Category: KERALA

കൊച്ചി: ലൈഫ്‌ലൈന്‍ ഹോസ്പിറ്റലില്‍ കെയര്‍സ്ട്രീമിന്റെ അത്യാധുനിക മൊബൈല്‍ ഡിജിറ്റല്‍ എക്‌സ്-റേ ഇമേജിംഗ് സംവിധാനം കേരള ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ ഉദ്ഘാടനം ചെയ്തു. മധ്യതിരുവിതാംകൂറിലെ ആരോഗ്യ പരിപാലന രംഗത്തെ ഏറ്റവും വിശ്വസനീയമായ പേരുകളിലൊന്നാണ് അടൂരിലുള്ള ലൈഫ്‌ലൈന്‍ ആശുപത്രി. പ്രശസ്ത ഒബ്സ്റ്റട്രീഷ്യനും ഗൈനക്കോളജിസ്റ്റും വന്ധ്യത ചികിത്സാ വിദഗ്ധനുമായ ഡോ.എസ്.പാപ്പച്ചനാണ് ഇത് സ്ഥാപിച്ചത്. “സമൂഹത്തിന്റെ ആവശ്യങ്ങള്‍ മൊത്തത്തില്‍ നേടിയെടുക്കാനുള്ള പ്രതിബദ്ധതയാണ് 300 കിടക്കകളുള്ള ഈ ആശുപത്രിയുടെ വിജയത്തിന്റെയും വളര്‍ച്ചയുടെയും കാരണം. ലൈഫ്‌ലൈന്‍ ഹോസ്പിറ്റലില്‍ പുതുതായി സ്ഥാപിച്ച ഡി.ആര്‍.എക്‌സ്.-റെവല്യൂഷന്‍ ഡിജിറ്റല്‍ മൊബൈല്‍ സിസ്റ്റം രോഗികള്‍ക്ക് ഫലപ്രദമായ എക്‌സ്-റേ ഇമേജിംഗ് നല്‍കുന്നതിന് സഹായിക്കും. ലൈഫ്‌ലൈന്‍ ഹോസ്പിറ്റലില്‍ ഈ സംവിധാനം ലഭ്യമാക്കുന്നതിലൂടെ, നൂതന രോഗനിര്‍ണ്ണയത്തിനായി രോഗികള്‍ക്ക് സമയം ലാഭിക്കുക മാത്രമല്ല, മികച്ച രീതിയിൽ രോഗനിര്‍ണയം സാധ്യമാക്കാനും കഴിയും,” ലൈഫ് ലൈന്‍ മള്‍ട്ടി സ്‌പെഷ്യാലിറ്റി ഹോസ്പിറ്റല്‍ ചെയര്‍മാന്‍ & മാനേജിംഗ് ഡയറക്ടര്‍ ഡോ. എസ്. പാപ്പച്ചന്‍…

മങ്കട: ഇടതു സർക്കാർ കെട്ടിടപെർമിറ്റ്‌ ഫീസ് കുത്തനെ ഉയർത്തിയതോടെ പ്രയാസത്തിലായത് വീട് എന്ന സ്വപ്നവുമായി നടക്കുന്ന സാധരണക്കാരാണ്. കഴിഞ്ഞ ഏപ്രിൽ 10 മുതൽ പെർമിറ്റ്‌ ഫീസ് ഇനത്തിൽ പത്തിരട്ടിയിൽ ഏറെ വർധനയാണ് സർക്കാർ കൊണ്ട് വന്നിരിക്കുന്നത്. സർക്കാരിൻ്റെ ഈ പകൽ കൊള്ളയെ ജനമധ്യത്തിൽ തുറന്നു കാണിച്ച്, ഇതിനെതിരെ ജനകീയ പ്രതിഷേധം ശക്തിപ്പെടുത്തുമെന്ന് വെൽഫെയർ പാർട്ടി മങ്കട മണ്ഡലം പ്രസിഡന്റ് ഫാറൂഖ് കെ പി വാർത്താ സമ്മേളനത്തിൽ പറഞ്ഞു. വെൽഫെയർ പാർട്ടി മങ്കട മണ്ഡലം കമ്മിറ്റിയുടെ നേതൃത്വത്തിൽ ഗൃഹസമ്പർക്ക കാമ്പയിൻ വിശദീകരിച്ചു സംസാരിക്കുകയായിരുന്നു അദ്ദേഹം. ക്യാമ്പയിൻ മണ്ഡലം തല ഉദ്ഘാടനം കേരള ഗവൺമെന്റ് കോൺട്രാക്റ്റേഴ്സ് ഫെഡറേഷൻ സംസ്ഥാന വൈസ് പ്രസിഡന്റ് കുറ്റിപ്പുളിയൻ അബ്ബാസ് നിർവ്വഹിച്ചു. ജനങ്ങളെ പരമാവധി ഊറ്റിയെടുത്ത് , അഴിമതിക്കും ധൂർത്തിനും കളമൊരുക്കുന്ന സമീപനമാണ് സർക്കാർ പിൻപറ്റുന്നതെന്ന് കാമ്പയിൻ കൺവീനർ ഷിഹാബ് തിരൂർക്കാട് പറഞ്ഞു. പാർട്ടി ജില്ലാ…

മലപ്പുറം: തൊഴിൽ അന്വേഷകർക്കായി സോളിഡാരിറ്റി മലപ്പുറം ജില്ലാ കമ്മിറ്റി തൊഴിൽ അന്വേഷണ ശിൽപശാല സംഘടിപ്പിക്കുന്നു. മെയ് 7 ന് ഞായറാഴ്ച്ച രാവിലെ 8.30 മുതൽ ഉച്ചക്ക് 1 മണി വരെ മലപ്പുറം മലബാർ ഹൗസിൽ നടക്കുന്ന പരിപാടിയിൽ പ്രമുഖ ജോബ് ഗൈഡൻസ് ട്രെയിനറും ദുബൈയിലെ ബ്രിട്ടീഷ് യൂണിവേഴ്സിറ്റിയിൽ എച്.ആർ അഡ്മിനിസ്ട്രേറ്ററുമായ ജൗഹർ അലിയും പ്രമുഖ കരിയർ ട്രെയ്നറും മിഷൻ സി ത്രീ ഡൽഹിയിൽ ഗ്രോത്ത് ക്യൂറേറ്ററുമായ അജ്മൽ ട്ടി.പി യും സെഷനുകൾ അവതരിപ്പിക്കും. മികച്ച സി.വി എങ്ങനെ തയ്യാറാക്കാം, ജോലി അന്വേഷണത്തിനുള്ള ടിപ്സ്, ഇന്റവ്യൂവിൽ ശ്രദ്ധി‌ക്കേണ്ട കാര്യങ്ങൾ എന്നീ വിഷയങ്ങളിലായിരിക്കും സെഷനുകൾ നടക്കുക. പരിപാടിയിൽ പങ്കെടുക്കാൻ താല്പര്യമുള്ളവർ www.bit.ly/jobhunt01 എന്ന ലിങ്കിൽ മുൻകൂട്ടി രജിസ്റ്റർ ചെയ്യണമെന്ന് സംഘാടകർ അറിയിച്ചു. പ്രവേശനം സൗജന്യമാണ്. കൂടുതൽ വിവരങ്ങൾക്ക് 8848880742 എന്ന നമ്പറിൽ ബന്ധപ്പെടുക.

