Month: July 2023

ആലപ്പുഴ: വ്യാജ ബികോം സര്‍ട്ടിഫിക്കറ്റ്‌ ഹാജരാക്കി മുന്‍ എസ്‌എഫ്‌ഐ നേതാവ്‌ നിഖില്‍ തോമസ്‌ കായംകുളം എംഎസ്‌എം കോളജില്‍ പിജി പ്രവേശനം നേടിയ കേസില്‍ അന്വേഷണം എങ്ങുമെത്താതെ വഴിമുട്ടി. വ്യാജ ബിരുദ സര്‍ട്ടിഫിക്കറ്റിന്റെ ഉറവിടം കണ്ടെത്തുന്നതിലും അതുമായി ബന്ധപ്പെട്ട തെളിവുകള്‍ ശേഖരിക്കുന്നതിലും തടസ്സം നേരിട്ടതാണ്‌ കായംകുളം പൊലീസിന്റെ അന്വേഷണത്തിന്‌ തടസ്സമായിരിക്കുന്നത്. കഴിഞ്ഞ രണ്ട്‌ ദിവസമായി നിഖിലിനുവേണ്ടി സര്‍ട്ടിഫിക്കറ്റ്‌ ഹാജരാക്കിയ എറണാകുളത്തെ റിക്രൂട്ടിംഗ്‌ ഏജന്‍സി ഉടമ സാജു ശശിധരനെ പോലീസ്‌ ചോദ്യം ചെയുന്നുണ്ടെങ്കിലും ആരാണ്‌ സര്‍ട്ടിഫിക്കറ്റ്‌ ഹാജരാക്കിയതെന്ന്‌ ഇതുവരെ വെളിപ്പെടുത്തിയിട്ടില്ല. വിസ തട്ടിപ്പുമായി ബന്ധപ്പെട്ട്‌ കഴിഞ്ഞ വര്‍ഷം കൊച്ചി പൊലീസ്‌ രജിസ്റ്റര്‍ ചെയ്ത കേസില്‍ സര്‍ട്ടിഫിക്കറ്റ്‌ നിര്‍മിക്കാന്‍ ഉപയോഗിച്ചതായി പറയുന്ന കംപ്യൂട്ടറും പ്രിന്ററും ഉള്‍പ്പെടെയുള്ള ഉപകരണങ്ങള്‍ കോടതിക്ക്‌ കൈമാറിയതായാണ് റിപ്പോര്‍ട്ട്. 2022ല്‍ കൊച്ചി പോലീസ്‌ റജിസ്റ്റര്‍ ചെയ്ത വിസ തട്ടിപ്പുമായി ബന്ധപ്പെട്ട് പതിനഞ്ചോളം കേസുകളില്‍ പ്രതിയാണ്‌ സാജു. വ്യാജ ബിരുദ…

വർഷങ്ങളായി പ്രവാസികളിൽ നിന്നും വിശിഷ്യാ ഗൾഫു നാടുകളിൽ നിന്നും യാത്ര ചെയ്യുന്നതിന് ടിക്കറ്റുകൾക്ക് അമിതമായ വില ഈടാക്കുന്ന വിമാന കമ്പനികളെ കേന്ദ്ര സംസ്ഥാന സർക്കാറുകൾ ശക്തമായി നിയന്ത്രിക്കണമെന്ന് വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി ആവശ്യപ്പെട്ടു. വിമാന കമ്പനികളുടെ ടിക്കറ്റ് കൊള്ളക്കെതിരെ പ്രവാസി വെൽഫെയർ ഫോറം സംഘടപ്പിച്ച പ്രതിഷേധ സംഗമം ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം. സീസൺ സമയത്ത് വിമാന കമ്പനികൾ ടിക്കറ്റുകൾക്ക് അമിതമായ വില ഈടാക്കുന്ന ഈ സ്ഥിരം പ്രവണത അവസാനിപ്പിക്കാൻ ടിക്കറ്റ് വിലക്ക് സീലിംഗ് ഏർപ്പെടുത്തിയും കൂടുതൽ സീറ്റുകൾ വർധിപ്പിച്ചും ബജറ്റ് എയറുകൾ സംവിധാനിച്ചും പ്രായോഗിക പരിഹാരങ്ങൾ നടപ്പിലാക്കി കേന്ദ്ര – സംസ്ഥാന സർക്കാറുകൾ പ്രവാസികളുടെ പക്ഷം നിൽക്കണമെന്നും അദ്ദേഹം ആവശ്യപ്പെട്ടു. സംഗമത്തിൽ ആശംസകളർപ്പിച്ച് വെൽഫെയർ പാർട്ടി ജില്ലാ പ്രസിഡണ്ട് നാസർ കീഴുപറമ്പ് ഗൾഫ് പ്രതിനിധികളായ മുനീഷ് എ സി (ഖത്തർ), മുഹ്സിൻ…

