Category: INDIA

ഹൈദരാബാദ്: ‘ഹലാൽ ജിഹാദ്’ എന്ന മുസ്‌ലിം വിരുദ്ധ പ്രസ്താവനകൾ അടുത്ത ഘട്ടത്തിലേക്ക് നീങ്ങുന്നു. നഗരത്തിലെ ഹിന്ദു ഗ്രൂപ്പുകൾ ഹിന്ദു വ്യവസായികൾക്കും സമുദായാംഗങ്ങൾക്കും ആശയം വിശദീകരിക്കാൻ ബോധവൽക്കരണ പരിപാടി നടത്തുന്നു. കാച്ചിഗുഡയിലെ ബദ്രുക കോളേജിൽ ഞായറാഴ്ച വൈകീട്ട് അഞ്ചിന് അത്തരത്തിലുള്ള ഒരു പരിപാടി നടക്കും. ‘H2H ബിസിനസ്’ നെറ്റ്‌വർക്കിംഗും ‘സനാതൻ ഹിന്ദു സംഘ’വുമാണ് ഈ പരിപാടിയെ പിന്തുണയ്ക്കുന്നത്. “ഹിന്ദുക്കളുടെയും പ്രത്യേകിച്ച് ഹിന്ദു ബിസിനസുകാരുടെയും സമ്പദ്‌വ്യവസ്ഥയെ തകര്‍ക്കുന്ന ഹലാലിനെതിരായ നമ്മുടെ കുരിശുയുദ്ധത്തിന്റെ തുടർച്ചയായി, ഹലാലിനെ കുറിച്ച് അറിയാതെ നമ്മളോരോരുത്തരും എങ്ങനെ ബാധിക്കപ്പെടുന്നുവെന്ന് നമുക്ക് മനസിലാക്കാം. നമുക്കിതില്‍ അണി ചേരാം, നമ്മുടെ ഉത്കണ്ഠ പ്രകടിപ്പിക്കാം, ഹലാൽ എന്ന ഈ ഭൂതത്തെ അവസാനിപ്പിക്കാം,” ഹിന്ദു ബിസിനസ്സ് ഗ്രൂപ്പുകളിൽ പ്രചരിക്കുന്ന ഒരു സന്ദേശത്തില്‍ പറയുന്നു. ആഗോളതലത്തിൽ വൻ സ്വീകാര്യത നേടിക്കൊണ്ടിരിക്കുന്ന ഹലാൽ ഉൽപ്പന്നങ്ങളെക്കുറിച്ചാണ് ചില ഹിന്ദുത്വ ഗ്രൂപ്പുകൾക്ക് ആശങ്ക. ഭാരതീയ ജനതാ പാർട്ടിയുടെ (ബിജെപി)…

ന്യൂഡൽഹി: ഉത്തർപ്രദേശ്, രാജസ്ഥാൻ, മധ്യപ്രദേശ് എന്നിവിടങ്ങളിൽ കഴിഞ്ഞ വർഷം പട്ടികജാതി (എസ്‌സി) വിഭാഗങ്ങൾക്കെതിരെ ഏറ്റവും കൂടുതൽ അതിക്രമങ്ങൾ രജിസ്റ്റർ ചെയ്തതായി ആഭ്യന്തര സഹമന്ത്രി അജയ് കുമാർ മിശ്ര ബുധനാഴ്ച രാജ്യസഭയിൽ പറഞ്ഞു. പട്ടികജാതി വിഭാഗത്തിനും ദളിതർക്കും എതിരായ 13,146 കുറ്റകൃത്യങ്ങളാണ് 2021ൽ ഉത്തർപ്രദേശിൽ രജിസ്റ്റർ ചെയ്തതെന്നും രാജസ്ഥാനിൽ 7,524 അക്രമ സംഭവങ്ങളും മധ്യപ്രദേശിൽ 7,214 സംഭവങ്ങളും രജിസ്റ്റർ ചെയ്തിട്ടുണ്ടെന്നും സ്ഥിതി വിവരക്കണക്കുകൾ നൽകി മിശ്ര