Category: KERALA

മലപ്പുറം: മൈസൂരു ആസ്ഥാനമായി പ്രവർത്തിക്കുന്ന പാരമ്പര്യ വൈദ്യന്‍ ഷബാ ഷെരീഫിന്റെ കൊലപാതകം അന്വേഷിക്കുന്ന പ്രത്യേക പോലീസ് സംഘം വെള്ളിയാഴ്ചയും തെളിവെടുപ്പ് തുടർന്നു. മുഖ്യപ്രതി ഷൈബിൻ അഷ്‌റഫിനെയും സഹായി നടുത്തൊടിക നിഷാദിനെയും എടവണ്ണ സീതി ഹാജി പാലത്തിലെത്തിച്ച സംഘം, അവിടെനിന്ന് കൊലപാതകത്തിന് ശേഷം മൃതദേഹത്തിന്റെ ഭാഗങ്ങള്‍ ചാലിയാർ പുഴയിലേക്ക് വലിച്ചെറിഞ്ഞ സ്ഥലം വിരലടയാള വിദഗ്‌ധര്‍, ബോട്ട് ഉള്‍പ്പെടെയുള്ള സജ്ജീകരണങ്ങളുമായി അഗ്നി ശമന സേന, ദുരന്ത നിവാരണ രംഗത്ത് പ്രവര്‍ത്തിക്കുന്ന ഇ.ആര്‍.എഫ് എന്നിവരുടെ സഹകരണത്തോടെയാണ് തെളിവെടുപ്പ് നടത്തുന്നത്. മൃതദേഹാവശിഷ്‌ടം കണ്ടെത്താനായി ചാലിയാര്‍ പുഴയില്‍ ഇന്ന് നാവിക സേന പരിശോധന നടത്തും. “ഞങ്ങൾ ഷബാ ഷെരീഫിന്റെ ശരീരഭാഗങ്ങളും, നദിയിൽ നിന്ന് മൃതദേഹം കഷണങ്ങളാക്കാൻ പ്രതികൾ ഉപയോഗിച്ച ആയുധങ്ങളും കണ്ടെടുക്കാന്‍ ശ്രമിക്കുകയാണ്. നേവിയുടെ സഹായത്തോടെ ശനിയാഴ്ചയും പ്രദേശത്ത് തെളിവെടുപ്പ് തുടരുമെന്ന് നിലമ്പൂർ ഇൻസ്‌പെക്ടർ വിഷ്ണു പി. പറഞ്ഞു. കേസിലെ മറ്റൊരു പ്രതി തങ്കലകത്ത് നൗഷാദിന്റെ…

പാലക്കാട്: ഹവിൽദാർമാരെ കൊലപ്പെടുത്തിയ പന്നിക്കെണി തയ്യാറാക്കാൻ സുരേഷ് ഉപയോഗിച്ച ഇലക്ട്രിക് വയർ മുട്ടിക്കുളങ്ങര കെഎപി-2 ബറ്റാലിയൻ ക്യാമ്പിനുള്ളിലെ കുളത്തിൽ കണ്ടെത്തി. പ്രതിയുമായി നടത്തിയ തെളിവെടുപ്പിലാണ് വയര്‍ കണ്ടെത്തിയത്. സുരേഷ് പന്നി കെണി സ്ഥാപിച്ച സ്ഥലത്ത് പോലീസ് പരിശോധന നടത്തി. കെണി സ്ഥാപിക്കാൻ ഉപയോഗിച്ച ഇലക്ട്രിക് വയറിന്റെ ഒരു ഭാഗം സുരേഷിന്റെ വീടിന്റെ വിറകുപുരയിൽ നിന്ന് കണ്ടെത്തി. മറ്റൊരു കഷണം പോലീസ് ക്യാമ്പിലെ കുളത്തിന് സമീപം കണ്ടെത്തി. മൃതദേഹം കൊണ്ടുപോകാൻ ഉപയോഗിച്ച ഉന്തുവണ്ടിയും സുരേഷിന്റെ വീട്ടിൽ നിന്ന് കണ്ടെടുത്തു. പൊലീസുകാരുടെ മരണശേഷം വയറും കമ്പിയും മതിലിന് പുറത്ത് നിന്ന് കുളത്തേക്ക് എറിയുകയായിരുന്നുവെന്ന് സുരേഷ് തെളിവെടുപ്പിനിടെ സമ്മതിച്ചു. പിന്നീട് മൃതദേഹങ്ങൾ കൊണ്ടിട്ട പാടങ്ങളിലും പ്രതിയെ എത്തിച്ച് തെളിവെടുപ്പ് നടത്തി. സുരേഷിനെ ശനിയാഴ്‌ച (21.05.22) കോടതിയിൽ ഹാജരാക്കും. സുരേഷ്‌ മുമ്പും പ്രതി: രണ്ട് പൊലീസുകാരുടെ മരണത്തിന് ഇടയാക്കിയ സംഭവത്തിൽ മണിക്കൂറുകൾക്കുള്ളിൽ പ്രതിയിലേക്ക്…

മലപ്പുറം: ജിദ്ദയിൽ നിന്ന് നാട്ടിലെത്തിയ ശേഷം കാണാതായ പ്രവാസിയുടെ ദുരൂഹ മരണവുമായി ബന്ധപ്പെട്ട് എട്ട് പേരെ പോലീസ് കസ്റ്റഡിയിലെടുത്തു. സംഭവത്തിൽ പങ്കുണ്ടെന്ന് സംശയിക്കുന്ന എട്ട് പേരെയാണ് പോലീസ് കസ്റ്റഡിയിലെടുത്തിട്ടുള്ളത്. മറ്റൊരു സംഘംഗമായ യഹിയയെ പിടികൂടാന്‍ അന്വേഷണം ഊര്‍ജ്ജിതമാക്കിയതായി പോലീസ് പറഞ്ഞു. സംഭവവുമായി ബന്ധപ്പെട്ട് കൂടുതൽ പേരെ പൊലീസ് ചോദ്യം ചെയ്തുവരികയാണ്. മുമ്പ് സ്വർണക്കടത്ത് ഉൾപ്പെടെയുള്ള കേസുകളിൽ ഇവർ ഉൾപ്പെട്ടിട്ടുണ്ടോയെന്നും പൊലീസ് അന്വേഷിക്കുന്നുണ്ട്. നെടുമ്പാശേരി മുതൽ പെരിന്തൽമണ്ണ വരെയുള്ള സിസിടിവി ദൃശ്യങ്ങളും പൊലീസ് പരിശോധിക്കുന്നുണ്ട്. മരിച്ച അട്ടപ്പാടി അഗളി സ്വദേശി അബ്‌ദുല്‍ ജലീലിനെ പ്രതി യഹിയ പെരിന്തല്‍മണ്ണയിലെ ആശുപത്രിയിലെത്തിക്കുന്ന സിസിടിവി ദൃശ്യങ്ങൾ പുറത്തുവന്നിരുന്നു. മെയ് 15ന് നെടുമ്പാശേരി വിമാനത്താവളത്തില്‍ ഇറങ്ങിയ അബ്‌ദുല്‍ ജലീലിനെ നാലു ദിവസത്തിന് ശേഷം ഗുരുതര പരിക്കുകളോടെ യഹിയ ആശുപത്രിയില്‍ എത്തിക്കുകയായിരുന്നു. വെളുത്ത നിറത്തിലുള്ള കാറിലാണ് ഇയാള്‍ അബ്‌ദുല്‍ ജലീലിനെ ആശുപത്രിയിലെത്തിച്ചത്. ഡ്രൈവിങ് സീറ്റിലായിരുന്നു യഹിയ.…

കൊച്ചി : “വിശ്വാസത്തിൻ്റെ അഭിമാനസാക്ഷ്യം വിമോചനത്തിൻ്റെ പാരമ്പര്യം ” എന്ന പ്രമേയത്തിലൂന്നി സോളിഡാരിറ്റി യൂത്ത്മൂവ്മെൻ്റിൻ്റെ രണ്ടാം സംസ്ഥാന സമ്മേളനം മെയ് 21, 22 ദിവസങ്ങളിലായി കൊച്ചിയിൽ നടക്കും. മെയ് 21 ശനി കലൂർ ഇൻ്റർനാഷ്നൽ സ്റ്റേഡിയത്തിൽ പ്രത്യേകം തയാറാക്കിയ സമ്മേളന നഗരിയിൽ രാവിലെ പത്ത് മണിക്ക് സംസ്ഥാന പ്രസിഡൻ്റ് ഡോ.നഹാസ് മാള പതാക ഉയർത്തുന്നതോടെയാണ് സമ്മേളനം ആരംഭിക്കുക. ശനി രാവിലെ മുതൽ ഞായർ ഉച്ചവരെയുള്ള വിവിധ സെഷനുകളിൽ പതിനായിരം യുവജനപ്രതിനിധികളാണ് പങ്കെടുക്കുക.ഫാഷിസ്റ്റ്കാല ഇന്ത്യയെ അഭിമുഖീകരിക്കാൻ ചെറുപ്പത്തെ സജ്ജമാക്കുക , ഫാഷിസ്റ്റ് വിരുദ്ധ കൂട്ടായ്മകളെ ശക്തിപ്പെടുത്തുക ,രാജ്യത്തും സംസ്ഥാനത്തും വർധിച്ച് വരുന്ന ഇസ്‍ലാമോഫോബിയ കുറ്റകൃത്യമായി പ്രഖ്യാപിക്കാൻ പൊതുജനപിന്തുണയോടെ ഭരണകൂടത്തിൽ സമ്മർദ്ദം ചെലുത്തുക, യുവാക്കളുടെ കർമ്മശേഷി ക്രിയാത്മകമായി ഉപയോഗപ്പെടുത്തുക തുടങ്ങിയവയാണ് വിവിധ സെഷനുകളുടെ ഊന്നൽ. ജമാഅത്തെ ഇസ്‍ലാമി അഖിലേന്ത്യാ ജനറൽ സെക്രട്ടറി ടി.ആരിഫലി ഉദ്ഘാടനം ചെയ്യുന്ന പ്രതിനിധി സമ്മേളനത്തിൽ വിവിധ…

