Category: AMERICA

ഇല്ലിനോയിസിൽ നിന്ന് യുഎസ് കോൺഗ്രസിലേക്ക് തിരഞ്ഞെടുക്കപ്പെട്ട ആദ്യത്തെ ഇന്ത്യൻ അമേരിക്കനായ രാജാ കൃഷ്ണമൂർത്തിയുമായി ഫൊക്കാന പ്രസിഡന്റ് ഡോ. ബാബു സ്റ്റീഫൻ ക്യാപിറ്റോൾ ഹില്ലിൽ കൂടിക്കാഴ്ച നടത്തി. ഫൊക്കാനയുടെ നിലവിലുള്ള പ്രവർത്തനങ്ങളെയും സംരംഭങ്ങളെയും കുറിച്ചുള്ള ഒരു വിവരണം രാജ കൃഷ്ണമൂർത്തിക്ക് നൽകി. സംഘടനയുടെ ശ്രദ്ധേയമായ ജീവകാരുണ്യ പദ്ധതികളിലൊന്നായ ഭവനം പദ്ധതിയെക്കുറിച്ചും മറ്റ് ജീവകാരുണ്യ പ്രവർത്തനങ്ങളെക്കുറിച്ചും അദ്ദേഹത്തെ ധരിപ്പിച്ചു .വാഷിംഗ്ടൺ ഡിസിയിൽ നടക്കാനിരിക്കുന്ന ഫൊക്കാനയുടെ വാർഷിക കൺവെൻഷനെക്കുറിച്ചും ഡോ. ബാബു സ്റ്റീഫൻ അദ്ദേഹത്തെ അറിയിച്ചു.ഫൊക്കാനയുടെ സമർപ്പിത പ്രയത്നങ്ങൾക്കും സമൂഹത്തിനായുള്ള സംഭാവനകൾക്കും ആശംസകൾ അറിയിക്കുന്നതായി ചൈനയിലെ ഹൗസ് സെലക്ട് കമ്മിറ്റിയുടെ റാങ്കിംഗ് അംഗം കൂടിയായ രാജാ കൃഷ്ണമൂർത്തി പറഞ്ഞു . 2017 ജനുവരി മുതൽ രാജാ കൃഷ്ണമൂർത്തി പ്രതിനിധീകരിക്കുന്ന ഇല്ലിനോയിസിന്റെ സബർബൻ ഏരിയയിൽ ഗണ്യമായ മലയാളി ജനസംഖ്യയുണ്ട്. 2017 മുതൽ ഇല്ലിനോയിസിന്റെ എട്ടാമത്തെ കോൺഗ്രസ് ഡിസ്ട്രിക്റ്റിന്റെ യുഎസ് പ്രതിനിധിയായി അദ്ദേഹം സേവനമനുഷ്ഠിക്കുന്നു.…

ഡാളസ്: ക്രൈസ്തവ വിശ്വാസത്തിന്റെയും, ധാർമികതയുടെയും അടിത്തറയിൽ നിന്നുകൊണ്ട് വരുംതലമുറകൾക്ക് ദൈവീക ഉപദേശങ്ങൾ പകർന്നു കൊടുത്തു നല്ല നാളെകളെ സൃഷ്ടിക്കുന്നവർ ആയിരിക്കണം ഇന്നത്തെ വയോധികർ എന്ന് മർത്തോമ സഭയിലെ മുതിർന്ന പട്ടക്കാരനും പ്രസിദ്ധ പ്രാസംഗികനുമായ റവ. ചെറിയാൻ ജോസഫ്. സെപ്റ്റംബർ 16ന് സെന്റ് പോൾ മാർത്തോമ ചർച്ച്, മുതിർന്ന പൗരന്മാർക്കായി പ്രത്യേകം ക്രമീകരിച്ച വിശുദ്ധ കുർബാന മധ്യേ നടത്തിയ പ്രസംഗത്തിൽ ആയിരുന്നു അച്ചന്‍ ഇപ്രകാരം അഭിപ്രായപ്പെട്ടത്. അമേരിക്കയിൽ ഹ്രസ്വ സന്ദർശനത്തിന് എത്തിയതായിരുന്നു ഹ്യൂസ്റ്റൺ ട്രിനിറ്റി മാർത്തോമ്മ ചർച്ച് മുൻ വികാരിയായിരുന്ന സി. ജോസഫ് അച്ചൻ. മുതിർന്ന തലമുറകളുടെ ആലോചനകളും, ഉപദേശങ്ങളും യുവജനങ്ങൾ ദൈവവചനം പോലെ ആദരണീയമായ കരുതണമെന്നും. സാധ്യതകൾ അസ്തമിച്ചു എന്ന് കരുതുമ്പോൾ ഉദിച്ചുയരുന്ന സൂര്യനെ പോലെയും, മേഘങ്ങളെയും, മഴയേയും തൃണവൽഗണിച്ചുകൊണ്ട് പറന്നുയരുന്ന കഴുകനെപോലെയും, ആയിരിക്കണം വയോധികർ എന്ന് അച്ചന്‍ പ്രസംഗത്തിൽ ഉദ്ബോധിപ്പിച്ചു. രാവിലെ 10 മണിക്ക് ആരംഭിച്ച…

