Category: KERALA

മർകസ് വിദ്യാർഥി യൂണിയൻ പുനഃസംഘടിപ്പിച്ചു കോഴിക്കോട്: വിദ്യാർഥി കാലം വിവിധ നൈപുണികൾ പരിചയപ്പെടാനും ആർജിക്കാനും പരിശീലിക്കാനുമുള്ള അവസരമാക്കണമെന്ന് മർകസ് ഡയറക്ടർ ജനറൽ സി മുഹമ്മദ് ഫൈസി. ജാമിഅ മർകസ് വിദ്യാർഥി യൂണിയൻ ഇഹ്‌യാഉസ്സുന്ന പുനഃസംഘടനാ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വ്യക്തിത്വ വികസനം ലക്ഷ്യംവെക്കുന്നതോടൊപ്പം സമൂഹത്തിന്റെയും രാജ്യത്തിന്റെയും സ്പന്ദനമറിഞ്ഞുകൊണ്ടുള്ള പ്രവർത്തനങ്ങളാണ് യൂണിയനുകൾക്ക് കീഴിൽ പദ്ധതിയിടേണ്ടതെന്നും അദ്ദേഹം പറഞ്ഞു. ജാമിഅ സീനിയർ മുദരിസ് വി പി എം ഫൈസി വില്യാപ്പള്ളി ചടങ്ങിൽ അധ്യക്ഷത വഹിച്ചു. അബ്ദുൽ ജലീൽ സഖാഫി ചെറുശോല സന്ദേശ പ്രഭാഷണം നടത്തി. അൻസാർ സഖാഫി പറവണ്ണ പ്രവർത്തന റിപ്പോർട്ട് അവതരിപ്പിച്ചു. ഇഹ്‌യാസുന്നയുടെ 2025 – 26 വർഷത്തേക്കുള്ള ഭാരവാഹികളെ ചടങ്ങിൽ പ്രഖ്യാപിച്ചു. ചടങ്ങിൽ ഉമറലി സഖാഫി എടപ്പുലം, ബശീർ സഖാഫി കൈപ്പുറം, അബ്ദു സത്താർ കാമിൽ സഖാഫി, അബ്ദുറഹ്മാൻ സഖാഫി വാണിയമ്പലം, സയ്യിദ് ജസീൽ…

കണ്ണൂർ: ഓടിക്കൊണ്ടിരിക്കെ ഇലക്ട്രിക് സ്കൂട്ടറിന് തീപിടിച്ചു. കണ്ണൂരിലെ പാനൂരിനടുത്ത് മൊകേരിയിലാണ് സംഭവം. പാനൂർ ടൗണിലെ പത്ര ഏജന്റായ ചെണ്ടയാട് സ്വദേശി മൂസയുടെ ഉടമസ്ഥതയിലുള്ള കൈനറ്റിക് ഗ്രീൻ ഇലക്ട്രിക് സ്കൂട്ടറാണ് തീപിടിച്ചത്. സ്കൂട്ടർ ഓടിച്ചുകൊണ്ടിരുന്നപ്പോൾ സ്കൂട്ടറിന് പെട്ടെന്ന് തീപിടിച്ചു എന്ന് മൂസ പറഞ്ഞു. മൊകേരിയിലെ പുതുമ മുക്കിന് സമീപം രാവിലെ പത്രവിതരണം നടത്തുന്നതിനിടെയാണ് സംഭവം. വാഹനത്തിൽ നിന്ന് പുക ഉയരുന്നത് കണ്ടപ്പോൾ സ്കൂട്ടർ നിർത്തിയതും ഉടൻ ഇറങ്ങിയതും കാരണം പരിക്കേൽക്കാതെ രക്ഷപ്പെട്ടതായി മൂസ പറഞ്ഞു. തീപിടുത്തത്തിൽ സ്കൂട്ടർ പൂർണ്ണമായും കത്തിനശിച്ചു. ഷോർട്ട് സർക്യൂട്ട് ആയിരിക്കാം തീപിടിത്തത്തിന് കാരണമെന്ന് പ്രാഥമിക അന്വേഷണങ്ങൾ ചൂണ്ടിക്കാണിക്കുന്നു. ഇലക്ട്രിക് വാഹനങ്ങളിൽ നിർദ്ദിഷ്ട വൈദ്യുത ലോഡുകൾക്കായി റേറ്റു ചെയ്ത വയറിംഗ് സംവിധാനങ്ങൾ സജ്ജീകരിച്ചിട്ടുണ്ടെന്നും, ഈ പരിധികൾ കവിയുമ്പോഴാണ് സാധാരണയായി ഷോർട്ട് സർക്യൂട്ട് സംഭവിക്കുന്നതെന്നും വിദഗ്ദ്ധർ അഭിപ്രായപ്പെട്ടു. വാഹനത്തിന്റെ ഇലക്ട്രിക്കൽ സിസ്റ്റങ്ങളുടെ പതിവ് അറ്റകുറ്റപ്പണികളും ശരിയായ പരിചരണവും…

