Category: AMERICA

ലീഗ് സിറ്റി (റ്റെക്സസ്): മലയാളി സമാജം ഓഫ് ലീഗ് സിറ്റി (MSOLC) ഹൈസ്കൂൾ കുട്ടികൾക്കുവേണ്ടി സംഘടിപ്പിച്ച കരിയർ കോമ്പസ് (Career Compass 2024) ഒരു വൻ വഴിത്തിരിവായി. വിവിധ മേഖലകളിൽ നിന്നുമുള്ള പ്രഗൽഭരായ വ്യക്തികൾ നയിച്ച ക്ലാസുകൾ കുട്ടികൾക്കും മാതാപിതാക്കൾക്കും ഒരുപോലെ പ്രചോദനമായിരുന്നു. കുട്ടികൾക്കുള്ള ഉപരിപഠനത്തെപ്പറ്റിയും അമേരിക്കയിലെ വിവിധ യൂണിവേഴ്സിറ്റികളിലുള്ള വിവിധയിനം സ്കോളർഷിപ്പുകൾ അഡ്മിഷൻ പ്രോസസ്സുകൾ എന്നവയെപ്പറ്റിയെല്ലാം വിവരിച്ചുകൊണ്ടുള്ള ക്ലാസ്സുകളായിരുന്നു നടത്തപ്പെട്ടത്. ഈ കാലഘട്ടത്തിലെ തൊഴിലവസരങ്ങളെപ്പറ്റിയും, എ ഐ പോലുള്ള പുതിയ മേഖലളിലുള്ള സാധ്യതകളെപ്പറ്റിയും വ്യക്തമായ മാർഗ്ഗനിർദ്ദേശങ്ങൾ നൽകി. ഡോ. നജീബ് കുഴിയിൽ (Exxon), ഡോ. റോബിൻ ജോസ് (UH), ഡോ. ജേക്കബ് തെരുവത്തു (UH), ഡോ.നിഷ മാത്യൂസ് (UH), എലേന ടെൽസൺ (Nasa), സാരംഗ് രാജേഷ് (WGU), റോബി തോമസ് (Euronav) എന്നിവർ ക്ലാസുകൾ നയിച്ചു. സിഞ്ചു ജേക്കബായിരുന്നു മോഡറേറ്റർ. . കൂടാതെ Dr.Thomas Investments…

ന്യുയോർക്ക്/കൊച്ചി: ലോങ്ങ് ഐലൻഡിൽ താമസിക്കുന്ന പ്രമുഖ സംരംഭകനും മല്ലപ്പള്ളി മോഡയിൽ കുടുംബാംഗവുമായ ഡോ. അനിൽ പൗലോസ് (51) കൊച്ചിയിൽ വച്ച് ഹൃദയാഘാതത്തെത്തുടർന്ന് അന്തരിച്ചു. ഭാര്യ എലിസബത്ത് കോലത്ത് കുടുംബാംഗമാണ്. മക്കൾ: ആൻ, സൂസന്നെ. സുനിൽ ഏക സഹോദരനും ടോം ജോർജ് കോലത്ത് ഭാര്യാ സഹോദരനുമാണ്. പരേതരായ സി.പൗലോസിൻ്റെയും ഡോ.അന്നമ്മ പൗലോസിൻ്റെയും മകനാണ്. 1972-ൽ തമിഴ്‌നാട്ടിലാണ് അനിൽ ജനിച്ചത്. ബ്രീക്‌സ് മെമ്മോറിയൽ ആംഗ്ലോ-ഇന്ത്യൻ ഹയർ സെക്കൻഡറി സ്‌കൂളിൽ നിന്ന് സ്‌കൂൾ പഠനം പൂർത്തിയാക്കി. തുടർന്ന് ബിരുദാനന്തര ബിരുദവും ഭാരതിയാർ സർവകലാശാലയിൽ നിന്ന് പരിസ്ഥിതിശാസ്ത്രത്തിൽ പിഎച്ച്ഡിയും നേടി. 1997-ൽ എലിസബത്തിനെ വിവാഹം കഴിച്ച് ന്യൂയോർക്കിലേക്ക് താമസം മാറിയതിന് ശേഷം, റിലയൻസ് ഇൻഷുറൻസ് & അക്കൗണ്ടിംഗ് ഏജൻസി സ്ഥാപിച്ചു. അതിനു പുറമെ മാരിയറ്റ്, ഹിൽട്ടൺ, ഹയാത്ത് തുടങ്ങിയ നിരവധി ഹോട്ടൽ ശൃംഖലകൾ സ്വന്തമായി തുടങ്ങി. നിരവധി വിജയകരമായ സംരംഭങ്ങൾ അനിൽ നടത്തി.…