പറഞ്ഞു. ബിഹാർ, മഹാരാഷ്ട്ര, ഒഡീഷ എന്നിവിടങ്ങളിൽ യഥാക്രമം 5,842, 2503, 2327 കേസുകളാണ് സമുദായത്തിനെതിരെ ഉണ്ടായത്. രാജ്യത്തുടനീളം 50900 കുറ്റകൃത്യങ്ങളും അതിക്രമങ്ങളും രജിസ്റ്റർ ചെയ്തിട്ടുണ്ട്. ഇന്ത്യയിലുടനീളം 50291 കേസുകൾ രജിസ്റ്റർ ചെയ്ത 2020 നെ അപേക്ഷിച്ച് കഴിഞ്ഞ വർഷം ഇത്തരം അതിക്രമങ്ങൾ വർദ്ധിച്ചുവരുന്ന പ്രവണത രേഖപ്പെടുത്തി. വിരോധാഭാസമെന്നു പറയട്ടെ, പട്ടികജാതി വിഭാഗത്തിൽപ്പെട്ടവർക്കെതിരെ കുറ്റകൃത്യങ്ങൾ ചെയ്തതിന് കഴിഞ്ഞ വർഷം ഇന്ത്യയിലുടനീളം ശിക്ഷിക്കപ്പെട്ടത് 3640…

ലുധിയാന (പഞ്ചാബ്): കാമുകനെ വിവാഹം കഴിക്കാൻ വീടുവിട്ടിറങ്ങിയ യുവതിയെ 12 ദിവസത്തിന് ശേഷം ലുധിയാനയിലെ ജാഗ്രോണിൽ ബുധനാഴ്ച പൊലീസ് ഫാമിൽ കുഴിച്ചിട്ട നിലയിൽ കണ്ടെത്തി. യുവതിയുടെ തിരോധാനവുമായി ബന്ധപ്പെട്ട് ചൊവ്വാഴ്ച അറസ്റ്റിലായ നാല് പേരെ ചോദ്യം ചെയ്തപ്പോള്‍ മൃതദേഹം എവിടെയാണെന്ന് അവര്‍ വെളിപ്പെടുത്തിയതായി പോലീസ് വൃത്തങ്ങൾ അറിയിച്ചു. യുവതിയുടെ കാമുകൻ പരംപ്രീത് സിംഗ്, സഹോദരൻ ഭാവ്പ്രീത് സിംഗ്, സുഹൃത്ത് ഏകംജോത്, മറ്റൊരു കൂട്ടാളി ഹർപ്രീത് എന്നിവരാണ് അറസ്റ്റിലായത്. നവംബർ 24 നാണ് പണവും സ്വർണ്ണാഭരണങ്ങളുമായി യുവതി വീട്ടിൽ നിന്ന് ഒളിച്ചോടിയത്. തുടർന്ന് വീട്ടുകാരുടെ പരാതിയിൽ സുധാർ പോലീസ് സ്റ്റേഷനിൽ കേസ് രജിസ്റ്റർ ചെയ്തു. ലുധിയാന റേഞ്ച് ഐ.ജി ഡോ. കൗസ്തുഭ് ശർമയുടെ അഭിപ്രായത്തിൽ, “മരിച്ച ജസ്പീന്ദർ എന്ന യുവതിക്ക് പരംപ്രീതുമായി ബന്ധമുണ്ടായിരുന്നുവെന്നും, കുടുംബാംഗങ്ങൾ അവരുടെ പരാതിയിൽ സൂചിപ്പിച്ചതുപോലെ പണവും ആഭരണങ്ങളുമായി അയാളെ വിവാഹം കഴിക്കാനാണ് വീട്ടിൽ നിന്നിറങ്ങിയത്.…

