കോട്ടയം: പ്രിയ നേതാവ് ഉമ്മൻ ചാണ്ടിക്ക് പുതുപ്പള്ളിക്കാരുടെ സ്നേഹ സമ്മാനം. അദ്ദേഹത്തിന്റെ നിര്യാണത്തെ തുടർന്ന് പുതുപ്പള്ളി നിയമസഭാ മണ്ഡലത്തിൽ (Puthupally byelection) നടന്ന ആദ്യ ഉപതെരഞ്ഞെടുപ്പിൽ 37,719 വോട്ടിന്റെ റെക്കോർഡ് ഭൂരിപക്ഷത്തിൽ അദ്ദേഹത്തിന്റെ മകനും യുഡിഎഫ് സ്ഥാനാർത്ഥിയുമായ ചാണ്ടി ഉമ്മൻ (Chandy Oommen) വൻ വിജയം നേടി.
2024ലെ ലോക്‌സഭാ തെരഞ്ഞെടുപ്പിന് മുന്നോടിയായി ഉറ്റുനോക്കിയ തിരഞ്ഞെടുപ്പ് പോരാട്ടത്തിൽ എൽഡിഎഫിന്റെ ജെയ്ക്ക് സി തോമസിനെ (Jake C Thomas) ഉമ്മൻ പരാജയപ്പെടുത്തിയാണ് ചാണ്ടി ഉമ്മന്‍ വന്‍ ഭൂരിപക്ഷത്തോടെ വിജയിച്ചത്. തിരഞ്ഞെടുപ്പ് കമ്മീഷന്റെ റിപ്പോർട്ട് പ്രകാരം ചാണ്ടി ഉമ്മന്‍ 80,144 വോട്ടുകൾ നേടിയപ്പോൾ ജെയ്‌ക്കിന് 42,425 വോട്ടുകൾ മാത്രമേ ഉറപ്പിക്കാന്‍ സാധിച്ചുള്ളൂ. ഈ വർഷം ജൂലൈയിൽ മരിക്കുന്നതുവരെ 53 വർഷമായി ഉമ്മൻചാണ്ടിയാണ് മണ്ഡലത്തെ പ്രതിനിധീകരിച്ചത്.
വോട്ടെണ്ണലിന്റെ തുടക്കം മുതൽ ലീഡ് ഉറപ്പിച്ച ചാണ്ടി ഉമ്മൻ അവസാന റൗണ്ട് വരെ ആ നില തുടർന്നു. മണ്ഡലത്തിലെ എട്ട് ഗ്രാമപഞ്ചായത്തുകളിലും അദ്ദേഹം മികച്ച ഭൂരിപക്ഷം നേടി. അതേസമയം, മണർകാട് പഞ്ചായത്തിലെ സ്വന്തം ബൂത്തിൽ പോലും ജെയ്ക്ക് പിന്നിലായി. മുൻ തെരഞ്ഞെടുപ്പിനെ അപേക്ഷിച്ച് കാവി പാർട്ടിക്ക് വന്‍ പരാജയമാണ് നേരിടേണ്ടി വന്നത്. പ്രതീക്ഷകളെ തകിടം മറിച്ച് എൻഡിഎ സ്ഥാനാർത്ഥി ജി ലിജിൻ ലാൽ ദയനീയമായി പരാജയപ്പെട്ടു എന്നത് ശ്രദ്ധേയമാണ്. 2021ലെ നിയമസഭാ തെരഞ്ഞെടുപ്പിൽ നേടിയ 11694 വോട്ടിനെതിരെ 6,554 വോട്ടുകൾ മാത്രമാണ്
ലിജിന്‍ ലാലിന് നേടാനായത്.
നേരത്തെ കോട്ടയം ബസേലിയോസ് കോളേജിൽ സ്ഥാപിച്ച സ്‌ട്രോങ് റൂം തുറക്കുന്നതുമായി ബന്ധപ്പെട്ടുണ്ടായ ആശയക്കുഴപ്പത്തെ തുടർന്ന് വോട്ടെണ്ണൽ 10 മിനിറ്റ് വൈകിയിരുന്നു. പ്രാരംഭ ഘട്ടത്തിൽ തപാൽ വോട്ടുകൾ എണ്ണിയ ശേഷം രാവിലെ 8.40 ഓടെ ഇവിഎം വോട്ടുകളുടെ എണ്ണൽ ആരംഭിച്ചു. ആദ്യ വോട്ടുകൾ എണ്ണിയപ്പോൾ തന്നെ ചാണ്ടി ഉമ്മൻ ആറായിരത്തിലേറെ വോട്ടിന്റെ ഭൂരിപക്ഷം രേഖപ്പെടുത്തി. അഞ്ചാം റൗണ്ട് എണ്ണിക്കൊണ്ടിരുന്നപ്പോൾ, കഴിഞ്ഞ നിയമസഭാ തിരഞ്ഞെടുപ്പിൽ അദ്ദേഹം പിതാവി ഉമ്മന്‍ ചാണ്ടിയുടെ മാർജിനിൽ (9044 വോട്ടുകൾ) വിജയിച്ചു.
പകുതിയോളം വോട്ടുകൾ എണ്ണിയപ്പോൾ അദ്ദേഹത്തിന്റെ മാർജിൻ 25,000 കടന്നു. വോട്ടെണ്ണലിന്റെ പത്താം റൗണ്ടിൽ പുതുപ്പള്ളി മണ്ഡലത്തിന്റെ ചരിത്രത്തിലെ റെക്കോർഡ് മാർജിനാണ് അദ്ദേഹം രേഖപ്പെടുത്തിയത്.
പുതുപ്പള്ളിയിലെ ജനകീയ കോടതിയുടെ ഉചിതമായ വിധിയാണ് ചാണ്ടി ഉമ്മന്റെ വിജയമെന്ന് കോൺഗ്രസ് പ്രവർത്തക സമിതി അംഗം എ.കെ.ആന്റണി തിരഞ്ഞെടുപ്പ് ഫലത്തോട് പ്രതികരിച്ചു.
‘ഉമ്മൻ ചാണ്ടിയെ വേട്ടയാടിയവർക്ക് പുതുപ്പള്ളിയിലെ ജനകീയ കോടതി കടുത്ത ശിക്ഷയാണ് നൽകിയതെന്ന് ചാണ്ടി ഉമ്മന്റെ വിസ്മയിപ്പിക്കുന്ന വിജയം തെളിയിച്ചു. ഇനിയെങ്കിലും അവർ തെറ്റുകൾ തിരുത്തണം. തെറ്റായ പ്രവൃത്തികൾക്ക് മാപ്പ് പറയാൻ അവർ മുന്നോട്ട് വരണം,” അദ്ദേഹം പറഞ്ഞു.