തിരുവനന്തപുരം: എൻഫോഴ്‌സ്‌മെന്റ് ഡയറക്ടറേറ്റിന്റെ അനധികൃത നിക്ഷേപ ശേഖരണം സംബന്ധിച്ച് അടുത്തിടെ നടത്തിയ അന്വേഷണങ്ങൾ 2012-ന് മുമ്പ് മുൻ ഉടമ പിരിച്ചെടുത്ത പണവുമായി ബന്ധപ്പെട്ടിരിക്കുന്നുവെന്നും കമ്പനി ഇപ്പോൾ അന്വേഷണ സംഘവുമായി സഹകരിക്കുന്നുണ്ടെന്നും മണപ്പുറം ഫിനാൻസ് പറഞ്ഞു. കള്ളപ്പണം വെളുപ്പിക്കൽ കേസുമായി ബന്ധപ്പെട്ടാണ് മണപ്പുറം ഫിനാൻസിന്റെ ഒന്നിലധികം സ്ഥാപനങ്ങളിൽ ഇഡി റെയ്ഡ് നടത്തിയത്. റിസർവ് ബാങ്ക് ഓഫ് ഇന്ത്യ (ആർബിഐ) മാർഗനിർദേശങ്ങൾ ലംഘിച്ച് കമ്പനി 150 കോടിയിലധികം രൂപയുടെ പൊതു നിക്ഷേപം ശേഖരിച്ചുവെന്ന ആരോപണവുമായി ബന്ധപ്പെട്ട തെളിവുകൾ ശേഖരിക്കുന്നതിനാണ് റെയ്ഡ് നടത്തുന്നതെന്നാണ് വിവരം. കമ്പനിയുടെ തൃശൂരിലെ ആസ്ഥാനത്തും മറ്റ് നാലിടങ്ങളിലുമാണ് റെയ്ഡ് നടത്തിയത്. കമ്പനിക്ക് കള്ളപ്പണം കേസുമായി ബന്ധപ്പെട്ട് നോട്ടീസ് അയച്ചെങ്കിലും പ്രതികരണം ഉണ്ടായില്ല. ഇതിന് പിന്നാലെയാണ് റെയ്ഡ്. രഹസ്യവിവരങ്ങൾ അനുസരിച്ച് കമ്പനി വലിയ രീതിയിലുള്ള പണമിടപാട് നടത്തിയതായി ഇഡി സംശയിക്കുന്നുണ്ട്. ഈ സാഹചര്യത്തിൽ കമ്പനിയുടെ എക്‌സിക്യൂട്ടീവുകളുടെ രേഖകളും മൊഴിയും…

കൊച്ചി: ചിന്നക്കനാലിൽ നിന്ന് പെരിയാർ കടുവാ സങ്കേതത്തിലേക്ക് (പിടിആർ) മാറ്റിയ അരിക്കൊമ്പന്റെ വലത് കണ്ണിന് ഭാഗികമായി അന്ധത ബാധിച്ചതായി കണ്ടെത്തി. “അരിക്കൊമ്പന്‍ വലത് കണ്ണിന് ഭാഗികമായി അന്ധനായിരുന്നു. തുമ്പിക്കൈയുടെ താഴത്തെ ഭാഗത്ത് രണ്ട് ദിവസം പഴക്കമുള്ള പോരാട്ടത്തിന് പരിക്കേറ്റിരുന്നു. മുറിവ് ചികിത്സിച്ചു. എന്നിരുന്നാലും, ആനയെ കാട്ടിലേക്ക് വിടാൻ യോഗ്യമായിരുന്നു, ”കോട്ടയം ചീഫ് കൺസർവേറ്റർ ഓഫ് ഫോറസ്റ്റ് (ഹൈറേഞ്ച് സർക്കിൾ) കേരള ഹൈക്കോടതിയിൽ ബുധനാഴ്ച സമർപ്പിച്ച റിപ്പോർട്ടിൽ പറഞ്ഞു. ആദ്യ ദിവസം (മിഷൻ അരിക്കൊമ്പൻ) “ഓപ്പറേഷൻ ഏരിയ” പോലീസ് വളഞ്ഞതായി റിപ്പോർട്ട് പറയുന്നു. ആനയെ കഴിഞ്ഞ ദിവസം ട്രാക്ക് ചെയ്തിരുന്നതായും ഓപ്പറേഷൻ ദിവസമായ ഏപ്രിൽ 28 ന് പുലർച്ചെ 1.30 വരെ ട്രാക്കിംഗ് ടീമിന്റെ റഡാറിൽ ഉണ്ടായിരുന്നതായും അതിൽ പറയുന്നു. എന്നാല്‍, അത് റഡാറിൽ നിന്ന് പോയി, വൈകുന്നേരം 5 മണി വരെ ട്രാക്ക് ചെയ്യാൻ കഴിഞ്ഞില്ല. ഓപ്പറേഷൻ…

