Category: POLITICS

ഹൂസ്റ്റൺ/പുതുപ്പള്ളി : ജനഹ്രദയങ്ങളിൽ കാരുണ്യമൂർത്തിയായി മരണശേഷവും പതിന്മടങ്ങ് ശോഭയോടെ അവിസ്മരണീയനായ ഉമ്മൻ ചാണ്ടിയുടെ പിൻഗാമിയെ കണ്ടെത്താൻ പുതുപ്പള്ളി നിയോജക മണ്ഡലത്തിൽ നടന്ന ഉപതിരഞ്ഞെടുപ്പിൽ ചരിത്ര ഭൂരിപക്ഷ വിജയം നേടുന്നതിന് പുതുപ്പള്ളിയിൽ ക്യാമ്പ് ചെയ്തു തിരഞ്ഞെടുപ്പ് കാമ്പയിനിൽ പങ്കാളികളായ അമേരിക്കയിൽ നിന്നും പറന്നെത്തിയ ഓവർസീസ് ഇന്ത്യൻ കൾച്ചറൽ കോൺഗ്രസ് യു.എസ് .എ ഘടകം (ഒഐസിസി യൂഎസ്‍എ) പ്രസിഡൻ്റ് ബേബി മണക്കുന്നേൽ ,ട്രഷറർ സന്തോഷ് ഏബ്രഹാം , പബ്ലിക് റിലേഷൻ ഓഫീസർ പി.പി.ചെറിയാൻ, ഡാളസ്‌ ചാപ്റ്റർ പ്രസിഡൻ്റ് പ്രദീപ് നാഗനൂലിൽ എന്നിവർക്കും വിവിധ നിലകളിൽ സഹായിച്ച എല്ലാ ഒഐസിസി യുഎസ് എ നേതാക്കൾക്കും പ്രവർത്തകർക്കും ചാണ്ടി ഉമ്മൻ നന്ദി അറിയിച്ചു. ഒ ഐ സി സി യൂഎസ്‍എ നാഷണൽ ചെയർമാൻ ജെയിംസ് കൂടൽ ,ജനറൽ സെക്രട്ടറി ജീമോൻ റാന്നി എന്നിവർക്ക് അയച്ച സന്ദേശത്തിലാണ് ക്രേതഞ്ജത അറിയിച്ചിരിക്കുന്നത് യുവാക്കൾ ഏറ്റുമുട്ടിയ ആവേശപ്പോരിൽ…

കോട്ടയം: പുതുപ്പള്ളി ഉപതിരഞ്ഞെടുപ്പിൽ (Puthupally by-election) എൽഡിഎഫിന്റെ ദയനീയ പരാജയം കേരളാ കോൺഗ്രസിനെ (Kerala Congress (M)  നിശ്ചലമാക്കി. തോൽവിയുടെ കാരണങ്ങളെക്കുറിച്ച് എൽഡിഎഫ് അവലോകനം ചെയ്യുമ്പോഴും കേരള കോണ്‍ഗ്രസ് (എം) വോട്ട് ബാങ്കിൽ ഉണ്ടായേക്കാവുന്ന ഇടിവാണ് എൽഡിഎഫ് ഉറ്റുനോക്കുന്നത്. യുഡിഎഫ് കോട്ടയിൽ പോരാട്ടത്തിനിറങ്ങിയ എൽഡിഎഫിന് കെസി(എം) വോട്ടുകളിലായിരുന്നു പ്രതീക്ഷ. സഹതാപ തരംഗമുണ്ടായിട്ടും കേരള കോൺഗ്രസ് വോട്ട് അടിത്തറയിൽ സി.പി.എമ്മിന്റെ ജെയ്ക് സി തോമസിന് വിജയം ലഭിക്കുമെന്ന് ഇടതുപക്ഷം പ്രതീക്ഷിച്ചിരുന്നു. ക്രിസ്ത്യാനികൾക്കിടയിൽ, പ്രത്യേകിച്ച് കത്തോലിക്കർക്കിടയിൽ ഗണ്യമായ സ്വാധീനമുള്ള ഇടതുപക്ഷം അകലക്കുന്നം, അയർക്കുന്നം തുടങ്ങിയ തദ്ദേശ സ്ഥാപനങ്ങളിലും വാകത്താനത്തെ ചില പോക്കറ്റുകളിലും കാര്യമായ പിന്തുണ പ്രതീക്ഷിച്ചു. പ്രതീക്ഷിച്ചതിന് വിപരീതമായി കത്തോലിക്കാ വോട്ടുകൾ യു.ഡി.എഫിലേക്ക് ഒഴുകുന്നത് തടയുന്നതിൽ കെ.സി (എം) പരാജയപ്പെട്ടു. കെസി (എം)ന് അഞ്ച് പഞ്ചായത്ത് അംഗങ്ങളുള്ള അകലകുന്നത്ത് കഴിഞ്ഞ നിയമസഭാ തെരഞ്ഞെടുപ്പിനെ അപേക്ഷിച്ച് എൽഡിഎഫ് സ്ഥാനാർഥി പിന്നോട്ട് പോയി.…

