Category: AMERICA

ഫ്ലോറിഡ:ഫ്ലോറിഡയിലെ ഹിൽസ്‌ബറോ കൗണ്ടിയിൽ സ്കൂൾ ബസിനുള്ളിൽ വെച്ച് ഓട്ടിസം ബാധിച്ച പത്തു വയസ്സുകാരനെ നിരന്തരം മർദ്ദിച്ച സംഭവത്തിൽ സ്കൂൾ ജീവനക്കാരായ രണ്ട് സ്ത്രീകൾ അറസ്റ്റിലായി. ജുവാനിറ്റ റൈറ്റ് (79) എന്ന ബസ് സഹായിയും ടോണിയ റൈസ്-കോൺസ്റ്റന്റ് (62) എന്ന ഡ്രൈവറുമാണ് പിടിയിലായത്. സംസാരശേഷി കുറഞ്ഞ കുട്ടിയെ 14 വ്യത്യസ്ത ദിവസങ്ങളിലായി ജുവാനിറ്റ മർദ്ദിച്ചതായി പോലീസ് കണ്ടെത്തി. കുട്ടിയുടെ തലയിൽ അടിക്കുകയും മുടിക്ക് പിടിച്ചു വലിക്കുകയും ചെയ്യുന്ന ദൃശ്യങ്ങൾ ബസിലെ സിസിടിവിയിൽ പതിഞ്ഞിട്ടുണ്ട്. കുട്ടി ക്രൂരമായി മർദ്ദിക്കപ്പെടുമ്പോൾ ഡ്രൈവർ ടോണിയ ഇത് നോക്കി ചിരിക്കുകയും ആസ്വദിക്കുകയും ചെയ്തതായി അധികൃതർ പറഞ്ഞു. കുട്ടിയെ രക്ഷിക്കാൻ ഇവർ ശ്രമിച്ചില്ല. ജുവാനിറ്റയ്‌ക്കെതിരെ 14 കുറ്റപത്രങ്ങളും, ഡ്രൈവർക്കെതിരെ അക്രമം റിപ്പോർട്ട് ചെയ്യാത്തതിനും കേസെടുത്തു. താൻ കുട്ടിയുമായി തമാശ കളിക്കുകയായിരുന്നു എന്നാണ് ജുവാനിറ്റ പോലീസിനോട് പറഞ്ഞത്. സംഭവം പുറത്തറിഞ്ഞതോടെ ജുവാനിറ്റയെ ജോലിയിൽ നിന്ന് പിരിച്ചുവിട്ടു. ഡ്രൈവർ…

കൊളംബിയ:കൊളംബിയ യൂണിവേഴ്സിറ്റി പ്രതിഷേധക്കാരിയുടെ മോചനം തേടി ടെക്സസ് നിയമസഭാംഗങ്ങൾ ഐ.സി.ഇ  കസ്റ്റഡിയിലുള്ള കൊളംബിയ യൂണിവേഴ്സിറ്റി പ്രതിഷേധക്കാരി ലഖാ കോർഡിയയെ ഉടൻ മോചിപ്പിക്കണമെന്ന് ആവശ്യപ്പെട്ട് ടെക്സസിലെ ഡെമോക്രാറ്റിക് നിയമസഭാംഗങ്ങൾ രംഗത്തെത്തി. അറസ്റ്റ്: 2025 മാർച്ചിൽ ന്യൂജേഴ്‌സിയിൽ വെച്ചാണ് ലഖാ കോർഡിയ അറസ്റ്റിലായത്. പലസ്തീൻ അനുകൂല പ്രതിഷേധങ്ങളിൽ പങ്കെടുത്തതിന്റെ പേരിൽ ഇവരെ ലക്ഷ്യം വെക്കുകയാണെന്ന് കുടുംബം ആരോപിക്കുന്നു. : 300 ദിവസത്തിലധികമായി ഇവർ തടവിലാണ്. രണ്ട് തവണ കോടതി ജാമ്യം അനുവദിച്ചെങ്കിലും ഹോംലാൻഡ് സെക്യൂരിറ്റി വകുപ്പ് ഇവരെ വിട്ടയക്കാൻ തയ്യാറായിട്ടില്ല. അധികൃതരുടെ നിലപാട്: കോർഡിയയ്ക്ക് തീവ്രവാദ ഗ്രൂപ്പുകളുമായി ബന്ധമുണ്ടെന്നും വിസ കാലാവധി കഴിഞ്ഞാണ് അവർ രാജ്യത്ത് തുടരുന്നതെന്നും സർക്കാർ വക്താക്കൾ ആരോപിക്കുന്നു. ടെക്സസ് പ്രതിനിധി സൽമാൻ ഭോജാനി ഉൾപ്പെടെയുള്ളവർ അൽവാരാഡോയിലെ ഡിറ്റൻഷൻ സെന്ററിന് മുന്നിൽ വാർത്താ സമ്മേളനം നടത്തി. കോർഡിയയെ സന്ദർശിക്കാൻ ഭോജാനിക്ക് അനുമതി നിഷേധിക്കപ്പെട്ടത് സുതാര്യതയില്ലായ്മയാണെന്ന് അദ്ദേഹം കുറ്റപ്പെടുത്തി.…