കൊച്ചി: യുവ നടിയെ ബലാത്സംഗം ചെയ്ത കേസിൽ പ്രതിയായ നടനും നിർമ്മാതാവുമായ വിജയ് ബാബു ദുബായിൽ നിന്ന് ജോർജിയയിലേക്ക് കടന്നതായി റിപ്പോർട്ട്. ഇയാൾ കഴിഞ്ഞ ദിവസം ദുബായിൽ നിന്ന് രക്ഷപ്പെട്ടതായി പോലീസിനെ ഉദ്ധരിച്ച് മാധ്യമങ്ങൾ റിപ്പോർട്ട് ചെയ്യുന്നു. നടന്റെ പാസ്പോര്‍ട്ട് റദ്ദാക്കിയതായി കൊച്ചി സിറ്റി പൊലീസ് കമ്മിഷണർ സി.എച്ച് നാഗരാജു അറിയിച്ചിരുന്നു കൊച്ചി സിറ്റി പോലീസിന്റെ റിപ്പോർട്ടിന്റെ അടിസ്ഥാനത്തിലാണ് കേന്ദ്ര വിദേശകാര്യ മന്ത്രാലയം പാസ്‌പോർട്ട് റദ്ദാക്കിയത്. ഇതേത്തുടർന്നാണ് വിജയ് ബാബുവിന്റെ വിസ റദ്ദാക്കാൻ നടപടി സ്വീകരിച്ചത്. പാസ്പോര്‍ട്ട് റദ്ദാക്കുന്നതിന് മുന്‍പാണ് ജോര്‍ജിയയിലേക്ക് പോയതെന്നാണ് സൂചന. മെയ് 19ന് പാസ്‌പോർട്ട് ഓഫീസർക്ക് മുന്നിൽ ഹാജരാകുമെന്ന് വിജയ് ബാബു പറഞ്ഞിരുന്നെങ്കിലും വിദേശത്ത് ഒളിവിൽ കഴിയുകയായിരുന്നു. താൻ ബിസിനസ് ടൂറിലാണെന്നും മെയ് 24ന് മാത്രമേ എത്തുകയുള്ളൂവെന്നും വിജയ് ബാബു പാസ്‌പോർട്ട് ഓഫീസറെ അറിയിച്ചു. വിജയ് ബാബു ദുബായ് വിട്ടതായുള്ള സൂചനകള്‍ ഉണ്ടെന്ന്…

