Category: AMERICA

ഡാളസ്: പ്രവാസി മലയാളി ഫെഡറേഷൻ (പിഎംഎഫ്) ഗ്ലോബൽ സംഗമം 2022 വാർഷിക സമ്മേളനം സെപ്റ്റെംബർ 3 ശനിയാഴ്ച എറണാകുളം വൈ എം സി എ ഇന്റർനാഷണൽ യൂത്ത് സെന്ററിൽ വെച്ചു വിവിധ പരിപാടികളോടെ നടത്തപ്പെട്ടു പ്രസ്തുത സമ്മേളനത്തിൽ എം പീ സലീമിനെ പുതിയ കമ്മിറ്റിയുടെ ഗ്ലോബൽ പ്രസിഡന്റായി ഐക്യകണ്ഠേന അടുത്ത 2 വർഷത്തേക്ക് വീണ്ടും തിരഞ്ഞെടുക്കപ്പെട്ടു. ഗ്ലോബൽ പ്രസിഡന്റിന്റെ അധ്യക്ഷതയിൽ അന്തരിച്ച മുൻ ഗ്ലോബൽ കോഓർഡിനേറ്റർ ശ്രീ ജോസ് മാത്യുപനച്ചിക്കൽ, ചാരിറ്റി കൺവീനർ അജിത് കുമാർ എന്നിവർക്ക് അനുശോചനം രേഖപ്പെടുത്തി ആരംഭിച്ച സമ്മേളനത്തിൽ ഗ്ലോബൽചെയർമാൻ ഡോക്ടർ ജോസ് കാനാട്ട് മുഖ്യ പ്രഭാഷണം നടത്തി ജനറൽ സെക്രട്ടറി വർഗീസ് ജോൺ സ്വാഗതവും പ്രവർത്തന റിപ്പോർട്ടും അവതരിപ്പിച്ചു, ഗ്ലോബൽ ട്രഷറർ സ്റ്റീഫൻ കോട്ടയം കണക്കുകൾ അവതരിപ്പിച്ചു ഗ്ലോബൽ ഡയറക്ടർ ബോർഡ് മെമ്പർ ശ്രീ ജോർജ് പടികകുടി, ശ്രീ സാബു ചെറിയാൻ,…

കാൽഗറി: ചാത്തന്നൂർ, കാരംകോട് വലിയവീട്ടിൽ ശാന്തിഭവനിൽ എ. രാജന്റെ സഹധർമ്മിണി മറിയക്കുട്ടി രാജൻ (83) അന്തരിച്ചു. മാവേലിക്കര , പുന്നമൂട് കോയിപ്പള്ളിൽ കുടുംബാംഗമായ പരേത കാൽഗറിയിൽ സ്ഥിരതാമസമാക്കിയ മലയാളി റോയ് അലക്സിന്റെ മാതാവുമാണ്‌. മക്കൾ: റോയ് അലക്സ് (മഞ്ജു അലക്സ് ) കാൽഗറി , രഞ്ജി അലക്സ് (ജൂബി അലക്സ് ) ഖത്തർ . കൊച്ചുമക്കൾ: ജോനാഥൻ അലക്സ് , ജെസ്സീക്ക അലക്സ് ,ജോർഡൻ അലക്സ് സംസ്കാരം പിന്നീട് .

