Month: September 2025

ന്യൂയോർക് : ട്രംപിന്റെ റഷ്യൻ-ഉക്രേനിയൻ യുദ്ധത്തെക്കുറിച്ചുള്ള കാഴ്ചപ്പാടുകളെ ഹിലാരി ക്ലിന്റൺ പ്രശംസിച്ചു.ഉക്രെയ്ന് യുദ്ധത്തിൽ വിജയിക്കാൻ കഴിയുമെന്ന് ട്രംപ് കഴിഞ്ഞ ദിവസം പറഞ്ഞിരുന്നു. ഈ നിലപാടിനെ സ്വാഗതം ചെയ്യുന്നതായി ക്ലിന്റൺ പറഞ്ഞു. റഷ്യൻ പ്രസിഡൻ്റ് വ്ലാഡിമിർ പുടിന് ശക്തിയോട് മാത്രമേ പ്രതികരിക്കൂ എന്നും ട്രംപ് അത് തിരിച്ചറിഞ്ഞതിൽ സന്തോഷമുണ്ടെന്നും ക്ലിൻ്റൺ വ്യക്തമാക്കി. മുൻപ് യുദ്ധം 24 മണിക്കൂറിനുള്ളിൽ അവസാനിപ്പിക്കുമെന്ന് ട്രംപ് പറഞ്ഞിരുന്നു, എന്നാൽ അതിനെക്കുറിച്ച് ചോദിച്ചപ്പോൾ താൻ തമാശയായി പറഞ്ഞതാണെന്ന് പിന്നീട് അദ്ദേഹം പ്രതികരിച്ചു. ക്ലിന്റന്റെ അഭിപ്രായത്തിൽ, ട്രംപ് റഷ്യൻ-ഉക്രേനിയൻ യുദ്ധം അവസാനിപ്പിച്ചാൽ അദ്ദേഹത്തെ സമാധാനത്തിനുള്ള നോബൽ സമ്മാനത്തിന് നാമനിർദ്ദേശം ചെയ്യുമെന്നും അവർ വ്യക്തമാക്കി

കാൽഗറി: റവ: സുരേഷ് വര്ഗീസ് അമ്പൂരി എഴുതി, ജോൺ സ്റ്റീവാർട്ട് അവനെസോരം സംഗീതം നൽകി  സോനാ മാവേലിക്കര ആലപിച്ച ” നാഥാ തിരുമുൻപിൽ ” എന്ന ഭക്തിഗാനം പ്രകാശനം ചെയ്തു .  ഗാനത്തിന് അബി ബിജു , ജോമോൻ കോട്ടയം എന്നിവർ പശ്ചാത്തല സംഗീതം ഒരുക്കിയപ്പപ്പോൾ , ദൃശ്യ ചാരുത അനുരാജ് അടൂർ ഒരുക്കിയിരിക്കുന്നു . ഗാനം റെക്കോർഡ് ചെയ്ത് മിക്‌സ് ചെയ്തത് ആമേൻ റെക്കോർഡിങ് ചെങ്ങന്നൂർ ആണ് . റവ:സുരേഷ് വര്ഗീസ് അമ്പൂരി ഇപ്പോൾ  കാൽഗറി  സെയിന്റ് തോമാ മാർത്തോമ്മാ പള്ളിയുടെ ഇടവക വികാരിയായി സേവനം അനുഷ്ഠിക്കുന്നു . ഇതിനു മുൻപ്‌ അദ്ദേഹം പുനലൂരിലെ സ്‌മൃതി അൽഷിമേഴ്‌സ് റീഹാബിലിറ്റേഷൻ സെന്ററിന്റെ ഡയറക്ടർ ആയും സേവനം അനുഷ്ഠിച്ചിരുന്നു. വാർത്ത: ജോസഫ് ജോൺ, കാൽഗറി