മലപ്പുറം: കരിപ്പൂർ വിമാനത്താവളത്തിൽ 40 കോടി രൂപയുടെ മയക്കുമരുന്നുമായി മൂന്ന് സ്ത്രീകളെ എയർ കസ്റ്റംസ് പിടികൂടി. തായ്‌ലൻഡിൽ നിന്ന് എയർ ഏഷ്യ വിമാനത്തിലാണ് ഇവർ ഇന്നലെ രാത്രി 11.45 ന് കോഴിക്കോട്ട് എത്തിയത്. ചെന്നൈ സ്വദേശിനി റാബിയത്ത് സൈദു സൈനുദ്ദീൻ (40), കോയമ്പത്തൂർ സ്വദേശിനി കവിത രാജേഷ് കുമാർ (40), തൃശൂർ സ്വദേശിനി സിമി ബാലകൃഷ്ണൻ (39) എന്നിവരെയാണ് എയർ കസ്റ്റംസ് അറസ്റ്റ് ചെയ്തത്. 34 കിലോ ഹൈബ്രിഡ് കഞ്ചാവിന് പുറമേ, തായ്‌ലൻഡിൽ നിർമ്മിച്ച 15 കിലോ ചോക്ലേറ്റും, കെമിക്കലുകൾ ചേർത്തതും, കേക്ക്, ക്രീം ബിസ്‌ക്കറ്റുകൾ എന്നിവയും ഇവരിൽ നിന്ന് പിടിച്ചെടുത്തു. കസ്റ്റംസ് എയർ ഇന്റലിജൻസ് യൂണിറ്റിന് ലഭിച്ച രഹസ്യ വിവരത്തെ തുടർന്നായിരുന്നു പരിശോധന. തായ്‌ലൻഡിൽ നിന്ന് ക്വാലാലംപൂർ വഴിയാണ് ഇവർ കോഴിക്കോട്ടെത്തിയത്. കൊച്ചി കസ്റ്റംസ് പ്രിവന്റീവ് വകുപ്പിന് കീഴിലാണ് കോഴിക്കോട് കസ്റ്റംസ് എയർ ഇന്റലിജൻസ് പ്രവർത്തിക്കുന്നത്.…

കോട്ടയം: കോട്ടയത്ത് ഇന്നലെ വൈകുന്നേരം ഉണ്ടായ ദാരുണമായ അപകടത്തില്‍ ഒന്നര പിഞ്ചുകുഞ്ഞ് മരിച്ചു. തന്റെ അച്ഛൻ വാനിൽ വരുന്നത് കണ്ട് വാഹനത്തിനരികിലേക്ക് പോയ ഒന്നര വയസ്സുകാരി ദേവപ്രിയയാണ് റിവേഴ്‌സ് ഗിയറിൽ വന്ന വാൻ ഇടിച്ചുകയറി മരണപ്പെട്ടത്. കുട്ടിയുടെ പിതാവായ ബിബിൻ ദാസ് തന്റെ പിക്ക്-അപ്പ് വാൻ പാർക്ക് ചെയ്യാൻ ശ്രമിക്കവേയാണ് കുഞ്ഞ് വാഹനത്തിന്റെ പിൻഭാഗത്തെത്തിയത്. കുഞ്ഞിനെ ഉടൻ തന്നെ തെള്ളകത്തെ ആശുപത്രിയിലെത്തിച്ചെങ്കിലും ഇന്ന് (ബുധനാഴ്ച) ഉച്ചയ്ക്ക് ശേഷം മരനം സംഭവിച്ചു. നാളെ സംസ്കാരം നടക്കും.