എഡ്മണ്ടൻ: ആൽബർട്ടിയിലെ പ്രമുഖ ഹൈന്ദവ സംഘടനയായ നോർത്തേൺ ആൽബർട്ടാ മലയാളി ഹിന്ദു അസോസിയേഷന്റെ (NAMAHA) നേതൃത്വത്തിൽ ഓണം 2022 വളരെ വിപുലമായി ആഘോഷിച്ചു. സെപ്റ്റംബർ മൂന്നിന് എഡ്മണ്ടനിലെ പ്ലെസന്റ് വ്യൂ കമ്യൂണിറ്റി ഹാളിൽ വച്ചായിരുന്നു പരിപാടികൾ നടന്നത്. രാവിലെ 11 മണിക്ക് നമഹ പ്രസിഡന്റ് രവി മങ്ങാട്ട്, സെക്രട്ടറി പ്രജീഷ് നാരായണൻ എന്നിവർ ഭദ്രദീപം കൊളുത്തി പരിപാടികൾ ഉദ്ഘാടനം ചെയ്തു. ശിവ മനോഹരി ഡാൻസ് അക്കാദമി ടീച്ചർ ഗോമതി ബറൂഡ നമഹ സ്പോൺസർ ജിജോ ജോർജ് എന്നിവരെ വേദിയിൽ ആദരിച്ചു. വിഭവ സമ്യദ്ധമായ ഓണ സദ്യക്ക് ശേഷം നയനമനോഹരമായ കലാപരിപാടികൾ അരങ്ങേറി. വാദ്യമേളങ്ങളുടേയും പൂവിളികളുടെയും അകമ്പടിയോടു കൂടിയുള്ള മാവേലി വരവ് ഏവർക്കും വ്യത്യസ്തമായ അനുഭവമായി. നമഹ മാതൃസമിതിയുടെ നേതൃത്വത്തിൽ അതി മനോഹരമായ തിരുവാതിര കളിയും നമഹ ഡാൻസ് അക്കാദമിയിലെ കുട്ടികൾ അവതരിച്ച നൃത്തനൃത്ത്യങ്ങൾ കാണാഘോഷപരിപാടികൾക്ക് മാറ്റു കൂട്ടി.…

വിര്‍ജീനിയ: തെക്കുകിഴക്കൻ യുഎസ് സംസ്ഥാനമായ വിർജീനിയയിൽ ഞായറാഴ്ച നടന്ന വെടിവയ്പ്പിൽ രണ്ട് പേർ കൊല്ലപ്പെടുകയും അഞ്ച് പേർക്ക് പരിക്കേൽക്കുകയും ചെയ്തതായി പോലീസ് അറിയിച്ചു. രാജ്യത്ത് തോക്ക് അക്രമങ്ങള്‍ പകർച്ചവ്യാധി പോലെ പടര്‍ന്നു പിടിക്കുകയാണെന്ന് പോലീസ് പറയുന്നു. തെക്കുകിഴക്കൻ വിർജീനിയയിലെ ഒരു വാട്ടർഫ്രണ്ട് നഗരമായ നോർഫോക്കിലാണ് സംഭവം നടന്നത്. ശനിയാഴ്ച അർദ്ധരാത്രി മുതൽ ഞായറാഴ്ച പുലർച്ചെ വരെ കില്ലം അവന്യൂവില്‍ നടന്ന ഒരു പാർട്ടിയിലാണ് വെടിവെപ്പ് നടന്നതെന്ന് റിപ്പോർട്ടുകളില്‍ പറയുന്നു. നോർഫോക്ക് പോലീസ് പറയുന്നതനുസരിച്ച്, വെടിവെപ്പിൽ നാല് സ്ത്രീകൾക്കും മൂന്ന് പുരുഷന്മാർക്കും പരിക്കേറ്റു. അവരിൽ രണ്ട് പേർ പിന്നീട് ആശുപത്രിയിൽ മരണത്തിന് കീഴടങ്ങി. സാബ്രെ മില്ലർ (25), ആഞ്ചെലിയ മക്നൈറ്റ് (19) എന്നിവരാണ് കൊല്ലപ്പെട്ടത്. കാമ്പസിന് പുറത്ത് നടന്ന, നഗരത്തിലുടനീളം ഞെട്ടലുണ്ടാക്കിയ കൂട്ട വെടിവയ്പിലെ ഇരകളിൽ പലരും സർവകലാശാലയിലെ വിദ്യാർത്ഥികളാണെന്ന് കൂടുതൽ വിശദാംശങ്ങൾ നൽകാതെ നോർഫോക്ക് സ്റ്റേറ്റ് യൂണിവേഴ്സിറ്റി…

