കൽപ്പറ്റ: കടക്കെണിയില് പെട്ട് വയനാട്ടില് യുവ കര്ഷകന് ആത്മഹത്യ ചെയ്തു. എടവക ഗ്രാമപഞ്ചായത്തിലെ എള്ളുമണ്ണം സ്വദേശി അനിൽ കെ കെ (32)യെയാണ് ബുധനാഴ്ച രാത്രി 11 മണിയോടെ വീട്ടിൽ തൂങ്ങിമരിച്ച നിലയിൽ കണ്ടെത്തിയത്. നേന്ത്രവാഴയും നെല്ലും കൃഷി ചെയ്യുകയും ക്ഷീര കർഷകവൃത്തിയിൽ ഏർപ്പെടുകയും ചെയ്തിരുന്ന അനിൽ ബാങ്കുകൾക്കും ചില വ്യക്തികൾക്കുമായി അഞ്ചുലക്ഷം രൂപ കുടിശ്ശികയുള്ളതായി കുടുംബാംഗങ്ങൾ പറഞ്ഞു. കാർഷിക ആവശ്യങ്ങൾക്കായി അനിൽ വിവിധ ബാങ്കുകളിൽ നിന്നായി നാലുലക്ഷത്തോളം രൂപ കടം വാങ്ങിയിരുന്നു. നെൽക്കൃഷി ചെയ്യാൻ തന്റെ 6 ഏക്കർ നിലം തയ്യാറാക്കാന് 50,000 രൂപ കടം വാങ്ങി. കഴിഞ്ഞ വർഷം ലക്ഷങ്ങൾ മുടക്കി നട്ട 4000 വാഴത്തൈകൾ നശിച്ചു. ഈ വർഷത്തെ നെല്ല് കൊയ്തതോടെ ബാങ്കുകൾക്ക് തിരിച്ചടവ് ലഭിക്കുമെന്ന പ്രതീക്ഷയിലായിരുന്നു അനിൽ. എന്നാല്, വിളവ് പ്രതീക്ഷിച്ചതിലും താഴെയായിരുന്നു. അനിൽ അവിവാഹിതനാണെന്നും മാതാപിതാക്കളായ കുര്യൻ, മോളി, ഇളയ സഹോദരൻ…
കടക്കെണി: വയനാട്ടില് യുവ കർഷകൻ ആത്മഹത്യ ചെയ്തു
