Year: 2022

ഇസ്ലാമാബാദ്: കോടതിയലക്ഷ്യ കേസിൽ ഇസ്ലാമാബാദ് ഹൈക്കോടതിയിൽ (ഐഎച്ച്‌സി) നിരുപാധികം മാപ്പ് പറഞ്ഞു ഗിൽജിത്-ബാൾട്ടിസ്ഥാൻ മുൻ ചീഫ് ജഡ്ജി ഡോ. റാണ മുഹമ്മദ് ഷമീം. ഷെരീഫ് കുടുംബത്തിനെതിരായ കേസിനെ സ്വാധീനിക്കാൻ പാക്കിസ്താന്‍ മുൻ ചീഫ് ജസ്റ്റിസ് (സിജെപി) സാഖിബ് നസീർ ശ്രമിച്ചുവെന്നാരോപിച്ചതിനാണ് അദ്ദേഹം മാപ്പു പറഞ്ഞത്. ജഡ്ജിയുടെ പേര് തെറ്റായി എഴുതിയെന്ന് മുൻ ചീഫ് ജഡ്ജി മാപ്പപേക്ഷയിൽ കുറിച്ചു. “ഞാൻ ഈ ഗുരുതരമായ തെറ്റ് ചെയ്തു, അതിൽ ഞാൻ ഇപ്പോൾ ഖേദം പ്രകടിപ്പിക്കുകയും നിരുപാധികം മാപ്പ് പറയുകയും ചെയ്യുന്നു,” മുൻ ചീഫ് ജഡ്ജി തുടർന്നു. മെയ് മാസത്തിൽ റാണ ഷമി തന്റെ തനിക്കെതിരെയുള്ള കുറ്റാരോപണത്തെ ഇസ്‌ലാമാബാദ് ഹൈക്കോടതിയിൽ ചോദ്യം ചെയ്തിരുന്നു.

ഇസ്ലാമാബാദ്: പാക് മുന്‍ പ്രധാനമന്ത്രി ഇമ്രാൻ ഖാനെതിരായ തീവ്രവാദ കേസിന്റെ വാദം കേൾക്കുന്നതിനിടെ ഇസ്ലാമാബാദിലെ തീവ്രവാദ വിരുദ്ധ കോടതി (എടിസി) സെപ്റ്റംബർ 20 വരെ ഇടക്കാല ജാമ്യം അനുവദിച്ചു. കേസില്‍ അന്വേഷണ ഉദ്യോഗസ്ഥന്റെ വിചാരണയ്‌ക്കൊപ്പം കോടതിയിൽ നേരിട്ട് ഹാജരാകാൻ എടിസി ജഡ്ജി ഇമ്രാൻ ഖാനോട് ആവശ്യപ്പെട്ടിരുന്നതനുസരിച്ച് അദ്ദേഹം രാവിലെ 11 മണിക്ക് വിചാരണ നേരിടാന്‍ എടിസിക്ക് മുമ്പാകെ ഹാജരായി. കോടതി പരിസരത്ത് വെച്ച് അന്വേഷണം നടത്തുന്നതിൽ നിന്ന് പോലീസിനെ വിലക്കണമെന്ന് ഇമ്രാന്‍ ഖാന്റെ അഭിഭാഷകനായ ബാബർ അവാൻ കോടതിയോട് അഭ്യർത്ഥിച്ചു. ഇമ്രാൻ ഖാനെ ജുഡീഷ്യൽ കോംപ്ലക്‌സിൽ വെച്ച് പോലീസ് കുറ്റപ്പെടുത്തുന്നതും അപമാനിക്കുന്നതും എന്തിനാണ്? സ്പെഷ്യൽ പ്രോസിക്യൂട്ടർ രാജ റിസ്വാൻ അബ്ബാസിയെ ബാബർ അവാൻ ചോദ്യം ചെയ്തു. മനഃപൂർവം നിയമനടപടികൾ തടസ്സപ്പെടുത്തുകയും തെളിവുകൾ മറയ്ക്കുകയും ചെയ്യുന്ന പോലീസിനെതിരെ ശിക്ഷാനടപടി സ്വീകരിക്കാൻ കോടതിക്ക് അധികാരമുണ്ടെന്ന് അദ്ദേഹം പ്രോസിക്യൂഷന് മുന്നറിയിപ്പ് നൽകി.…