ഒട്ടാവ: കനേഡിയൻ പ്രവിശ്യയായ സസ്‌കാച്ചെവാനിലെ രണ്ട് കമ്മ്യൂണിറ്റികളിലായി 13 സ്ഥലങ്ങളിൽ കുത്തേറ്റ് 10 പേർ കൊല്ലപ്പെട്ട സംഭവത്തില്‍ കൊലയാളികള്‍ക്കായി പോലീസ് തെരച്ചില്‍ ഊര്‍ജ്ജിതമാക്കി. ജെയിംസ് സ്മിത്ത് ക്രീ നേഷനിലും സസ്‌കറ്റൂണിന്റെ വടക്ക് കിഴക്കുള്ള വെൽഡൺ ഗ്രാമത്തിലും ഞായറാഴ്ച ഒന്നിലധികം സ്ഥലങ്ങളിൽ കുത്തേറ്റ പതിനഞ്ച് പേരെ ആശുപത്രിയിൽ പ്രവേശിപ്പിച്ചതായി പോലീസ് പറഞ്ഞു. ഇരകൾ യാദൃശ്ചികമായി ആക്രമിക്കപ്പെട്ടതാകാമെന്നാണ് പ്രാഥമിക സൂചനകൾ സൂചിപ്പിക്കുന്നത്. എന്നാൽ, സാധ്യമായ കാരണങ്ങള്‍ പോലീസ് നൽകിയില്ല. ഡാമീന്‍ സാന്‍ഡേഴ്‌സണ്‍, മൈല്‍സ് സാന്‍ഡേഴ്‌സണ്‍ എന്നിവരാണ് ആക്രമണത്തിന് പിന്നിലെന്നാണ് പൊലീസിന്‍റെ പ്രാഥമിക നിഗമനം. സസ്‌കാച്ചെവൻ റൗഫ്‌റൈഡേഴ്‌സും വിന്നിപെഗ് ബ്ലൂ ബോംബേഴ്‌സും തമ്മിലുള്ള കനേഡിയൻ ഫുട്‌ബോൾ ലീഗ് ഗെയിമിനോടനുബന്ധിച്ചുള്ള അസ്വാരസ്യങ്ങളാണ് ആക്രമണത്തിന് പിന്നിലെന്ന് പോലീസ് പറയുന്നു. റോയൽ കനേഡിയൻ മൗണ്ടഡ് പോലീസിന്റെ സഹായത്തോടെ അക്രമികളെ കണ്ടെത്തുന്നതിനും അറസ്റ്റ് ചെയ്യുന്നതിനുമായി വിവിധ മേഖലകളിൽ അന്വേഷണം നടത്തുകയാണെന്നും, മൊസൈക് സ്റ്റേഡിയത്തിലെ ഫുട്ബോൾ ഗെയിം ഉൾപ്പെടെ…

ഷിക്കാഗൊ: അമേരിക്കയിലെ ക്നാനായ കത്തോലിക്കർ ഉൾക്കൊള്ളുന്ന ഷിക്കാഗോ സീറോമലബാർ രൂപതയുടെ പ്രഥമ മെത്രാനായി 2001 മുതൽ സേവനം ചെയ്തശേഷം 2022 ഒക്ടോബർ 1നു വിരമിക്കുന്ന മാർ ജേക്കബ് അങ്ങാടിയാത്തു പിതാവിന് ഷിക്കാഗോയിലെ സേക്രഡ് ഹാർട്ട് ഫൊറോനാ ഇടവക ഹൃദ്യമായ നന്ദിപ്രകാശിപ്പിച്ചു. ആഗസ്റ്റ് നാലു ഞായറാഴ്ച രാവിലെ 9:45ന് ദൈവാലയ കവാടത്തിലെത്തിയ പിതാവിനെ ഫൊറോനാ വികാരി ഫാ. ഏബ്രാഹം മുത്തോലത്ത് ഹാരാർപ്പണം നടത്തിയും കൈക്കാരൻ സാബു മുത്തോലം ബൊക്കെ നൽകിയും സ്വീകരിച്ചു. മുത്തുക്കുടകൾ, താലപ്പൊലി, വാദ്യമേളം എന്നിവയുടെ അകമ്പടിയോടെ പിതാവിനെ ഇടവക ജനം ദൈവാലയത്തിലേക്ക് ഹാർദ്ദവമായി ആനയിച്ചു. 2006 സെപ്തംബറിൽ മാർ ജേക്കബ് അങ്ങാടിയാത്തു പിതാവു സ്ഥാപിച്ചു വെഞ്ചരിച്ച ഷിക്കാഗോ സേക്രഡ് ഹാർട്ട് പള്ളിയാണ് പ്രവാസി ക്നാനായക്കാരുടെ പ്രഥമ ദൈവാലയം. ഇടവകയുടെ പതിനാറാമതു വാർഷികം ഇടവകദിനമായി ആചരിക്കുന്നതോടൊപ്പം 1911ൽ ക്നാനായ കത്തോലിക്കർക്കു മാത്രമായി കോട്ടയം മിസം സ്ഥാപിച്ച വിശുദ്ധ…