ഒഡീഷ: അഗ്നി-V ബാലിസ്റ്റിക് മിസൈൽ പരീക്ഷണത്തിനുള്ള ഒരുക്കങ്ങൾ ഇന്ത്യ പൂർത്തിയാക്കി. ഡിസംബർ 16ന് ഒഡീഷ തീരത്തുള്ള അബ്ദുൾ കലാം ദ്വീപിൽ നിന്നാണ് മിസൈൽ പരീക്ഷണം. ബംഗാൾ ഉൾക്കടലിനെ വിമാനം പറക്കൽ നിരോധിത മേഖലയായി ഇന്ത്യ പ്രഖ്യാപിച്ചിട്ടുണ്ട്. ഇന്ത്യൻ മഹാസമുദ്ര റീജിയണിൽ (ഐഒആർ) ചൈനീസ് ഗവേഷണ കപ്പലിന്റെ സാന്നിധ്യത്തെ തുടർന്നാണ് ഇന്ത്യയുടെ നീക്കം. ചൈനയുടെ യുവാൻ വാങ് 5 ഇന്ത്യൻ മഹാസമുദ്ര മേഖലയിൽ വീണ്ടും പ്രവേശിച്ചതായി റിപ്പോർട്ടുകളുണ്ട്. നോർവീജിയൻ കമ്പനിയായ മാരിടൈം ഒപ്റ്റിമയാണ് റിപ്പോർട്ട് പുറത്തുവിട്ടത്. യുവാൻ വാങ് 5 നിലവിൽ ഇന്ത്യൻ മഹാസമുദ്രത്തിൽ ഇന്തോനേഷ്യൻ ദ്വീപായ ജാവയുടെ തീരത്തേക്ക് നീങ്ങിയതായി റിപ്പോർട്ടിൽ പറയുന്നു. ആൻഡമാൻ നിക്കോബാർ മേഖലയിൽ മിസൈൽ പരീക്ഷണത്തെക്കുറിച്ച് എയർലൈനുകൾക്കും മറ്റ് വ്യോമയാന മേഖലകൾക്കും ഇന്ത്യ നോട്ടീസ് നൽകിയതിനു തൊട്ടുപിന്നാലെയാണ് ചൈനീസ് കപ്പലിന്റെ സാന്നിധ്യം റിപ്പോർട്ട് ചെയ്യുന്നത്. അഗ്നി-വി മിസൈൽ 5,000 കിലോമീറ്റർ അകലെയുള്ള ലക്ഷ്യത്തെ…

ഗുവാഹത്തി: ഓൾ ഇന്ത്യ യുണൈറ്റഡ് ഡെമോക്രാറ്റിക് ഫ്രണ്ട് (എഐയുഡിഎഫ്) തലവൻ ബദറുദ്ദീൻ അജ്മലിന് മുഖ്യമന്ത്രി ഹിമന്ത ബിശ്വ ശർമയുമായി രഹസ്യ ബന്ധമുണ്ടെന്ന് ആരോപിച്ച് അസം കോൺഗ്രസ് അധ്യക്ഷൻ ഭൂപെൻ ബോറ. ഹിന്ദു സമൂഹത്തിന്റെ വികാരത്തെ വ്രണപ്പെടുത്തിയ പ്രകോപനപരമായ പ്രസ്താവനയ്ക്ക് ശേഷം അജ്മലിനെതിരെ പോലീസ് നടപടിയെടുക്കാത്തതിന് കാരണമതാണെന്ന് ബോറ പറഞ്ഞു. എഐയുഡിഎഫ് മേധാവിയുടെ പ്രസ്താവന സംസ്ഥാനത്ത് സാമുദായിക സ്പര്‍ദ്ധയുണ്ടാക്കുമെന്ന് കോൺഗ്രസ് നേതാവ് ആരോപിച്ചു. എന്നിട്ടും ബിജെപി സർക്കാർ ശക്തമായ നടപടി സ്വീകരിക്കുന്നില്ല. “ശർമ്മയുടെ കീഴിലുള്ള അസം പോലീസ് വളരെ ചെറിയ വിഷയത്തിൽ ജിഗ്നേഷ് മേവാനിക്കെതിരെ നടപടിയെടുക്കുകയും അദ്ദേഹത്തെ അറസ്റ്റ് ചെയ്യാൻ എല്ലാവരും ഗുജറാത്തിലേക്ക് പോകുകയും ചെയ്തതായി ഞങ്ങൾ കണ്ടു. ഗുവാഹത്തിയിലെ വിക്ടർ ദാസ് എന്ന അദ്ധ്യാപകൻ പോലും സംസ്ഥാന സർക്കാരിന്റെ റിക്രൂട്ട്‌മെന്റ് ഡ്രൈവിനെതിരെ പ്രതികൂലമായ പോസ്റ്റു ചെയ്‌തതിന് അറസ്റ്റിലായി. അസമിലെ ബി.