ആലപ്പുഴ: കാണികളെ ആവേശക്കൊടുമുടിയിലെത്തിച്ച 69-ാമത് നെഹ്റു ട്രോഫി വള്ളംകളിയിൽ വീയപുരം ചുണ്ടൻ ജേതാക്കളായി. 5 ഹീറ്റ്സുകളിൽ മികച്ച സമയം കണ്ടെത്തിയ 4 ചുണ്ടൻ വള്ളങ്ങളെ ഫൈനലിൽ പരാജയപ്പെടുത്തിയാണ് വീയപുരം ചുണ്ടൻ ഒന്നാമതെത്തിയത്. വീയപുരം ചുണ്ടനായി പള്ളാത്തുരുത്തി ബോട്ട് ക്ലബാണ് തുഴഞ്ഞത്. ചമ്പക്കുളം ചുണ്ടനാണ് രണ്ടാം സ്ഥാനം നേടിയത്. നടുഭാഗം മൂന്നാം സ്ഥാനം സ്വന്തമാക്കിയപ്പോൾ നിലവിലെ ചാമ്പ്യൻമാരായ കാട്ടിൽ തെക്കേതിൽ നാലാം സ്ഥാനത്തെത്തി. ഒന്നാം ലൂസേഴ്സ് ഫൈനലിൽ വിജയം സ്വന്തമാക്കിയത് നിരണം ചുണ്ടനാണ്. രണ്ടാം ലൂസേഴ്സ് ഫൈനലിൽ ആനാരി ചുണ്ടനും മൂന്നാം ലൂസേഴ്സ് ഫൈനലിൽ ജവഹർ തായങ്കരിയും വിജയം കൊയ്തു. തുടക്കം മുതൽ വ്യക്തമായ കുതിപ്പോടെയാണ് വീയപുരം കുതിച്ചത്. വീയപുരം, നടുഭാഗം, കാട്ടില് തെക്കേതില്, ചമ്പക്കുളം ചുണ്ടന് വള്ളങ്ങളാണ് ഫൈനലില് ഏറ്റുമുട്ടിയത്. അഞ്ച് ഹീറ്റ്സുകളിലായി നടത്തിയ പോരാട്ടത്തിലാണ് നാല് ചുണ്ടന് വള്ളങ്ങള് ഫൈനലിലേക്ക് കടന്നത്. ഹീറ്റ്സില് ഏറ്റവും മികച്ച സമയം…
നെഹ്റു ട്രോഫിയിൽ ജലരാജാവായി വീയപുരം ചുണ്ടൻ; പള്ളാത്തുരുത്തി ബോട്ട് ക്ലബ്ബിന്റെ നാലാം കിരീടം; ചമ്പക്കുളം ചുണ്ടന് രണ്ടാം സ്ഥാനം
