ന്യൂയോര്ക്ക്: റോക്ക്ലാന്റ് കൗണ്ടിയിലെ രണ്ട് ദേവാലയങ്ങള് തമ്മില് ലയിച്ച് ഒന്നായിത്തീര്ന്ന സെന്റ് മേരീസ് ഓര്ത്തഡോക്സ് ദേവാലയത്തിന്റെ രജത ജൂബിലി ആഘോഷങ്ങളുടെ ഒരുക്കങ്ങള് പൂര്ത്തിയായി. പരിപാടികളുടെ ഉദ്ഘാടനം മലങ്കര ഓര്ത്തഡോക്സ് സഭയുടെ പ്രധാന മേലദ്ധ്യക്ഷന് മോറാന് മോര് ബസേലിയോസ് മാര്ത്തോമാ മാത്യൂസ് ത്രിതീയന് നിര്വഹിക്കും. ഒക്ടോബര് 22 ഞായറാഴ്ച രാവിലെ 8 മണിക്ക് ദേവാലയത്തിലെത്തുന്ന പരിശുദ്ധ ബാവാ തിരുമേനിയേയും, ഇടവക മെത്രാപ്പോലീത്ത അഭിവന്ദ്യ സഖറിയാ മാര് നിക്കോളോവോസ് തിരുമേനിയേയും കത്തിച്ച മെഴുകുതിരി നല്കി ഇടവക വികാരി ഫാ. ഡോ. രാജു വര്ഗീസ്, സ്വാഗത ഗീതം ആലപിച്ച് ഇടവക ക്വയര്, മാനേജിംഗ് കമ്മിറ്റി അംഗങ്ങളും, ഇടവക ജനങ്ങളും ചേര്ന്ന് ഹൃദ്യമായി സ്വീകരിക്കും. തുടര്ന്ന് വിശുദ്ധ കുര്ബാനയ്ക്കുശേഷം 11:30-ന് പൊതുസമ്മേളനം ആരംഭിക്കും. പൊതുസമ്മേളനത്തില് വച്ച് രജത ജൂബിലിയോടനുബന്ധിച്ച് നടത്തുന്ന ജീവകാരുണ്യ പ്രവര്ത്തനങ്ങള്ക്കുള്ള ചെക്കുകള് ബാവാ തിരുമേനി സ്വീകരിക്കുന്നതാണ്. ആര്ദ്ര ഭവന നിര്മ്മാണ…
റോക്ക്ലാന്റ് സെന്റ് മേരീസ് ഇടവകയുടെ രജത ജൂബിലി ആഘോഷം; പരി. കാതോലിക്കാ ബാവ ഉദ്ഘാടനം ചെയ്യും