ന്യൂയോർക്ക് : ഇന്ത്യ പ്രസ് ക്ലബ് ഓഫ് നോർത്ത് അമേരിക്ക(ഐപിസിഎൻഎ ) ഓൺലൈൻ മാധ്യമ സെമിനാർ സംഘടിപ്പിച്ചു. മാതൃഭൂമി ഡെപ്യൂട്ടി എഡിറ്റർ ഡി.പ്രമേഷ്‌കുമാർ, ദി ഫോർത്ത് മലയാളം ചാനൽ ന്യൂസ് ഡയറക്ടർ ശ്രീജൻ ബാലകൃഷ്ണൻ, ഇ-മലയാളി ചീഫ് എഡിറ്റർ ജോർജ് ജോസഫ്, മുതിർന്ന മാധ്യമ പ്രവർത്തകൻ താജ് മാത്യു, ഏഷ്യാനെറ്റ് ന്യൂസ് നോർത്ത് അമേരിക്കൻ ഓപ്പറേഷൻസ് ഹെഡ് കൃഷ്ണ കിഷോർ, ഐപിസിഎൻഎ അഡ്വൈസറി ബോർഡ് ചെയർമാൻ സുനിൽ തൈമറ്റം, വൈസ് പ്രസിഡന്റ് അനിൽ ആറന്മുള,ജോയിന്റ് ട്രഷറർ റോയി മുളങ്കുന്നം എന്നിവർ സംസാരിച്ചു. ജോയിന്റ് സെക്രട്ടറി ആശാ മാത്യു മോഡറേറ്ററായിരുന്നു. സെക്രട്ടറി ഷിജോ പൗലോസ്, ട്രഷറർ വിശാഖ് ചെറിയാൻ എന്നിവർ സെമിനാർ സംഘാടനത്തിന് നേതൃത്വം വഹിച്ചു. കേരള പ്രസ് അക്കാദമിയുടേതടക്കം നിരവധി അവാർഡുകൾ കരസ്ഥമാക്കിയ പ്രമേഷ്‌കുമാർ ‘ട്രാൻസ്‌ഫോമിംഗ് ടെലിവിഷൻ’ എന്ന വിഷയത്തെക്കുറിച്ച് ആധികാരികമായി സംസാരിച്ചു. അച്ചടി മാധ്യമങ്ങളെ ടെലിവിഷൻ…

ലണ്ടൻ: പുതുതായി നിയമിതനായ ഒഐസിസി യുടെ ഗ്ലോബൽ പ്രസിഡന്റ് ജെയിംസ് കൂടലിന്‌ ബുധനാഴ്ച വൈകിട്ട് ഒഐസിസി യു കെ യുടെ നേതൃത്വത്തിൽ ലണ്ടനിൽ വൻ സ്വീകരണമൊരുക്കുന്നു. ക്രോയ്‌ഡോണിലെ ഇമ്പീരിയല്‍ ഹോട്ടലിൽ 6 മണി മുതലാണ് ചടങ്ങുകൾ. ഒഐസിസി യു കെ പ്രസിഡന്റ് കെ കെ മോഹൻദാസ്, പ്രോഗ്രാം കോർഡിനേഷൻ കമ്മിറ്റി കൺവീനർ ശ്രീ. ബേബിക്കുട്ടി ജോർജ്ജ് തുടങ്ങിയവരുടെ നേതൃത്വത്തിൽ വർക്കിങ് പ്രസിഡന്റുമാരായ ഷൈനു മാത്യൂസ്, സുജു കെ ഡാനിയൽ, മണികണ്ഠൻ ഐക്കാഡ്, വാഴപ്പള്ളി മുൻ പഞ്ചായത്ത് പ്രെസിഡന്റും നാഷ്ണൽ കമ്മിറ്റി അംഗവുമായ ബിനോ ഫിലിപ്പ്, സറേ റീജിയണൽ പ്രസിഡന്റ് വിത്സൺ ജോർജ്ജ്, സെക്രട്ടറി സാബു ജോർജ്ജ്, ട്രഷറർ ബിജു വർഗ്ഗീസ്, മീഡിയ കോർഡിനേറ്റർ തോമസ് ഫിലിപ്പ് തുടങ്ങി 9 അംഗ കമ്മിറ്റിയാണ് ചടങ്ങുകൾക്ക് ചുക്കാൻ പിടിക്കുന്നത്.നാഷണൽ കമ്മിറ്റി ഭാരവാഹികൾ വിവിധ റീജിയനുകളിൽ നിന്നുള്ള പ്രവർത്തകർ തുടങ്ങിയവർ പരിപാടിയിൽ…

കാനഡയിലെ ബ്രാംപ്ടണ്‍ മലയാളി സമാജം വര്‍ഷംതോറും നടത്തിവരാറുള്ള വള്ളംകളി മത്സരത്തിനായി ഒരുക്കങ്ങൾ പൂർത്തിയായി. കാനഡയുടെ ഓളപരപ്പിൽ മറ്റൊരു ജലോത്സവത്തിന് കൂടി തുടക്കം കുറിച്ചു മലയാളികളുടെ അഭിമാനമായ ബ്രാംട്ടൺ ബിസിനസ് അംബാസിഡറും ബ്രാംടൺ മലയാളി സമാജം പ്രസിഡന്റും വള്ളംകളിയുടെ ചീഫ് ഓർഗനൈസറുമായ കുര്യൻ പ്രക്കാനത്തിന്റെ നേതൃത്വത്തിൽ ആരവങ്ങൾക്കു തിരി തെളിഞ്ഞു. ബ്രാംട്ടൺ മലയാള ചരിത്രത്തിൽ തന്നേ ആദ്യമായി സിറ്റിഹാൾ ജന സമുച്ചയത്തിൽ മുക്കികൊണ്ട്, പതിനാലാമത് കനേഡിയൻനെഹ്‌റു ട്രോഫി വള്ളംകളിക്കു മുന്നോടിയായുള്ള കിക്ക് ഓഫ് ഫംഗ്ഷൻ മെയ് 18- ആം തീയതി നടത്തപെടുകയുണ്ടായി. സ്വന്തം രാജ്യത്തെ ഉത്സവത്തെ മറ്റൊരു രാജ്യത്തു ഉത്സവമേളമാക്കി തീർക്കുന്നതിൽ ശ്രീ കുര്യൻ പ്രക്കാനം വഹിക്കുന്ന പങ്കു വാക്കുകൾക്കു അതീതമാണ്. വിശിഷ്ടാഥിതിയായിരുന്ന മേയർ പാട്രിക് ബ്രൗണിന്റെ നേതൃത്വത്തിൽ നാട മുറിച്ചുകൊണ്ട് ഓഗസ്റ്റ് 17 ന് പ്രൊഫസ്സഴ്‌സ് ലേയ്ക്കിൽ നടത്തുവാനുദ്ദേശിക്കുന്ന പതിനാലാമത് വള്ളംകളിയുടെ ഔദ്യോഗിക വിളംബരം പ്രഖ്യാപിക്കുകയുണ്ടായി.വിജയികൾക്കു നൽകുന്നതിനായുള്ള…

വാഷിംഗ്ടണ്‍: റാഫയിലെ അഭയാർത്ഥി ക്യാമ്പിൽ ഞായറാഴ്ച ഇസ്രായേല്‍ നടത്തിയ വ്യോമാക്രമണത്തില്‍ 45 ഫലസ്തീനികൾ കൊല്ലപ്പെടുകയും 200 പേർക്ക് പരിക്കേൽക്കുകയും ചെയ്ത സംഭവത്തില്‍ അമേരിക്ക ചൊവ്വാഴ്ച “അഗാധമായ ഉത്കണ്ഠ” പ്രകടിപ്പിച്ചു. ആ ചിത്രങ്ങൾ ഹൃദയഭേദകമായിരുന്നു എന്ന് യുഎസ് സ്റ്റേറ്റ് ഡിപ്പാർട്ട്‌മെൻ്റ് വക്താവ് മാത്യു മില്ലർ മാധ്യമ പ്രവർത്തകരോട് പറഞ്ഞു. ഹമാസിനെ പിന്തുടരാൻ ഇസ്രായേലിന് അവകാശമുണ്ടെങ്കിലും, തങ്ങളുടെ പ്രവർത്തനങ്ങൾ നടത്തുമ്പോൾ സിവിലിയൻ ദ്രോഹങ്ങൾ കുറയ്ക്കുന്നതിന് സാധ്യമായതെല്ലാം ചെയ്യാൻ ഇസ്രായേലിന് ബാധ്യതയുണ്ടെന്നും അദ്ദേഹം പറഞ്ഞു. “അന്താരാഷ്ട്ര മാനുഷിക നിയമങ്ങൾ പൂർണ്ണമായും അനുസരിക്കുന്നതിനും സിവിലിയന്മാരിൽ അവരുടെ പ്രവർത്തനങ്ങളുടെ ആഘാതം കുറയ്ക്കുന്നതിനും ആവശ്യമുള്ളവർക്ക് മാനുഷിക സഹായത്തിൻ്റെ ഒഴുക്ക് പരമാവധിയാക്കുന്നതിനുമുള്ള അവരുടെ ബാധ്യത ഞങ്ങൾ ഇസ്രായേലിനോട് ഊന്നിപ്പറയുന്നത് തുടരുമെന്നും അദ്ദേഹം ഉറപ്പിച്ചു പറഞ്ഞു. സമഗ്രവും സുതാര്യവുമായ അന്വേഷണം വേണമെന്നും അദ്ദേഹം കൂട്ടിച്ചേര്‍ത്തു. ഞായറാഴ്ച ഇസ്രായേൽ ആക്രമണം നടത്തിയ പ്രദേശത്ത് സൂക്ഷിച്ചിരുന്ന ആയുധങ്ങൾ അഭയാർത്ഥി ക്യാമ്പിൽ മാരകമായ…