തൃശൂർ: ഒരാഴ്‌ചയിലേറെ നീണ്ടുനിന്ന തൃശൂർ പൂരത്തോടനുബന്ധിച്ചുള്ള കരിമരുന്ന് പ്രയോഗം, ഒടുവിൽ മഴ അൽപനേരം മാറിനിന്നതിനാൽ വെള്ളിയാഴ്ച നടത്തി. തൃശൂർ പൂരത്തിന്റെ പ്രധാന ഇനമായ വെടിക്കെട്ട് മെയ് 11 ന് നടത്താനായിരുന്നു ആദ്യം നിശ്ചയിച്ചിരുന്നത്. എന്നാൽ, മഴ നാശം വിതച്ചതിനാൽ വെടിക്കെട്ട് മെയ് 11 ന് വൈകുന്നേരത്തേക്ക് മാറ്റിവച്ചു. മഴ തുടർന്നതിനാൽ അത് പ്ലാൻ പ്രകാരം നടന്നില്ല. വീണ്ടും മെയ് 14 ലേക്ക് മാറ്റി, അതും നടത്താനായില്ല. വെടിക്കെട്ടു നടത്താന്‍ അനുയോജ്യമായ കാലാവസ്ഥയ്ക്കുള്ള കാത്തിരിപ്പ് തുടരുന്നതിനിടെ, വെള്ളിയാഴ്ച മഴ കുറയുമെന്ന് കാലാവസ്ഥാ പ്രവചനം അറിയിച്ചതാണ് അതിനാവശ്യമായ ക്രമീകരണങ്ങൾ ഒരുക്കാൻ ദേവസ്വം അധികൃതരെ പ്രേരിപ്പിച്ചത്. വ്യാഴാഴ്ച വൈകുന്നേരമാണ് യോഗം ചേർന്നത്. തുടർന്ന് വെള്ളിയാഴ്ച വെടിക്കെട്ട് പ്രദർശനം നടക്കുമെന്ന് അറിയിച്ചു. ചുരുങ്ങിയ സമയത്തിനുള്ളിൽ പോലും നൂറുകണക്കിന് ആളുകൾ പ്രദർശനം കാണാൻ നഗരത്തിലെത്തി, ഇത് കരിമരുന്ന് പ്രയോഗത്തോടുള്ള പൊതുജനങ്ങളുടെ ആവേശത്തെ സൂചിപ്പിച്ചു. ഉച്ചയോടെ…

കൊച്ചി: പ്രത്യേക രഹസ്യ വിവരങ്ങളുടെ അടിസ്ഥാനത്തിൽ ഡയറക്ടറേറ്റ് ഓഫ് റവന്യൂ ഇന്റലിജൻസ്, ഇന്ത്യൻ കോസ്റ്റ് ഗാർഡുമായി ചേർന്ന് ലക്ഷദ്വീപിലെ അഗത്തിക്ക് സമീപം രണ്ട് മത്സ്യബന്ധന ബോട്ടുകൾ പിടികൂടി അന്താരാഷ്ട്ര അനധികൃത വിപണിയിൽ നിന്ന് 1,526 കോടി രൂപ വിലമതിക്കുന്ന 218 കിലോ ഹെറോയിൻ പിടികൂടി. തമിഴ്‌നാട്ടിൽ രജിസ്റ്റർ ചെയ്ത പ്രിൻസ്, ലിറ്റിൽ ജീസസ് എന്നീ ബോട്ടുകൾ ബുധനാഴ്ച പിടികൂടി കൂടുതൽ അന്വേഷണത്തിനായി കൊച്ചിയിലെ കോസ്റ്റ് ഗാർഡ് ജില്ലാ ആസ്ഥാനത്ത് എത്തിച്ചു. തമിഴ്‌നാട്, കേരള സ്വദേശികളായ 20 മത്സ്യത്തൊഴിലാളികളാണ് ബോട്ടിലുണ്ടായിരുന്നതെന്നാണ് പ്രാഥമിക വിവരം. മത്സ്യബന്ധന ബോട്ടുകൾ വഴി തമിഴ്‌നാട് തീരത്തേക്ക് വൻതോതിൽ ഹെറോയിൻ കടത്തുന്നത് സംബന്ധിച്ച് ഡിആർഐക്ക് രഹസ്യാന്വേഷണ വിവരം ലഭിച്ചിരുന്നതനുസരിച്ച് കഴിഞ്ഞ കുറച്ച് മാസങ്ങളായി കർശന നിരീക്ഷണം നടത്തി വരികയായിരുന്നു. മെയ് രണ്ടോ മൂന്നാം വാരമോ അറബിക്കടലിൽ ഇന്ത്യൻ മത്സ്യബന്ധന ബോട്ടുകൾക്ക് വൻതോതിൽ ഹെറോയിൻ ലഭിക്കുമെന്നായിരുന്നു വിവരം.…

