Year: 2026

ഫിലഡല്‍ഫിയ: പെന്‍സില്‍വേനിയയിലെ  മലയാളി സംഘടനകളുടെ ഐക്യവേദിയായ ട്രൈസ്റ്റേറ്റ് കേരളാ ഫോറത്തിന്‍റെ  2025-ലെ ചെയര്‍മാന്‍ ബിനു മാത്യുവിന്‍റെ അദ്ധ്യക്ഷതയില്‍ പമ്പ ഇന്ത്യന്‍ കമ്മ്യൂണിറ്റി സെന്‍ററില്‍ ചേര്‍ന്ന പൊതുയോഗത്തില്‍ വച്ച്  2026-ലെ ഭരണ സമിതി  ലെനോ സ്കറിയ (ചെയര്‍മാന്‍), ജോബി ജോര്‍ജ്ജ് (ജനറല്‍ സെക്രട്ടറി), രാജന്‍ സാമുവല്‍ (ട്രഷറര്‍) എന്നിവരുടെ നേതൃത്വത്തില്‍ അധികാരമേറ്റു. മുന്‍ ചെയര്‍മാന്‍ ബിനു മാത്യു പുതിയ ചെയര്‍മാന്‍ ലെനോ സ്കറിയക്ക് അധികാരം കൈമാറി, തുടര്‍ന്ന് മുന്‍ ജനറല്‍ സെക്രട്ടറി സാജന്‍ വറുഗീസ് പുതിയ സെക്രട്ടറി ജോബി ജോര്‍ജ്ജിനും,  മുന്‍ ട്രഷറര്‍ ജോര്‍ജ്ജ് ഓലിക്കല്‍  രാജന്‍ സാമുവലിനും അധികാരം കൈമാറുകയുണ്ടായി. 2026 ലേയ്ക്കുള്ള  ട്രൈസ്സ്റ്റേറ്റ്  കേരളാഫോറം ചെയര്‍മാനായി തിരഞ്ഞെടുക്കപ്പെട്ട ലെനോ സ്കറിയ കേരളഫോറത്തിലെ സജീവപ്രവര്‍ത്തകനും ഫിലാഡല്‍ഫിയായിലെ സാമൂഹിക സാംസ്ക്കാരിക രംഗത്തെ നിറ സാന്നിദ്ധ്യവുമാണ്. കേരളാഫോറം ഓണാഘോഷ ചെയര്‍മാന്‍, പമ്പ മലയാളി അസോസ്സിയേഷന്‍ കമ്മറ്റി മെമ്പര്‍, സെന്‍റ് ജോര്‍ജ്ജ്…

ഡാളസ്: ഇറാനിലെ പരമാധികാരി ആയത്തുള്ള അലി ഖമേനിയും മറ്റ് പ്രമുഖ നേതാക്കളും യുഎസ്-ഇസ്രായേൽ സംയുക്ത വ്യോമാക്രമണത്തിൽ കൊല്ലപ്പെട്ടെന്ന വാർത്ത പുറത്തുവന്നതിന് പിന്നാലെ നോർത്ത് ടെക്സാസിൽ പ്രതിഷേധം ഇരമ്പി. ഇറാനിലെ നിലവിലെ ഭരണകൂടത്തിനെതിരെ ഡാളസിൽ നടന്ന പ്രകടനത്തിൽ സമ്മിശ്ര പ്രതികരണങ്ങളാണ് ഉണ്ടായത്. ഭരണകൂടത്തിന്റെ തകർച്ച ഇറാനിൽ ജനാധിപത്യം കൊണ്ടുവരുമെന്ന് ഒരു വിഭാഗം പ്രവാസികൾ പ്രത്യാശ പ്രകടിപ്പിച്ചു. പതിറ്റാണ്ടുകളായുള്ള അടിച്ചമർത്തലിൽ നിന്ന് മോചനം ലഭിക്കാൻ ഈ നീക്കം സഹായിക്കുമെന്ന് ഇവർ വിശ്വസിക്കുന്നു. അതേസമയം, അമേരിക്കൻ ഇടപെടലിനെ എതിർക്കുന്നവരും പ്രതിഷേധത്തിലുണ്ടായിരുന്നു. കോൺഗ്രസിന്റെ അനുമതിയില്ലാതെ ഇത്തരം സൈനിക നീക്കങ്ങൾ നടത്തുന്നത് യുദ്ധത്തിന് വഴിതെളിക്കുമെന്നും മനുഷ്യജീവന് ഭീഷണിയാണെന്നും ഇവർ ആരോപിച്ചു. ഇറാനിലെ മാറ്റം അവിടുത്തെ ജനങ്ങൾ തന്നെ കൊണ്ടുവരണമെന്നും പുറത്തുനിന്നുള്ള സൈനിക ഇടപെടലുകൾ അപകടകരമാണെന്നും ചിലർ അഭിപ്രായപ്പെട്ടു.