കേരള അസോസിയേഷൻ ഓഫ് നാഷ്‌വിൽ (കാൻ) -ന്റെ ഈ വർഷത്തെ ഓണാഘോഷം നാഷ്‌വിൽ ഗണേശ ടെമ്പിൾ ഓഡിറ്റോറിയത്തിൽ വിപുലമായ പരിപാടികളോടെ ആഘോഷിച്ചു. താലപ്പൊലിയോടെയും ചെണ്ടമേളത്തോടെയും പുലിക്കളിയുടെ അകമ്പടിയോടേയും നടന്ന ഘോഷയാത്രക്കും മാവേലിയുടെ വരവേല്പിനും കാൻ ഭാരവാഹികൾ നേതൃത്വം നല്കി. പ്രശസ്ത തമിഴ് സിനിമാ ഗായകനും നടനുമായ ശ്രീ ഹരിഷ് രാഘവേന്ദ്ര മുഖ്യാതിഥിയായിരുന്നു. ഗണേശ ടെമ്പിൾ ഓഡിറ്റോറിയത്തിൽ സെപ്റ്റംബർ 10-ന്‌ നടന്ന ഓണാഘോഷ സമാരംഭ (Opening Ceremony) ചടങ്ങിൽ മാവേലിയായി വന്ന സൂരജ് ശങ്കരമംഗലം, മുഖ്യാതിഥി ഹരീഷ് രാഘവേന്ദ്ര, കാൻ ഭാരവാഹികൾ എന്നിവർ ചേർന്ന് വിളക്ക് കൊളുത്തി ഓണാഘോഷങ്ങൾക്ക് തുടക്കം കുറിച്ചു. കേരളത്തെയും മലയാളഭാഷയേയും എന്നും താൻ ആദരവോടെയാണ്‌ കണ്ടിട്ടുള്ളതെന്ന് ഓണാഘോഷങ്ങൾക്ക് തുടക്കമിട്ടു അദ്ദേഹം നടത്തിയ തന്റെ പ്രസംഗത്തിൽ സൂചിപ്പിച്ചു. ഓണം ഒരു മതപരമായ ചടങ്ങാക്കാതെ സാംസ്കാരിക ചടങ്ങാക്കിയതിൽ കാൻ പ്രവർത്തകരെ അദ്ദേഹം അഭിനന്ദിച്ചു. കേരളത്തിലെ ജലസ്രോതസ്സുകളെ സംരക്ഷിക്കുന്നതിനുള്ള…

ഫിലഡല്‍ഫിയ: ഫ്രണ്ട്‌സ് ഓഫ് തിരുവല്ല ഫിലഡല്‍ഫിയ ചാപ്റ്റര്‍ 2022- 24 -ലെ പുതിയ ഭാരവാഹികളെ തെരഞ്ഞെടുത്തു. ഓഗസ്റ്റ് 28-ന് പമ്പ ഓഫീസില്‍ കൂടിയ വാര്‍ഷിക യോഗത്തില്‍ തോമസ് ജോയി അധ്യക്ഷത വഹിച്ചു. വരും വര്‍ഷങ്ങളില്‍ പ്രഗത്ഭരെ ചേര്‍ത്ത് പ്രയോജനകരമായ മീറ്റിംഗുകള്‍ നടത്തുന്നത് നല്ലതാണെന്ന് അദ്ദേഹം അറിയിച്ചു. സെക്രട്ടറി ജോണ്‍ സി. ചാക്കോ ആനുവല്‍ റിപ്പോര്‍ട്ടും, ഫിലിപ്പോസ് ചെറിയാന്‍ മുന്‍ വര്‍ഷങ്ങളിലെ കണക്കും അവതരിപ്പിച്ച് ഐക്യകണ്‌ഠ്യേന പാസാക്കി. 2022- 24-ലെ പ്രസിഡന്റായി ഫിലിപ്പോസ് ചെറിയാനേയും, സെക്രട്ടറിയായി ജോര്‍ജ് ജോസഫിനേയും, ട്രഷററായി തോമസ് പോളിനേയും തെരഞ്ഞെടുത്തു. മേഴ്‌സി വര്‍ക്കി (വൈസ് പ്രസിഡന്റ്), തോമസ് ജോയി (ജോയിന്റ് സെക്രട്ടറി), ജോണ്‍ സി ചാക്കോ (പി.ആര്‍.ഒ), തോമസ് ബഹനാന്‍ (ഓഡിറ്റര്‍) എന്നിവരേയും കമ്മിറ്റി അംഗങ്ങളായി ഏലിയാമ്മ പോള്‍, ദീനാമ്മ ജോസഫ്, ആനി ജോണ്‍, ശോശാമ്മ ചെറിയാന്‍, തോമസ് കുട്ടി ഈപ്പന്‍, കെ.ഒ. വര്‍ഗീസ്,…