യുഎസ് ജസ്റ്റിസ് ഡിപ്പാര്‍ട്ട്മെന്റ് പുറത്തിറക്കിയ എപ്‌സ്റ്റീന്‍ ഫയലുകളിൽ പ്രശസ്ത ചലച്ചിത്ര പ്രവർത്തക മീര നയ്യാരുടെ പേരും ഉൾപ്പെടുത്തിയിട്ടുള്ളതായി റിപ്പോര്‍ട്ട്. രേഖകൾ പ്രകാരം, 2009 ൽ ഗിസ്ലെയ്ൻ മാക്സ്‌വെല്ലിന്റെ ന്യൂയോർക്ക് ടൗൺഹൗസിൽ നടന്ന ഒരു ആഫ്റ്റർ പാർട്ടിയിൽ അവർ പങ്കെടുത്തിരുന്നു. വാഷിംഗ്ടണ്‍: ലൈംഗിക കുറ്റവാളിയെന്ന് കണ്ടെത്തിയ ജെഫ്രി എപ്സ്റ്റീനുമായി ബന്ധപ്പെട്ട മൂന്ന് ദശലക്ഷത്തിലധികം പേജുകളുള്ള രേഖകൾ യുഎസ് ജസ്റ്റിസ് ഡിപ്പാര്‍ട്ട്മെന്റ് അടുത്തിടെ പുറത്തുവിട്ടു. ഈ ഫയലുകളിൽ ഏകദേശം 2,000 വീഡിയോകളും 180,000 ഫോട്ടോഗ്രാഫുകളും ഉൾപ്പെടുന്നു. ഇപ്പോൾ പ്രശസ്ത ചലച്ചിത്ര നിർമ്മാതാവ് മീര നയ്യാര്‍ ഉൾപ്പെടെ നിരവധി സ്വാധീനമുള്ള വ്യക്തികളുടെ പേരുകൾ ഈ രേഖകളിൽ വെളിപ്പെടുത്തിയിട്ടുണ്ട്. മീര നയ്യാര്‍ അന്താരാഷ്ട്രതലത്തിൽ അംഗീകരിക്കപ്പെട്ട ഒരു ചലച്ചിത്ര സംവിധായികയും ന്യൂയോർക്ക് സിറ്റി മേയർ സൊഹ്‌റാൻ മംദാനിയുടെ മാതാവുമാണ്. അവരുടെ സിനിമകൾ ലോകമെമ്പാടും പ്രശംസിക്കപ്പെട്ടിട്ടുണ്ട്. ഇപ്പോൾ, എപ്‌സ്റ്റീൻ ഫയലുകളിൽ അവരുടെ പേര് പ്രത്യക്ഷപ്പെട്ടതോടെ, ഈ…

