Category: AMERICA

ന്യൂയോർക്ക്: മെട്രോപൊളിറ്റൻ ട്രാൻസ്‌പോർട്ടേഷൻ അതോറിറ്റി (എംടിഎ) ബോർഡിൽ സേവനമനുഷ്ഠിക്കാൻ മീര ജോഷിയെ ന്യൂയോർക്ക് സിറ്റി മേയർ എറിക് ആഡംസ് നാമനിർദ്ദേശം ചെയ്തു. 2022 ജനുവരി മുതൽ ന്യൂയോർക്ക് സിറ്റിയുടെ പ്രവർത്തനങ്ങളുടെ ഡെപ്യൂട്ടി മേയറായ ജോഷി, ആഡംസ് ഭരണകൂടത്തിൻ്റെ ഗതാഗത ഇൻഫ്രാസ്ട്രക്ചറിനും കാലാവസ്ഥാ പോർട്ട്‌ഫോളിയോകൾക്കും മേൽനോട്ടം വഹിക്കുന്നു. ജോഷിയെ “എംടിഎയുടെ ഭാവി സുരക്ഷിതമാക്കാനും എല്ലാ ന്യൂയോർക്കുകാർക്കും ലോകോത്തരവും സുരക്ഷിതവും വിശ്വസനീയവും ആക്സസ് ചെയ്യാവുന്നതുമായ ഗതാഗത സംവിധാനം എത്തിക്കാൻ സഹായിക്കുന്നതിനുള്ള “തികഞ്ഞ” വ്യക്തിയാണെന്ന് കഴിഞ്ഞയാഴ്ച നാമനിർദ്ദേശം പ്രഖ്യാപിച്ചുകൊണ്ട് മേയർ ആഡംസ് പറഞ്ഞു “ന്യൂയോർക്ക് സിറ്റിയുടെ ട്രാൻസിറ്റ് സിസ്റ്റം ഞങ്ങളുടെ നട്ടെല്ലാണ്, എംടിഎ ബോർഡിൽ സ്ഥിരീകരിച്ചുകഴിഞ്ഞാൽ, ഞങ്ങളുടെ നട്ടെല്ല് എന്നത്തേക്കാളും ശക്തമാണെന്ന് ഉറപ്പാക്കാൻ ഡെപ്യൂട്ടി മേയർ ജോഷി സഹായിക്കും,” ആഡംസ് കൂട്ടിച്ചേർത്തു 2014-ൽ വിഷൻ സീറോ ആരംഭിച്ചതിനുശേഷം 2023-ൽ ന്യൂയോർക്ക് നഗരത്തെ കാൽനടയാത്രക്കാർക്ക് ഏറ്റവും സുരക്ഷിതമായ രണ്ടാമത്തെ വർഷമാക്കി മാറ്റാൻ സഹായിച്ച…

ഫിലാഡൽഫിയ: ഫൊക്കാന കൺവൻഷൻ പെൻസിൽവാനിയ റീജിയണൽ കിക്ക്‌ ഓഫ് ഫെബ്രുവരി 17 ശനിയാഴ്ച വൈകിട്ട് 4 മണിക്ക് പമ്പ മലയാളി അസ്സോസിയേഷൻ്റെ നേതൃത്വത്തിൽ നടക്കും. എലൈറ്റ് ഇന്ത്യൻ കിച്ചൻ (2163 Galloway Rd, Bensalem, PA 19020) ബാങ്ക്വറ്റ് ഹാളിലാണ് പരിപാടികൾ അരങ്ങേറുക. ഫൊക്കാന പ്രസിഡൻറ്റ് ഡോ. ബാബു സ്റ്റീഫൻ, സെക്രട്ടറി ഡോ. കലാ അശോകൻ ഉൾപ്പെടെ നിരവധി നേതാക്കൾ പരിപാടിയിൽ പങ്ക്കെടുക്കും. ഫൊക്കാനയുടെ എല്ലാ അംഗ സംഘടകളെയും പരിപാടിയിലേക്ക് ക്ഷണിക്കുന്നതായി കിക്ക്‌ ഓഫ് കോഓർഡിനേറ്റർ അലക്സ് തോമസ് അറിയിച്ചു. ഡിസ്‌കൗണ്ട് റേറ്റിൽ ഫൊക്കാന കൺവൻഷനുവേണ്ടി പേരുകൾ രജിസ്റ്റർ ചെയ്യാനുള്ള അവസരം ഉണ്ടായിരിക്കുന്നതാണ്. കിക്ക്‌ ഓഫ് പരിപാടിയിൽ പങ്ക്കെടുക്കാൻ ആഗ്രഹിക്കുന്നവർ 215 850 5268 എന്ന നമ്പറിലോ 267 322 8527 എന്ന നമ്പറിലോ മുൻ കൂട്ടി അറിയിക്കേണ്ടതാണ്. കൂടുതൽ വിവരങ്ങൾക്ക്: റവ. ഫിലിപ്സ് മോടയിൽ 267…

ഹൂസ്റ്റണ്‍: കാക്കിയിട്ടവന്റെ നേര്‍ക്ക് കൈയോങ്ങിയവന്റെ കരണത്തിനിട്ട് ഒന്നു പുകച്ച കമ്മീഷണര്‍ സിനിമയിലെ സുരേഷ് ഗോപിയുടെ കഥാപാത്രത്തെയാണ് മനു പൂപ്പാറയിൽ (മനോജ് കുമാര്‍) ആരാധിച്ചത്. എന്നാല്‍, അഴിമതി നിറഞ്ഞ നാട്ടിലെ പൊലീസ് സേന തനിക്ക് പറ്റിയതല്ലെന്ന് തിരിച്ചറിഞ്ഞ അയാള്‍ അമേരിക്കയിലേക്ക് വിമാനം കയറി. ഇവിടെ ആ യുവാവ് നടന്നു കയറിയത് സമാനതകളില്ലാത്ത നേട്ടത്തിലേക്ക്. കാക്കിക്ക് പകരം അമേരിക്കന്‍ പോലീസിന്റെ യൂണിഫോം അണിഞ്ഞപ്പോള്‍ അതു ഒരു കുടിയേറ്റക്കാരന്റെ സ്വപ്‌നസാഫല്യമായി മാറി. തന്റെ ജീവിത യാത്രയെക്കുറിച്ച് ചോദിച്ചാല്‍ മനു പറയും, ‘A cinematic journey’… മനു പൂപ്പാറയിൽ എന്ന മനോജ്കുമാര്‍ പൂപ്പാറയിലിന്റെ വളര്‍ച്ച നിശ്ചയദാര്‍ഢ്യത്തിന്റെ കൂടി കഥയാണ്. യൂണിഫോമില്‍ നിന്ന് കമ്മ്യുണിറ്റി നേതാവെന്ന നിലയിലേക്കുള്ള യാത്രയിലാണ് ഇന്ന് അദ്ദേഹം. ഫോര്‍ട്ട് ബെന്‍ഡ് കൗണ്ടി പ്രിസിന്റ് 3-ന്റെ കോണ്‍സ്റ്റബിളാകാനുള്ള മത്സരത്തിന് കച്ചമുറുക്കുമ്പോള്‍ നീതി, കമ്മ്യൂണിറ്റി സേവനം, മാതൃകാപരമായ നേതൃത്വം എന്നിവയാണ് കൈമുതലായി കാണിക്കുവാനുള്ളത്.…

വാഷിംഗ്ടൺ: ഇസ്രായേല്‍-ഹമാസ് യുദ്ധം അവസാനിപ്പിക്കാൻ നടന്നുകൊണ്ടിരിക്കുന്ന വെടിനിർത്തൽ ചർച്ചകൾക്ക് കനത്ത പ്രഹരമേല്പിച്ച് കെയ്‌റോയിൽ നടന്ന മിഡിൽ ഈസ്റ്റ് സമാധാന ചർച്ചകളിൽ നിന്ന് ഇസ്രായേൽ പിന്മാറി. ഹമാസിൻ്റെ “വ്യാമോഹപരമായ ആവശ്യങ്ങളും” പുതിയ നിർദ്ദേശങ്ങളുടെ അഭാവവും ആരോപിച്ചാണ് ഇസ്രായേല്‍ പിന്മാറിയത്. ഗാസയിലെ സംഘർഷമേഖലയിലെ പോരാട്ടം അവസാനിപ്പിക്കാനും ശേഷിക്കുന്ന 100 ലധികം ബന്ദികളെ മോചിപ്പിക്കാനും ലക്ഷ്യമിട്ടുള്ള ചർച്ചകൾ പ്രതീക്ഷിച്ച വഴിത്തിരിവ് നൽകിയില്ലെങ്കിലും മൂന്ന് ദിവസത്തേക്ക് കൂടി നീട്ടുകയായിരുന്നു. ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു തൻ്റെ ചർച്ചാ സംഘത്തെ തിരിച്ചു വിളിക്കാൻ തീരുമാനിച്ചതായി ഇസ്രായേൽ മാധ്യമങ്ങൾ റിപ്പോർട്ട് ചെയ്തു. ബന്ദികളെ മോചിപ്പിക്കാൻ ഹമാസിൽ നിന്ന് ഒരു പുതിയ നിർദ്ദേശവും ഇസ്രായേലിന് കെയ്‌റോയിൽ നിന്ന് ലഭിച്ചിട്ടില്ലെന്ന് നെതന്യാഹുവിൻ്റെ ഓഫീസ് പ്രസ്താവനയിൽ പറഞ്ഞു. ഹമാസിൻ്റെ നിലപാടുകളിൽ മാറ്റം വരുത്തിയാല്‍ ചർച്ചകൾ പുരോഗമിക്കാൻ അനുവദിക്കുമെന്നും അദ്ദേഹം പറഞ്ഞു. “ശക്തമായ സൈനിക സമ്മർദ്ദവും ഉറച്ച ചർച്ചകളും” തടവുകാരെ മോചിപ്പിക്കുന്നതിനുള്ള…

കാലിഫോർണിയ: കാലിഫോര്‍ണിയയിലെ സാൻ മറ്റേയോയില്‍ താമസക്കാരായിരുന്ന, കൊല്ലം പട്ടത്താനം വികാസ് നഗർ 57ൽ ഡോ. ജി. ഹെൻറിയുടെ മകൻ ആനന്ദ് സുജിത് ഹെൻറി (42), ഭാര്യ കിളികൊല്ലൂര്‍ രണ്ടാംകുറ്റി സ്വദേശി ആലീസ് പ്രിയങ്ക (40), അവരുടെ മക്കള്‍ ഇരട്ടക്കുട്ടികളായ നോഹ, നെയ്തൻ (4) എന്നിവരെയാണ് ഫെബ്രുവരി 13 രാവിലെ മരിച്ച നിലയില്‍ വീടിനകത്ത് കണ്ടെത്തിയത്. സംഭവ സ്ഥലത്ത് നിന്ന് 9 എംഎം പിസ്റ്റളും മാഗസിനും കണ്ടെടുത്തു. എയർ കണ്ടീഷനിൽ നിന്നോ ഹീറ്ററിൽ നിന്നോ കാർബൺ മോണോക്‌സൈഡ് വാതകം ചോർന്ന് മരണം സംഭവിക്കാൻ സാധ്യതയുണ്ടെന്നാണ് പ്രാഥമിക അന്വേഷണത്തിൽ കണ്ടെത്തിയത്. എന്നാൽ, വീട്ടിൽ നിന്ന് ഗ്യാസ് ചോർച്ചയോ വീട്ടുപകരണങ്ങൾ തകരാറിലായതിൻ്റെയോ തെളിവുകളൊന്നും പോലീസിന് ലഭിച്ചില്ല. മക്കളുടെ മരണം എങ്ങനെയാണ് സംഭവിച്ചതെന്നതിനെക്കുറിച്ചുള്ള അന്വേഷണം ആരംഭിച്ചിട്ടുണ്ട്. കൊല്ലം ഫാത്തിമ മാതാ കോളെജിലെ മുന്‍ പ്രിന്‍സിപ്പല്‍ ഡോ ജി ഹെൻറിയുടെ മക്കളില്‍ മൂന്നാമത്ത മകനാണ്…