തലവടി: ഈ വരുന്ന നെഹ്റു ട്രോഫി മത്സരത്തിൽ കന്നി അങ്കത്തിനായി തലവടി ചുണ്ടൻ തയ്യാറാകുന്നതിൻ്റെ അണിയറ ഒരുക്കങൾ ആരംഭിച്ചു കഴിഞ്ഞു.തലവടി ചുണ്ടനിൽ കുട്ടനാട് റോവിംഗ് അക്കാഡമി ടീം ആണ് തുഴയെറിയുന്നത്. ഇതു സംബന്ധിച്ചുള്ള ധാരണപത്രം കൈമാറി.ചടങ്ങിൽ തലവടി ചുണ്ടൻ വള്ളം സമിതി പ്രസിഡൻ്റ് കെ.ആർ ഗോപകുമാർ അധ്യക്ഷത വഹിച്ചു. തലവടി ചുണ്ടൻ വള്ളം ശില്പി സാബു നാരായണൻ ആചാരി ഉദ്ഘാടനം ചെയ്തു.തലവടി ചുണ്ടൻ വള്ളം സമിതി സെക്രട്ടറി ജോജി ജെ വയലപ്പള്ളി, ട്രഷറാർ പ്രിൻസ് ഏബ്രഹാം പാലത്തിങ്കൽ, വൈസ് പ്രസിഡൻ്റുമാരായ അജിത്ത് കുമാർ പിഷാരത്ത് , അരുൺ പുന്നശ്ശേരിൽ,കുട്ടനാട് റോവിംഗ് അക്കാഡമി ടീം സെക്രട്ടറി ബേസിൽ ജോസഫ്, ജോമോൻ ചക്കാലയിൽ, ഡോ.ജോൺസൺ വി. ഇടിക്കുള,കുര്യൻ തോമസ് അമ്പ്രയിൽ, ജെറി മാമ്മൂട്ടിൽ,വിൻസൻ പൊയ്യാലുമാലിൽ, ബൈജു കോതപ്പുഴശ്ശേരിൽ , മനോജ് ചിറപറമ്പിൽ, ഗോകുൽ,ജേക്കബ് ഇടയത്ര, അനിൽകുമാർ കുന്നംപള്ളിൽ എന്നിവർ പ്രസംഗിച്ചു.…

കൂട്ടിലങ്ങാടി: ”ജനാധിപത്യത്തെ കൊല്ലുന്ന സംഘ്പരിവാർ തേർവാഴ്ചക്കെതിരെ അണിനിരക്കുക.” എന്ന തലക്കെട്ടിൽ വെൽഫെയർ പാർട്ടി മങ്കട മണ്ഡലം കമ്മിറ്റി കൂട്ടിലങ്ങാടി ടൗണിൽ ജനകീയ സംഗമം സംഘടിപ്പിച്ചു. ജനകീയ സംഗമം വെൽഫെയർ പാർട്ടി സംസ്ഥാന കമ്മിറ്റി അംഗം ഷംസീർ ഇബ്രാഹീം ഉദ്ഘാടനം ചെയ്തു. ഇന്ത്യയെ വംശീയ രാഷ്ട്രമാക്കാൻ മുന്നോട്ട് പോകുന്ന സംഘ്പരിവാർ നിയന്ത്രിത കേന്ദ്ര ഭരണകൂടത്തിനെതിരെ ശക്തമായ ജനകീയ പോരാട്ടങ്ങൾ തീർക്കേണ്ടതുണ്ട്. എതിർ ശബ്ദങ്ങളെ ഇല്ലാതാക്കി രാജ്യത്ത് ഏകാധിപത്യ ഭരണകൂടം എന്ന ഫാസിസ്റ്റുകളുടെ താല്പര്യമാണ് ഹിന്ദു രാഷ്ട്ര ക്യാമ്പയിനിലൂടെ ആർഎസ്എസ് ആഗ്രഹിക്കുന്നത്. ഇ.