പത്തനംതിട്ട: ഇടവമാസ പൂജയ്ക്കായി രാഷ്ട്രപതി ദ്രൗപതി മുർമു ശബരിമല സന്ദർശിക്കില്ലെന്ന് രാഷ്ട്രപതി ഭവൻ സംസ്ഥാന സർക്കാരിന്റെ പ്രോട്ടോക്കോൾ ഓഫീസറെ അറിയിച്ചു. വരും മാസങ്ങളിൽ ഏതൊക്കെ ദിവസങ്ങളിലാണ് നട തുറക്കുക എന്നതിനെക്കുറിച്ചുള്ള വിവരങ്ങൾ രാഷ്ട്രപതി ഭവൻ ചോദിച്ചു. അടുത്ത മണ്ഡലകാല തീർത്ഥാടനം ആരംഭിക്കുന്നതിന് മുമ്പ് രാഷ്ട്രപതി ശബരിമല സന്ദർശിച്ചേക്കുമെന്ന് സൂചനയുണ്ട്. ഈ മാസം 18, 19 തീയതികളിൽ ഇരുമുടിക്കെട്ടുമായി രാഷ്ട്രപതി ശബരിമല സന്ദർശിക്കുമെന്ന് നേരത്തെ പ്രഖ്യാപിച്ചിരുന്നു. അതനുസരിച്ച് സന്നിധാനത്തും പമ്പയിലും ഒരുക്കങ്ങൾ ആരംഭിച്ചിരുന്നു. ഇന്ത്യ-പാക്കിസ്താന്‍ സംഘർഷത്തിന്റെ പശ്ചാത്തലത്തിലാണ് സന്ദർശനം മാറ്റിവച്ചത്. സംഘർഷാവസ്ഥയ്ക്ക് അയവ് വന്നതിനാൽ ഈ മാസം 19 ന് രാഷ്ട്രപതി എത്തുമെന്ന് ഇന്നലെ വാർത്തകൾ പ്രചരിച്ചിരുന്നു. എന്നാല്‍, അവർ വരുന്നില്ലെന്ന ഔദ്യോഗിക പ്രഖ്യാപനത്തെത്തുടർന്നാണ് അഭ്യൂഹങ്ങൾ അവസാനിച്ചത്. ഇടവ മാസ പൂജയ്ക്കായി ഇന്ന് വൈകുന്നേരം 4 മണിക്ക് ശബരിമല ക്ഷേത്രം തുറക്കും. 19 ന് രാത്രി 10 മണിക്ക്…

