Day: September 10, 2025

നേപ്പാളിനു പിന്നാലെ, ഇപ്പോൾ ഫ്രാൻസും പ്രതിഷേധത്തിന്റെ തീജ്വാലകളിൽ മുങ്ങിയിരിക്കുകയാണ്. തലസ്ഥാനമായ പാരീസ് ഉൾപ്പെടെ പല നഗരങ്ങളിലും പ്രസിഡന്റ് ഇമ്മാനുവൽ മാക്രോണിന്റെ നയങ്ങൾക്കെതിരെ ജനങ്ങൾ തെരുവിലിറങ്ങി.. ‘എല്ലാം തടയുക’ എന്ന പ്രസ്ഥാനത്തിന്റെ കീഴിൽ, പ്രതിഷേധക്കാർ ബസുകൾക്ക് തീയിടുകയും റോഡുകൾ തടയുകയും പോലീസിന് നേരെ കല്ലെറിയുകയും ചെയ്തു. സ്ഥിതിഗതികൾ വളരെയധികം വഷളായതിനാൽ സർക്കാരിന് തലസ്ഥാനത്ത് കൂടുതൽ സുരക്ഷാ സേനയെ വിന്യസിക്കേണ്ടിവന്നു. സാധാരണക്കാരുടെ ജീവിത നിലവാരം മെച്ചപ്പെടുത്തുന്നതിന് മാക്രോൺ സർക്കാർ ഒരു കൃത്യമായ നടപടിയും സ്വീകരിച്ചില്ലെന്നും, സാമ്പത്തിക മാനേജ്മെന്റ് പൂർണ്ണമായും പരാജയപ്പെട്ടുവെന്നും പ്രതിഷേധക്കാർ ആരോപിക്കുന്നു. സെബാസ്റ്റ്യൻ ലെകോർണുവിനെ പ്രധാനമന്ത്രിയായി നിയമിക്കുകയും പ്രസിഡന്റിന്റെ രാജിക്ക് മേൽ സമ്മർദ്ദം ശക്തമാവുകയും ചെയ്തതിന് തൊട്ടുപിന്നാലെയാണ് ഫ്രാൻസിൽ കലാപം പൊട്ടിപ്പുറപ്പെട്ടത്. ‘എല്ലാം തടയുക’ പ്രസ്ഥാനത്തിന്റെ കീഴിൽ ഇന്ന് (ബുധനാഴ്ച) പാരീസിലെ തെരുവുകൾ കടുത്ത പ്രതിഷേധങ്ങൾക്ക് സാക്ഷ്യം വഹിച്ചു. പ്രതിഷേധക്കാർ റെയിൽവേ, വൈദ്യുതി ലൈനുകൾ തകർക്കുകയും പൊതുഗതാഗതം തടസ്സപ്പെടുത്തുകയും…

കൊച്ചി: ശബരിമല ദ്വാരപാലക വിഗ്രഹങ്ങളിൽ നിന്ന് സ്വർണ്ണം പൂശിയത് നീക്കം ചെയ്തതിന് ദേവസ്വം ബോർഡിനെ ഹൈക്കോടതി ശക്തമായി വിമർശിച്ചു. അനുമതിയില്ലാതെ നീക്കം ചെയ്ത സ്വർണ്ണപ്പാളികള്‍ ഉടൻ ശ്രീകോവിലിലേക്ക് തിരികെ നൽകണമെന്ന് ഹൈക്കോടതി ഇടക്കാല ഉത്തരവിൽ വ്യക്തമാക്കി. കോടതിയുടെ അനുമതിയോടെ മാത്രമേ ശ്രീകോവിലിൽ സ്വർണ്ണം പൂശാൻ പാടുള്ളൂ എന്ന് നേരത്തെ നിർദ്ദേശിച്ചിരുന്നെങ്കിലും, അത് ലംഘിക്കുന്നത് ഗുരുതരമായ വീഴ്ചയാണെന്ന് ഹൈക്കോടതി ചൂണ്ടിക്കാട്ടി. ഇതുസംബന്ധിച്ച് കമ്മീഷണർ കോടതിയിൽ റിപ്പോർട്ടും സമർപ്പിച്ചിരുന്നു. ഉത്തരവിനെത്തുടർന്ന്, ഉടൻ തന്നെ അപ്പീൽ നൽകാൻ ദേവസ്വം ബോർഡ് തീരുമാനിച്ചു. നിയമ വിദഗ്ധരുമായി ഇക്കാര്യം ചർച്ച ചെയ്യുമെന്നും ബോർഡ് അറിയിച്ചു. ചെന്നൈയിൽ ആരംഭിച്ചിരിക്കുന്ന സ്വര്‍ണ്ണപ്പാളികളുടെ അറ്റകുറ്റപ്പണികൾ പൂർത്തിയാക്കാതെ ദ്വാരപാലക ശില്പത്തിലെ സ്വർണ്ണം പൂശിയത് തിരികെ നൽകണമെന്ന ഹൈക്കോടതി ഉത്തരവ് നടപ്പിലാക്കുന്നതിൽ പ്രായോഗിക ബുദ്ധിമുട്ടുകളുണ്ടെന്നാണ് ദേവസ്വം ബോർഡിന്റെ നിലപാട്.