ഡി അടക്കമുള്ള കേന്ദ്രസർക്കാരിന്റെ ഭരണകൂട സംവിധാനങ്ങളെ ദുരുപയോഗപ്പെടുത്തി നടത്തുന്ന വംശീയ ഉന്മൂലന ശ്രമത്തിനെതിരെ രാജ്യത്ത് രാഷ്ട്രീയ – സാംസ്കാരിക കൂട്ടായ്മകൾ രൂപം കൊള്ളണമെന്നും ഷംസീർ ഇബ്രാഹീം ആവശ്യപ്പെട്ടു. പാർട്ടി മങ്കട മണ്ഡലം പ്രസിഡന്റ് കെ പി ഫാറൂഖ് അധ്യക്ഷത വഹിച്ചു. വെൽഫെയർ പാർട്ടി ജില്ലാ സെക്രട്ടറി ആരിഫ്…

മലപ്പുറം : കേരള സ്കൂൾ ടീച്ചേഴ്സ് മൂവ്മെന്റ് ജില്ലാ കമ്മിറ്റി ജില്ലയിലെ സ്കൂളുകളിൽ നിന്നും വിരമിച്ച അധ്യാപകർക്കുള്ള യാത്രയയപ്പും വിവിധ മത്സരങ്ങളിൽ ദേശീയ സംസ്ഥാന അവാർഡുകൾ നേടിയ അധ്യാപകരെ ആദരിക്കൽ ചടങ്ങും സംഘടിപ്പിച്ചു. മലപ്പുറം ഫാറൂഖ് മെമ്മോറിയൽ ഹാളിൽ വെച്ച് നടന്ന പരിപാടിയിൽ ടീച്ചേഴ്സ് മൂവ്മെന്റ് ജില്ലാ പ്രസിഡണ്ട് എൻ. മുഹമ്മദലി അധ്യക്ഷനായി. വെൽഫെയർ പാർട്ടി ജില്ലാ പ്രസിഡണ്ട് നാസർ മാസ്റ്റർ കീഴുപറമ്പ് ഉദ്ഘാടനം ചെയ്തു. സംസ്ഥാന സെക്രട്ടറി എ.എ കബീർ മുഖ്യ പ്രഭാഷണം നടത്തി. മലപ്പുറം വിദ്യാഭ്യാസ ഉപജില്ലാ ഓഫീസർ കെ.അബ്ദുസ്സലാം, വഹീദാ ജാസ്മിൻ, എ. ജുനൈദ്, ജാബിർ ഇരുമ്പുഴി എന്നിവർ സംസാരിച്ചു.

കൊച്ചി: ക്രൈസ്തവ സന്യാസത്തെ ബോധപൂര്‍വ്വം നിരന്തരം തേജോവധം ചെയ്യുന്നവര്‍ ഇവരുടെ സേവനങ്ങളുടെ ഗുണഫലം കാലങ്ങളായി അനുഭവിച്ചവരും ഇന്നും അനുഭവിക്കുന്നവരുമാണെന്നുള്ള സത്യം മറക്കരുതെന്നും, മതസ്പര്‍ദ്ധ സൃഷ്ടിച്ച് കേരളസമൂഹത്തില്‍ ഭിന്നിപ്പുണ്ടാക്കാന്‍ രാഷ്ട്രീയ നേതൃത്വങ്ങള്‍ ശ്രമിക്കുന്നത് അപലനീയമാണെന്നും കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍ സെക്ട്രട്ടറി ഷെവലിയാര്‍ അഡ്വ.വി.സി.