Category: KERALA

തിരുവല്ല : മുണ്ടിയപള്ളി പാറയിൽ ഡോ. വി ജെ വർഗ്ഗീസിന്റെ പ്രബന്ധം ഗവേഷണ വിദ്യാർത്ഥികൾക്ക് ഇനി റഫറൻസ് ഗ്രന്ഥമാകും. 1992-ൽ 59-ാം വയസ്സിൽ ഗ്രാമീണ കേരളത്തിലുടനീളം സഞ്ചരിച്ച്, കലാരൂപങ്ങൾ വ്യക്തിപരമായി പര്യവേക്ഷണം ചെയ്യുകയും രേഖപ്പെടുത്തുകയും ചെയ്തതിന് ശേഷമാണ് അദ്ദേഹം പിഎച്ച്ഡി നേടിയത്. അദ്ദേഹത്തിന്റെ കൃതികൾ വെറും ഗവേഷണം മാത്രമായിരുന്നില്ല, വിദ്യാഭ്യാസത്തിൽ അവയുടെ പങ്ക് സംരക്ഷിക്കുകയും ഉയർത്തിക്കാട്ടുകയും ചെയ്യുക എന്ന അഭിനിവേശത്താൽ നയിക്കപ്പെടുന്ന ഒരു ദൗത്യമായിരുന്നു അത്. “വിദ്യാഭ്യാസം കലകളിലൂടെ “എന്ന വിഷയത്തിൽ അദ്ദേഹം നടത്തിയ വിലമതിക്കാനാവാത്ത ഗവേഷണത്തിനുള്ള അംഗീകാരമായാണ് കേരള ഫോക്‌ലോർ അക്കാദമി ഇത് ഉൾപ്പെടുത്തിയിരിക്കുന്നതെന്ന് കേരള ഫോക്‌ലോർ അക്കാദമി ചെയര്‍മാന്‍ ഒ. എസ്. ഉണ്ണികൃഷ്ണൻ അറിയിച്ചു. പാറയിൽ പരേതരായ പി. വി. യോഹന്നാന്റെയും അന്നമ്മ യോഹന്നാന്റെയും മകനായ ഡോ.വി.ജെ വർഗ്ഗീസ് അധ്യാപകവൃത്തി ഓതറയിൽ നിന്ന് ആരംഭിച്ച് കേരളത്തിന്റെ വിവിധ ഭാഗങ്ങളില്‍ സേവനം ചെയ്തതിന് ശേഷം കണ്ണൂർ…

എറണാകുളം: പാർലമെന്റിന്റെ ഇരുസഭകളിലും അവതരിപ്പിക്കപ്പെട്ട വഖഫ് ബിൽ രാജ്യത്തെ ലക്ഷക്കണക്കിന് മുസ്‌ലിം സ്വത്തുക്കൾ കൊള്ളയടിക്കാനുള്ള ശ്രമത്തിന്റെ ഭാഗമാണെന്ന് ജമാഅത്തെ ഇസ്‌ലാമി ഹിന്ദ് കേരള അമീർ പി. മുജീബുർറഹ്മാൻ. സോളിഡാരിറ്റി യൂത്ത്മൂവ് മെന്റ് സംസ്ഥാന കമ്മിറ്റി മറൈൻ ഡ്രൈവിൽ സംഘടിപ്പിച്ച ‘കേന്ദ്ര വഖഫ് ബിൽ: മുസ്‌ലിം വംശഹത്യയുടെ തുടർച്ച’ പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. നിയമം ഉപയോഗിച്ച് വംശീയ നീക്കമാണ് കേന്ദ്രം നടത്തുന്നത്. ഇന്ത്യൻ തെരുവുകൾ പ്രക്ഷോഭത്താൽ മുഖരിതമാവും. പാർലമെന്റല്ല, ജനങ്ങളാണ് അന്തിമവാക്കെന്ന് ഭരണകൂടങ്ങൾ മനസ്സിലാക്കണമെന്നും അദ്ദേഹം പറഞ്ഞു. സോളിഡാരിറ്റി സംസ്ഥാന പ്രസിഡന്റ് തൗഫീഖ് മമ്പാട് അധ്യക്ഷത വഹിച്ചു. വെൽഫെയർ പാർട്ടി ദേശീയ വൈസ് പ്രസിഡന്റ് ഹമീദ് വാണിയമ്പലം, കേരള മുസ്‌ലിം ജമാഅത്ത് ഫെഡറേഷൻ സംസ്ഥാന പ്രസിഡന്റ് കടക്കൽ ജുനൈദ്, എസ്.ഐ.ഒ സംസ്ഥാന ജനറൽ സെക്രട്ടറി സഹൽ ബാസ് എന്നിവർ സംസാരിച്ചു. സോളിഡാരിറ്റി സംസ്ഥാന ജനറൽ സെക്രട്ടറി ടി.…

കൊച്ചി: കേരള ആഗോള നിക്ഷേപ ഉച്ചകോടിയിലൂടെ കേരളത്തിൽ വരാനിരിക്കുന്ന മാറ്റത്തിന് പൂർണ പിന്തുണ നല്‍കുന്നു എന്ന് പ്രതിപക്ഷ നേതാവ് വി ഡി സതീശൻ പറഞ്ഞു. പ്രതിപക്ഷത്താണെങ്കിലും എൽഡിഎഫിന് സമാനമായ പിന്തുണ ഉണ്ടാകണമെന്നും വി ഡി സതീശൻ ആവശ്യപ്പെട്ടു. ഉച്ചകോടിയിൽ എത്തിയ എല്ലാ നിക്ഷേപകരെയും സ്വാഗതം ചെയ്യുന്നതായും വി ഡി സതീശൻ പറഞ്ഞു. 2015 ൽ കേരളം മികച്ച നേട്ടങ്ങൾ കൈവരിച്ചു. മന്ത്രിയും അദ്ദേഹവും നിരവധി ട്രേഡ് യൂണിയനുകളെ നയിച്ചിട്ടുണ്ട്. കമ്പനികളുമായി സഹകരിച്ചാണ് ട്രേഡ് യൂണിയനുകൾ പ്രവർത്തിക്കുന്നത്. അവർ പണിമുടക്കിയിട്ടില്ലെന്ന് ഉച്ചകോടിയിൽ വി ഡി സതീശൻ പറഞ്ഞു. മുഖ്യമന്ത്രി പിണറായി വിജയൻ നിക്ഷേപക സംഗമം ഉദ്ഘാടനം ചെയ്തു. കേന്ദ്ര മന്ത്രിമാരായ പിയൂഷ് ഗോയൽ, സഹമന്ത്രി ജയന്ത് ചൗധരി, പ്രതിപക്ഷ നേതാവ് വിഡി സതീശൻ, വിദേശരാജ്യങ്ങളിലെ ഭരണാധികാരികളും വ്യവസായ പ്രമുഖരുമടക്കം ചടങ്ങിനെത്തി. വ്യവസായ രംഗത്തെ കേരളത്തിന്റെ നേട്ടങ്ങൾ എണ്ണിപ്പറഞ്ഞ മുഖ്യമന്ത്രി,…