തിരുവനന്തപുരം: രണ്ടാം പിണറായി സർക്കാരിന്റെ ഒന്നാം ജന്മദിനമാണ് ഇന്ന്. സർക്കാർ രണ്ടാം വർഷത്തിലേക്ക് കടക്കുമ്പോൾ തൃക്കാക്കര ഉപതെരഞ്ഞെടുപ്പിന്റെ ചൂടിലാണ് രാഷ്ട്രീയ കേരളം. ഉപതെരഞ്ഞെടുപ്പിൽ വിജയിച്ച് 100 സീറ്റുമായി ഭരണം തുടരാമെന്ന പ്രതീക്ഷയിലാണ് പിണറായി വിജയനും കൂട്ടരും. എന്നാൽ സർക്കാരിന്റെ വീഴ്ചകൾ തുറന്നുകാട്ടി പ്രതിപക്ഷവും ശക്തമായി രംഗത്തുണ്ട്. 12 മാസം സമരക്കടല്‍: പ്രളയവും കൊവിഡ് മഹാമാരിയും ഉൾപ്പെടെയുള്ള വലിയ പ്രതിസന്ധികളെ അതിജീവിച്ച് അധികാരത്തിലെത്തിയ പിണറായി വിജയൻ വൻ വികസന പദ്ധതികൾ പ്രഖ്യാപിച്ചാണ് രണ്ടാം വട്ടം തുടങ്ങിയത്. കേരളത്തിന്‍റെ വികസന ഭൂപടത്തിലെ നിർണായക തുടക്കമെന്ന് ആവർത്തിച്ച് പറഞ്ഞാണ് സില്‍വർ ലൈൻ പദ്ധതിക്ക് തുടക്കമിട്ടത്. പക്ഷേ പദ്ധതിയുടെ പ്രാരംഭ നടപടികൾ അടക്കം വിവാദത്തിലായതോടെ പ്രതിപക്ഷം ശക്തമായ സമരവുമായി രംഗത്ത് എത്തി.സിൽവർ ലൈൻ കല്ലിടലാണ് ഈ കാലയളവിൽ സർക്കാരിന് നേരിടേണ്ടി വന്ന ഏറ്റവും വലിയ പ്രതിഷേധം. കല്ലിടൽ നടപടി ഊർജിതമാക്കിയതോടെ സംസ്ഥാനം പ്രതിഷേധത്തില്‍…

തിരുവനന്തപുരം: വന്യമൃഗങ്ങളെ നിയന്ത്രിക്കുന്നതിനുള്ള അധികാരം കേന്ദ്ര ഉത്തരവ് പ്രകാരം തദ്ദേശ സ്വയം ഭരണ സ്ഥാപനങ്ങള്‍ക്ക് നല്‍കുക, കടം എഴുതിത്തള്ളി ജപ്തി ലേല നടപടികള്‍ നിര്‍ത്തിവയ്ക്കുക, വനവിസ്തൃതിക്കായും കോര്‍പ്പറേറ്റുകള്‍ക്കായും കൃഷിഭൂമി പിടിച്ചെടുക്കുന്നതവസാനിപ്പിക്കുക, കാര്‍ഷികോല്‍പ്പന്നങ്ങള്‍ക്ക് മിനിമം വില ഉറപ്പു വരുത്തുക, കൃഷി പാഠ്യപദ്ധതിയില്‍ ഉള്‍പ്പെടുത്തുക, കടാശ്വാസ കമ്മീഷന്‍ വീണ്ടും അപേക്ഷയെടുക്കുക തുടങ്ങിയ ആവശ്യങ്ങള്‍ ഉന്നയിച്ചുകൊണ്ട് കൃഷിഭൂമി കര്‍ഷകന് എന്ന മുദ്രാവാക്യമുയര്‍ത്തി സ്വതന്ത്ര കര്‍ഷക സംഘടനകളുടെ ദേശീയ ഐക്യ വേദിയായ രാഷ്ട്രീയ കിസാന്‍ മഹാ സംഘ് സംസ്ഥാന കമ്മിറ്റിയുടെ നേതൃത്വത്തില്‍ ശനിയാഴ്ച (21/5/22) രാവിലെ 10 മണിക്ക് സെക്രട്ടറിയേറ്റിനു മുന്‍പില്‍ കര്‍ഷക പ്രതിക്ഷേധ സംഗമം നടത്തുന്നു. ദേശീയ കണ്‍വീനര്‍ ശിവകുമാര്‍ കക്കാജി ഉല്‍ഘാടനം ചെയ്യും. സംസ്ഥാന ചെയര്‍മാന്‍ അഡ്വ.ബിനോയ് തോമസ് അദ്ധ്യക്ഷത വഹിക്കും. ദേശീയ, സൗത്ത് ഇന്ത്യന്‍, സംസ്ഥാന നേതാക്കളായ കെ.വി ബിജു, അഡ്വ. വി.സി സെബാസ്റ്റ്യന്‍, കെ ശാന്തകുമാര്‍, ഡോ.ജോസ്‌കുട്ടി…