‘നെയ്തെടുക്കാം പുതിയൊരു ഓണ വിസ്മയം’ എന്നതാണ് സീ കേരളം ഈ ഓണത്തിന് മുന്നോട്ടു വയ്ക്കുന്ന പ്രമേയം. കൊച്ചി: ആലപ്പുഴയിലെ പുന്നപ്രയിലുള്ള ശാന്തിഭവൻ സർവോദയ പങ്കുവയ്ക്കൽ ചാരിറ്റബിൾ ട്രസ്റ്റിലെ നിരാലംബരായ അന്തേവാസികളോടൊപ്പം ഓണമാഘോഷിച്ച് സീ കേരളം. ജീവിതത്തിൽ കുടുംബത്തോടൊപ്പം ഓണം ആഘോഷിക്കാൻ സാധിക്കാതെ പോയവർക്കൊപ്പമായിരുന്നു കേരളത്തിലെ പ്രമുഖ വിനോദ ചാനലായ സീ കേരളത്തിന്റെ ഇത്തവണത്തെ ഓണാഘോഷം. അതോടൊപ്പം, സീ കേരളം ടീം വൃദ്ധസദനത്തിലെ അന്തേവാസികൾക്ക് ഓണക്കോടികളും വിതരണം ചെയ്തു. പ്രമുഖ അഭിനേതാക്കളായ പൊന്നമ്മ ബാബു, ആദിനാട് ശശി എന്നിവർ സീ കേരളം ചാനലിനു വേണ്ടി ഓണക്കോടികൾ വിതരണം ചെയ്തു. സീ കേരളം ചാനലിൽ സംപ്രേഷണം ചെയ്യുന്ന സീരിയലുകളിലെ പ്രധാനവേഷങ്ങൾ കൈകാര്യം ചെയ്യുന്നവരാണ് രണ്ട് അഭിനേതാക്കളും. പ്രിയതാരങ്ങളെ അടുത്തു കാണുവാൻ പറ്റിയതിലുള്ള സന്തോഷത്തിലായിരുന്നു ഓരോരുത്തരും. ഇതിനുപുറമേ സീ കേരളം ടീമിലെ കലാകാരന്മാരുടെ കലാപ്രകടനങ്ങൾ ചടങ്ങിന് മിഴിവേകി. ‘നെയ്തെടുക്കാം പുതിയൊരു ഓണ…
വൃദ്ധസദനത്തിലെ അന്തേവാസികൾക്കൊപ്പം ഓണം ആഘോഷിച്ച് സീ കേരളം
