Category: AMERICA

ഡാളസ്: ഡാളസിലെ പ്രമുഖ സാംസ്‌കാരിക പ്രവർത്തകയും നോർത്ത് ടെക്സാസ് ഇൻഡോ അമേരിക്കൻ നേഴ്സ് അസ്സോസിയേൻ സ്ഥാപക നേതാവും, ജീവ കാരുണ്യ സജീവ പ്രവർത്തകയുമായിരുന്ന പരേതയായ ശ്രിമതി.ഏലിക്കുട്ടി ഫ്രാൻസിന്റെ നിര്യാണത്തിൽ അമേരിക്കാൻ മലയാളി വെൽഫെയർ അസോസിയേഷൻ അനുശോചനം രേഖപ്പെടുത്തി. നാലു ദശകത്തിലേറെ പാർക്കലാണ്ട്‌ ഹോസ്പിറ്റലിൽ നഴ്സിംഗ് സൂപ്പർവൈസറായി ജോലി ചെയ്തു വിരമിച്ച പരേത അമേരിക്കൻ മലയാളി വെൽഫെയർ അസോസിയേഷന്റെ ഉറ്റു ചങ്ങാതിയും, ഡാളസിലെ പ്രവാസി മലയാളി സംഘടനകൾക്ക് സാമ്പത്തീക സഹായവും അതിലുപരി സാംസ്‌കാരിക നേതൃത്വവും നൽകി സ്നേഹിച്ച ഒരു വിശിഷ്ഠ വനിത ആയിരുന്നു. പരേതയുടെ വേർപാടിൽ അമേരിക്കൻ മലയാളി വെൽഫെയർ അസോസിയേഷന്റെ അനുശോചനം അറിയിക്കുന്നതോടൊപ്പം ദുഃഖിതയിരിക്കുന്ന കുടുംബാംഗങ്ങൾ ബന്ധു മിത്രാദികൾ എന്നിവരോടൊപ്പം ദുഃഖത്തിൽ പങ്കു ചേരുന്നതായും പ്രസിഡണ്ട് എബി മക്കപ്പുഴ അറിയിച്ചു. (ജോ ചെറുകര, ന്യൂയോർക്ക്)

ഹൂസ്റ്റൺ :ഹൂസ്റ്റണ്‍ ആസ്‌ഥാനമായി പ്രവർത്തിച്ചുവരുന്ന ഇൻ്റർനാഷണൽ പ്രയർ ലൈൻ  ചൊവ്വാഴ്ച (ജനുവരി 6) സംഘടിപ്പിക്കുന്ന   പുതുവർഷത്തിലെ ആദ്യ (608-ാമത്) ഓൺലൈൻ പ്രാർത്ഥനാ സമ്മേളനത്തിൽ ന്യൂയോർക്കിൽ നിന്നുള്ള പ്രമുഖ വചനപ്രഘോഷകൻ പാസ്റ്റർ ഡോ. എം. എസ്. സാമുവൽ പുതുവർഷ സന്ദേശം നൽകുന്നു. വിവിധ രാജ്യങ്ങളിലുള്ളവർ എല്ലാ ആഴ്ചയിലും ഓൺലൈൻ പ്ലാറ്റുഫോമിൽ പ്രാർഥനയ്ക്കായി ഒത്തുചേരുന്ന പൊതുവേദിയാണ് ഇന്‍റർനാഷണൽ പ്രയർലെെൻ. എല്ലാ ചൊവ്വാഴ്ചയും രാത്രി ഒന്പതിനാണ്(ന്യൂയോർക്ക് ടൈം) പ്രയർലെെൻ സജീവമാകുന്നത്. ചൊവ്വാഴ്ചയിലെ പ്രയർലൈനിൽ പാസ്റ്റർ ഡോ. എം. എസ്. സാമുവേലിന്റെ  പ്രഭാഷണം ശ്രവിക്കുന്നതിനും അനുഗ്രഹം പ്രാപിക്കുന്നതിനും 712 770 4821 എന്ന ഫോണ്‍ നന്പർ ഡയൽചെയ്ത് 530464 എന്ന കോഡ് പ്രസ് ചെയ്യണമെന്ന് സംഘാടകർ അറിയിച്ചു.എല്ലാവരുടെയും  പ്രാർത്ഥനാപൂർവ്വമായ പങ്കാളിത്തം സംഘാടകർ അഭ്യർത്ഥിച്ചു ഐപിഎല്ലിനെ കുറിച്ച് കൂടുതൽ വിവരങ്ങൾ അറിയുന്നതിനും പ്രയർലൈനിൽ പങ്കെടുക്കുന്നതിന് താഴെ കാണുന്ന  ഫോണ്‍ നന്പറുമായോ ബന്ധപ്പെടണമെന്ന് സംഘാടകർ അഭ്യർഥിച്ചു.…

