Year: 2022

കൊച്ചി: ഇന്ത്യൻ സിനിമയിലെ കൊടുങ്കാറ്റായി മാറിയ കെ ജി എഫിന്റെ രണ്ടാം ഭാഗം (കെ ജി എഫ് -2) സീ കേരളം ചാനലിലൂടെ ആദ്യമായി ടെലിവിഷൻ പ്രേക്ഷകർക്ക് മുന്നിലെത്തുന്നു. ആയിരം കോടിയിലധികം രൂപ ബോക്സ് ഓഫീസ് കളക്ഷൻ നേടിയ കെ ജി എഫ് 2 സെപ്റ്റംബർ 4ന് വൈകിട്ട് 7 മണിക്ക് സീ കേരളം സംപ്രേഷണം ചെയ്യും. കോളാർ ഗോൾഡ് ഫീൽഡ്‌സിലെ കണക്കില്ലാത്ത സ്വർണ്ണശേഖരത്തിന്റെയും അവിടെ ജീവിക്കുന്ന പാവപ്പെട്ട മനുഷ്യരുടെയും കാവൽക്കാരനായ റോക്കി ഭായിയുടെ വീരചരിതങ്ങൾ ഇനി പ്രേക്ഷകരുടെ സ്വീകരണമുറിയിൽ സീ കേരളത്തിലൂടെ കാണാം. യഷ് ആണ് റോക്കി ഭായ് എന്ന കഥാപാത്രത്തെ അവതരിപ്പിക്കുന്നത്. ഗരുഡയുടെ മരണത്തിനുശേഷം കെ. ജി. എഫിന്റെ അധിപനായി മാറിയ റോക്കി ഭായിക്കും കെ. ജി. എഫിൽ കണ്ണുനട്ടു കാത്തിരിക്കുന്ന കൊടും ക്രൂരനായ അധീരയ്ക്കും റോക്കി ഭായിയെ ഏതുവിധേനയും നശിപ്പിക്കണമെന്ന ഒറ്റ ലക്ഷ്യത്തിൽ…

തിരുവനന്തപുരം: കോൺഗ്രസിന്റെ പുതിയ അദ്ധ്യക്ഷന്‍ ഹിന്ദി സംസാരിക്കുന്നവരും ഹിന്ദി മേഖലയില്‍ നിന്നുമായിരിക്കണമെന്ന വാദത്തെ ഖണ്ഡിച്ച് ശശി തരൂര്‍. തിരുവനന്തപുരത്ത് നടത്തിയ വാർത്താ സമ്മേളനത്തിൽ മാധ്യമപ്രവർത്തകർ ഇക്കാര്യം ചൂണ്ടിക്കാട്ടിയപ്പോഴാണ് തരൂർ വിമർശകർക്ക് ഹിന്ദിയിൽ മറുപടി നൽകിയത്. ആ മേഖലയില്‍ നിന്നുള്ള ആള്‍ വേണമെങ്കില്‍ തെരഞ്ഞെടുപ്പിലൂടെ വരട്ടെ. ഭാരതീയന്‍ ആവുകയാണ് പ്രധാനമെന്നും തരൂര്‍ പറഞ്ഞു. പ്രസിഡന്‍റ് സ്ഥാനത്തേക്ക് മത്സരം ഉണ്ടാകുന്നത് പാര്‍ട്ടിക്ക് ഗുണമേ ഉണ്ടാക്കൂവെന്ന വാദം ജി-23 അംഗം കൂടിയായ തരൂര്‍ ആവര്‍ത്തിച്ചു. കോണ്‍ഗ്രസ് അദ്ധ്യക്ഷ സ്ഥാനം ഹിന്ദി സംസാരിക്കുന്നവര്‍ക്ക് മാത്രമെന്ന് നിര്‍ബ്ബന്ധിക്കാനാവില്ലെന്നും അദ്ദേഹം പറഞ്ഞു. കോണ്‍ഗ്രസ് പാര്‍ട്ടിയെന്നാല്‍ ഒരു വ്യക്തിയല്ല. താന്‍ മത്സരിച്ചാലും ഇല്ലെങ്കിലും പാര്‍ട്ടിയില്‍ മാറ്റം വരണമെന്ന് നേരത്തെ വ്യക്തമാക്കിയിരുന്നു. ഇതു സംബന്ധിച്ച് ചര്‍ച്ച ചെയ്‌ത് ഉചിതമായ തീരുമാനത്തിലെത്തും. കൂടുതല്‍ ആളുകള്‍ മത്സരിക്കാന്‍ തയ്യാറാകുന്നുണ്ടെന്നും ശശി തരൂര്‍ വ്യക്തമാക്കി.