ചമ്പക്കുളം:സംസ്ഥാനത്ത് വള്ളംകളി സീസണിന് തുടക്കമിട്ടുള്ള ചരിത്രപ്രസിദ്ധമായ ചമ്പക്കുളം മൂലം ജലോത്സവത്തില്‍ യുബിസി കൈനകരിയുടെ നടുഭാഗം ചുണ്ടനും ഇരുട്ടുകുത്തി എ ഗ്രേഡ് വിഭാഗത്തിൽ മാമ്മൂടനും  ജേതാക്കളായി. രാജപ്രമുഖന്‍ ട്രോഫിയ്ക്കുവേണ്ടിയുള്ള  പോരാട്ടത്തില്‍ തലവടി ടൗൺ ബോട്ട് ക്ലബിൻ്റെ നേതൃത്വത്തിൽ തുഴഞ്ഞ ചെറുതന രണ്ടാം സ്ഥാനത്ത് എത്തി.രണ്ടാം ഹീറ്റ്‌സില്‍ ചെറുതന ചുണ്ടൻ നിരണം ചുണ്ടനെയാണ് പരാജയപെടുത്തിയത്. പ്രഗത്ഭരായ ടീമുകളെ പരാജയപ്പെടുത്തിയ തലവടി ടൗൺ ബോട്ട് ക്ലബിൻ്റെ കന്നിയങ്കം ജനമനസ്സുകളെ ഒന്നടങ്കം കീഴടക്കി. മികച്ച പ്രകടനത്തിൽ  തലവടി ഗ്രാമം ആഹ്ളാദത്തിലാണ്. ഏറ്റവും പ്രായം കുറഞ്ഞ ക്യാപ്റ്റനുള്ള സമ്മാനം മാമൂടൻ വള്ളത്തിൻ്റെ ക്യാപ്റ്റൻ മാസ്റ്റർ റയാൻ പാലത്തിങ്കൽ ഏബ്രഹാമിന് (5) നല്കി. തലവടി ടൗൺ ബോട്ട് ക്ലബ് ട്രഷറാറും പുണ്യാളൻ ഡെക്കറേഷൻ ഉടമയുമായ  ഏബ്രഹാം പീറ്ററിൻ്റെയും സ്വപ്ന ഏബ്രഹാമിൻ്റെയും മകനാണ് റയാൻ. ജലോത്സവത്തിന് ആലപ്പുഴ ജില്ലാ കളക്ടര്‍ ഹരിത വി. കുമാര്‍ പതാക ഉയര്‍ത്തി.കൃഷിമന്ത്രി…

തിരുവനന്തപുരം: പ്രണയിച്ച് വിവാഹം കഴിച്ച നവദമ്പതികളുടെ ദാമ്പത്യജീവിതത്തിന് ആയുസ്സ് 15 ദിവസം മാത്രം. തിരുവനന്തപുരം പന്നിയോടിലാണ് ഭര്‍തൃഗൃഹത്തില്‍ നവവധു ആത്മഹത്യ ചെയ്തത്. ഇന്നലെ രാത്രിയാണ്‌ ഭര്‍ത്താവ്‌ വിപിന്‍ ഭാര്യ സോനയെ കിടപ്പുമുറിയില്‍ തൂങ്ങിമരിച്ച നിലയില്‍ കണ്ടെത്തിയത്‌. വിപിനും സോനയും വര്‍ഷങ്ങളായി പ്രണയത്തിലായിരുന്നു. ഈ ബന്ധത്തെ വീട്ടുകാര്‍ ആദ്യം എതിര്‍ത്തിരുന്നുവെങ്കിലും പിന്നീട്‌ ഇരുവരുടെയും വിവാഹത്തിന്‌ അനുവാദം നല്‍കി. എന്നാല്‍, അടുത്തിടെ സോന തന്റെ വീട്ടിലെത്തിയപ്പോള്‍ സന്തോഷവതിയായി കാണപ്പെട്ടു എന്ന് കുടുംബാംഗങ്ങള്‍ പറയുന്നു. ആത്മഹത്യ ചെയ്യാനുള്ള കാരണമോ അതിനു പ്രേരിപ്പിച്ചതെന്താണെന്നോ ആര്‍ക്കും അറിയില്ല. ഓട്ടോ ഡ്രൈവറാണ് വിപിന്‍. കാട്ടാക്കട പോലീസ് അസ്വാഭിക മരണത്തിന് കേസെടുത്തു.