ബി ജെ പി നേതൃത്വം നൽകുന്ന എൻ ഡി എ മുന്നണിക്കെതിരെ രാജ്യത്ത് രൂപപ്പെട്ടു വന്ന ‘ഇന്ത്യ’ മുന്നണി 2024 പൊതു തെരഞ്ഞെടുപ്പിനെ സംബന്ധിച്ചിടത്തോളം സ്വാഗതാർഹമാണ്. ബി ജെ പി വിരുദ്ധ പക്ഷത്തുള്ള ഏതെങ്കിലും പ്രതിപക്ഷ പാർട്ടിക്ക് നിലവിലെ അവസ്ഥയിൽ ഒറ്റയ്ക്ക് അധികാരത്തിൽ വരുക അസാധ്യമാണ്. അതുകൊണ്ട് തന്നെ ബി ജെ പിയെയും സംഘ്പരിവാർ രാഷ്ട്രീയത്തെയും പരാജയപ്പെടുത്താൻ പ്രി-പോൾ അലയൻസ് അനിവാര്യമാണ്. വാജ്പെയിയുടെയും ഒന്നാം മോദി സർക്കാരിന്റെയും കാലത്ത് ഇത്തരത്തിലുള്ള ഒരു പ്രി-പോൾ അലയൻസ് രൂപപ്പെട്ടു വന്നിരുന്നില്ല. ഇന്ത്യ മുന്നണിയിലെ അംഗങ്ങളായ പാർട്ടികളിൽ പലതും വിവിധ സംസ്ഥാനങ്ങളിൽ പരസ്പരം എതിർ ധ്രുവങ്ങളിൽ നിന്ന് മത്സരിക്കുന്നുണ്ടെങ്കിലും ദേശീയ തലത്തിൽ ബി ജെ പി വിരുദ്ധ രാഷ്ട്രീയ രംഗത്ത് അവർ ഒരുമിച്ചു നിൽക്കുന്നത് സ്വാഗതാർഹമാണ്. മുന്നണിയിലെ പല പാർട്ടികളും നേതാക്കളും ബി ജെ പി യുടെ ഭരണകൂട വേട്ടയ്ക്ക് ഇരയായിട്ടുണ്ട്.…

തിരുവനന്തപുരം: പുതുപ്പള്ളി ഉപതെരഞ്ഞെടുപ്പ് (Puthupally by-election) ഫലം പുറത്തുവന്നതിന് പിന്നാലെ ചാണ്ടി ഉമ്മന്റെ (Chandy Oommen) സത്യപ്രതിജ്ഞാ തീയതി നിയമസഭാ സെക്രട്ടേറിയറ്റ് പ്രഖ്യാപിച്ചു. നിയമസഭ വീണ്ടും ചേരുന്ന തിങ്കളാഴ്ച രാവിലെ 10ന് ചാണ്ടി ഉമ്മൻ എംഎൽഎയായി സത്യപ്രതിജ്ഞ ചെയ്യും. 37,719 വോട്ടിന്റെ ചരിത്ര ഭൂരിപക്ഷത്തിലാണ് ചാണ്ടി ഉമ്മൻ നിയമസഭയിലെത്തുന്നത്. ഉപതിരഞ്ഞെടുപ്പില്‍ ചാണ്ടി ഉമ്മന്‍ 80,144 വോട്ടും എല്‍ഡിഎഫിന്റെ ജെയ്ക് സി.തോമസ് 42,425 വോട്ടും നേടി. മുന്‍ മുഖ്യമന്ത്രി ഉമ്മന്‍ ചാണ്ടിയുടെ വിയോഗത്തിലുള്ള സഹതാപ തരംഗവും ഭരണവിരുദ്ധ വികാരവും ചാണ്ടി ഉമ്മന് ഭൂരിപക്ഷം ഉയരുന്നതില്‍ നിര്‍ണായകമായതായി കണക്കാക്കപ്പെടുന്നു.    