എറണാകുളം: കെഎസ്ആർടിസിക്ക് 103 കോടി രൂപ സർക്കാർ സഹായം നൽകണമെന്ന സിംഗിൾ ബെഞ്ച് ഉത്തരവ് ഹൈക്കോടതി ഡിവിഷൻ ബെഞ്ച് സ്‌റ്റേ ചെയ്തു. സിംഗിൾ ബെഞ്ച് ഉത്തരവ് റദ്ദാക്കണമെന്നാവശ്യപ്പെട്ട് സർക്കാർ നൽകിയ അപ്പീലിലാണ് കോടതി നടപടി. നാളെ (സെപ്തംബര്‍ 1) ഹൈക്കോടതി വീണ്ടും അപ്പീൽ പരിഗണിക്കും. ജീവനക്കാര്‍ക്ക് ജൂലൈ, ഓഗസ്റ്റ് മാസങ്ങളിലെ ശമ്പളവും ഓണം അലവൻസും നല്‍കാന്‍ ആകെ 103 കോടി രൂപ കെഎസ്ആർടിസിക്ക് നൽകണമെന്നായിരുന്നു ജസ്റ്റിസ് ദേവൻ രാമചന്ദ്രന്റെ സിംഗിൾ ബെഞ്ച് ഉത്തരവിട്ടത്. ഇതിനെതിരെ സർക്കാർ ഹൈക്കോടതിയിൽ അപ്പീൽ നൽകി. കെഎസ്‌ആർടിസി ജീവനക്കാർക്ക് ശമ്പളം നൽകാൻ ബാധ്യതയില്ലെന്നാണ് അപ്പീലിൽ സർക്കാരിന്‍റെ വാദം. വസ്‌തുതകളും നിയമപരമായ ഘടകങ്ങളും പരിശോധിക്കാതെയാണ് സിംഗിൾ ബഞ്ച് ഉത്തരവിറക്കിയത്. കെഎസ്‌ആർടിസി ജീവനക്കാർക്ക് ശമ്പളം നൽകാൻ നിയമപരമായോ കരാർ പ്രകാരമോ ഒരു തരത്തിലുമുള്ള ബാധ്യതയും തങ്ങൾക്കില്ലെന്നും സർക്കാർ നൽകിയ അപ്പീലിൽ പറയുന്നു. റോഡ് ട്രാൻസ്‌പോർട്ട് കോർപ്പറേഷൻ…

