തിരുവനന്തപുരം: കഴിഞ്ഞ വെള്ളിയാഴ്ച ഛത്തീസ്ഗഡിലെ ദുർഗ് റെയിൽവേ സ്റ്റേഷനിൽ തട്ടിക്കൊണ്ടുപോകൽ, മനുഷ്യക്കടത്ത്, നിർബന്ധിത മതപരിവർത്തനം എന്നീ കുറ്റങ്ങൾ ചുമത്തി രണ്ട് മലയാളി കന്യാസ്ത്രീകളെ അറസ്റ്റ് ചെയ്തതിനെതിരെയുള്ള പ്രതിഷേധം കേരളത്തിലും ന്യൂഡൽഹിയിലും ആളിക്കത്തി. ജൂലൈ 25 വെള്ളിയാഴ്ച ആഗ്രയിലേക്ക് ട്രെയിനിൽ പോകുകയായിരുന്നു കന്യാസ്ത്രീകളായ സിസ്റ്റര് പ്രീതി മേരിയും, സിസ്റ്റര് വന്ദന ഫ്രാന്സിസും. ഇവർക്കൊപ്പം മൂന്ന് ആദിവാസി പെണ്കുട്ടികളും ഒരു യുവാവും ഉണ്ടായിരുന്നു. എന്നാൽ, യാത്രാമധ്യേ ദുർഗ് റയിൽവേ സ്റ്റേഷനിൽ വച്ച് ചില ബജ്റംഗ്ദള് പ്രവർത്തകർ ട്രെയിനിൽ വച്ച് കന്യാസ്ത്രീകളെ തടഞ്ഞുവച്ച് ചോദ്യം ചെയ്തതോടെയാണ് വിവാദങ്ങള്ക്ക് തുടക്കം കുറിച്ചത്. ഹിന്ദു മതത്തില്പെട്ട കുട്ടികളായതിനാലാണ് തങ്ങള് ചോദ്യം ചെയ്തതെന്നും, പെണ്കുട്ടികളെ പ്രലോഭിപ്പിച്ച് മതം മാറ്റുന്നതിനുവേണ്ടി ആഗ്രയിലേക്ക് കൊണ്ടുപോകുകയാണെന്നും ഇവര് ആരോപിച്ചു. മൂന്ന് ആദിവാസി പെൺകുട്ടികളും നാരായൺപൂർ ജില്ലയിലെ ഓർച്ച ഗ്രാമത്തിലെ സ്വദേശികളാണെന്ന് ഇവര് പറയുന്നു. കന്യാസ്ത്രീകള്ക്ക് ഒപ്പമുണ്ടായിരുന്ന യുവാവ് ഇതിനുമുൻപും ഇത്തരം…
ഛത്തീസ്ഗഡിൽ മലയാളി കന്യാസ്ത്രീകളെ അറസ്റ്റ് ചെയ്തതിൽ കേരളത്തിലും ഡൽഹിയിലും വന് പ്രതിഷേധം