ലണ്ടൻ: 2010 നും 2013 നും ഇടയിൽ അഫ്ഗാനിസ്ഥാനിൽ “എല്ലാ പോരാട്ട പ്രായക്കാരെയും ഇല്ലാതാക്കുക” എന്ന ആരോപണവിധേയമായ നയത്തിന്റെ ഭാഗമായി ബ്രിട്ടീഷ് സ്പെഷ്യൽ എയർ സർവീസസ് (എസ്എഎസ്) സൈനികർ ഡസൻ കണക്കിന് നിരായുധരായ സിവിലിയന്മാരെ കൊലപ്പെടുത്തിയിട്ടുണ്ടെന്ന് ഇരകളുടെ കുടുംബങ്ങളുടെ അഭിഭാഷകർ യുകെ അന്വേഷണ സംഘത്തോട് പറഞ്ഞതായി റിപ്പോർട്ട്. ലണ്ടൻ ആസ്ഥാനമായുള്ള നിയമ സ്ഥാപനമായ ലീ ഡേയുടെ പുതിയ അവകാശവാദമനുസരിച്ച്, സംശയാസ്പദമായ 30 സംഭവങ്ങളുടെ ഫലമായി 80-ലധികം അഫ്ഗാനികൾ മരിച്ചു. അഫ്ഗാനിസ്ഥാനിൽ യുകെ സേന നടത്തിയെന്ന് ആരോപിക്കപ്പെടുന്ന യുദ്ധക്കുറ്റങ്ങളെക്കുറിച്ച് ഒരു പൊതു അന്വേഷണം ഡിസംബറിൽ ലോർഡ് ജസ്റ്റിസ് ഹാഡൺ-കേവിന്റെ നേതൃത്വത്തിൽ ആരംഭിച്ചിരുന്നു. മാർച്ചിൽ താൽപ്പര്യമുള്ളവരിൽ നിന്ന് സാക്ഷ്യവും അഭ്യർത്ഥിച്ചു. അവരുടെ റെയ്ഡുകളിൽ, SAS സൈനികർ അഫ്ഗാൻ യുവാക്കളെ ലക്ഷ്യം വച്ചതായി ആരോപിക്കപ്പെടുന്നു. ആറ് മാസത്തെ വിന്യാസത്തിനിടെ 35 അഫ്ഗാനികളെ സൈനികരിൽ ഒരാൾ “വ്യക്തിപരമായി വധിച്ചു” എന്ന് ലീ ഡേയുടെ…

പത്തനംതിട്ട: കാപ്പ കേസ് പ്രതി പോലീസിനെ കബളിപ്പിച്ച് വെട്ടിച്ച് വിദേശത്തേക്ക്. പറക്കോട് സ്വദേശി നിർമൽ ജനാർദനനാണ് പൊലീസിനെ കബളിപ്പിച്ച് നാടുവിട്ടത്. സംഭവം പോലീസിന് വലിയ നാണക്കേടായി മാറിയതോടെ ജില്ലാ പോലീസ് മേധാവി അന്വേഷണത്തിന് ഉത്തരവിട്ടു. വധശ്രമം ഉൾപ്പെടെ 15 ഓളം ക്രിമിനൽ കേസുകളിൽ പ്രതിയാണ് നിർമ്മൽ. പോലീസിന് സ്ഥിരം തലവേദനയായതോടെ കഴിഞ്ഞ ജൂലൈയിലാണ് നിർമ്മലിനെ കാപ്പ ചുമത്തി കരുതൽ തടങ്കലിലാക്കിയത്. എന്നാൽ ഇതിന് പിന്നാലെ നിർമ്മൽ രഹസ്യമായി ഖത്തറിലേക്ക് കടക്കുകയായിരുന്നു. പാസ്‌പോർട്ടിന്റെ കാലാവധി തീരാനായതിനാൽ പുതുക്കാൻ ആവശ്യപ്പെട്ട് ഇക്കഴിഞ്ഞ മെയിൽ നിർമ്മൽ ഓൺലൈൻ ആയി അപേക്ഷ സമർപ്പിക്കുകയായിരുന്നു. തുടർന്ന് കഴിഞ്ഞ മാസം നാലിന് പോലീസ് ക്ലിയറൻസും നൽകി. അടൂർ പോലീസാണ് ഫീൽഡ് വെരിഫിക്കേഷൻ നടത്തി ഗുഡ് സർട്ടിഫിക്കേറ്റ് നൽകിയത്. സംഭവം പുറത്തുവന്നതോടെ പത്തനംതിട്ട ജില്ലാ പോലീസ് മേധാവി അന്വേഷണത്തിന് ഉത്തരവിടുകയായിരുന്നു. സംഭവത്തെക്കുറിച്ച് അന്വേഷിച്ച് റിപ്പോർട്ട് നൽകാൻ അടൂർ…