കാസർഗോഡ് ജില്ലയിലെ കാഞ്ഞങ്ങാട് കേന്ദ്രീകരിച്ച് വ്യാജ സർട്ടിഫിക്കറ്റുകളും തിരിച്ചറിയൽ രേഖകളും നിർമ്മിച്ച് വിതരണം ചെയ്യുന്ന ഒരു റാക്കറ്റ് ഹോസ്ദുർഗ് പോലീസ് കണ്ടെത്തി. ഇതുമായി ബന്ധപ്പെട്ട് മൂന്നു പേരെ അറസ്റ്റു ചെയ്തു. വ്യാജ യൂണിവേഴ്സിറ്റി സർട്ടിഫിക്കറ്റുകൾ, ആധാർ കാർഡുകൾ, പാസ്‌പോർട്ടുകൾ, അന്താരാഷ്ട്ര ഡ്രൈവിംഗ് ലൈസൻസുകൾ, പ്രവൃത്തി പരിചയ രേഖകൾ എന്നിവ ഇവര്‍ നിര്‍മ്മിച്ചു നല്‍കുന്നതായ വിവരം ലഭിച്ചതിനെത്തുടര്‍ന്നായിരുന്നു അറസ്റ്റ്. പുതിയകോട്ടയിലെ കംപ്യൂട്ടർ സെൻ്റർ ഉടമ കെ. സന്തോഷ് (45), നിലവിൽ ചെറുവത്തൂർ മുഴക്കോത്ത് താമസിക്കുന്ന സൗത്ത് കാഞ്ഞങ്ങാട് സ്വദേശി പി. രവീന്ദ്രൻ (51), എച്ച്. കെ. ഷിഹാബ് (38) എന്നിവരാണ് അറസ്റ്റിലായത്. ഡിവൈഎസ്പി ബാബു പെരിങ്ങേത്ത്, സബ് ഇൻസ്പെക്ടർമാരായ ടി. അഖിൽ, ശാരംഗ്ധരൻ എന്നിവരുടെ നേതൃത്വത്തിൽ നടത്തിയ ഏകോപിത നീക്കത്തെ തുടർന്നാണ് അറസ്റ്റ്. രഹസ്യ വിവരത്തിന്റെ അടിസ്ഥാനത്തിൽ, സംശയിക്കപ്പെടുന്നവരുടെ വീടുകളും കമ്പ്യൂട്ടർ സെന്ററിന്റെ പരിസരവും ഉൾപ്പെടെ നിരവധി സ്ഥലങ്ങളിൽ…

പത്തനംതിട്ട: കിടങ്ങന്നൂർ തെക്കേതിൽ വലിയവീട്ടിൽ പാസ്റ്റർ ടി. ഐ. വർഗീസ് (ജോയി- 87) നിര്യാതനായി. ഭാര്യ: ഏലീയാമ്മ വർഗീസ് ചീക്കനാൽ താഴത്തിൽ കുടുംബാഗമാണ്. മക്കൾ: സൂസൻ മാത്യു, മേഴ്സി തോമസ്. മരുക്കൾ: പാസ്റ്റർ റോബി മാത്യു (പി.സി.എൻ.എ.കെ മുൻ നാഷണൽ കൺവീനർ- യുഎസ്എ ) , തോമസ് ജോർജ് (കൊച്ചി). കൊച്ചുമക്കൾ: ജെറമിയ കെ.മാത്യു, ഹന്ന മേരി മാത്യു, പെട്ര സൂസൻ തോമസ്, തിമോത്തി തോമസ് സംസ്ക്കാര ശുശ്രൂഷ 20 ന് ചൊവ്വാഴ്ച കലൂർ എം.ഡി.എസ് ഫെലോഷിപ്പ് സഭയുടെ ചുമതലയിൽ സ്വവസതിയിൽ രാവിലെ 9 ന് ആരംഭിക്കുകയും (ദി പെട്ര, ലെയ്ൻ 26/3, ജനതാ റോഡ്, വൈറ്റില) തുടർന്ന് ഇടക്കൊച്ചി മക്പേല സെമിത്തേരിയിൽ സംസ്ക്കാരം നടത്തപ്പെടും.