ചിക്കാഗോ:ചിക്കാഗോ ഒഹെയർ ഇൻ്റർനാഷണൽ എയർപോർട്ടിൽ തിങ്കളാഴ്ച ഉച്ചയ്ക്ക് ഒരു വിമാനത്തിൻ്റെ എഞ്ചിന് തീപിടിച്ചതായി ഫെഡറൽ ഏവിയേഷൻ അഡ്മിനിസ്ട്രേഷൻ അറിയിച്ചു.  148 യാത്രക്കാരും അഞ്ച് ജീവനക്കാരുമാണ് വിമാനത്തിലുണ്ടായിരുന്നത്. പരിക്കുകളൊന്നും റിപ്പോർട്ട് ചെയ്തിട്ടില്ല. സിയാറ്റിൽ-ടകോമ ഇൻ്റർനാഷണൽ എയർപോർട്ടിലേക്കുള്ള യുണൈറ്റഡ് ഫ്ലൈറ്റ് 2091 ഉച്ചയ്ക്ക് 2 മണിയോടെ തീപിടിച്ചതിനെത്തുടർന്ന് ടേക്ക് ഓഫ് നിർത്തിവച്ചതായി എഫ്എഎ അറിയിച്ചു. ടാക്സിവേയിൽ ആയിരിക്കുമ്പോൾ. ഒ’ഹെയറിലേക്കുള്ള വരവ് താൽക്കാലികമായി നിർത്തിവച്ചു. എയർബസ് എ 320 എന്ന വിമാനം ഗേറ്റിലേക്ക് മാറ്റിയതായി  യുണൈറ്റഡ് പറഞ്ഞു.  യാത്രക്കാരെ അവരുടെ യാത്രയ്ക്കായി മറ്റൊരു വിമാനത്തിൽ കയറ്റുന്നുണ്ടെന്നും കാലതാമസം വളരെ കുറവാണെന്നും യുണൈറ്റഡ് പറഞ്ഞു. അഗ്നിശമന സേനയും മെഡിക്കൽ ഉദ്യോഗസ്ഥരും വളരെ ജാഗ്രതയോടെയാണ് വിമാനത്തെ സമീപിച്ചതെന്ന് യുണൈറ്റഡ് പറഞ്ഞു.കൂടുതൽ വിവരങ്ങൾ ഉടൻ ലഭ്യമല്ല..