ഡാളസ് : യുഎസ് സിറ്റിസൺഷിപ്പ് ആൻഡ് ഇമിഗ്രേഷൻ സർവീസസ് (USCIS) ഇമിഗ്രേഷൻ സർവീസസ് ഓഫീസർമാരെ നിയമിക്കുന്നു. ടെക്സാസ് സർവീസ് സെന്ററിലെ തസ്തികകളും ഇതിൽ ഉൾപ്പെടും. എല്ലാ യുഎസ് പൗരന്മാർക്കും അപേക്ഷിക്കാം. അപേക്ഷകരുടെ ചുമതലകളിൽ ഇമിഗ്രേഷൻ അപേക്ഷകൾ പരിശോധിക്കുക, അഭിമുഖങ്ങൾ നടത്തുക, ദേശീയ സുരക്ഷാ പരിശോധനകളിൽ സഹായിക്കുക എന്നിവ ഉൾപ്പെടുന്നു. അപേക്ഷകർ യുഎസ് പൗരന്മാരായിരിക്കണം, കൂടാതെ അവർക്ക് ക്രിമിനൽ പശ്ചാത്തലമില്ലെന്ന് തെളിയിക്കുന്ന രേഖകളും മയക്കുമരുന്ന് പരിശോധനാ റിപ്പോർട്ടും ആവശ്യമാണ്. 2025 സെപ്റ്റംബർ 26-നോ അല്ലെങ്കിൽ 500 അപേക്ഷകൾ ലഭിക്കുന്നതുവരെയോ അപേക്ഷകൾ സമർപ്പിക്കാം.. Apply online at USAJOBS.gov | Contact: HROCStaffingHelpDesk@uscis.dhs.gov | 952-697-8380

തിരുവനന്തപുരം: ഇന്നത്തെ സമൂഹത്തിൽ സ്കൂൾ കായികമേള നിറവേറ്റേണ്ട ഉത്തരവാദിത്തം വളരെ പ്രധാനമാണെന്ന് പൊതുമരാമത്ത്, ടൂറിസം മന്ത്രി പി.എ. മുഹമ്മദ് റിയാസ് പറഞ്ഞു. ശിക്ഷക് സദനിൽ സംസ്ഥാന സ്കൂൾ കായികമേളയുടെ സംഘാടക സമിതി ഓഫീസ് ഉദ്ഘാടനം ചെയ്യുകയായിരുന്നു മന്ത്രി. ഇന്ത്യയിൽ ഏറ്റവും കൂടുതൽ കുട്ടികൾ പങ്കെടുക്കുന്ന സംസ്ഥാന കായികമേളയാണ് കേരളത്തിൽ നടക്കുന്ന സ്കൂൾ കായികമേള. സമൂഹത്തിൽ വ്യാപിക്കുന്ന മയക്കുമരുന്ന് ആസക്തിയും ഡിജിറ്റൽ ഗെയിമുകളുടെ ഉപയോഗവും കുറയ്ക്കുന്നതിന്, ഇത്തരം കായികമേളകളിലൂടെ വിദ്യാർത്ഥികൾക്കിടയിൽ കായിക താൽപര്യം വർദ്ധിപ്പിക്കണം. ചെറുപ്പത്തിൽ തന്നെ കായിക മത്സരങ്ങളിൽ പങ്കെടുക്കുമ്പോൾ, നമ്മൾ തോൽക്കാനും പഠിക്കുന്നു. കായിക മത്സരങ്ങളിലൂടെ കുട്ടികൾ പരാജയത്തെ മാനസികമായി അതിജീവിക്കാനുള്ള കഴിവ് നേടുമെന്ന് മന്ത്രി പറഞ്ഞു. കേരള സ്‌കൂൾ കായികമേളയിൽ ഏറ്റവും കൂടുതൽ പോയിന്റ് നേടുന്ന ജില്ലയ്ക്ക് ഇക്കൊല്ലം മുതൽ മുഖ്യമന്ത്രിയുടെ സ്വർണ്ണ കപ്പ് സമ്മാനിക്കുമെന്ന് പൊതുവിദ്യാഭ്യാസ വകുപ്പ് മന്ത്രി വി ശിവൻകുട്ടി പറഞ്ഞു.…