എപ്സ്റ്റീന്‍ ഫയലുകളില്‍ ട്രംപിന്റെ പേര് പ്രത്യക്ഷപ്പെടുന്നുണ്ടെങ്കിലും ആരോപണങ്ങള്‍ അടിസ്ഥാനരഹിതമാണെന്ന് നീതിന്യായ വകുപ്പ് വ്യക്തമാക്കി. ഫയലുകള്‍ നീക്കം ചെയ്യുകയും വീണ്ടും അപ്‌ലോഡ് ചെയ്യുകയും ചെയ്തത് വിവാദത്തിന് കൂടുതല്‍ ആക്കം കൂട്ടി. വാഷിംഗ്ടണ്‍: ജെഫ്രി എപ്സ്റ്റീൻ കേസ് അമേരിക്കയിലെ മാത്രമല്ല, ബ്രിട്ടനിലെയും രാഷ്ട്രീയ, ബിസിനസ് ലോകത്തെ വീണ്ടും ഇളക്കിമറിച്ചു. എപ്സ്റ്റീൻ കേസുമായി ബന്ധപ്പെട്ട 3 ദശലക്ഷത്തിലധികം രേഖകൾ പുറത്തുവിട്ടതായി യുഎസ് നീതിന്യായ വകുപ്പ് വെള്ളിയാഴ്ച പ്രഖ്യാപിച്ചു. ഇതുവരെ പുറത്തുവിട്ട രേഖകളില്‍ വച്ച് ഏറ്റവും കൂടുതല്‍ രേഖകളായിട്ടാണ് ഇതിനെ കണക്കാക്കുന്നത്. എന്നാല്‍, ട്രംപുമായി ബന്ധപ്പെട്ട ഫയലുകൾ കൈകാര്യം ചെയ്തതിന് നീതിന്യായ വകുപ്പ് സൂക്ഷ്മപരിശോധനയ്ക്ക് വിധേയമായിട്ടുണ്ട്. വളരെ സെൻസിറ്റീവ് ആയ ഒരു ഫയൽ മണിക്കൂറുകൾക്കുള്ളിൽ വെബ്‌സൈറ്റിൽ നിന്ന് നീക്കം ചെയ്യുകയും പിന്നീട് വീണ്ടും അപ്‌ലോഡ് ചെയ്യുകയും ചെയ്തു. പ്രസിഡന്റ് ഡൊണാൾഡ് ട്രംപിനെതിരെ സ്ഥിരീകരിക്കാത്ത ലൈംഗികാതിക്രമ ആരോപണങ്ങൾ ഫയലിൽ ഉണ്ടായിരുന്നു, ഇത് സോഷ്യൽ മീഡിയയിലും…

റിച്ച്മണ്ട് (ടെക്സാസ്): ഫോട്ബെൻഡ് കൗണ്ടി ജഡ്ജ് കെ പി ജോർജിന്റെ പേരിൽ കെട്ടിച്ചമച്ച ക്രിമിനൽ കേസിൽ ഡിസ്ട്രിക്ട് അറ്റോർണി ബ്രയാൻ മിഡിൽടണിനെയും അദ്ദേഹത്തിന്റെ മുഴുവൻ ഓഫീസിനെയും അയോഗ്യരാക്കണമെന്ന് ആവശ്യപ്പെട്ട് കെ പി ജോർജിന്റെ അഭിഭാഷകർ ബുധനാഴ്ച ഫയൽ ചെയ്ത ഒരു ഹർജി കോടതി ഫയലില്‍ സ്വീകരിച്ചു. കെ പി ജോർജിനെ പ്രോസിക്യൂട്ട് ചെയ്തതുമായി ബന്ധപ്പെട്ട് മിഡിൽടണിന്റെ ദുരൂഹമായ പെരുമാറ്റത്തെക്കുറിച്ച് ടെക്സസ് ലോ എൻഫോഴ്‌സ്‌മെന്റ് ഏജൻസി അടുത്തിടെ ആരംഭിച്ച ക്രിമിനൽ അന്വേഷണത്തെക്കുറിച്ചുള്ള വിവരങ്ങൾ ഉൾപ്പെടുത്തിയാണ് കേസ് ഫയല്‍ ചെയ്തത്. ജനുവരി 28 ബുധനാഴ്ച ഫയൽ ചെയ്ത കേസ് വെള്ളിയാഴ്ച കോടതി പരിഗണിക്കുകയും വിചാരണക്കെടുക്കുകയും ചെയ്തു എന്നത് ഡിസ്ട്രിക്ട് അറ്റോർണി ഓഫീസിനെ ഞെട്ടിച്ചിരിക്കുകയാണ്. അന്വേഷണ വിവരങ്ങൾ ഹാജരാക്കാൻ എജൻസിയോട് കോടതി ആവശ്യപ്പെടുകയും ചെയ്തിട്ടുണ്ട്. 458-ാമത് ജുഡീഷ്യൽ ഡിസ്ട്രിക്റ്റിൽ സമർപ്പിച്ച ഫയലിംഗിൽ, “ടെക്സസ് കോഡ് ഓഫ് ക്രിമിനൽ പ്രൊസീജിയർ 2A.105 അനുസരിച്ച്,…