വാഷിംഗ്ടണ്‍: റഷ്യൻ പ്രസിഡൻ്റ് വ്‌ളാഡിമിർ പുടിനും മറ്റ് ലോക നേതാക്കൾക്കും സന്ദേശം അയക്കുന്നതിനായി യുഎസ് പ്രസിഡൻ്റ് ജോ ബൈഡൻ അടുത്ത മാസം സ്വിറ്റ്‌സർലൻഡിൽ നടക്കുന്ന സമാധാന ഉച്ചകോടിയിൽ പങ്കെടുക്കണമെന്ന് ഉക്രേനിയൻ പ്രസിഡൻ്റ് വോളോഡിമർ സെലെൻസ്‌കി ചൊവ്വാഴ്ച ആവർത്തിച്ച് ആവശ്യപ്പെട്ടു. ബെൽജിയൻ പ്രധാനമന്ത്രി അലക്‌സാണ്ടർ ഡി ക്രൂവിനൊപ്പം ബ്രസൽസിൽ നടത്തിയ സംയുക്ത വാർത്താ സമ്മേളനത്തിലാണ് സെലെൻസ്‌കി ഈ ആവശ്യം ഉന്നയിച്ചത്. ജൂൺ 15, 16 തീയതികളിൽ ലൂസേൺ തടാകത്തിന് സമീപമുള്ള ബ്യൂർഗൻസ്റ്റോക്ക് റിസോർട്ടിലാണ് സമാധാന ഉച്ചകോടി നടക്കുന്നത്. 90 രാജ്യങ്ങൾ ഉച്ചകോടിയിൽ പങ്കെടുക്കാന്‍ പ്രതിജ്ഞാബദ്ധമാണെന്നും, ഇത്രയധികം രാജ്യങ്ങൾ ഇതിനെ പിന്തുണയ്ക്കുമെന്ന് ഒരിക്കലും പ്രതീക്ഷിച്ചിട്ടില്ലാത്തതിനാൽ പുടിൻ അതിനെ ഭയപ്പെടുന്നുവെന്നും സെലെൻസ്‌കി പറഞ്ഞു. ഉച്ചകോടിയിൽ പങ്കെടുക്കാൻ ബൈഡനോട് അഭ്യർത്ഥിച്ചുകൊണ്ട് ഞായറാഴ്ചയാണ് സെലെൻസ്‌കി വീഡിയോ സന്ദേശം അയച്ചത്. കഴിഞ്ഞയാഴ്ച റഷ്യൻ മിസൈലുകളാൽ നശിപ്പിക്കപ്പെട്ട ഖാർകിവിലെ കത്തിനശിച്ച പ്രിൻ്റിംഗ് ഹൗസിലാണ് ഉക്രേനിയൻ പ്രസിഡൻ്റ് വീഡിയോ…

ചിക്കാഗോ:ചിക്കാഗോ വെസ്റ്റ് സബെർബു  കേന്ദ്രമാക്കി പ്രവർത്തിച്ചുവരുന്ന ചിക്കാഗോ ബ്രദേഴ്സ്  ക്ലബ്ബിന് പുതിയ നേതൃത്വം നിലവിൽ വന്നു. പ്രസിഡണ്ട് സന്തോഷ് നായർ, വൈസ് പ്രസിഡണ്ട് സണ്ണി സൈമൺ മുണ്ടൻപ്ലാക്കൽ,  ജനറൽ സെക്രട്ടറി ജോജി കരിപ്പാപ്പറമ്പിൽ, ട്ര ഷർ ജോസഫ് പതിയിൽ,ജോ:സെക്രട്ടറി ഡോ: ജോസഫ് എബ്രഹാം തുടങ്ങിയവരാണ് പുതിയ ഭാരവാഹികൾ. ക്ലബ് ഹാളിൽ ചേർന്ന ജനറൽ ബോഡി യോഗമാണ് ഐക്യകണ്ഠേന ഇവരെ തെരഞ്ഞെടുത്ത വർഷങ്ങളായി ചിക്കാഗോയിലെ സാമൂഹ്യ സാംസ്കാരിക രംഗത്ത് സജീവ സാന്നിധ്യമായ പ്രവർത്തിച്ചുവരുന്ന മലയാളി കൂട്ടായ്മയാണ് ബ്രദേഴ്സ് ക്ലബ് .പൊതുരംഗത്ത് പ്രവർത്തിച്ച വലിയ പരിചയ സമ്പത്തുള്ളവരാണ് പുതിയതായി ചുമതലയേൽക്കുന്ന  ഭാരവാഹികളെന്നും അതുകൊണ്ട് ക്ലബ്ബിൻറെ പ്രവർത്തനം ഏറെ മെച്ചപ്പെട്ടതായിരിക്കുമെന്നും സ്ഥാനമൊഴിയുന്ന പ്രസിഡൻറ് ടോമി അംബേനാട്ട്  പറഞ്ഞു പുതിയ ഭാരവാഹികളെ ആദ്യ പ്രസിഡണ്ട് ജോസ് സൈമൺ മുണ്ടൻപ്ലാക്കൽ സദസിന് പരിചയപ്പെടുത്തി