവിന്റെ ക്ഷണപ്രകാരം അമ്പലപ്പുഴ താലൂക്കിലെ തലവടിയില്‍ താമസമുറപ്പിച്ച അവിരാ വൈദ്യന്റെ പിന്‍തലമുറക്കാരാണ് ഈ ദേവാലയത്തിന് രൂപം നല്‍കിയത്. വളഞ്ഞവട്ടം വല്യപറമ്പില്‍ താമസമുറപ്പിച്ച ഒരു പിതാവിന്റെ നാലു മക്കളില്‍ നിന്നു വളര്‍ന്നു വന്ന കുടുംബങ്ങള്‍ ആരാധനക്കായി ആദ്യം നിരണം സെന്റ് മേരീസ് പള്ളിയിലാണ് എത്തിയിരുന്നത്. പിന്നീട് സൗകര്യാര്‍ത്ഥം വളഞ്ഞവട്ടം സെന്റ് മേരീസ് പള്ളിയില്‍ അംഗങ്ങളാകുകയും അവിടെ നിന്ന് അല്പകാലം പുളിക്കീഴ്‌ സെന്റ് മേരീസ് പള്ളിയില്‍ ചേരുകയും ചെയ്തു. പിന്നീട് 1922-ല്‍ സൗകര്യാര്‍ത്ഥം കുടുംബാംഗങ്ങളൊരുമിച്ച് അവരുടെ സ്ഥലത്ത് ആറ് കരിങ്കല്‍ത്തൂണുകളില്‍…

ഫോമയുടെ ഫ്ലോറിഡയിലെ റ്റാമ്പായിൽ വെച്ച് നടക്കുന്ന ഇടക്കാല പൊതുയോഗ വേദിയിൽ മയൂഖം വേഷവിധാന മത്സര വിജയികളുടെ കിരീടധാരണം നടക്കും. ഫോമയുടെ വനിതാ വിഭാഗം ഫ്ലവർസ് ടിവിയുമായി ചേർന്ന് ഫോമായുടെ പന്ത്രണ്ടു മേഖലകളിലായി നടത്തിയ മത്സരത്തിൽ വിജയികളായവർക്ക് നേർക്ക് നേർ മത്സരിച്ചു അവസാന വട്ട മത്സരത്തിൽ പങ്കെടുത്ത് വിജയികളായവർക്കുള്ള കിരീടധാരണമാണ് ശനിയാഴ്ച വൈകിട്ട് നടക്കുക. മത്സരാര്ഥികളും, മറ്റു കലാകാരികളും പങ്കെടുക്കുന്ന വിവിധ കലാപരിപാടികളും ചടങ്ങിന്റെ ഭാഗമായി ഉണ്ടാകും. ആവേശത്തോടും, ആത്മവിശ്വാസത്തോടും, സ്ത്രീകളും പെൺകുട്ടികളും, സ്ത്രീ ശാക്തീകരണത്തിന്റെ പുതിയ പതാകയുമായി സാമൂഹ്യ-സാംസ്കാരിക ഇടങ്ങളിൽ അടയാളങ്ങൾ തീർക്കുന്ന ഇരുപത്തൊന്നാം നൂറ്റാണ്ടിൽ സ്ത്രീ സ്വാതന്ത്ര്യത്തിന്റെ പുതിയ സമവാക്യങ്ങൾക്ക് രൂപം നൽകി ഫോമാ വനിതാ വേദി സംഘടിപ്പിച്ച മയൂഖം ഏറെ ശ്രദ്ധേയമായ പരിപാടിയായിരുന്നു. മയൂഖം മത്സരങ്ങൾ ഫ്‌ളവേഴ്സ് ടീവിയിൽ തത്സമയം പ്രക്ഷേപണം ചെയ്തിരുന്നു. എന്റെ രാഷ്ട്രീയവും സ്വാത്രന്ത്ര്യവുമാണ് എന്റെ വസ്ത്രവും ശരീരവുമെന്ന് ഉൽഘോഷിക്കുന്ന പുത്തൻ…