മലപ്പുറം: ടെലിവിഷൻ ചാനലിലൂടെ പരസ്യമായി കലാപാഹ്വാനം നടത്തി വർഗീയ ധ്രുവീകരണത്തിനു ശ്രമിച്ച ബി.ജെ.പി നേതാവ് പി.സി.ജോർജിനെ അറസ്റ്റ് ചെയ്യാൻ കോടതി ഉത്തരവിട്ടിട്ടും അനങ്ങാപ്പാറ സമീപനം സ്വീകരിക്കുന്ന കേരള പോലീസിൻ്റെയും അഭ്യന്തര വകുപ്പിൻ്റെയും നിലപാടിൽ പ്രതിഷേധിച്ച് ഫ്രറ്റേണിറ്റി മൂവ്മെൻ്റ് മലപ്പുറം ജില്ലാ കമ്മിറ്റി പ്രതിഷേധ പ്രകടനം നടത്തി. പ്രതിഷേധ സംഗമത്തിൽ വെൽഫെയർ പാർട്ടി മലപ്പുറം ജില്ലാ ജനറൽ സെക്രട്ടറി മുനീബ് കാരക്കുന്ന് ഉദ്ഘാടനം ചെയ്ത് സംസാരിച്ചു. പ്രതിഷേധ സംഗമത്തിൽ ജില്ലാ സെക്രട്ടറി അൽത്താഫ് ശാന്തപുരം, സെക്രട്ടറിയേറ്റ് അംഗം ഷാരോൺ അഹമ്മദ് എന്നിവർ സംസാരിച്ചു. പ്രതിഷേധത്തിന് ജില്ലാ വൈസ് പ്രസിഡണ്ട് പി. സുജിത്ത്, ജില്ലാ സെക്രട്ടറിമാരായ വി കെ.മുഫീദ, സി.എച്ച് ഹംന, ജില്ലാ സെക്രട്ടറിയേറ്റ് അംഗമായ പി കെ. ഷബീർ, മണ്ഡലം സെക്രട്ടറി ആസിഫ് മലപ്പുറം എന്നിവർ നേതൃത്വം നല്‍കി.

കൊച്ചി: കൊച്ചി മെട്രോയുടെ കാക്കനാട് എക്സ്റ്റൻഷന്റെ പൈലുകളുടെയും ഗർഡറുകളുടെയും സാങ്കേതിക മാനദണ്ഡങ്ങൾ സംബന്ധിച്ച് ജനറൽ കൺസൾട്ടന്റും കരാർ സ്ഥാപനവും തമ്മിലുള്ള അഭിപ്രായ വ്യത്യാസം പരിഹരിച്ചതോടെ, മാർച്ച് 1 മുതൽ കളമശ്ശേരിയിലെ എച്ച്എംടിയുടെ ഉടമസ്ഥതയിലുള്ള ഭൂമിയിലെ യാർഡിൽ ഗർഡറുകൾ സ്ഥാപിക്കാൻ കൊച്ചി മെട്രോ റെയിൽ ലിമിറ്റഡ് (കെഎംആർഎൽ) ഒരുങ്ങുന്നു. സാങ്കേതിക പ്രശ്‌നങ്ങൾ പരിഹരിച്ചതോടെ, വയഡക്ടിന്റെ പണി പൂർണ്ണ വേഗതയിൽ ആരംഭിക്കും. നഗരത്തെ ഐടി ഹബ്ബുമായി ബന്ധിപ്പിക്കുന്ന 11.20 കിലോമീറ്റർ വിപുലീകരണത്തിലെ നിരവധി ബാരിക്കേഡുകൾ സ്ഥാപിച്ചിട്ടുണ്ടെങ്കിലും ഉപയോഗശൂന്യമായ ജോലി സ്ഥലങ്ങളിൽ പൈലിംഗ് ആരംഭിക്കുന്നതിന് കൂടുതൽ റിഗ്ഗുകൾ കാത്തിരിക്കുന്നു. സംസ്ഥാന, കേന്ദ്ര ഓഹരികൾ പ്രകാരം ഉറപ്പു നൽകിയ വായ്പാ തുകയും ഫണ്ടും ലഭിക്കുന്നതിൽ തുടർച്ചയായതും അമിതവുമായ കാലതാമസം ഉൾപ്പെടെയുള്ള വലിയ കാലതാമസങ്ങൾ ഉണ്ടായിരുന്നിട്ടും, വയഡക്ട് പൂർത്തിയാക്കുന്നതിനുള്ള 2026 ജൂണിലെ സമയപരിധി പാലിക്കുന്നതിൽ മെട്രോ ഉദ്യോഗസ്ഥർ ആത്മവിശ്വാസം പ്രകടിപ്പിച്ചു. ഗർഡറുകളുടെ കാസ്റ്റിംഗ് ആരംഭിക്കാൻ…