നായകൾ, നായകൾ നമ്മളാം നായകൾ ? നാട് കടിച്ചു മുടിക്കുന്ന നായകൾ ജാതികൾ കേറിക്കളിക്കുന്ന പേയ് വിഷ മാടി ക്കുരക്കുന്ന നാടിന്റെ ‘നായ‘ കർ സാമൂഹ്യ സേവന മേലെഴുത്തിൽ കീഴി – ലാരെയും മാന്തുന്ന ചാവാലി നായകൾ. സാമൂഹ്യ സമ്പത്ത് കട്ടും കടിച്ചും സ്വ മാളം നിറയ്ക്കും പെരുച്ചാഴി നായകൾ. ആരെയുമോടിച്ചു കോമ്പല്ലുകൾ കോർത്ത് ചോര കുടിച്ചു ഭരിക്കുന്ന ‘നായ‘ കർ നാല് കാശൊപ്പിച്ചടിച്ചു പൊളിക്കുവാ – നാരുടെ പാദവും നക്കി മോങ്ങുന്നവർ. നാട് നന്നാക്കാ നിറങ്ങി സിനിമയിൽ കോടികൾ കൊയ്ത് മുറുമ്മുന്ന നായകൾ, ബീവറേജിന്റെ ലഹരിക്ക്‌ ടച്ചിങ്ങായ് സ്ത്രീ ശരീരങ്ങളെ വച്ച് മാറുന്നവർ. സ്ക്രീനിലെ താര വീര്യങ്ങളെയുൾക്കൊണ്ടു ക്രീഡിച്ചു മക്കളെ പെറ്റു കൂട്ടുന്നവർ. നാളെയീ മക്കൾക്കൊരേ ലക്ഷ്യമിൻഡ്യയിൽ ലോക ജന സംഖ്യയൊന്നാമതാക്കുക! കന്നി തുലാ മാസ ഗന്ധങ്ങൾ പേറുന്ന- യെന്തിനും പോരുന്ന ന്യൂജെൻ സിനിമയിൽ നാവിന്റെ…

ന്യൂയോര്‍ക്ക്: ന്യൂയോർക്ക് നഗരത്തിലെ ഏറ്റവും കുപ്രസിദ്ധമായ ഭവനരഹിതരുടെ ഷെൽട്ടറുകളിലൊന്നിൽ അഭയം തേടിയയാളുടെ മുഖത്ത് അടിക്കുകയും പിടിച്ചു വലിക്കുകയും ചെയ്യുന്ന പോലീസ് ഉദ്യോഗസ്ഥര്‍ സെക്യൂരിറ്റി ക്യാമറയില്‍ കുടുങ്ങി. വെനസ്വേലയിൽ നിന്നുള്ള അഭയാർത്ഥി, ബെഡ്‌ഫോർഡ്-അറ്റ്‌ലാന്റിക് ആര്‍മറി അഭയകേന്ദ്രത്തിൽ ആയിരുന്നപ്പോൾ, സിറ്റി ഡിപ്പാർട്ട്‌മെന്റ് ഓഫ് ഹോംലെസ് സർവീസസ് ഓഫീസറുമായി തർക്കത്തിലേർപ്പെട്ടപ്പോഴാണ് ഓഫീസര്‍ അയാളെ മര്‍ദ്ദിച്ചത്. ഉദ്യോഗസ്ഥർ തന്റെ മുഖത്തും ശരീരത്തിലും ബാറ്റൺ ഉപയോഗിച്ച് അടിച്ചതായി 21 കാരനായ മെയ്വർ മാർട്ടിനെസ് എന്ന അഭയാര്‍ത്ഥി പറഞ്ഞു. അൽപ്പം ഉറങ്ങാൻ ശ്രമിക്കുന്നതിനിടയിൽ ഷെല്‍ട്ടറിലെ ഒരു ഉദ്യോഗസ്ഥൻ തന്നെ പുറകിൽ കുത്താൻ തുടങ്ങിയെന്നും, രാവിലെ 8 മണിക്ക് ചെക്ക്ഔട്ടിനുമുമ്പ് ഷെൽട്ടർ വിടണമെന്ന് പ്രേരിപ്പിക്കുകയും ചെയ്തെന്ന് മാർട്ടിനെസ് പറഞ്ഞു. പരിക്കേറ്റ മാർട്ടിനെസിനെ ആംബുലൻസിൽ ഒരു ഏരിയാ ആശുപത്രിയിലെത്തിച്ചതായി ആശുപത്രി റിപ്പോർട്ടിൽ പറയുന്നു. പുറകിൽ കൈകൾ ബന്ധിച്ച് അർദ്ധ ബോധാവസ്ഥയിലായ മാര്‍ട്ടിനെസിനെ ആംബുലൻസിൽ കൊണ്ടുപോകുന്നത് പിന്നീടുള്ള ഒരു വീഡിയോയിൽ…