കോഴിക്കോട്: കോഴിക്കോട് ടൂറിസ്റ്റ് ബസിലെ ക്ലീനറെ യാത്രക്കാർ മർദിച്ചു. കാസർകോട് വെള്ളരിക്കുണ്ട് സ്വദേശി അരവിന്ദിനെയാണ് യാത്രക്കാര്‍ മര്‍ദ്ദിച്ച് അവശനാക്കിയത്. ബസിലെ എസിയ്ക്ക് തണുപ്പ് പോരാ എന്ന കാരണം പറഞ്ഞാണ് അരവിന്ദിനെ മര്‍ദ്ദിച്ചത്. പരിക്കേറ്റ യുവാവിനെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. കാസർഗോഡ്-എറണാകുളം ബസിലെ ജീവനക്കാരനാണ് അരവിന്ദ്. ഇന്ന് പുലർച്ചെ 1.30 ഓടെയാണ് ബസ് നന്തിയില്‍ എത്തിയപ്പോള്‍ തളിപ്പറമ്പിൽ നിന്ന് ബസിൽ കയറിയ രണ്ടുപേരാണ് യുവാവിനെ മർദ്ദിച്ചത്. ബസിലെ എസിയ്ക്ക് തണുപ്പു പോരാ എന്നു പറഞ്ഞ് ഇവര്‍ അരവിന്ദിനെ അധിക്ഷേപിക്കുകയും ചെയ്തു. തുടര്‍ന്ന് യാത്രക്കാർ യുവാവുമായി തർക്കത്തിലേർപ്പെടുകയും മുഖത്ത് ആവർത്തിച്ച് മർദ്ദിക്കുകയും ചെയ്തു. സംഭവത്തെത്തുടർന്ന് യുവാവ് കൊയിലാണ്ടി പോലീസിൽ പരാതി നൽകി. ബെംഗളൂരു-കോഴിക്കോട് ഇന്റർസ്റ്റേറ്റ് നൈറ്റ് ബസ് വർക്കേഴ്സ് യൂണിയൻ (സിഐടിയു) സംഭവത്തിൽ പ്രതിഷേധം രേഖപ്പെടുത്തി. പരാതിയിൽ വിശദമായ അന്വേഷണം നടത്തുമെന്ന് പോലീസ് പറഞ്ഞു.

ഇന്ത്യയുടെ അയൽ രാജ്യമായ നേപ്പാൾ ഇന്ന് നൂറ്റാണ്ടിലെ ഏറ്റവും വലിയ രാഷ്ട്രീയ പ്രക്ഷോഭത്തിലൂടെയാണ് കടന്നുപോകുന്നത്. കാഠ്മണ്ഡുവിലെ തെരുവുകൾ മുതൽ രാഷ്ട്രപതി ഭവനം, പ്രധാനമന്ത്രിയുടെ വസതി, പാർലമെന്റ് മന്ദിരം, സുപ്രീം കോടതി വരെ എല്ലായിടത്തും പ്രതിഷേധം അലയടിക്കുകയാണ്. തലസ്ഥാനത്ത് തീവയ്പ്പും അക്രമവും സാധാരണമായിത്തീർന്നതിനാൽ ഈ പ്രസ്ഥാനം അക്രമാസക്തമായി. നിരവധി സർക്കാർ കെട്ടിടങ്ങൾക്കും തീയിട്ടു. പ്രധാനമന്ത്രി കെ.പി. ശർമ്മ ഒലിയും അദ്ദേഹത്തിന്റെ അഞ്ച് മന്ത്രിമാരും രാജിവയ്ക്കുന്ന തരത്തിൽ സ്ഥിതിഗതികൾ വഷളായി. നേപ്പാൾ സൈന്യത്തിന്റെ ഇടപെടലിനുശേഷം, ഒലി സ്വയം അധികാരത്തിൽ നിന്ന് രാജിവച്ചു, പക്ഷേ ഇതൊക്കെയാണെങ്കിലും പ്രതിഷേധങ്ങൾ അവസാനിക്കുന്നില്ല. നേപ്പാളിലെ അന്താരാഷ്ട്ര വിമാനത്താവളമായ ത്രിഭുവൻ അന്താരാഷ്ട്ര വിമാനത്താവളം അടച്ചുപൂട്ടി, നേപ്പാളിലേക്കുള്ള യാത്ര ഒഴിവാക്കാൻ ഇന്ത്യൻ വിദേശകാര്യ മന്ത്രാലയം പൗരന്മാരെ ഉപദേശിച്ചു. ജനറേഷൻ ഇസഡ് (Gen Z): പുതിയ വിപ്ലവത്തിന്റെ ഈ വാഹകർ ആരാണ്? നേപ്പാളിലെ ഈ പ്രസ്ഥാനത്തിന്റെ കേന്ദ്രബിന്ദു ഒരു പുതിയ…