ഒഹായോ : കൊളംബസ് സെയിൻറ് മേരീസ് സീറോ മലബാര്‍ കത്തോലിക്ക മിഷൻ്റെ മധ്യസ്ഥയായ പരിശുദ്ധ കന്യകാമറിയത്തിൻ്റെ ഈ വര്‍ഷത്തെ തിരുനാൾ സെപ്റ്റംബര്‍ 17,18 നു തീയതികളിൽ നടത്തും. സെപ്റ്റംബർ 17 ന് വൈകുന്നേരം 6 ന് തിരുനാളിന് തുടക്കം കുറിച്ച് റെസ്റ്രക്ഷൻ കത്തോലിക്ക പള്ളി അസിസ്റ്റൻഡ് വികാരി ഫാ. അനീഷ് കൊടിയേറ്റു കർമ്മം നിർവഹിക്കും. തുടർന്ന് ലദീഞ്ഞ്, കുർബാന. പ്രധാന തിരുനാൾ ദിവസമായ സെപ്റ്റംബർ 18 ന് ഉച്ചകഴിഞ്ഞു 3 ന് തിരുനാൾ പ്രദിക്ഷണം, ആഘോഷമായ തിരുനാൾ കുർബാന, ലദീഞ്ഞ് സെയിൻറ് ഹെൻറി കത്തോലിക്ക പള്ളി അസിസ്റ്റൻഡ് വികാരി ഫാ. എബി ചീരകത്തോട്ടം സിഎംഐ കാർമികത്വം വഹിക്കും. സെയിന്റ് ജോൺ കത്തോലിക്ക പള്ളി അസിസ്റ്റൻഡ് വികാരി ഫാ. ജിൻസ് കുപ്പക്കര തിരുനാൾ സന്ദേശം നൽകും. തിരുനാൾ കുർബാനയ്ക്കു ശേഷം പാരിഷ് ഹാളിൽ വെച്ച് പൊതുമീറ്റിങ്ങും, കൾച്ചറൽ പ്രോഗ്രാമും…