ഡാളസ്: നൂറാമത്തെ അംഗ സംഘടനയായി കേരള അസോസിയേഷൻ ഓഫ് ടെക്സസിനെ (KAT), ഫെഡറേഷൻ ഓഫ് മലയാളി അസോസിയേഷൻസ് ഓഫ് അമേരിക്കാസ് (FOMAA) അംഗീകരിച്ചു. അമേരിക്കയിലെ എല്ലാ മലയാളി സംഘടനകളെയും ഒരു കുടക്കീഴിൽ കൊണ്ടുവരികയും അവർക്ക് വേണ്ടിയും പിറന്ന നാടായ കേരളത്തിന് വേണ്ടിയും പ്രവർത്തിക്കുന്ന അമേരിക്കയിലെ ഏറ്റവും വലിയ അംബ്രല്ലാ ഓർഗനൈസേഷനായ ഫോമായിൽ അംഗത്വം നൽകിയതിന് KAT പ്രസിഡന്റ് ജോസ് വടകര ഫോമാ കമ്മിറ്റിയ്ക്ക് പ്രത്യേകമായ നന്ദി അറിയിച്ചു. 2006 ൽ ഫോമയുടെ പിതൃത്വം ടെക്സസിൽ നിന്നും ആരംഭിച്ചിട്ട് രണ്ട് ദശകങ്ങൾ കഴിയുമ്പോഴേക്കും നൂറാമത്തെ സംഘടന എന്ന അസൂയാവഹമായ വളർച്ചയിൽ പങ്കാളികളാകാൻ സാധിച്ച ഈ അസുലഭ മുഹൂർത്തത്തിന് സെക്രെട്ടറി ലാലുവും നന്ദി രേഖപ്പെടുത്തി. കേരളത്തനിമ വിളിച്ചോതുന്ന പൈതൃക-സമ്പന്നമായ വിഷു ആഘോഷങ്ങളോടെ KAT ന്റെ ഈ വർഷത്തെ പ്രവർത്തനങ്ങൾക്ക് ഉദ്ഘടാനം കുറിയ്ക്കും. ഈ ചടങ്ങിൽ ഫോമയുടെ ഭാരവാഹികൾ പ്രത്യേക ക്ഷണിതാക്കളായിരിക്കും.…