കോട്ടയം: പുതുപ്പള്ളി ഉപതെരഞ്ഞെടുപ്പിൽ (Puthupally by-election)  എൽഡിഎഫ് സ്ഥാനാർഥി ജെയ്ക് സി തോമസിന്റെ (Jake C Thomas) തോൽവി അപ്രതീക്ഷിതമല്ലെന്ന് മുതിർന്ന സിപിഎം നേതാവ് എംഎ ബേബി (M A Baby). പുതുപ്പള്ളിയിൽ ബിജെപിയുടേതുൾപ്പെടെ ഇടതു വിരുദ്ധ വോട്ടുകളുടെ ഏകീകരണവും സഹതാപ ഘടകവുമാണെന്ന് എം എ ബേബി പറഞ്ഞു. ഇടതുപക്ഷ സർക്കാരിനെതിരെ ഒരു വിഭാഗം മാധ്യമങ്ങൾ മുമ്പെങ്ങുമില്ലാത്ത വിധം കടന്നാക്രമണം നടത്തിയെന്നും എംഎ ബേബി ഫേസ്ബുക്കിൽ പങ്കുവച്ച കുറിപ്പിൽ പറയുന്നു. വോട്ടിംഗിലെ ഇത്രയും വലിയ വ്യത്യാസം സൂക്ഷ്മമായി പരിശോധിക്കുമെന്ന് വ്യക്തമാക്കിയ എംഎ ബേബി, ജനങ്ങളുടെ വിശ്വാസം നേടിയെടുക്കാനുള്ള നടപടി സ്വീകരിക്കുമെന്നും പറഞ്ഞു. മുൻ മുഖ്യമന്ത്രി ഉമ്മൻ ചാണ്ടിയുടെ നിര്യാണത്തിൽ പുതുപ്പള്ളിയിലെ ജനങ്ങൾക്ക് ഉള്ള സഹതാപമാണ് യുഡിഎഫിന് ഇത്രയും വലിയ ഭൂരിപക്ഷം നേടിക്കൊടുത്തതിൽ മുഖ്യഘടകം. എല്ലാവിധ വർഗീയതയെയും പ്രീണിപ്പിച്ചായിരുന്നു യുഡിഎഫിന്റെ തിരഞ്ഞെടുപ്പ് പ്രചാരണമെന്ന് എംഎ ബേബി പറഞ്ഞു. അതേസമയം…

കോട്ടയം: പ്രിയ നേതാവ് ഉമ്മൻ ചാണ്ടിക്ക് പുതുപ്പള്ളിക്കാരുടെ സ്നേഹ സമ്മാനം. അദ്ദേഹത്തിന്റെ നിര്യാണത്തെ തുടർന്ന് പുതുപ്പള്ളി നിയമസഭാ മണ്ഡലത്തിൽ (Puthupally byelection) നടന്ന ആദ്യ ഉപതെരഞ്ഞെടുപ്പിൽ 37,719 വോട്ടിന്റെ റെക്കോർഡ് ഭൂരിപക്ഷത്തിൽ അദ്ദേഹത്തിന്റെ മകനും യുഡിഎഫ് സ്ഥാനാർത്ഥിയുമായ ചാണ്ടി ഉമ്മൻ (Chandy Oommen) വൻ വിജയം നേടി. 2024ലെ ലോക്‌സഭാ തെരഞ്ഞെടുപ്പിന് മുന്നോടിയായി ഉറ്റുനോക്കിയ തിരഞ്ഞെടുപ്പ് പോരാട്ടത്തിൽ എൽഡിഎഫിന്റെ ജെയ്ക്ക് സി തോമസിനെ (Jake C Thomas) ഉമ്മൻ പരാജയപ്പെടുത്തിയാണ് ചാണ്ടി ഉമ്മന്‍ വന്‍ ഭൂരിപക്ഷത്തോടെ വിജയിച്ചത്. തിരഞ്ഞെടുപ്പ് കമ്മീഷന്റെ റിപ്പോർട്ട് പ്രകാരം ചാണ്ടി ഉമ്മന്‍ 80,144 വോട്ടുകൾ നേടിയപ്പോൾ ജെയ്‌ക്കിന് 42,425 വോട്ടുകൾ മാത്രമേ ഉറപ്പിക്കാന്‍ സാധിച്ചുള്ളൂ. ഈ വർഷം ജൂലൈയിൽ മരിക്കുന്നതുവരെ 53 വർഷമായി ഉമ്മൻചാണ്ടിയാണ് മണ്ഡലത്തെ പ്രതിനിധീകരിച്ചത്. വോട്ടെണ്ണലിന്റെ തുടക്കം മുതൽ ലീഡ് ഉറപ്പിച്ച ചാണ്ടി ഉമ്മൻ അവസാന റൗണ്ട് വരെ ആ…