ജെ.പി ഭരണത്തിൽ നിയമം എല്ലാവർക്കും ഒരുപോലെയാണോ ?’;…

പട്‌ന: ബീഹാറിലെ സമസ്തിപൂരിലെ പ്രമുഖ ജ്വല്ലറി കൊള്ളയടിച്ച പത്തോളം വരുന്ന കവർച്ചക്കാർ ഒരു കോടി രൂപ വിലമതിക്കുന്ന ആഭരണങ്ങളുമായി രക്ഷപ്പെട്ടു. സമസ്തിപൂരിലെ മോഹൻപൂർ നാക്കു ചൗക്കിൽ സ്ഥിതി ചെയ്യുന്ന ‘ഹീര ജ്വല്ലേഴ്‌സി’ൽ എത്തിയ ഒരു സ്ത്രീ ഉൾപ്പെടെയുള്ള കവർച്ചക്കാർ എല്ലാ ജീവനക്കാരെയും ഉപഭോക്താക്കളെയും തോക്കുചൂണ്ടി ഭീഷണിപ്പെടുത്തിയാണ് കൊള്ളയടിച്ചത്. ഉപഭോക്താവായി ഒരു സ്ത്രീ കടയിൽ വന്നിരുന്നതായി കടയിലെ ജീവനക്കാർ പോലീസിന് നൽകിയ മൊഴിയിൽ പറഞ്ഞു. അവര്‍ സിഗ്നല്‍ നല്‍കിയപ്പോഴാണ് ഒരു ഡസനോളം വരുന്ന കൊള്ളക്കാർ കടയിൽ അതിക്രമിച്ച് കയറി എല്ലാവരെയും തോക്ക് ചൂണ്ടി അകത്തേക്ക് കൊണ്ടുപോയതെന്ന് പറയുന്നു. കവർച്ചക്കാർ ചില ജീവനക്കാരെ മർദ്ദിക്കുകയും സിസിടിവി ക്യാമറകൾ തകർക്കുകയും ചെയ്തു. സിസിടിവിയുടെ ഡിജിറ്റൽ വീഡിയോ റെക്കോഡറും അക്രമികള്‍ എടുത്തുകൊണ്ടുപോയി. “ഞങ്ങൾ മുഫാസിൽ പോലീസ് സ്റ്റേഷനിൽ എഫ്‌ഐആർ രജിസ്റ്റർ ചെയ്തിട്ടുണ്ട്, കവർച്ചക്കാരെ പിടികൂടാനുള്ള ശ്രമങ്ങൾ തുടരുകയാണ്,” സമസ്തിപൂർ പോലീസ് ഉദ്യോഗസ്ഥൻ പറഞ്ഞു.…

ചെന്നൈ: 1998 ഫെബ്രുവരി 14 ന് കോയമ്പത്തൂരിനെ നടുക്കിയ തുടർച്ചയായ ബോംബ് സ്‌ഫോടനങ്ങളിൽ 56 പേർ കൊല്ലപ്പെടുകയും 200 ലധികം പേർക്ക് പരിക്കേൽക്കുകയും ചെയ്തു. അന്നത്തെ ഉപപ്രധാനമന്ത്രിയും ബി.ജെ.പിയുടെ മുതിർന്ന നേതാവുമായിരുന്ന എൽ.കെ.