മോസ്കോ: ഉത്തര കൊറിയൻ നേതാവ് കിം ജോങ് ഉൻ (Kim Jong-un) തന്റെ സന്ദർശനത്തിന്റെ ഭാഗമായി റഷ്യയുടെ ആണവായുധ ശേഷിയുള്ള തന്ത്രപ്രധാന ബോംബറുകളും ഹൈപ്പർസോണിക് മിസൈലുകളും യുദ്ധക്കപ്പലുകളും പരിശോധിച്ചത് അമേരിക്കയെ ചൊടിപ്പിച്ചു. ശനിയാഴ്ച പസഫിക് നഗരമായ വ്ലാഡിവോസ്റ്റോക്കിൽ നിന്ന് 50 കിലോമീറ്റർ അകലെയുള്ള കെനെവിച്ചി എയർഫീൽഡ് (Knevichi airfield) സന്ദർശിച്ച കിമ്മിനെ റഷ്യൻ പ്രതിരോധ മന്ത്രി സെർജി ഷോയിഗു (Sergei Shoigu) സ്വീകരിച്ചു. ആണവായുധങ്ങൾ വഹിക്കാൻ ശേഷിയുള്ള Tu-160, Tu-95, Tu-22M3 എന്നീ തന്ത്രപ്രധാന ബോംബറുകൾ ഷോയിഗു കിമ്മിന് കാണിച്ചുകൊടുത്തതായി റഷ്യയുടെ പ്രതിരോധ മന്ത്രാലയം പുറത്തുവിട്ട പ്രസ്താവനയില്‍ പറയുന്നു. “ഈ ബോംബറുകള്‍ക്ക് മോസ്കോയിൽ നിന്ന് ജപ്പാനിലേക്ക് പറക്കാൻ കഴിയും, തുടർന്ന് തിരികെ പറക്കാം,” ഷോയിഗു കിമ്മിനോട് ഒരു വിമാനത്തെക്കുറിച്ച് വിശദീകരിച്ചു. ന്യൂക്ലിയർ അല്ലെങ്കിൽ പരമ്പരാഗത വാർഹെഡുകൾ വഹിക്കാൻ ശേഷിയുള്ള ഹൈപ്പർസോണിക് “കിൻസാൽ” മിസൈലുകൾ ഘടിപ്പിച്ച MiG-31I സൂപ്പർസോണിക്…