കണ്ണൂര്‍: മുഖ്യമന്ത്രിയുടെ പ്രൈവറ്റ് സെക്രട്ടറി കെ കെ രാഗേഷിന്റെ ഭാര്യ പ്രിയ വർഗീസിന്റെ പേരുൾപ്പെട്ട മലയാളം അസോസിയേറ്റ് പ്രൊഫസർ തസ്തികയിലേക്കുള്ള താത്കാലിക റാങ്ക് ലിസ്റ്റിൽ നിന്ന് കണ്ണൂർ സർവകലാശാല നിയമനം നടത്തുന്നത് തടഞ്ഞുള്ള ഇടക്കാല ഉത്തരവ് സെപ്തംബർ 30 വരെ നീട്ടി കേരള ഹൈക്കോടതി നീട്ടി. ഗവേഷണ കാലയളവ് അദ്ധ്യാപന അനുഭവമായി കണക്കാക്കാനാകില്ലെന്ന യുജിസിയുടെ സുപ്രധാന തീരുമാനം കോടതിയെ അറിയിച്ചതിനെ തുടർന്നാണിത്. പ്രിയാ വർഗീസിനെ നിയമിച്ച സർവകലാശാലയുടെ നടപടിയെ ചോദ്യം ചെയ്ത് ചങ്ങനാശേരി എസ് ബി കോളജിലെ മലയാളം വിഭാഗം അസിസ്റ്റന്റ് പ്രൊഫസർ ജോസഫ് സ്‌കറിയ സമർപ്പിച്ച റിട്ട് ഹർജി പരിഗണിക്കവെയാണ് ജസ്റ്റിസ് ദേവൻ രാമചന്ദ്രൻ ഉത്തരവിട്ടത്. പ്രിയാ വർഗീസിന്റെ നിയമനവുമായി ബന്ധപ്പെട്ട കേസിൽ ഹൈക്കോടതി യുജിസിയുടെ നിലപാട് തേടിയിരുന്നു. ഇതേത്തുടർന്നാണ് ഇന്ന് യുജിസിക്ക് വേണ്ടി ഹാജരായ സ്റ്റാൻഡിംഗ് കൗൺസൽ ഹൈക്കോടതിയിൽ നിലപാട് വ്യക്തമാക്കിയത്. യുജിസി ചട്ടപ്രകാരം…

കൊച്ചി: രണ്ട് ദിവസത്തെ സന്ദർശനത്തിനായി പ്രധാനമന്ത്രി നരേന്ദ്ര മോദി വ്യാഴാഴ്ച വൈകീട്ട് കൊച്ചിയിലെത്തും. ഇന്ത്യൻ വ്യോമസേനയുടെ പ്രത്യേക വിമാനം വൈകീട്ട് 4.25ന് നെടുമ്പാശ്ശേരി ഇന്റർനാഷണൽ എയർപോർട്ടില്‍ ഇറങ്ങും. പ്രോട്ടോക്കോൾ പ്രകാരം വിമാനത്താവളത്തിൽ അദ്ദേഹത്തിന് ഔദ്യോഗിക സ്വീകരണം നൽകും. 4.30-ന് വിമാനത്താവളത്തിന് സമീപം അനൗദ്യോഗികമായി നിശ്ചയിച്ചിട്ടുള്ള പൊതുയോഗത്തിനായി അദ്ദേഹം റോഡ് മാർഗം പുറപ്പെടും. കൂടിക്കാഴ്ച 30 മിനിറ്റ് നീണ്ടുനിൽക്കും, തുടർന്ന് റോഡ് മാർഗം 5.05 ന് കാലടിയിലെ ശ്രീ ആദിശങ്കര ജന്മഭൂമി ക്ഷേത്രം സന്ദർശിക്കാൻ മോദി പുറപ്പെടും. 5.45 വരെ അദ്ദേഹം അവിടെയുണ്ടാകും. വൈകിട്ട് ആറിന് കൊച്ചി മെട്രോയുടെയും ഇന്ത്യൻ റെയിൽവേയുടെയും വിവിധ പദ്ധതികൾ മോദി രാജ്യത്തിന് സമർപ്പിക്കും. 6.45 വരെ പരിപാടികൾ നീണ്ടുനിൽക്കും. തുടർന്ന് എംഐ-17 ഹെലികോപ്റ്ററിൽ സിയാലിൽ നിന്ന് കൊച്ചിയിലെ ഐഎൻഎസ് ഗരുഡ എയർ സ്റ്റേഷനിലേക്ക് മോദി പുറപ്പെടും. റോഡ് മാർഗം താജ് മലബാറിലേക്ക് പുറപ്പെട്ട്…