കര്‍ദിനാള്‍ റാഫേലെ റിയോറി, സന്ദര്‍ഭവശാല്‍ മൈക്കെലാഞ്ജലോയുടെ “കുപ്പിഡ്‌’ എന്ന ശില്പം കാണാനിടയായി. തിരുമനസ്സിന്റെ ഉദ്യാനത്തിലേക്ക്‌ ഒരു മനോഹര ശില്പം കൊത്താന്‍ മൈക്കെലാഞ്ജലോയെ കര്‍ദിനാള്‍ റോമിലേക്ക്‌ ക്ഷണിച്ചു. മൈക്കെലാഞ്ജലോ റോമിലെത്തി തിരുമനസ്സിനെ മുഖം കാണിച്ചു. കര്‍ദിനാള്‍ പറഞ്ഞു: ഈയിടെ താങ്കളുടെ ഒരു ശില്പം കാണാനായി. കുപ്പിഡ്‌! നല്ല കൊത്ത്‌. നമ്മുടെ ഉദ്യാനത്തിലേക്ക്‌ ആള്‍വലിപ്പത്തിലുള്ള ഒരു മാര്‍ബിള്‍ രൂപമാണ്‌ എന്റെ മനസ്സില്‍. ആദ്ധ്യാത്മികമായിരിക്കണമെന്നില്ല. കാല്പനികതയുള്ള ഒരു പുരുഷ രൂപം തന്നെ ആയിക്കൊള്ളട്ടെ. റിയോറി തിരുമേനി തികഞ്ഞ കലാസ്വാദകനാണ്‌. യാഥാസ്ഥിതികനല്ല. മറിച്ച്‌ ഹുമാനിസ്റ്റാണ്‌. എല്ലാത്തരം ശില്പങ്ങളെയും ചിത്രങ്ങളെയും ആസ്വദിക്കുന്ന കലോപാസകനാണ്‌. ഈ നവോത്ഥാന കാലത്ത്‌ ചിത്രകലയേയും ശില്പനിര്‍മ്മാണത്തെയും വളരെയധികം ഉപാസിച്ചിട്ടുള്ള കര്‍ദിനാള്‍. ബോട്ടോസിലി, ഡാവിന്‍ചി, റാഫേല്‍ തുടങ്ങിയവരെയൊക്കെ പ്രോത്സാഹിപ്പിച്ചിട്ടുള്ള കലാസ്‌നേഹി. മൈക്കെലാഞ്ജലോ ആലോചിച്ചു, എന്താണ്‌ സുന്ദരമായി കര്‍ദിനാളിനുവേണ്ടി കൊത്തേണ്ട രൂപം? പെട്ടെന്നോര്‍മ്മ വന്നത്‌ ഗ്രീക്ക്പുരാണത്തിലെ ഡയോനിസുസ്‌ ദേവന്റേതായിരുന്നു. റോമില്‍ ആ പ്രതിമ…