യുക്രെയിൻ യുദ്ധത്തിൽ ഉപയോഗിക്കുന്നതിനായി ടെഹ്‌റാൻ റഷ്യയ്ക്ക് ഡ്രോണുകൾ വിറ്റുവെന്ന അമേരിക്ക ഉന്നയിച്ച “അസംബന്ധവും” “അടിസ്ഥാനരഹിതവുമായ” അവകാശവാദങ്ങളെ ഐക്യരാഷ്ട്രസഭയിലെ ഇറാന്റെ സ്ഥിരം പ്രതിനിധി നിഷേധിച്ചു. യുഎൻ സെക്രട്ടറി ജനറൽ അന്റോണിയോ ഗുട്ടെറസിനും സെക്യൂരിറ്റി കൗൺസിൽ പ്രസിഡന്റ് ഫെറിറ്റ് ഹോക്‌ഷയ്ക്കും എഴുതിയ സമാനമായ രണ്ട് കത്തുകളിൽ ഇറാനിയൻ യുഎൻ പ്രതിനിധി, ഉക്രെയ്‌ൻ സംഘർഷത്തിൽ ഡ്രോണുകൾ ഉപയോഗിച്ചതായി ആരോപിക്കപ്പെടുന്നതും യുഎൻ സുരക്ഷയും തമ്മിൽ മിഥ്യാധാരണയുള്ള ബന്ധം സ്ഥാപിക്കാനുള്ള വാഷിംഗ്ടണിന്റെ വികൃതമായ ശ്രമമാണെന്ന് പറഞ്ഞു. കൗൺസിൽ പ്രമേയം 2231 (2015) ടെഹ്‌റാൻ പ്രമേയം ലംഘിച്ചുവെന്ന് ആരോപിക്കുന്നത് “തെറ്റിദ്ധരിപ്പിക്കുന്നതും പൂർണ്ണമായും അടിസ്ഥാനരഹിതവുമാണ്” എന്നും അദ്ദേഹം പറഞ്ഞു. 2023 ഒക്‌ടോബർ വരെ 300 കിലോമീറ്ററിലധികം ദൂരപരിധിയും 500 കിലോഗ്രാമിൽ കൂടുതൽ പേലോഡുമുള്ള ബാലിസ്റ്റിക് മിസൈലുകളും ഡ്രോണുകളും ഇറാനിൽ നിന്ന് സ്വീകരിക്കുന്നതിൽ നിന്ന് രാജ്യങ്ങളെ പ്രമേയം വിലക്കുന്നു. 2022 ജൂലൈയിൽ യുഎസ് ദേശീയ സുരക്ഷാ ഉപദേഷ്ടാവ് ജെയ്ക്…

ഗ്രീൻസ്‌ബൊറോ, നോർത്ത് കരോലിന: വടക്കേ അമേരിക്കയിലെ മലയാളി കൂട്ടായ്മയായ വെളിച്ചം നോർത്ത് അമേരിക്കയുടെ ദശ വാർഷിക സമ്മേളനം നോർത്ത് കരോലിനയിലെ ഗ്രീൻസ്‌ബൊറോ ഹോട്ടൽ വിൻധം ഗാർഡൻ, ട്രയാഡ് മുസ്ലിം സെന്റർ എന്നിവിടങ്ങളിലായി സെപ്തംബര് 30, ഒക്ടോബർ 1 തിയ്യതികളിൽ നടക്കും. കാനഡയിലെയും അമേരിക്കയിലെയും നൂറോളം കുടുംബങ്ങൾ പരിപാടിയിൽ സംബന്ധിക്കും. പരിപാടിയോടനുബന്ധിച്ച് വിവിധ കലാപരിപാടികളും കുടുംബസംഗമംവും ആസൂത്രണം ചെയ്തതായി പ്രോഗ്രാം കൺവീനർ സലിം ഇല്ലിക്കൽ വാർത്താ കുറിപ്പിൽ അറിയിച്ചു. വെളിച്ചം പത്താം വാർഷിക മാഗസിൻ സമ്മേളനത്തിൽ പ്രകാശനം ചെയ്യും. സമ്മേളന നടത്തിപ്പിനായി വെളിച്ചം നോർത്ത് അമേരിക്ക പ്രസിഡന്റ് നിയാസ് കെ സുബൈറിന്റെ അദ്ധ്യക്ഷതയിൽ ചേർന്ന യോഗത്തിൽ നാസിദ് സിദ്ധീഖ്, അബ്ദുൽ അസീസ് (ഫൈനാൻസ്), നൂർ ഷഹീൻ, സാമിയ (കമ്മ്യൂണിക്കേഷൻ & ഗസ്റ്റ് സർവീസസ്), നിഷ ജാസ്മിൻ, അജ്മൽ ചോലശ്ശേരി, സുമയ്യ ഷാഹു, സാജിദ് മമ്പാട് (പൊതു സമ്മേളനം &…