ന്യൂയോർക്ക്: നായർ ബനവലന്റ് അസോസിയേഷന്റെ ഈ വര്‍ഷത്തെ ഓണാഘോഷം വര്‍ണ്ണാഭമായി. സെപ്തംബർ 7 ഞായറാഴ്ച ക്വീൻസിലെ ഗ്ലെന്‍ ഓക്സിലുള്ള P.S.115 ഓഡിറ്റോറിയത്തിൽ വെച്ച് രാവിലെ 11 മണി മുതൽ വൈകീട്ട് 6:00 മണി വരെയായിരുന്നു വളരെ വിപുലമായ രീതിയില്‍ രണ്ട് സെഷനുകളായിട്ടാണ് ആഘോഷം സംഘടിപ്പിച്ചത്. താലപ്പൊലിയുടെയും ചെണ്ടമേളത്തിന്റെയും അകമ്പടിയോടെ മാവേലിത്തമ്പുരാനെ വേദിയിലേക്ക് എതിരേറ്റ് ആനയിച്ചു. പ്രഥമ വനിത വത്സ കൃഷ്ണ, പ്രസിഡന്റ് ക്രിസ് പിള്ള തോപ്പിൽ, കൗൺസിൽമാൻ എഡ് ബ്രോൺസ്റ്റൈൻ, ട്രസ്റ്റീ ബോർഡ് ചെയർപേഴ്സൺ വനജ നായർ, വനിത ഫോറം ചെയർ രാധാമണി നായർ എന്നിവർ ചേർന്ന് ഭദ്രദീപം കൊളുത്തി ആദ്യത്തെ സെഷൻ ആരംഭിച്ചു. ശബരീനാഥ് നായർ പ്രാർത്ഥനാഗാനം ആലപിച്ചു. ജോയിന്റ് സെക്രട്ടറി രത്നമ്മ നായർ സ്വാഗതം ആശംസിക്കുകയും ഓണാശംസകൾ നേരുകയും ചെയ്തു. പ്രസിഡന്റ് ക്രിസ് പിള്ള തോപ്പിൽ ഏവർക്കും ഓണത്തിന്റെ മംഗളങ്ങൾ നേരുകയും അസോസിയേഷനിൽ ചേർന്ന…

കാഠ്മണ്ഡു: നേപ്പാൾ സമീപ വർഷങ്ങളിലെ ഏറ്റവും ഗുരുതരമായ രാഷ്ട്രീയ പ്രതിസന്ധി നേരിടുകയാണ്. ഫേസ്ബുക്ക്, എക്സ്, യൂട്യൂബ് എന്നിവയുൾപ്പെടെ 26 പ്രധാന സോഷ്യൽ മീഡിയ പ്ലാറ്റ്‌ഫോമുകൾക്ക് സർക്കാർ പെട്ടെന്ന് വിലക്ക് ഏർപ്പെടുത്തിയത് പൊതുജനങ്ങൾക്കിടയിൽ, പ്രത്യേകിച്ച് യുവാക്കൾക്കിടയിൽ വലിയ പ്രതിഷേധത്തിന് കാരണമായി. രജിസ്ട്രേഷനും നിയന്ത്രണ നിരീക്ഷണവും നടപ്പിലാക്കുക എന്ന ലക്ഷ്യത്തോടെയായിരുന്നു ഈ നിരോധനം. എന്നാൽ, അഴിമതി, തൊഴിലില്ലായ്മ, രാഷ്ട്രീയ സുതാര്യതയില്ലായ്മ എന്നിവയിൽ മടുത്ത യുവാക്കൾ ഇതിനെ ഒരു അടിച്ചമർത്തൽ സർക്കാർ നയമായി കണ്ടു. ഈ ജനറേഷൻ ഇസഡ് പ്രസ്ഥാനം അക്രമാസക്തമായ തെരുവ് പ്രതിഷേധങ്ങൾക്ക് കാരണമായി, ഇത് കുറഞ്ഞത് 19 പേരുടെ മരണത്തിനും നൂറുകണക്കിന് പേർക്ക് പരിക്കേൽപ്പിക്കുന്നതിനും കാരണമായി. പാർലമെന്റ് മന്ദിരവും പ്രമുഖ നേതാക്കളുടെ വസതികളും പ്രതിഷേധക്കാർ ലക്ഷ്യമാക്കി. വർദ്ധിച്ചുവരുന്ന സമ്മർദ്ദങ്ങൾക്കിടയിൽ, സെപ്റ്റംബർ 9 ന് പ്രധാനമന്ത്രി കെ പി ശർമ്മ ഒലിയും പ്രസിഡന്റ് രാം ചന്ദ്ര പൗഡലും തങ്ങളുടെ സ്ഥാനങ്ങളിൽ…