തിരുവനന്തപുരം: കേരള സംസ്ഥാന മലിനീകരണ നിയന്ത്രണ ബോർഡിന്റെ സുവർണ്ണ ജൂബിലി ആഘോഷങ്ങളുടെ ഭാഗമായി, ‘AURA 2K25 – 50 Years of Environmental Stewardship’ എന്ന പേരിൽ ഒരു അന്താരാഷ്ട്ര പരിസ്ഥിതി സമ്മേളനം സെപ്റ്റംബർ 26, 27 തീയതികളിൽ എറണാകുളം ജില്ലയിലെ കറുകുറ്റിയിലുള്ള അഡ്‌ലക്സ് ഇന്റർനാഷണൽ കൺവെൻഷൻ & എക്സിബിഷൻ സെന്ററിൽ നടക്കും. പരിപാടിയുടെ ഔപചാരിക ഉദ്ഘാടനം സെപ്റ്റംബർ 27 ന് ഉച്ചയ്ക്ക് 12 മണിക്ക് മുഖ്യമന്ത്രി പിണറായി വിജയൻ നിർവഹിക്കും. നിയമ, വ്യവസായ, കയർ മന്ത്രി പി. രാജീവ് അദ്ധ്യക്ഷത വഹിക്കും. തദ്ദേശ സ്വയംഭരണ, എക്സൈസ് മന്ത്രി എം.ബി. രാജേഷ്, ആരോഗ്യ, വനിതാ, ശിശുക്ഷേമ മന്ത്രി വീണ ജോർജ്, ബെന്നി ബെഹനാൻ എംപി, ചീഫ് സെക്രട്ടറി ഡോ. എ. ജയതിലക് തുടങ്ങിയവർ പങ്കെടുക്കും. വിവിധ മേഖലകളിൽ പരിസ്ഥിതി സംരക്ഷണത്തിലും മലിനീകരണ നിയന്ത്രണ പ്രവർത്തനങ്ങളിലും ശ്രദ്ധേയമായ നേട്ടങ്ങൾ…

തിരുവനന്തപുരം: വിനോദസഞ്ചാരികളെ ആകർഷിക്കുന്നതിനായി കേരള ടൂറിസം നടത്തുന്ന വിവിധ പ്രമോഷണ പ്രവർത്തനങ്ങളുടെ ഭാഗമായി, ടൂറിസം മേഖലയെ കേന്ദ്രീകരിച്ച് ‘യാനം’ എന്ന പേരിൽ ഒരു സാഹിത്യോത്സവം സംഘടിപ്പിക്കുമെന്ന് ടൂറിസം, പൊതുമരാമത്ത് മന്ത്രി പി.എ. മുഹമ്മദ് റിയാസ് പത്രസമ്മേളനത്തിൽ പറഞ്ഞു. യാനത്തിന്റെ ആദ്യ പതിപ്പ് ഒക്ടോബർ 17, 18, 19 തീയതികളിൽ വർക്കല ക്ലിഫിലെ രംഗ കലാ കേന്ദ്രത്തിൽ നടക്കും. യാത്രാ മേഖലയിലെ എഴുത്തുകാരെയും പ്രൊഫഷണലുകളെയും ഒരുമിച്ച് കൊണ്ടുവന്നുകൊണ്ട് കേരളം ഒരു പുതിയ സംരംഭത്തിന് തുടക്കം കുറിക്കുകയാണെന്ന് മന്ത്രി പറഞ്ഞു. ലോകമെമ്പാടുമുള്ള യാത്രാ സാഹിത്യ മേഖലയിൽ കേരളത്തെ കൂടുതൽ അടയാളപ്പെടുത്തുക എന്നതാണ് സാഹിത്യോത്സവത്തിന്റെ ലക്ഷ്യം. പരമ്പരാഗത സാഹിത്യോത്സവങ്ങളിൽ നിന്ന് വ്യത്യസ്തമായ ഒരു പരിപാടിയാണ് ‘യാനം’. ഡെസ്റ്റിനേഷൻ വെഡ്ഡിംഗ്, മൈസ് ടൂറിസം കോൺക്ലേവ്, റെസ്പോൺസിബിൾ ടൂറിസം കോൺക്ലേവ് തുടങ്ങിയ വിവിധ സമ്മേളനങ്ങൾ സംസ്ഥാന ടൂറിസം വകുപ്പ് ഇതിനകം സംഘടിപ്പിച്ചിട്ടുണ്ട്. ഈ മാതൃകയിൽ…