ഡാളസ് : തൃശൂര്‍ ശ്രീ കേരളവര്‍മ്മ 1974-77 ബി.എസ്. സി ഫിസിക്‌സ് ബാച്ച് പൂര്‍വവിദ്യാര്‍ത്ഥികളുടെ സംഗമം തൃശൂരില്‍ സംഘടിപ്പിച്ചു. തൃശൂര്‍ മോത്തിമഹല്‍ കോണ്‍ഫറന്‍സ് ഹാളില്‍ സെപ്റ്റ 3 ന് ഞായറാഴ്ച രാവിലെ 10 മുതല്‍ ആരംഭിച്ച വിദ്യാര്‍ത്ഥി സംഗമത്തില്‍ ഭാഭാ ആറ്റമിക് റിസർച്ച് മുൻ സയന്റിസ്റ്റ് രത്നകല സ്വാഗതമാശംസിച്ചു. ഈ കാലഘട്ടത്തിനുള്ളിൽ കാലയവനികക്കുള്ളിൽ മറഞ്ഞ സതീർത്ഥ്യരെ സ്മരിച്ചുകൊണ്ട് അമ്പാട്ട് രാമചന്ദ്രൻ പ്രസംഗിച്ചു. തുടര്‍ന്ന് യു,എസ്.എ യില്‍ നിന്നും എത്തിച്ചേര്‍ന്ന പൂര്‍വവിദ്യാര്‍ത്ഥിയും പ്രമുഖ മാധ്യമ പ്രവര്‍ത്തകനുമായ പി.പി. ചെറിയാന്‍ മുഖ്യ പ്രഭാഷണം നടത്തി. റിട്ട. പ്രൊഫസര്‍ സി. ഗോവിന്ദന്‍കുട്ടി, മുൻ കേരളവർമ കോളേജ് യൂണിയൻ ചെയര്‍മാന്‍ സണ്ണി, പ്രവീൺകുമാർ, ചന്ദ്രിക, വിജയൻ എന്നിവര്‍ ആശംസകള്‍ അറിയിച്ചു. . സംഗമത്തില്‍ പങ്കെടുത്തവര്‍ തങ്ങളുടെ ഊഷ്മളമായ പൂര്‍വകാല സ്മരണകള്‍ പങ്കുവച്ചു. സുകുമാരൻ നന്ദി പ്രകാശിപ്പിച്ചു. കെ.സി. രത്‌നകല, ആര്‍. അമ്പാട്ട്, ചന്ദ്രിക.എ.…

ഡാളസ് : മാർത്തോമാ സഭ നോർത്ത് അമേരിക്ക യൂറോപ്പ് ഭദ്രാസന സുവിശേഷ സേവികാസംഘത്തിന്റെ ആഭിമുഖ്യത്തിൽ ഡാളസിൽ വച്ച് നടത്തപ്പെടുന്ന 20 – മത് ദേശീയ കോൺഫറൻസിന്റെ റജിസ്‌ട്രേഷൻ വളരെ വേഗത്തിൽ പുരോഗമിക്കുന്നതായി റജിസ്ട്രേഷൻ കൺവീനർ ഭാമിനി തോമസ് അറിയിച്ചു. ഒക്ടോബർ 13 മുതൽ 16 വരെ (വ്യാഴം മുതൽ ഞായർ) ഡാളസ് മാർത്തോമാ ചർച്ച്‌ ഓഫ് ഡാളസ് ഫാർമേഴ്‌സ് ബ്രാഞ്ച് ദേവാലയത്തിൽ വച്ച് നടത്തപെടുന്ന കോൺഫറൻസിന് ഫാർമേഴ്‌സ് ബ്രാഞ്ച ഇടവകയിലെ സേവികാ സംഘമാണ് ആതിഥേയത്വം വഹിയ്ക്കുന്നത്. “സ്ത്രീകൾ പുതിയ ലോകത്തിന്റെ മാർഗ്ഗദർശികൾ” എന്ന വിഷയമാണ് ഈ കോൺഫറൻസിന്റെ മുഖ്യചിന്താവിഷയം. വിഷയത്തെ സംബന്ധിച്ച് നിരവധി പഠന സെഷനുകളും ചർച്ചകളും ക്രമീകരിച്ചിട്ടുണ്ട്. മാർത്തോമാ സഭയുടെ പരമാദ്ധ്യക്ഷൻ അഭിവന്ദ്യ ഡോ.തിയോഡോഷ്യസ് മാർത്തോമാ മെത്രാപോലിത്ത, നോർത്ത് അമേരിക്ക യൂറോപ്പ് ഭദ്രാസനാധ്യക്ഷൻ ഡോ. ഐസക്ക് മാർ ഫീലക്സിനോസ് എപ്പിസോകോപ്പാ, റവ. ഡോ. ഈപ്പൻ വർഗീസ്…