കൈരളി കരയുന്നൂ, കണ്ണുനീർ പൊഴിക്കുന്നു കൈതവം തെല്ലുമേശാ കാരുണ്യസ്വരൂപിണി! കേരളമക്കൾക്കെന്നും മാതാവാണവൾ, സദാ കേരവൃക്ഷം പോലല്ലോ നന്മ പേറുന്നു തന്നിൽ! കൽപ്പനയ്ക്കതീതമാം കല്പവൃക്ഷമാണവൾ കാമധേനുവാണവൾ, ചിന്താമണിയാണവൾ! അക്ഷരപുഷ്പങ്ങളാൽ അഴകിൽ കൊരുത്തൊരാ അക്ഷയഹാരം തന്റെകണ്ഠത്തിലണിയുന്നോൾ! സ്വരങ്ങൾ അവളുടെ മണിവേണുവിൽ മേവും സ്വർഗ്ഗകന്യകൾരാഗ വിസ്മയം വിരചിപ്പോൾ! വാചസ്പതി തൻ പുത്ര പത്നിയാണവൾ സദാ, വാഗ്ദേവതയായി ധരയിൽ വിരാജിപ്പോൾ! പണ്ഡിതസദസ്സിലെ, സംഗീത വിദ്വാന്മാരിൽ പാണ്ഡിത്യം വിളിച്ചോതും ഗീതമായ്വിലസുന്നോൾ! ഭക്തരാം പ്രഭാഷക വൃന്ദത്തിൻ കണ്ഠങ്ങളിൽ ശക്തമാം അമേയമാം വാക്സ്രോതസ്സരുളുന്നോൾ! മൂകാംബികയാണവൾ, കോലാസുരനെ, യൊരു മൂകാസുരനായ്, തന്റെ ഭക്തനായ്‌ മാറ്റിയവൾ! സരസ്വതിയാണവൾ സരസവാണിയവൾ സന്തതം ജിഹ്വാഗ്രത്തിൽ സ്വരമായ് വർത്തിപ്പവൾ! ഹസ്താമലകനു തൻ വാഗ്‌വിലാസവും നൽകി വിസ്മയഭരിതമാം വാഗ്മിയുമാക്കി ദേവി! ആശയവിനിമയം ചെയ്യുവാൻസർവ്വർക്കുമേ ആശ്രയമായല്ലയോവർത്തിപ്പൂ, നിരന്തരം! കല്പവൃക്ഷമാണവൾ! ചിന്താമണിയാണവൾ അല്പത്വമേശാതെന്നും സർവ്വർക്കു മന്നം നൽകും, അക്ഷയപാത്രമവൾ, വിദ്യാധനം നേടുവാൻ അക്ഷര സൗഭാഗ്യവും, നിർല്ലോഭം നല്‍കുന്നവൾ! കൈതവമല്പം…