വാഷിംഗ്ടൺ: പാക്കിസ്താന്‍ പൊതു തെരഞ്ഞെടുപ്പിലെ കൃത്രിമം സംബന്ധിച്ച ആരോപണങ്ങൾ അന്വേഷിക്കണമെന്ന് ആവശ്യപ്പെട്ടതായി യുഎസ് സ്റ്റേറ്റ് ഡിപ്പാർട്ട്മെൻ്റ് വക്താവ് മാത്യു മില്ലർ പറഞ്ഞു. ബുധനാഴ്‌ച വാഷിംഗ്‌ടണിൽ മാധ്യമങ്ങളെ അറിയിച്ച മാത്യു മില്ലർ, കൃത്രിമത്വത്തെക്കുറിച്ചുള്ള അന്വേഷണം ഉചിതമായ നടപടിയാണെന്നാണ് യുഎസ് കരുതുന്നതെന്ന് പറഞ്ഞു. “പാക്കിസ്താനില്‍ മാത്രമല്ല, ലോകത്തെവിടെയും ക്രമക്കേടുകളെക്കുറിച്ചുള്ള ചോദ്യങ്ങൾക്കുള്ള ഞങ്ങളുടെ പ്രതികരണമാണിത്, അവ സമഗ്രമായി അന്വേഷിച്ച് പരിഹരിക്കപ്പെടുമെന്ന് ഞങ്ങൾ കരുതുന്നു,” അദ്ദേഹം പറഞ്ഞു. ഒരു ചോദ്യത്തിന് മറുപടിയായി, പാക്കിസ്താനിലെ തിരഞ്ഞെടുപ്പ് മത്സരാധിഷ്ഠിതമാണെന്നും, പാക് ജനങ്ങൾ തിരഞ്ഞെടുത്ത ഗവൺമെൻ്റ് രൂപീകരിച്ചുകഴിഞ്ഞാൽ അതിനൊപ്പം പ്രവർത്തിക്കാൻ ഞങ്ങൾ ആഗ്രഹിക്കുന്നുവെന്നും അദ്ദേഹം പറഞ്ഞു. “സഖ്യ സർക്കാർ രൂപീകരിക്കുന്നത് ആത്യന്തികമായി പാക്കിസ്താൻ്റെ ആഭ്യന്തര കാര്യമാണ്. അത് അമേരിക്കയുടെ തീരുമാനമല്ല. പാക്കിസ്താന്‍ എടുക്കേണ്ട തീരുമാനമാണത്,” അദ്ദേഹം പറഞ്ഞു. പാർലമെൻ്ററി ഭരണസംവിധാനമുള്ള രാജ്യങ്ങൾ നിരവധിയുണ്ടെന്നും, അവിടെ ഒരു പാർട്ടിക്കും ഭൂരിപക്ഷം ലഭിക്കാത്തതും ഏതെങ്കിലും തരത്തിലുള്ള കൂട്ടുകക്ഷി സർക്കാരുകൾ രൂപീകരിക്കപ്പെടുന്നതും…

കൻസാസ് സിറ്റി: ബുധനാഴ്ച (ഫെബ്രുവരി 14) മിസോറിയിലെ കൻസാസ് സിറ്റിയിലെ ഒരു റെയിൽവേ സ്റ്റേഷന് പുറത്ത് കൻസാസ് സിറ്റി ചീഫ്സ് സൂപ്പർ ബൗൾ പരേഡില്‍ നടന്ന വെടിവയ്പ്പിൽ ഒരാൾ കൊല്ലപ്പെടുകയും 15 പേർക്ക് പരിക്കേൽക്കുകയും ചെയ്തു. വെടിവെയ്പ് നടത്തിയെന്ന് സംശയിക്കുന്ന രണ്ട് പേര്‍ കസ്റ്റഡിയിലുണ്ടെന്ന് പോലീസ് മേധാവി സ്റ്റേസി ഗ്രേവ്സ് പത്രസമ്മേളനത്തിൽ പറഞ്ഞു. ഇരുവരും ആയുധധാരികളായിരുന്നുവെന്ന് പോലീസ് നേരത്തെ പറഞ്ഞിരുന്നു. വെടിയേറ്റ ഒരാൾ കൊല്ലപ്പെട്ടതായും 10 മുതൽ 15 വരെ ആളുകൾക്ക് വെടിയേറ്റിട്ടുണ്ടെന്നും അവർ പറഞ്ഞു. റാലിയിലും പരേഡിലും ഏകദേശം എണ്ണൂറോളം