സണ്ണിവെയ്ല്‍: ഡാലസ് കോളജ് ട്രസ്റ്റി ബോര്‍ഡിലേക്കു മത്സരിക്കുന്ന മലയാളിയും സാമൂഹ്യ സാംസ്‌ക്കാരിക പ്രവര്‍ത്തകനുമായ ഡോ. സോജി ജോണിനെ വിജയിപ്പിക്കണമെന്ന അഭ്യര്‍ഥനയുമായി സണ്ണി വെയ്ല്‍ മേയറും മലയാളിയുമായ സജി ജോര്‍ജ് രംഗത്ത്. മേയ് 7ന് നടക്കുന്ന പൊതുതിരഞ്ഞെടുപ്പിന്റെ ഏര്‍ലി വോട്ടിങ് ഏപ്രില്‍ 25ന് ആരംഭിച്ചെങ്കിലും പോളിങ് വളരെ മന്ദഗതിയിലാണു നീങ്ങുന്നത്. മേയ് 3ന് ഏര്‍ലി വോട്ടിങ് സമാപിക്കും.സണ്ണിവെയ്ല്‍ ടൗണ്‍ ഹോളിലും സാക്‌സി സിറ്റി ഹാളിലും സൗത്ത് ഗാര്‍ലന്റ് ബ്രാഞ്ച് ലൈബ്രറിയിലും റോലറ്റ് സിറ്റി ഹാള്‍ അനക്‌സിലുമാണ് പോളിങ് സ്റ്റേഷനുകള്‍ ക്രമീകരിച്ചിരിക്കുന്നത്. ഡാലസ് കോളജ് ട്രസ്റ്റി ബോര്‍ഡില്‍ ആകെ ഏഴ് അംഗങ്ങളാണ്. ഡാലസ് കൗണ്ടിയിലെ പ്രമുഖ കമ്മ്യൂണിറ്റി കോളജുകളായ ഈസ്റ്റ് ഫീല്‍ഡ് കോളജ് ഉള്‍പ്പെടുന്ന ഡിസ്ട്രിക്റ്റ് മൂന്നില്‍ നിന്നാണു സോജി ജനവിധി തേടുന്നത്.ട്രസ്റ്റി ബോര്‍ഡില്‍ ഒഴിവു വന്ന നാലു സ്ഥാനങ്ങളിലേക്കാണ് മേയ് 7 ന് തിരഞ്ഞെടുപ്പു നടക്കുന്നത്. നിരവധി മലയാളി…

റഷ്യന്‍ സന്ദർശനത്തെത്തുടർന്ന് യുഎൻ സെക്രട്ടറി ജനറൽ അന്റോണിയോ ഗുട്ടെറസ് ഉക്രെയ്‌നിലെത്തും. അവിടെ അദ്ദേഹം വ്യാഴാഴ്ച പ്രസിഡന്റ് വോളോഡിമർ സെലെൻസ്‌കിയുമായി കൂടിക്കാഴ്ച നടത്തും. “മോസ്കോ സന്ദർശിച്ച ശേഷം ഞാൻ ഉക്രെയ്നിൽ ഇറങ്ങി. മാനുഷിക സഹായം വർദ്ധിപ്പിക്കുന്നതിനും യുദ്ധമേഖലകളിൽ നിന്ന് സാധാരണക്കാരെ സുരക്ഷിതമായി ഒഴിപ്പിക്കുന്നത് ഉറപ്പാക്കുന്നതിനും ഞങ്ങൾ തുടർന്നും പ്രവർത്തിക്കും,” ബുധനാഴ്ച വൈകുന്നേരം അദ്ദേഹം ട്വീറ്റ് ചെയ്തു. ഈ യുദ്ധം എത്രയും വേഗം അവസാനിക്കുന്നുവോ ഉക്രെയ്‌നിനും റഷ്യയ്ക്കും ലോകത്തിന്റെ മറ്റു ഭാഗങ്ങൾക്കും അത്രയും നല്ലത്. ചൊവ്വാഴ്ച മോസ്‌കോയിൽ ഗുട്ടെറസുമായി നടത്തിയ കൂടിക്കാഴ്ചയിൽ, ഉക്രെയ്‌നിലെ പ്രതിസന്ധിയിലായ നഗരമായ മരിയുപോളിൽ അസോവ്സ്റ്റൽ സൗകര്യത്തിൽ നിന്ന് താമസക്കാരെ ഒഴിപ്പിക്കാൻ സഹായിക്കുന്നതിന് റഷ്യൻ പ്രസിഡന്റ് വ്‌ളാഡിമിർ പുടിൻ യുഎന്നിനോടും ഇന്റർനാഷണൽ റെഡ് ക്രോസ് കമ്മിറ്റിയോടും തത്വത്തിൽ സമ്മതിച്ചു. യുഎൻ ഉദ്യോഗസ്ഥൻ പറയുന്നതനുസരിച്ച്, അസോവ്സ്റ്റലിലെ സിവിലിയൻമാരെ ഒഴിപ്പിക്കുന്നത് നിയന്ത്രിക്കാൻ യു എന്‍ റഷ്യയുമായുള്ള കരാറിന് പിന്നാലെയാണ്. യുഎൻ…