വാഷിംഗ്ടണ്‍: ഇന്ത്യയും അമേരിക്കയും വ്യാപാര ചർച്ചകൾ വീണ്ടും ട്രാക്കിലേക്ക് കൊണ്ടുവരാൻ തീരുമാനിച്ചെങ്കിലും, പ്രസിഡന്റ് ഡൊണാൾഡ് ട്രംപിന്റെ അടുത്ത ഉപദേഷ്ടാവായ പീറ്റർ നവാരോ ഇക്കാര്യത്തിൽ തികച്ചും വ്യത്യസ്തമായ സ്വരത്തിലാണ് ഇപ്പോഴും സംസാരിക്കുന്നത്. സോഷ്യൽ മീഡിയ പ്ലാറ്റ്‌ഫോമായ ‘എക്‌സിൽ’ ഇന്ത്യയെക്കുറിച്ച് പീറ്റർ നവാരോ രൂക്ഷവിമർശനങ്ങൾ നടത്തുകയും റഷ്യയിൽ നിന്ന് എണ്ണ വാങ്ങുന്നതിനെക്കുറിച്ച് ഗുരുതരമായ ആരോപണങ്ങൾ ഉന്നയിക്കുകയും ചെയ്തു. റഷ്യയിൽ നിന്ന് കുറഞ്ഞ നിരക്കിൽ എണ്ണ വാങ്ങിയതിലൂടെ ഇന്ത്യ സാമ്പത്തിക നേട്ടങ്ങൾ നേടിയെടുക്കുക മാത്രമല്ല, ഉക്രെയ്ൻ യുദ്ധത്തിന് പ്രസിഡന്റ് വ്‌ളാഡിമിർ പുടിന് പരോക്ഷമായി സാമ്പത്തിക സഹായം നൽകുകയും ചെയ്യുന്നു എന്നാണ് അദ്ദേഹത്തിന്റെ ആരോപണം. എന്നാല്‍, അദ്ദേഹത്തിന്റെ വോട്ടെടുപ്പിലെ മിക്ക ഉപയോക്താക്കളും അദ്ദേഹത്തിന്റെ അഭിപ്രായം നിരസിച്ചപ്പോൾ, സോഷ്യൽ മീഡിയയിൽ അദ്ദേഹത്തിന്റെ വാദം അദ്ദേഹത്തിന് തന്നെ തിരിച്ചടിയായി. വിഷയത്തിൽ പീറ്റർ നവാരോ എക്സില്‍ ഒരു പോൾ പുറത്തിറക്കി. ഇന്ത്യയുടെ ഉയർന്ന താരിഫ് അമേരിക്കൻ ജോലികൾക്ക്…

സെയിന്റ് ലൂയിസ് : സെപ്റ്റംബർ 19, 20, 21 (വെള്ളി ശനി ഞായർ) തീയതികളിൽ സെയിന്റ് ലൂയിസിൽ  വെച്ചു (727 Weidman Rd, Manchester, MO) നടത്തപ്പെടുന്ന, 26-ാമത് 56 ഇന്റർനാഷണലിന്റെയും, സെന്റ് ലൂയിസ് 56 ക്ലബ്ബിന്റെയും സംയുക്താഭിമുഖ്യത്തിൽ നടത്തപ്പെടുന്ന ടൂർണമെന്റിന്റെ ഒരുക്കങ്ങൾ പൂർത്തിയായിക്കൊണ്ടിരിക്കുന്നതായി  56 ഇന്റർനാഷണൽ ടൂർണമെന്റിന്റെ നാഷണൽ എക്സിക്യൂട്ടീവ് കോർഡിനേറ്റേഴ്‌സ് അറിയിച്ചു. ഏകദേശം 90 ഇൽ പരം ടീമുകൾ മാറ്റുരക്കുന്ന ഈ വാശിയേറിയ മത്സരത്തിന്റെ   ഓൺലൈൻ രെജിസ്ട്രേഷൻ ഇതിനോടകം ആരംഭിച്ചുകഴിഞ്ഞു. ടൂർണമെന്റിൽ പങ്കെടുക്കാൻ  ആഹ്രഹിക്കുന്ന ടീമുകൾ https://www.56international.com എന്ന വെബ്‌സൈറ്റിൽ പേര് രജിഷ്ടർ ചെയ്യാവുന്നതാണ്. സെപ്റ്റംബർ 19 -ാം   തീയതി രാവിലെ  11.00 മണിക്ക് രജിഷ്ട്രേഷൻ ഓഫീസ് പ്രവർത്തനം ആരംഭിക്കും.  ആദ്യം രജിസ്ട്രേഷനും, തുടർന്ന്   ദേശീയ സമതി  യോഗവും  ജനറൽ ബോഡിയും, അതിനെ  തുടർന്ന് ഉറ്ഘടനവും നടക്കും. ആദ്യ മത്സരം വൈകുന്നേരം കൃത്യം  4.00 മണിക്ക് ആരംഭിക്കും. അതിനനുസരിച്ചാവണം നിങ്ങളുടെ യാത്രാ പരിപാടികൾ ആസൂത്രണം ചെയ്യേണ്ടത്. സെപ്റ്റംബർ 18…