തിരുവനന്തപുരം: രമേശ്‌ ബാബു എഴുതിയ ‘ഡോ. എം. വി പിള്ള : കൈനിക്കരയിലെ വിശ്വപൗരൻ’ എന്ന പുസ്തകം പ്രകാശനം ചെയ്തു. തൈക്കാട് ഗവ. മോഡൽ ബോയ്സ് ഹയർ സെക്കൻഡറി സ്കൂളിൽ നടന്ന ചടങ്ങിൽ പ്രിൻസിപ്പാൾ കെ വി പ്രമോദ് പുസ്തക പ്രകാശന കര്‍മ്മം നിര്‍‌വ്വഹിച്ചു. ഡോ. എം. വി പിള്ളയുടെ പേരക്കുട്ടികളായ ഓറിയോൺ പിള്ള, അഡ്രിയൻ പിള്ള, മാക്സിമസ് പിള്ള എന്നിവർ പുസ്തകം ഏറ്റുവാങ്ങി. രമേശ് ബാബു പുസ്തകം പരിചയപ്പെടുത്തി. സൂര്യ കൃഷ്ണമൂർത്തി മുഖ്യ പ്രഭാഷണം നടത്തി. ഡോക്ടർ എം.വി പിള്ള, ഡോ. എസ് വേണുഗോപാൽ, ഡോ. എം ബാലചന്ദ്രൻ നായർ, ചന്ദ്രിക മേനോൻ, നടി മല്ലിക സുകുമാരൻ, പി ആർ ഷിജു, പത്മജ പിള്ള, വിനുപിള്ള, ലതിക കർത്ത, ഡോ. കെ പി ഹരിദാസ്, മാധവൻ ബി നായർ, എ സമ്പത്ത് തുടങ്ങിയവർ സംസാരിച്ചു.

ടൊറന്റോ (കാനഡ): കാനഡയിലെ വാൻകൂവർ വിമാനത്താവളത്തിൽ മദ്യപിച്ചതിന് ഒരു എയർ ഇന്ത്യ പൈലറ്റിനെ കസ്റ്റഡിയിലെടുത്തു. 2025 ഡിസംബർ 23 ന് വാൻകൂവറിൽ (CYVR) നിന്ന് വിയന്നയിലേക്ക് (LOWW) പോയ AI186 വിമാനത്തിലാണ് സംഭവം നടന്നതെന്നാണ് റിപ്പോർട്ട്. ഈ വിഷയത്തിൽ ഗുരുതരമായ സുരക്ഷാ ആശങ്കകൾ ഉന്നയിച്ച് ട്രാൻസ്പോർട്ട് കാനഡ 2025 ഡിസംബർ 24 ന് എയർ ഇന്ത്യയിലെ മുതിർന്ന ഉദ്യോഗസ്ഥർക്ക് കത്ത് എഴുതി. റോയൽ കനേഡിയൻ മൗണ്ടഡ് പോലീസിന്റെ (ആർ‌സി‌എം‌പി) പരാതിയെ തുടർന്നാണ് ആരോപണങ്ങൾ ഫയൽ ചെയ്തത്. 2025 ഡിസംബർ 23 ന് എയർ ഇന്ത്യ വിമാനമായ എ‌ഐ 186 ൽ ക്യാപ്റ്റൻ സൗരഭ് കുമാർ മദ്യപിച്ച നിലയിലും ഡ്യൂട്ടിക്ക് അനുയോജ്യമല്ലാത്ത നിലയിലും ഡ്യൂട്ടിക്ക് ഹാജരായതായി റോയൽ കനേഡിയൻ മൗണ്ടഡ് പോലീസ് (ആർ‌സി‌എം‌പി) ഉദ്യോഗസ്ഥരെ അറിയിച്ചതായി വിവരങ്ങൾ പറയുന്നു. വാൻകൂവർ അന്താരാഷ്ട്ര വിമാനത്താവളത്തിൽ നടത്തിയ രണ്ട് ബ്രീത്ത്അലൈസർ പരിശോധനകൾ…