പോലീസ് ഉദ്യോഗസ്ഥരെ വിന്യസിച്ചിട്ടുണ്ടായിരുന്നു എന്ന് പോലീസ് മേധാവി പറഞ്ഞു. വിജയ റാലിയിൽ പങ്കെടുത്ത എല്ലാ ചീഫ്സ് കളിക്കാരും പരിശീലകരും സ്റ്റാഫും സുരക്ഷിതരാണെന്ന് മേയർ ക്വിൻ്റൺ ലൂക്കാസ് മാധ്യമപ്രവർത്തകരോട് പറഞ്ഞു. പരേഡിന് ശേഷമുള്ള വിജയ റാലിയുടെ അവസാനത്തിലാണ് ഗാരേജിന് സമീപം വെടിവെയ്പ് നടന്നത്. ചിൽഡ്രൻസ് മേഴ്‌സി…

വിർജീനിയ: ബൈഡനെ അധികാരത്തിൽ നിന്ന് പുറത്താക്കുന്നതിന്  25-ാം ഭേദഗതി വരുത്തുന്നതിന് റിപ്പബ്ലിക്കൻ വെസ്റ്റ് വിർജീനിയ സ്റ്റേറ്റ് അറ്റോർണി ജനറൽ പാട്രിക് മോറിസി കമലാ ഹാരിസിനോട് ഔദ്യോഗികമായി ആവശ്യപ്പെട്ടു “ഇരുപത്തിയഞ്ചാം ഭേദഗതിയുടെ സെക്ഷൻ 4 പ്രകാരം നിങ്ങളുടെ അധികാരങ്ങൾ ഉപയോഗിച്ചു പ്രസിഡൻ്റ് ബൈഡന് തൻ്റെ ഓഫീസിൻ്റെ അധികാരങ്ങളും ചുമതലകളും നിർവഹിക്കാൻ കഴിയില്ലെന്ന് പ്രഖ്യാപിക്കാനും നിങ്ങളോട് അഭ്യർത്ഥിക്കാനാണ് ഞാൻ എഴുതുന്നത്,” മോറിസെ കൂട്ടിച്ചേർത്തു. ചൊവ്വാഴ്ച ഹാരിസിന് അയച്ച കത്തിൽ, ബൈഡൻ്റെ നിരവധി ഓർമ്മക്കുറവുകളും ബൈഡൻ തൻ്റെ ഓഫീസിലിരുന്ന് ചെയ്തിട്ടുള്ള മറ്റ് പതിവ് തമാശകളും വിശദമായി വിവരിക്കുന്ന പ്രത്യേക അഭിഭാഷകൻ റോബർട്ട് ഹറിൻ്റെ റിപ്പോർട്ട് കഴിഞ്ഞയാഴ്ച പുറത്തുവന്നത് മോറിസി  ഉദ്ധരിക്കുന്നു. “വളരെക്കാലമായി, അമേരിക്കക്കാർക്ക് അവരുടെ പ്രസിഡൻ്റിന് അഗാധമായ വൈജ്ഞാനിക തകർച്ച അനുഭവപ്പെടുമ്പോൾ നോക്കിനിൽക്കേണ്ടിവന്നു. കഴിഞ്ഞ കുറച്ച് മാസങ്ങളിൽ മാത്രം, പ്രസിഡൻ്റ് ബൈഡൻ ലോക നേതാക്കളെയും രാഷ്ട്രീയ വ്യക്തികളെയും ഇടകലർത്തി, പൊതു പ്രസംഗങ്ങളിലെ…

മെസ്ക്വിറ്റ് (ഡാളസ് ): ജലാശയത്തിനടിയിലും ജീവശ്വാസം നൽകുവാൻ പ്രാപ്തിയുള്ള ദൈവത്തിലായിരിക്കണം നാം വിശ്വാസം അർപ്പികേണ്ടതെന്നു റവ ഫാ മാത്യു ജേക്കബ്. ദൈവീക കല്പനകളോട് മറുതലിച്ചു നിനവെയിലേക്കു പോകുന്നതിന്പകരം തർശീശിലേക്കു യാത്ര തിരിച്ച യോനായുടെ ജീവിതത്തിൽ അനുഭവിക്കേണ്ടി വന്ന പ്രതിസന്ധകളിൽ ദൈവം അവനെ കൈവിട്ടില്ല. തിമിംഗലത്തിനുള്ളിലിരുന്നും ജീവശ്വാസം നൽകുവാൻ പ്രാപ്തിയുള്ള ദൈവത്തിങ്കലേക്കു തന്റെ പ്രാർത്ഥനകൾ ഉയർന്നപ്പോൾ യോനായെ ജീവിതത്തിലേക്ക് ദൈവം,തിരിച്ചു കൊണ്ടുവന്നതായി നാം കാണുന്നു . കർത്താവിനെ മൂന്നുവട്ടം തള്ളിപ്പറയുകയും മറുതലിച്ചു മാറിപോകുകയും ചെയ്ത ശീമോൻ പത്രോസിനെ യഥാസ്ഥാനപ്പെടുത്തി സ്വർഗ്ഗത്തിന്റെ താക്കോൽ ഏൽപിക്കുകയും ചെയ്തതു നീതിമാനായ ദൈവമായിരുന്നുവെന്നും നാം വിസ്മരിക്കരുതെന്നും റവ ഫാ മാത്യു ജേക്കബ് ഉദ്ബോധിപ്പിച്ചു. വലിയ നോമ്പിനോടനുബന്ധിച്ചു “ആഷ് വെഡ്നെസായിൽ” ഡാളസ് സെൻറ് പോൾസ് മാർത്തോമാ ചർച്ചിൽ സംഘടിപ്പിച്ച ശുശ്രുഷയിൽ ധ്യാന പ്രസംഗം നടത്തുകയായിരുന്നു കാരോൾട്ടൻ സെൻ്റ് ഇഗ്നേഷ്യസ് മലങ്കര യാക്കോബായ സുറിയാനി കത്തീഡ്രൽ വികാരി…

അമേരിക്കയിൽ ഫോട്ടോഗ്രാഫി-വീഡിയോ കവറേജ് രംഗത്ത് ഏറെ സുപരിചതനും, സജീവ സാന്നിധ്യവുമായ ഷിജോ പൗലോസിന്റെ സംരംഭമായ ട്വിലൈറ്റ് മീഡിയ പ്രൊഡക്‌ഷന്റെ 15-ാം വാർഷികവും, അമേരിക്കയിലുടനീളം ഒട്ടേറെ വർണാഭമായ ചടങ്ങുകൾക്ക് കണ്ണഞ്ചിപ്പിക്കുന്ന വേദികളും, മാസ്മരികമായ ശബ്‌ദ സംവിധാനങ്ങളും ഒരുക്കി പ്രശസ്തി നേടിയ ടോം ജോസഫ് നേതൃത്വം നൽകുന്ന മസാറ്റോ ഇവന്റ്സിന്റെ 5-ാം വാർഷികവും മാർച്ച് 1 വെള്ളിയാഴ്ച വൈകീട്ട് 6 മണിക്ക് ന്യൂജേഴ്‌സിയിലെ റോയൽ ആൽബർട്ട്സ് പാലസ് ഓഡിറ്റോറിയത്തിൽ വെച്ച് നടക്കും. ചടങ്ങിൽ അങ്കമാലി എം.എൽ.എ റോജി ജോണും, ഫോർട്ട് ബെൻഡ് കൗണ്ടി ജഡ്ജി ജൂലി മാത്യുവും മുഖ്യാതിഥികളായി പങ്കെടുക്കും. സാമൂഹിക-സാംസ്‌കാരിക-മാധ്യമ-ബിസിനസ് രംഗത്തെ പ്രമുഖരും ചടങ്ങിൽ പങ്കെടുക്കും. നാളിതുവരെ ഞങ്ങളുടെ വിജയവീഥിയിൽ കൈത്താങ്ങായ എല്ലാവർക്കുമുള്ള സമർപ്പണമാണ് ഈ ജനകീയ ആഘോഷമെന്ന് ഷിജോ പൗലോസും ടോം ജോസഫും പറഞ്ഞു. ഒട്ടേറെ കലാകാരൻമാരും , കലാകാരികളും പങ്കെടുക്കുന്ന താള-മേള-നൃത്ത സമന്വയമായ ചടങ്ങാണ് അരങ്ങേറുകയെന്നും…