കൊല്ലം: പ്രധാനമന്ത്രി മത്സ്യ കിസാൻ സമൃദ്ധി സഹ്‌യോജനയുടെ സേവനങ്ങളെക്കുറിച്ച് അവബോധം സൃഷ്ടിക്കുന്നതിനായി, വാഡിയിലെ സെന്റ് ആന്റണീസ് കമ്മ്യൂണിറ്റി ഹാളിൽ ഫിഷറീസ് വകുപ്പ് അപേക്ഷാ ശേഖരണ ക്യാമ്പും ഇൻഷുറൻസ് മേളയും സംഘടിപ്പിച്ചു. മത്സ്യ കർഷകർ, മത്സ്യത്തൊഴിലാളികൾ, അനുബന്ധ മേഖലകളിലെ തൊഴിലാളികൾ എന്നിവരുടെ ഡിജിറ്റൽ രജിസ്ട്രേഷൻ, മത്സ്യ സംരംഭകർക്കുള്ള സാമ്പത്തിക സഹായം, മത്സ്യകർഷകർക്കുള്ള ഇൻഷുറൻസ് പരിരക്ഷ, വിപണന സഹായം തുടങ്ങിയ പദ്ധതികളുമായി ബന്ധപ്പെട്ട വിവിധ സേവന പ്രവർത്തനങ്ങളുടെ വിശദാംശങ്ങൾ ക്യാമ്പിൽ അവതരിപ്പിച്ചു. അഞ്ഞൂറോളം ഗുണഭോക്താക്കളാണ് ക്യാമ്പില്‍ പങ്കെടുത്തത്. എൻ കെ പ്രേമചന്ദ്രൻ എം.പി ക്യാമ്പ് ഉദ്ഘാടനം ചെയ്തു. ജില്ലാ കളക്ടർ, എൻ. ദേവിദാസ് മുഖ്യാതിഥിയായി. ഫിഷറീസ് ഡെപ്യൂട്ടി ഡയറക്ടർ, എസ്.ആർ.രമേഷ് ശശിധരൻ സ്വാഗതം പറഞ്ഞു. നാഷണൽ ഫിഷറീസ് ഡെവലപ്പ്മെന്റ് ബോർഡ് എക്സിക്യൂട്ടീവ് ഓഫീസർ കെ.എം ഡിപിൻ കെ. എം, പി.എം- എം.കെ.എസ്.എസ്.വൈ കേന്ദ്ര നോഡൽ ഓഫീസർ ജിജോ ജോസഫ്, സി.എസ്.സി…

കൊച്ചി: ഇൻവെസ്റ്റ് കേരള നിക്ഷേപക സംഗമത്തിന്റെ സമാപന ദിവസമായ ഇന്ന് ലുലു ഗ്രൂപ്പിന്റെ നിക്ഷേപ പ്രഖ്യാപനവും നടന്നു. കേരളത്തിൽ 5,000 കോടി രൂപയുടെ നിക്ഷേപം നടത്തുമെന്ന് ലുലു ഗ്രൂപ്പ് ഇന്ന് പ്രഖ്യാപിച്ചു. 