ജയ്പൂർ: ജൂൺ 10ന് നടക്കാനിരിക്കുന്ന രാജ്യസഭാ തെരഞ്ഞെടുപ്പിൽ സംസ്ഥാനത്തിന് പുറത്ത് നിന്ന് മൂന്ന് സ്ഥാനാർത്ഥികളെ കോൺഗ്രസ് നിർത്തിയതോടെ രാജസ്ഥാനിൽ പാർട്ടിക്കുള്ളിൽ ഭിന്നത രൂക്ഷമാകുന്നു. പാർട്ടിയെ പിന്തുണയ്ക്കുന്ന സ്വതന്ത്ര എംഎൽഎമാരും ചില കോൺഗ്രസ് നിയമസഭാംഗങ്ങളും രാജസ്ഥാനിൽ മത്സരിക്കാൻ സംസ്ഥാനത്തിന് പുറത്ത് നിന്ന് സ്ഥാനാർത്ഥികളെ നാമനിർദ്ദേശം ചെയ്യാനുള്ള പാർട്ടി ഹൈക്കമാൻഡിന്റെ തീരുമാനത്തെ ചോദ്യം ചെയ്തു. മുകുൾ വാസ്നിക് (മഹാരാഷ്ട്ര), രൺദീപ് സിംഗ് സുർജേവാല (ഹരിയാന), പ്രമോദ് തിവാരി (ഉത്തർപ്രദേശ്) എന്നിവരെയാണ് രാജസ്ഥാനിൽ നിന്ന് രാജ്യസഭാ സ്ഥാനാര്ത്ഥികളായി കോൺഗ്രസ് മത്സരിപ്പിക്കുന്നത്. “മൂന്ന് കോൺഗ്രസ് സ്ഥാനാർത്ഥികളും സംസ്ഥാനത്തിന് പുറത്ത് നിന്നുള്ളവരാണ്. ഘനശ്യാം തിവാരിയെ ബിജെപി സ്ഥാനാർത്ഥിയാക്കിയത് കോൺഗ്രസിന് അറിവുള്ളതാണ്. കുറച്ചുകാലം കോൺഗ്രസ് അംഗമായിരുന്നു തിവാരി. ലോക്സഭാ തെരഞ്ഞെടുപ്പിലോ നിയമസഭാ തെരഞ്ഞെടുപ്പുകളിലോ മത്സരിക്കാനുള്ള ധൈര്യം വലിയ നേതാക്കൾ കാണിക്കുന്നില്ല എന്നതും സത്യമാണ്. രാജ്യസഭയിലൂടെ മാത്രമേ അവർ നിലനിൽക്കാൻ ആഗ്രഹിക്കുന്നുള്ളൂ,” കോൺഗ്രസ് എംഎൽഎ ഭരത് സിംഗ്…
രാജ്യസഭാ തിരഞ്ഞെടുപ്പിന് പുറത്തുള്ളവരെ രംഗത്തിറക്കിയതിനെ ചൊല്ലി കോൺഗ്രസ് അംഗങ്ങളുടെ വിയോജിപ്പ്