മിസ്സിസ്സിപ്പി: മിസ്സിസ്സിപ്പി ഗള്‍ഫ് കോസ്റ്റ് മോട്ടലില്‍ ഇന്ന് നടന്ന വെടിവെപ്പില്‍ ഹോ്ട്ടല്‍ ഉടമയും രണ്ടു ജീവനക്കാരും കൊല്ലപ്പെട്ടു. തുടര്‍ന്ന് അവിടെ നിന്നും രക്ഷപ്പെട്ട പ്രതിയെന്നു സംശയിക്കുന്ന ആള്‍ മറ്റൊരു കാര്‍ തട്ടിയെടുക്കുന്നതിനിടയില്‍ ആ കാറിന്റെ ഡ്രൈവര്‍ക്കു നേരെ വെടിയുതിര്‍ക്കുകയും, പിന്നീട് ഡ്രൈവര്‍ മരിക്കുകയും ചെയ്തു. തട്ടിയെടുത്ത കാറുമായി കടന്നുകളഞ്ഞ ഇയാളെ പോലീസ് കണ്ടെത്തി. കാറില്‍ നിന്നും ഇറങ്ങി കണ്‍വീനിയന്റ് സ്റ്റോറില്‍ അതിക്രമിച്ചു കടന്നു അവിടെ രണ്ടു മണിക്കൂറോളം ജീവനക്കാരെ ബന്ധികളാക്കി പോലീസുമായി വിലപേശല്‍ നടത്തി. പോലീസിന്റെ ഉത്തരവുകള്‍ അനുസരിക്കാന്‍ വിസമ്മതിച്ച ഇയാളെ പിടികൂടുന്നതിന് പോലീസ് റ്റിയര്‍ ഗ്യാസ് ഉപയോഗിച്ചു കണ്‍വീനിയന്റ് സ്റ്റോറില്‍ തള്ളികയറി. പോലീസ് അവിടെ കണ്ടത് പ്രതിയെന്ന് സംശയിക്കുന്ന ആള്‍ മരിച്ചു കിടക്കുന്നതാണ്. മരണകാരണം വ്യക്തമല്ല. ഹോട്ടല്‍ പ്രൊപ്പയ്റ്റര്‍ മൊഹമ്മദ് മൊയ്നി(51), ജീവനക്കാരായ ലോറ ലാമാന്‍(61), ചാഡ് ഗ്രീന്‍(55) കാര്‍ ഡ്രൈവര്‍ വില്യം വാള്‍ട്ട് മാന്‍(52)…

വാഷിംഗ്ടണ്‍:  കോവിഡ് 19 മഹാമാരിയില്‍ നിന്ന് അമേരിക്ക മുക്തമായെന്നു പ്രസിഡന്റ് ജോ ബൈഡന്റെ ചീഫ് മെഡിക്കല്‍ ഓഫിസറും നാഷനല്‍ ഇന്‍സ്റ്റിറ്റ്യൂട്ട് ഓഫ് അലര്‍ജി ആന്റ് ഇന്‍ഫഷ്യസ് ഡിസീസ് ഡയറക്ടറുമായ ആന്റണി ഫൗച്ചി പറഞ്ഞു. ലക്ഷകണക്കിനാളുകള്‍ ദിനംപ്രതി ആശുപത്രിയില്‍ അഭയം തേടുകയും പതിനായിരങ്ങള്‍ മരിക്കുകയും ചെയ്തിരുന്ന സാഹചര്യത്തില്‍ നിന്ന് അമേരിക്ക പൂര്‍ണ്ണമായും മാറിയെന്നു അഭിമുഖത്തില്‍ ഫൗച്ചി അഭിപ്രായപ്പെട്ടു. കഴിഞ്ഞ രണ്ടു മാസമായി കോവിഡ് കേസുകള്‍ പരിമിതമായിരിക്കുകയാണെന്നും ഒമിക്രോണ്‍ കേസുകളുടെ എണ്ണം കുറഞ്ഞിട്ടുണ്ടെന്നും ഫൗച്ചി ചൂണ്ടിക്കാട്ടി. കോറോണ വൈറസ് പൂര്‍ണ്ണമായും ഉന്മൂലനം ചെയ്യാന്‍ കഴിഞ്ഞിട്ടില്ലെന്നും കൂടുതല്‍ ആളുകള്‍ വാക്‌സിനേഷന്‍ സ്വീകരിക്കണമെന്നും ഫൗച്ചി അഭ്യര്‍ഥിച്ചു. ബൂസ്റ്റര്‍ ഡോസ് സ്വീകരിക്കേണ്ടതാണെന്നും അദ്ദേഹം ഓര്‍മ്മിപ്പിച്ചു. അമേരിക്കന്‍ ജനതയുടെ നല്ലൊരു ശതമാനത്തിനും ഇതിനകം തന്നെ കൊറോണ വൈറസ് വന്നിട്ടുണ്ടാകാമെന്നും അവരുടെ രക്തത്തില്‍ ആന്റി ബോഡിസ് ഉല്‍പാദിപ്പിക്കപ്പെട്ടിട്ടുണ്ടെന്നും ഫൗച്ചി പറഞ്ഞു. എന്നാല്‍ ഇതു ദീര്‍ഘകാലത്തേക്കു നിലനില്‍ക്കുമെന്ന് ഉറപ്പില്ല.…