സൗത്ത് കരോലിന: നായക്കുട്ടിയെ വാങ്ങാനെന്ന വ്യാജേന വിളിച്ചുവരുത്തിയ 40 വയസ്സുകാരിയെ ക്രൂരമായി കൊലപ്പെടുത്തി മൃതദേഹം കാറിനുള്ളിലിട്ട് കത്തിച്ചു. സൗത്ത് കരോലിനയിലെ എഫിംഗ്ഹാമിൽ ജനുവരി 22-നാണ് ദാരുണമായ ഈ സംഭവം നടന്നത്. ഡാന മേരി കിൻലോ എന്ന സ്ത്രീയാണ് കൊല്ലപ്പെട്ടത്. നായക്കുട്ടിയെ വിൽക്കാനുണ്ടെന്ന് വിശ്വസിപ്പിച്ച് സുഹൃത്തായ ഐരിയാന ഫ്ലെമിംഗ് (19), ഡാക്വിൻ തോമസ് (31) എന്നിവർ ചേർന്ന് ഡാനയെ വിജനമായ സ്ഥലത്തെത്തിക്കുകയായിരുന്നു. സ്ഥലത്തെത്തിയ ഡാനയെ വെടിവെച്ചു കൊലപ്പെടുത്തിയ ശേഷം, മൃതദേഹത്തിന് മുകളിൽ ദ്രാവകം ഒഴിച്ച് കാറിനുള്ളിലിട്ട് തീ കൊളുത്തി. തൊട്ടടുത്ത കൗണ്ടിയിൽ നടന്ന മറ്റൊരു കൊലപാതകത്തിന് പ്രതികാരമായാണ് ഈ കൃത്യം ചെയ്തതെന്നാണ് പോലീസ് കരുതുന്നത്. ഡാനയുടെ മകന് ആ കൊലപാതകത്തിൽ പങ്കുണ്ടെന്ന് പ്രതികൾ വിശ്വസിച്ചിരുന്നു. സംഭവവുമായി ബന്ധപ്പെട്ട് ഐരിയാന ഫ്ലെമിംഗ്, ഡാക്വിൻ തോമസ്, നിക്കോ ക്രിസ്റ്റഫർ കാരവേ എന്നിവരെ പോലീസ് അറസ്റ്റ് ചെയ്തു. ഇവർക്കെതിരെ കൊലപാതകം, ആയുധം കൈവശം…

2026 ജനുവരി 28നു ഇഹലോക വാസടൗത്യം വിജയകരമായി പൂർത്തീകരിച്ചു കാലയവനികക്കുള്ളിൽ മറഞ്ഞ പാലത്തുങ്കൽ വര്ഗീസ് മാണിയുടെയും അന്നമ്മ മാണിയുടേയും മകൻ പി എം സ്കറിയ മുംബൈയിലെ ബോറിവിലി മുതൽ ഡാലസിലെ സെന്റ് പോൾസ് മാർത്തോമാ ചർച് വരെ, പോകുന്നിടത്തെല്ലാം സ്നേഹത്തിന്റെ വെളിച്ചം പരത്തിയ ഒരു വലിയ മഹത് വ്യക്തിത്വത്തിന് ഉടമയായിരുന്നു. കുട്ടികൾക്ക് അദ്ദേഹം പ്രിയപ്പെട്ട ‘കാൻഡി അപ്പച്ചനും’ മുതിർന്നവർക്ക് ഏത് പ്രതിസന്ധിയിലും കൂടെനിൽക്കുന്ന വിശ്വസ്തനായ സുഹൃത്തുമായിരുന്നു. 84 വർഷം നീണ്ട ആ ജീവിതം ലാളിത്യത്തിന്റെയും സേവനത്തിന്റെയും മനോഹരമായ ഒരു പാഠപുസ്തകമായിരുന്നു. അപ്പച്ചനെക്കുറിച്ച് ഓർക്കുമ്പോൾ എല്ലാവരുടെയും മനസ്സിൽ ആദ്യം തെളിയുന്നത് അദ്ദേഹത്തിന്റെ തോളിലെ ആ ചെറിയ ബാഗാണ്. അതൊരു വെറും ബാഗായിരുന്നില്ല, മറ്റുള്ളവരുടെ ഏത് ആവശ്യത്തിനും ഉത്തരം നൽകുന്ന ഒരു ‘മാന്ത്രിക സഞ്ചി’യായിരുന്നു. മുംബൈയിലെ തിരക്കേറിയ റോഡുകളിൽ ട്രാഫിക് നിയന്ത്രിക്കാൻ ഒരു വിസിൽ മുതൽ, പള്ളിയിലെ അറ്റകുറ്റപ്പണികൾ തീർക്കാൻ…