പ്രശസ്ത പ്രവാസി സാഹിത്യകാരനും അമേരിക്കന്‍ മലയാളിയുമായ ജോണ്‍ ഇളമതയുടെ ഏറ്റവും പുതിയ നോവല്‍ ‘ഫ്ലൂ’ മലയാളം ഡെയ്‌ലി ന്യൂസില്‍ ഉടന്‍ പ്രസിദ്ധീകരണം ആരംഭിക്കുന്നു! 2019-20ല്‍ കോവിഡ്-19 എന്ന് ലോകാരോഗ്യ സംഘടന നാമകരണം ചെയ്ത കൊറോണ വൈറസ് ലോകമൊട്ടാകെ സൃഷ്ടിച്ച മാറ്റങ്ങളും അലയൊലികളും ഇനിയും അടങ്ങിയിട്ടില്ല. ലോകജനതയുടെ ജീവിതചര്യയേയും ശീലങ്ങളേയും കീഴ്‌മേല്‍ മറിച്ച കോവിഡിന്റെ പ്രത്യാഘാതം എത്ര നാളത്തേക്ക് ഉണ്ടാകുമെന്ന ചോദ്യത്തിന് ഇതുവരെ വ്യക്തമായ ഒരു ഉത്തരം നല്‍കാന്‍ ഇതുവരെ ആര്‍ക്കും കഴിഞ്ഞിട്ടില്ല. മഹാമാരികളും യുദ്ധങ്ങളും കാലാവസ്ഥാ വ്യതിയാനങ്ങളും ഭീകരാക്രമണങ്ങളും നമ്മെ കീഴ്‌പ്പെടുത്താൻ ശ്രമിച്ചുകൊണ്ടിരിക്കെ എന്തായിരിക്കും മനുഷ്യരാശിയുടെ ഭാവി? നാം നിർമിച്ച ഈ ലോകത്തെ പൂർണമായും മനസ്സിലാക്കാൻ നമുക്കു സാധിച്ചിട്ടുണ്ടോ? നാം നേരിട്ടതും നേരിടാന്‍ പോകുന്നതുമായ പ്രതിസന്ധികളിലൂടെ ഈ നോവല്‍ നമ്മെ കൊണ്ടുപോകും… സംഭവബഹുലമായ കഥാ മുഹൂര്‍ത്തങ്ങളിലേക്ക് വായനക്കാരെ കൂട്ടിക്കൊണ്ടു പോകുന്ന ഈ നോവല്‍ തുടക്കം മുതല്‍ വായിക്കുക…..…

ന്യൂജേഴ്‌സി : വേൾഡ് മലയാളി കൗൺസിൽ അമേരിക്ക റീജിയന്റെ പുതിയ ഭരണസമിതിക്കു വിജയശംസകളുമായി മലയാളത്തിന്റെ പ്രിയ ഗായകൻ എം ജി ശ്രീകുമാർ ജേക്കബ് കുടശനാട്  (ചെയർമാൻ), ജിനേഷ് തമ്പി (പ്രസിഡന്റ്) എന്നിവർ നയിക്കുന്ന അമേരിക്ക റീജിയൻ  ടീം കഴിവുറ്റ നേതൃനിരയാണെന്നും മികച്ച പ്രവർത്തങ്ങൾ കാഴ്ച വെക്കാനുള്ള എല്ലാ ആശംസകളും അമേരിക്ക റീജിയന് നേരുന്നതായി എം ജി ശ്രീകുമാർ അറിയിച്ചു വേൾഡ് മലയാളി കൗൺസിൽ അമേരിക്ക റീജിയന്റെ പുതിയ ഭരണസമിതിയുടെ പ്രവർത്തനോത്ഘാടനവും ഓണാഘോഷവും സൂം മീറ്റിംഗ് മുഖേനെ സെപ്റ്റംബർ 16  ശനിയാഴ്‌ച  8:30 pm നു  സംഘടിപ്പിചിരിക്കുന്നത് ഗസ്റ്റ് ഓഫ് ഓണറായി    ശശി തരൂർ എംപി, മിസോറി സിറ്റി മേയർ  റോബിൻ ഏലക്കാട്ട്,  പ്രശാന്ത് ഐഎഎസ് , ഗോപിനാഥ് മുതുകാട് , ഫിലിം മേക്കർ  ഡോ ബിജുകുമാർ ദാമോദരൻ എന്നിവർ  പങ്കെടുക്കുന്ന പ്രോഗ്രാമിൽ പ്രൊഫ. ഡൊണാൾഡ് ഡേവിസ്…