5 വർഷത്തിനുള്ളിൽ 15,000 പേർക്ക് തൊഴിലവസരങ്ങൾ സൃഷ്ടിക്കുന്ന പദ്ധതികൾ കേരളത്തിൽ ആരംഭിക്കുമെന്നും ലുലു ഗ്രൂപ്പ് അറിയിച്ചു. ഐടി ടവർ, ഗ്ലോബൽ സിറ്റി, ഫുഡ് പ്രോസസ്സിംഗ് പാർക്ക് എന്നിവ പുതിയ പദ്ധതികളിൽ ഉൾപ്പെടും. ദുബായ് ആസ്ഥാനമായുള്ള ഷറഫ് ഗ്രൂപ്പ് 5,000 കോടി രൂപ നിക്ഷേപിക്കാൻ തയ്യാറാണെന്ന് പ്രഖ്യാപിച്ചു. തുറമുഖ ലോജിസ്റ്റിക് മേഖലയിലായിരിക്കും നിക്ഷേപം എന്ന് ഗ്രൂപ്പ് ചെയർമാൻ ഷറഫുദ്ദീൻ ഷറഫ് പറഞ്ഞു. 100 ടണ്ണിൽ താഴെ ഭാരമുള്ള ബോട്ടുകൾക്കായി ഒരു നിർമ്മാണ യൂണിറ്റ് ആരംഭിക്കുമെന്ന് ടാറ്റ ഗ്രൂപ്പ് പ്രഖ്യാപിച്ചു. കൊച്ചിൻ പോർട്ട് ട്രസ്റ്റിൽ മലബാർ സിമന്റ്‌സ് പാട്ടത്തിനെടുത്ത സ്ഥലത്താണ് യൂണിറ്റ് ആരംഭിക്കുക. അദാനി, ആസ്റ്റർ ഗ്രൂപ്പുകൾ…

പൊന്നാനി: തീര കടൽ മണൽ ഖനനത്തിനെതിരെ പൊന്നാനി മര ക്കടവിൽ വൻ ജനകീയ പ്രതിഷേധം. കടലും തീരവും ഖനനത്തിന് വിട്ടു നൽകില്ലെന്ന് പ്രഖ്യാപിച്ചുകൊണ്ട് നൂറുകണക്കിന് തൊഴിലാളികളും, നാട്ടുകാരും കടൽ തീരത്ത് പ്രതിരോധ മതിൽ തീർത്തു. തുടർന്ന് നടന്ന പൊതുസമ്മേളനം FITU സംസ്ഥാന പ്രസിഡന്റ് ജ്യോതിവാസ് പറവൂർ ഉദ്ഘാടനം ചെയ്തു. “തീരക്കടൽ ഖനനം ജീവൻ നൽകിയും പ്രതിരോധിക്കും” എന്ന് അദ്ദേഹം പ്രഖ്യാപിച്ചു. “കടൽ മണൽ ഖനനം തീരദേശത്തിന്റെ നിലനിൽപ്പിന് ഭീഷണിയാണ്. ഇത് മത്സ്യസമ്പത്തിനെ നശിപ്പിക്കുകയും തീരശോഷണത്തിന് കാരണമാവുകയും ചെയ്യും. മത്സ്യത്തൊഴിലാളികളുടെ ജീവിതം ദുരിതത്തിലാക്കുകയും പരിസ്ഥിതിയെ നശിപ്പിക്കുകയും ചെയ്യുന്ന ഈ പദ്ധതിക്കെതിരെ ശക്തമായ ജനകീയ പ്രക്ഷോഭം ആവശ്യമാണ്”. ജനകീയ സമരത്തിനു സംസ്ഥാന വ്യാപകമായി ആൾ കേരള മത്സ്യ തൊഴിലാളി യൂണിയൻ FITU നേതൃത്തം നൽകുമെന്ന് അദ്ദേഹം പറഞ്ഞു. എഫ് ഐ റ്റി യു സംസ്‌ഥാന ജനറൽ സെക്രട്ടറി തസ്‌ലീം മമ്പാട്…