പുതുപ്പള്ളി: പുതുപ്പള്ളി നിയോജക മണ്ഡലത്തിൽ (Puthuppally constituency)  ഇന്ന് രാവിലെ വോട്ടെണ്ണൽ പുരോഗമിക്കുമ്പോൾ എൽഡിഎഫ് സ്ഥാനാർഥി ജയ്ക്ക് സി തോമസിനെ (സിപിഐഎം)  30,000ൽ അധികം വോട്ടിന്റെ ഭൂരിപക്ഷത്തിൽ യുഡിഎഫ് സ്ഥാനാർഥി ചാണ്ടി ഉമ്മൻ (chandy oommen) മറികടന്നു. 2021ലെ നിയമസഭാ തെരഞ്ഞെടുപ്പിൽ അദ്ദേഹത്തിന്റെ പിതാവും മുൻ പുതുപ്പള്ളി എംഎൽഎയുമായ ഉമ്മൻ ചാണ്ടി നേടിയ ലീഡ് മൂന്ന് റൗണ്ട് വോട്ടെടുപ്പിന് ശേഷം ചാണ്ടി ഉമ്മൻ മറികടന്നു എന്നത് ശ്രദ്ധേയമാണ്. ആഘോഷങ്ങൾ തുടങ്ങിയതോടെ യു.ഡി.എഫ് ക്യാമ്പിൽ ആഹ്ലാദം അലതല്ലി. തപാൽ ബാലറ്റ് വോട്ടുകൾ യുഡിഎഫ് നിർണ്ണായകമായി ഉറപ്പിച്ചതായും മണ്ഡലത്തിലെ വിവിധ വാർഡുകളിൽ പ്രബല സാന്നിധ്യം ഉറപ്പിച്ചതായും പ്രാഥമിക ഫലങ്ങൾ സൂചിപ്പിക്കുന്നു. പുതുപ്പള്ളിയിൽ വിയർത്ത് ജെയ്ക് സി തോമസ് പുതുപ്പള്ളിയിൽ വിയർത്ത് എൽഡിഎഫ് സ്ഥാനാർത്ഥി ജെയ്ക് സി തോമസ് (Jake C Thomas). ഭൂരിഭാഗം ബത്തുകളിലും യുഡിഎഫ് സ്ഥാനാർത്ഥിയെക്കാൾ ജെയ്ക് പിന്നിലാണ്.…

കോട്ടയം : പുതുപ്പള്ളിയിൽ വോട്ടെണ്ണൽ പുരോഗമിക്കുമ്പോള്‍ ചാണ്ടി ഉമ്മന്‍ (Chandy Ommen) വ്യക്തമായ ലീഡ് നിലനിര്‍ത്തി മുന്നേറുന്നു. യുഡിഎഫ് സ്ഥാനാര്‍ഥിയുടെ ലീഡ് നാലായിരം പിന്നിട്ടു. അയർക്കുന്നം പഞ്ചായത്തിലെ ഒന്ന് മുതൽ 14 വരെ ബൂത്തുകളിലെ 9,187 വോട്ടുകളാണ് ആദ്യ റൗണ്ടിൽ എണ്ണുന്നത്. 2021ലെ തെരഞ്ഞെടുപ്പിൽ അയർക്കുന്നത്ത് ഉമ്മൻ ചാണ്ടിയുടെ ലീഡ് ചാണ്ടി ഉമ്മന്‍ മറികടന്നു. 2021ൽ ഉമ്മൻ ചാണ്ടിക്ക് 1293 ലീഡാണ് അയർക്കുന്നത്ത് ഉണ്ടായിരുന്നത്.