സെബാസ്റ്റ്യന്‍ പറഞ്ഞു. ആവിഷ്‌കാര സ്വാതന്ത്ര്യത്തിന്റെ മറവില്‍ ഇരട്ടത്താപ്പാണ് സര്‍ക്കാര്‍ സംവിധാനങ്ങളും രാഷ്ട്രീയ നേതൃത്വങ്ങളും ഇന്ന് സ്വീകരിച്ചിരിക്കുന്നത്. അനാഥരും, അശരണരും, മാനസിക രോഗികളും, വൃദ്ധരുമായവരേയും, സമൂഹവും കുടുംബങ്ങളും പുറന്തള്ളി ജീവിത ദുരിതത്തിലായവരേയും സംരക്ഷിക്കുന്ന സന്യാസിനിമാരെ അവഹേളിക്കുന്ന കക്കുകളി നാടകം ആവിഷ്‌കാരസ്വാന്ത്ര്യമെന്ന് ന്യായീകരിക്കുന്നവര്‍ ആഗോളഭീകരവാദത്തിന്റെ ഉടവിടങ്ങളെ ചൂണ്ടിക്കാണിക്കുന്ന ആവിഷ്‌കാരങ്ങള്‍ വര്‍ഗ്ഗീയവാദവും മതവിദ്വേഷവും വളര്‍ത്തുമെന്ന് യാതൊരു ലജ്ജയുമില്ലാതെ വാദിക്കുന്നത് വിരോധാഭാസമാണ്. 2021 സെപ്തംബര്‍ 22ന് സംസ്ഥാന മുഖ്യമന്ത്രിതന്നെ സര്‍ക്കാര്‍ ഖജനാവില്‍ നിന്ന് 2018 മുതല്‍ ചില വിഭാഗങ്ങള്‍ക്കിടയില്‍ ഡീറാഡിക്കലൈസേഷന്‍ പ്രവര്‍ത്തനങ്ങള്‍ നടത്താന്‍വേണ്ടി പണം ചെലവഴിക്കുന്നുവെന്ന്…

ഇലഞ്ഞി: കേരളത്തിന്റെ നവോത്ഥാനത്തിന് കത്തോലിക്കാ കോണ്‍ഗ്രസ് നല്‍കിയ സംഭാവനകള്‍ അതുല്യമാണെന്ന് കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍ സെക്രട്ടറി ഷെവലിയാര്‍ അഡ്വ. വി.സി. സെബാസ്റ്റ്യന്‍. കത്തോലിക്ക കോണ്‍ഗ്രസിന്റെ നൂറ്റിയഞ്ചാം ജന്മദിന സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ഇലഞ്ഞി ഫൊറോന പള്ളിയില്‍ നടന്ന സമ്മേളനം വെരി. റവ. ഫാ.ജോസഫ് ഇടത്തുംപറമ്പില്‍ ഉല്‍ഘാടനം ചെയ്തു. കേരളത്തില്‍ മാറ്റത്തിന്റെ കാറ്റ് വീശാന്‍ ഇടയാക്കിയ ഉത്തരവാദിത്വപ്രക്ഷോഭം, മലയാളി മെമ്മോറിയല്‍, നിവര്‍ത്തന പ്രക്ഷോഭം എന്നിവയ്ക്ക് നേതൃത്വം കൊടുത്തത് കത്തോലിക്കാ കോണ്‍ഗ്രസാണ്. കര്‍ഷക താല്പര്യങ്ങള്‍ക്കുവേണ്ടി എക്കാലവും നിലനിന്നിട്ടുള്ള കത്തോലിക്കാ കോണ്‍ഗ്രസ് കുടിയിറക്കിനെതിരെ നടത്തിയ പ്രക്ഷോഭങ്ങള്‍ എന്നും സ്മരിക്കപ്പെടും. സമീപകാലത്ത് ഗാഡ്ഗില്‍- കസ്തൂരിരംഗന്‍ റിപ്പോര്‍ട്ട്, ബഫര്‍ സോണ്‍ തുടങ്ങിയ വിഷയങ്ങളില്‍ നടത്തിയ സമരം വിജയം കണ്ടത് അഭിമാനാര്‍ഹമാണ്. കേന്ദ്ര-സംസ്ഥാന സര്‍ക്കാരുകളുടെ കര്‍ഷക വിരുദ്ധ നിലപാടുകള്‍ക്കെതിരെയും ആഗോള കരാറുകള്‍ക്കെതിരെയും കൂടുതല്‍ ശക്തമായ സമരപരിപാടികള്‍ നടത്തേണ്ട സമയമാണ്…