കൊളംബിയ (സൗത്ത് കരോലിന): പ്രസിഡന്റ് ഡൊണാൾഡ് ട്രംപിന്റെ നയങ്ങളെയും പ്രവർത്തനങ്ങളെയും കടുത്ത ഭാഷയിൽ വിമർശിച്ച് മുൻ പ്രസിഡന്റ് ജോ ബൈഡൻ. സൗത്ത് കരോലിനയിൽ നടന്ന ഡെമോക്രാറ്റിക് പാർട്ടിയുടെ പരിപാടിയിൽ സംസാരിക്കുകയായിരുന്നു അദ്ദേഹം. ട്രംപിന്റെ ജനപ്രീതി ഇടിയുന്ന പശ്ചാത്തലത്തിലായിരുന്നു ബൈഡന്റെ ഈ കടന്നാക്രമണം. റെക്കോർഡ് ദൈർഘ്യമുള്ള ട്രംപിന്റെ ‘സ്റ്റേറ്റ് ഓഫ് ദി യൂണിയൻ’ പ്രസംഗത്തെ “അദ്ദേഹം ഇപ്പോഴും സംസാരിക്കുകയാണോ?” എന്ന് ബൈഡൻ പരിഹസിച്ചു. ട്രംപിന് ബരാക് ഒബാമയോട് “വിചിത്രമായ ഒരു ഭ്രമം” ആണെന്നും അദ്ദേഹം കുറ്റപ്പെടുത്തി. മിനസോട്ടയിൽ ഐ.സി.ഇ  ഉദ്യോഗസ്ഥരുടെ വെടിവെയ്പ്പിൽ രണ്ട് അമേരിക്കൻ പൗരന്മാർ കൊല്ലപ്പെട്ട സംഭവത്തിൽ ട്രംപ് മൗനം പാലിക്കുന്നതിനെ ബൈഡൻ വിമർശിച്ചു. ഇത് രാജ്യത്തെ സംബന്ധിച്ചിടത്തോളം “ഇരുണ്ട ദിനങ്ങളാണെന്ന്” അദ്ദേഹം പറഞ്ഞു. അതിർത്തി സുരക്ഷയുമായി ബന്ധപ്പെട്ട ട്രംപിന്റെ നടപടികൾക്കെതിരെ ജനരോഷം ഉയരുകയാണെന്ന് ബൈഡൻ ചൂണ്ടിക്കാട്ടി. ഒരു പുതിയ സർവേ പ്രകാരം 60% ആളുകളും ട്രംപിന്റെ…

തിരുവനന്തപുരം: മാനവീയം വീഥിയിൽ കണ്ടുനിന്ന ജനങ്ങളുടെ ശ്വാസമിടിപ്പ് കൂട്ടി പ്രകാശ് ഹെമ്മാഡിയുടെ മിൽക്ക് ക്യാൻ എസ്കേപ് അവതരണം. ചങ്ങലകള്‍ കൊണ്ട് ബന്ധിച്ച് നിരവധി താഴുകളിട്ട് പൂട്ടി വെള്ളം നിറച്ച മില്‍ക് ക്യാനിലുള്ളിലേയ്ക്ക് മാന്ത്രികനെ അടച്ചു.. ശേഷം സഹായികള്‍ കറുത്തതുണി കൊണ്ട് ക്യാന്‍ മൂടി.. ഉദ്വേഗഭരിതമായ നിമിഷങ്ങളായിരുന്നു പിന്നീട്. ഞൊടിയിടയില്‍ കാണികളെ ഞെട്ടിച്ചുകൊണ്ട് ബന്ധനങ്ങളെല്ലാം നിഷ്പ്രഭമാക്കി നനഞ്ഞുകുതിര്‍ന്ന് മാന്ത്രികന്‍ പുറത്തെത്തി. 118 വർഷങ്ങൾക്കു മുമ്പ് 1908 ഫെബ്രുവരി 28ന് ഹാരിഹൂഡിനി അവതരിപ്പിച്ച് ജനപ്രിയമാക്കിയ അത്യന്തം സാഹസികത നിറഞ്ഞ മില്‍ക് ക്യാന്‍ എസ്‌കേപ്പ് ആക്ടായിരുന്നു കര്‍ണാടകയില്‍ നിന്നെത്തിയ പ്രകാശ് ഹെമ്മാഡി അവതരിപ്പിച്ച് കൈയടി നേടിയത്. ഒരാള്‍ക്ക് മാത്രം കഷ്ടിച്ച് പ്രവേശിക്കാന്‍ കഴിയുന്ന മില്‍ക്ക് ക്യാനില്‍ നിന്നും നിമിഷങ്ങള്‍ക്കുള്ളില്‍ നിന്നും പൂട്ട്‌പൊളിച്ച് പുറത്തുവന്ന മാന്ത്രികനെ കാണികള്‍ ആവേശപൂര്‍വമാണ് സ്വീകരിച്ചത്. ഗോപിനാഥ് മുതുകാടിന്റെ സാന്നിദ്ധ്യത്തില്‍ ഐ.ജി സ്പര്‍ജന്‍കുമാര്‍ ഐ.പി.എസ് ആണ് മാന്ത്രികനെ താഴിട്ട്…