അദ്വാനിയെ ലക്ഷ്യമിട്ടായിരുന്നു സ്‌ഫോടനങ്ങൾ ആസൂത്രണം ചെയ്തവർ. എന്നാൽ, വിമാനം കോയമ്പത്തൂരിൽ എത്താൻ അൽപ്പം വൈകിയതിനാൽ പരിക്കേൽക്കാതെ രക്ഷപ്പെട്ടു. 1993 ഓഗസ്റ്റ് 8-ന് തമിഴ്‌നാട്ടിലെ ആർഎസ്‌എസ് ആസ്ഥാനത്ത് ശക്തമായ സ്‌ഫോടനം ഉണ്ടായി 11 പേർ കൊല്ലപ്പെടുകയും ഏഴ് പേർക്ക് പരിക്കേൽക്കുകയും ചെയ്തു. മരിച്ച 11 പേരിൽ എട്ട് യുവ ആർഎസ്എസ് പ്രചാരക്മാരും (ആർഎസ്എസിന്റെ മുഴുവൻ സമയ പ്രവർത്തകർ) മറ്റ് മൂന്ന് പേർ ആർഎസ്എസ് ആസ്ഥാനത്ത് എത്തിയ സ്വയംസേവകരുമായിരുന്നു. ആർഎസ്എസ് ആസ്ഥാനത്ത് പൊട്ടിത്തെറിച്ച സ്ഫോടനം ആസൂത്രണം ചെയ്ത് നടപ്പാക്കിയത് അൽ-ഉമ്മയും അതിന്റെ നേതാവ് എസ്എ ബാഷയും ചേർന്നാണ്. 1992 ഡിസംബർ 6 ന് ബാബറി മസ്ജിദ് തകർത്തതിന്…

അയോദ്ധ്യ : അയോദ്ധ്യയ്ക്കടുത്തുള്ള ധനിപൂർ ഗ്രാമത്തില്‍ ഒരു വലിയ മുസ്ലീം പള്ളി സമുച്ചയം വരാൻ പോകുന്നു എന്നതിന്റെ ഏക സൂചകങ്ങളാണ് നിര്‍ദ്ദിഷ്ട സ്ഥലത്ത് ഇന്തോ-ഇസ്ലാമിക് കൾച്ചറൽ ഫൗണ്ടേഷൻ സ്ഥാപിച്ച കമ്പിവേലികളും ബോർഡും. അഞ്ച് ഏക്കർ സ്ഥലം അനുവദിക്കാൻ സുപ്രീം കോടതി ഉത്തരവിട്ട നിർദിഷ്ട മസ്ജിദിന്റെ ചിത്രമാണ് ബോർഡിലുള്ളത്. എന്നാൽ രാമജന്മഭൂമി-ബാബറി മസ്ജിദ് ഭൂമി തർക്കം സുപ്രീം കോടതി പരിഹരിച്ച് മൂന്ന് വർഷം പിന്നിട്ടിട്ടും നിർദിഷ്ട മസ്ജിദ് സ്ഥലത്ത് നിർമാണ പ്രവർത്തനങ്ങൾ നടന്നതിന്റെ ലക്ഷണമില്ല. ട്രസ്റ്റിന്റെ നിർദ്ദേശത്തിന് അയോദ്ധ്യ വികസന അതോറിറ്റി ഇതുവരെ അംഗീകാരം നൽകിയിട്ടില്ല. എന്നാൽ ഇത് ഉടൻ സംഭവിക്കുമെന്ന് ട്രസ്റ്റ് പ്രതീക്ഷിക്കുന്നു. “നിർദിഷ്ട സമുച്ചയത്തിന്റെ വിശദമായ ഭൂപടം ഞങ്ങൾ അയോദ്ധ്യ വികസന അതോറിറ്റിക്ക് സമർപ്പിച്ചിട്ടുണ്ട്. കോവിഡ്-19 പാൻഡെമിക് കാരണം ഇതിന്റെ ക്ലിയറൻസ് വൈകി. ഭൂപടത്തിന്റെ ക്ലിയറൻസിലെ എല്ലാ തടസ്സങ്ങളും പരിഹരിക്കപ്പെടുകയാണെന്ന് അവർ ഇപ്പോൾ ഞങ്ങളെ അറിയിച്ചിട്ടുണ്ട്,…