ടാറ്റ ഗ്രൂപ്പിന്റെ അനുബന്ധ സ്ഥാപനമായ ആർട്സൺ ഗ്രൂപ്പ് കൊച്ചിയിൽ നിക്ഷേപം നടത്താനും വ്യാവസായിക കുതിച്ചുചാട്ടത്തിന് നേതൃത്വം നൽകാനും താൽപര്യം പ്രകടിപ്പിച്ചു. പൊതുമേഖലാ സ്ഥാപനമായ മലബാർ സിമന്റ്‌സുമായി സഹകരിച്ചാണ് പദ്ധതി നടപ്പിലാക്കുന്നത്. 300 കോടി രൂപയുടെ പദ്ധതിക്കായി ഗ്ലോബൽ സമ്മിറ്റിൽ ആർട്സൺ ഗ്രൂപ്പും മലബാർ സിമന്റ്‌സും ഒരു ധാരണാപത്രത്തിൽ ഒപ്പുവച്ചു. പദ്ധതിയുടെ ഭാഗമായി 100 ടണ്ണിൽ താഴെ ശേഷിയുള്ള ബോട്ട് നിർമ്മാണ യൂണിറ്റ് ആരംഭിക്കും. ആർട്സൺ ഗ്രൂപ്പ് സിഇഒ ശശാങ്ക് ഝായും മലബാർ സിമന്റ്‌സ് മാനേജിംഗ് ഡയറക്ടർ ചന്ദ്ര ബോസും ചേര്‍ന്നാണ് സംയുക്ത പദ്ധതി പ്രഖ്യാപിച്ചത്. കൊച്ചിൻ പോർട്ട് ട്രസ്റ്റിൽ നിന്ന് മലബാർ സിമന്റ്‌സ് പാട്ടത്തിനെടുത്ത ഏഴ് ഏക്കർ സ്ഥലത്താണ് ബോട്ട് നിർമ്മാണ യൂണിറ്റ് ആരംഭിക്കുന്നത്. ആറ് മാസത്തിനുള്ളിൽ നിർമ്മാണ യൂണിറ്റ് ആരംഭിക്കുമെന്ന് പ്രതീക്ഷിക്കുന്നു. സർക്കാർ തലത്തിലുള്ള ചർച്ചകൾക്ക് ശേഷം പദ്ധതി ആരംഭിക്കും. ബോട്ടുകൾ തുടക്കത്തിൽ വാട്ടർ മെട്രോയ്ക്ക്…

പത്തനം‌തിട്ട: പുളിക്കീഴ് ബ്ലോക്ക് പഞ്ചായത്തിൽ വയോജന സംഗമം സംഘടിപ്പിച്ചു. 2024-25 വാർഷിക പദ്ധതിയിൽ ഉൾപ്പെടുത്തി നടത്തിയ വയോജന സംഗമം വയോമാനസം പ്രസിഡന്റ് സി.കെ അനു ഉദ്ഘാടനം ചെയ്തു. വാർദ്ധക്യകാലം എങ്ങനെ ആനന്ദകരമാക്കാം എന്ന വിഷയത്തിൽ സൈക്കോളജിസ്റ്റ് ആൻസി, ലൈഫ് സ്‌കിൽ ട്രെയിനർ ഷീലു എം ലൂക്ക് എന്നിവർ ക്ലാസ് നയിച്ചു. ബ്ലോക്ക് പഞ്ചായത്ത് ഓഡിറ്റോറിയത്തിൽ നടന്ന പരിപാടിയിൽ വയോജനങ്ങളെ ആദരിച്ചു. വൈസ് പ്രസിഡന്റ് സോമൻ താമരച്ചാലിൽ അധ്യക്ഷനായി. സ്റ്റാൻഡിംഗ് കമ്മിറ്റി ചെയർപേഴ്സൺ മറിയാമ്മ എബ്രഹാം, അംഗങ്ങളായ അഡ്വ. വിജി നൈനാൻ, ചന്ദ്രലേഖ, സി.ഡി.പി.ഒ ജി.എൻ സ്മിത എന്നിവർ പങ്കെടുത്തു.