എറണാകുളം: വ്യവസായിക സൗഹൃദ സംസ്ഥാനങ്ങളിൽ ഒന്നാമതെത്തുവാൻ വേണ്ടി സംസ്ഥാന സർക്കാർ തൊഴിലാളികളുടെ ആനുകൂല്യങ്ങൾ ഇല്ലാതാക്കുന്ന സമീപനമാണ് സ്വീകരിച്ചിരിക്കുന്നതെന്നും, തൊഴിലവകാശങ്ങൾ റദ്ദു ചെയ്യുന്ന കേന്ദ്ര പദ്ധതികൾ കൂടാതെ സ്വതന്ത പദ്ധതികൾ ആവിഷ്കരിച്ചു തൊഴിലാളിവിരുദ്ധമായി മാറികൊണ്ടിരിക്കുന്ന സാഹചര്യമാണ് പിണറായി സർക്കാരിൻ്റേതെന്ന് ജോസഫ് ജോണ്‍ പറഞ്ഞു. എഫ് ഐ ടി യു സംസ്ഥാന കമ്മറ്റി സംഘടിപ്പിച്ച ക്ഷേമനിധി ബോർഡുകൾ തകർക്കുവാൻ അനുവദിക്കുകയില്ല എന്ന തലകെട്ടിൽ നാലു മാസം നീണ്ടു നിൽക്കുന്ന പ്രക്ഷോഭങ്ങൾക്ക് തുടക്കം കുറിയ്ക്കുന്ന സമരപ്രഖ്യാപന കൺവൻഷൻ എറണാകുളം വഞ്ചി സ്ക്വയറിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം . എഫ് ഐ ടി യു സംസ്ഥാന വൈസ്പ്രസിഡന്റ് സണ്ണി മാത്യു അദ്ധ്യക്ഷത വഹിച്ച പരിപാടിയിൽ നാലു മാസം നീണ്ടു നിൽക്കുന്ന സമരരീതികൾ സംസ്ഥാന പ്രസിഡൻ്റ് ജ്യോതിവാസ് പറവൂർ അവതരിപ്പിച്ചു. ജനറൽ സെകട്ടറി തസ്ലീം മമ്പാട്, ട്രഷറർ ഉസ്മാൻ മുല്ലക്കര, സെക്രട്ടറി ജമീല…

താനൂർ: കേരളത്തിലെ മറ്റ് ജില്ലകളെ പോലെ തന്നെയാണ് മലപ്പുറവും. പലതരം സാമൂഹ്യ നന്മകൾക്കൊപ്പം ചെറിയ തോതിലുള്ള ക്രിമിനൽ പ്രവർത്തനങ്ങളും എല്ലായിടത്തെയും പോലെ മലപ്പുറത്തുമുണ്ട്. എന്നാൽ വംശീയ മുൻവിധിയോടെ മലപ്പുറത്തെ ക്രിമിനൽ കേന്ദ്രമായി ചിത്രീകരിക്കാൻ ചില പോലീസ് മേധാവികൾ തന്നെ ശ്രമിക്കുന്നു. മറ്റ് ജില്ലകളിൽ സാധാരണ കേസെടുക്കുന്ന വിഷയങ്ങളിൽ പോലും മലപ്പുറത്ത് ക്രിമിനൽ കേസായി ചാർജ് ചെയ്യുന്നൂവെന്നത് പലരും ഉയർത്തിയ അഭിപ്രായമാണ്. പോലീസ് മർദനത്തിൽ കൊല്ലപ്പെട്ട താമിർ ജിഫ്രി കേസടക്കം പോലീസ് വ്യാജമായി നിർമ്മിച്ചതാണെന്ന ആരോപണവും ഗൗരവമാർന്നതാണ്. കഴിഞ്ഞ ദിവസം പെരിന്തൽമണ്ണയിൽ നടന്ന വിസ്ഡം സ്റ്റുഡൻസ് സമ്മേളനത്തിലടക്കം മുൻവിധിയോട് കൂടിയാണ് പോലീസ് ഇടപ്പെട്ടത്. മലപ്പുറത്തോടുള്ള ഇത്തരം വംശീയ മുൻവിധികൾ പോലീസ് അവസാനിപ്പിക്കണമെന്ന് വെൽഫെയർ പാർട്ടി സംസ്ഥാന പ്രസിഡൻ്റ് റസാഖ് പാലേരി ആവശ്യപ്പെട്ടു. മലപ്പുറം മുൻ എസ് പി സുജിത് ദാസിൻ്റെ കാലത്ത് എടുത്ത സ്വർണ്ണക്കടത്തടക്കമുള്ള ക്രിമിനൽ കേസുകൾ പുനരന്വേഷിക്കാൻ…