തിരുവല്ല: കുറ്റപ്പുഴ മേലെത്തുമലയിൽ പരേതനായ പ്രൊഫ. ജോർജ് മാത്യുവിൻറെ ഭാര്യയും തിരുവല്ല മാർത്തോമ്മാ കോളേജ് മുൻ അധ്യാപികയുമായിരുന്ന പ്രൊഫ. അന്നമ്മ തോമസ് (ജോളി-76 ) കാലിഫോർണിയയിലെ സാൻ ഡിയാഗോയിൽ അന്തരിച്ചു. സംസ്ക്കാരം പിന്നീട് സാൻ ഡിയാഗോയിൽ. മക്കൾ :ജിയോ (കാലിഫോർണിയ) ലിസ (ന്യൂയോർക്ക്) മരുമക്കൾ: ഡോണ (കാലിഫോർണിയ), ദിലീപ് (ന്യൂയോർക്ക്) കൂടുതൽ വിവരങ്ങൾക്ക്‌: ജിയോ മാത്യു 954-991-8561 (കാലിഫോർണിയ), ദിലീപ് മാത്യു 516-712-7488 (ന്യൂയോർക്ക്)

നയാഗ്ര (കാനഡ): ഓടക്കുഴലും മയിൽപ്പീലിയും കിരീടവുമായി കുഞ്ഞു ഉണ്ണിക്കണ്ണന്മാരും രാധമാരും നയാഗ്ര വെള്ളച്ചാട്ടത്തെ സാക്ഷിയാക്കി നയാഗ്ര ഫാൾസിന്റെ തെരുവീഥികളെ അമ്പാടിയാക്കി. ഇതാദ്യമായാണ് കാനഡയിൽ ഇത്ര വിപുലമായി ജന്മാഷ്ടമി ആഘോഷങ്ങൾ സംഘടിപ്പിക്കുന്നത്. രാവിലെ മുതൽ മഴയുടെ പ്രതീതിയുണ്ടായിരുന്നെങ്കിലും, ഉച്ച കഴിഞ്ഞപ്പോള്‍ മഴ മാറിയതോടെ ശ്രീകൃഷ്ണ ജന്മാഷ്ടമി ആഘോഷങ്ങൾ ആരംഭിച്ചു. ഉച്ചകഴിഞ്ഞ് മൂന്നര മണിയോടെ മുറെ സ്ട്രീറ്റിൽ നിന്നു ശോഭായാത്ര ആരംഭിച്ചു. പഞ്ചവാദ്യത്തിന്റെയും താലപ്പൊലിയുടെയും അകമ്പടിയോടെയാണ് ശോഭായാത്ര നയാഗ്ര ഫാൽസിലെ ഏറ്റവും പ്രൗഢ ഗംഭീര വേദിയായ ഓക്സ് ഗാർഡനിലേക്ക് എത്തിയത്. നയാഗ്ര ഫാള്‍സിന്റെ വീഥികളുടെ ഇരു വശത്തുമായി നിരവധി വിദേശികളായ സന്ദർശകരാണ് ശോഭായാത്ര കാണാനും, കാഴ്ചകൾ കാമറയിൽ പകർത്താനുമായി തടിച്ചു കൂടിയത്. ഓക്സ് ഗാർഡനെ വലം വെച്ച് ശോഭായാത്ര സമാപിച്ചതോടെയാണ് കുഞ്ഞുണ്ണി കണ്ണന്മാർക്ക് ഉത്സവമായ ഉറിയടി ആരംഭിച്ചത്. ഉറിയടിക്കാൻ ഉണ്ണിക്കൻന്മാർ ആവേശപൂർവം എത്തിയപ്പോൾ സ്വദേശികളും വിദേശികളുമായ കാണികൾക്കും ആവേശം അലതല്ലി.…