ഉക്രെയ്‌ൻ യുദ്ധം അവസാനിപ്പിക്കാനുള്ള ശ്രമത്തിന്റെ ഭാഗമായി വ്‌ളാഡിമിർ പുടിനുമേൽ സമ്മർദ്ദം ചെലുത്താൻ ഫ്രഞ്ച് പ്രസിഡന്റ് ഇമ്മാനുവൽ മാക്രോണും യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കനും ചൊവ്വാഴ്ച നടത്തിയ ചർച്ചയിൽ ധാരണയായതായി സ്റ്റേറ്റ് ഡിപ്പാർട്ട്മെന്റ് അറിയിച്ചു.
ഇരുവരും പാരീസിലാണ് കൂടിക്കാഴ്ച നടത്തിയത്. “ഉക്രെയ്നിലെ യുദ്ധം തുടരുന്നിടത്തോളം കാലം പ്രസിഡന്റ് പുടിനും കൂട്ടാളികൾക്കും കാര്യമായ നിരോധനം ചുമത്താനുള്ള തങ്ങളുടെ പ്രതിബദ്ധത ആവർത്തിച്ചു,” സ്റ്റേറ്റ് ഡിപ്പാർട്ട്മെന്റ് വക്താവ് നെഡ് പ്രൈസ് പ്രസ്താവനയിൽ പറഞ്ഞു.
അക്രമം കുറയ്ക്കുന്നതിനും ക്രെംലിൻ യുദ്ധം അവസാനിപ്പിക്കുന്നതിനുമായി സെക്രട്ടറിയും പ്രസിഡന്റും നിലവിലുള്ള നയതന്ത്രത്തെക്കുറിച്ചുള്ള ചര്‍ച്ചകള്‍ സജീവമാക്കിയതായി പ്രൈസ് പറഞ്ഞു.
ആണവായുധങ്ങൾ വികസിപ്പിക്കാനുള്ള ഇറാന്റെ കഴിവ് പരിമിതപ്പെടുത്തുന്നതിനുള്ള 2015 ലെ കരാറിനെ പരാമർശിച്ച്, “ഇറാനുമായി അടുത്ത ഏകോപനം തുടരാനും വിയന്നയിൽ ഒരു കരാറിലെത്താനുള്ള ശ്രമങ്ങൾ തുടരാനും അവർ സമ്മതിച്ചു,” അദ്ദേഹം പറഞ്ഞു.
റഷ്യയുടെ ഉക്രെയ്‌ൻ അധിനിവേശത്തിനെതിരായ ഐക്യം ശക്തിപ്പെടുത്താനും വാഷിംഗ്ടണിന്റെ സഖ്യകക്ഷികൾക്ക് പിന്തുണ ഉറപ്പാക്കാനും ലക്ഷ്യമിട്ട് — വിദേശകാര്യ മന്ത്രിയെ കാണാൻ ഉക്രെയ്‌നിലേക്ക് കാലെടുത്തുവച്ചതുൾപ്പെടെ – മറ്റ് ഏഴ് യൂറോപ്യൻ രാജ്യങ്ങളിൽ നിർത്തിയതിന് ശേഷം ചൊവ്വാഴ്ച വൈകിയാണ് ബ്ലിങ്കെൻ പാരീസിലേക്ക് പറന്നത്.
ഉക്രെയ്നിനെതിരായ മോസ്കോയുടെ ആക്രമണത്തിൽ അസ്വസ്ഥരായ നേറ്റോയിലെ മൂന്ന് ബാൾട്ടിക് അംഗങ്ങൾക്ക് അമേരിക്ക പിന്തുണ നൽകുന്നുവെന്ന് ചൊവ്വാഴ്ച എസ്റ്റോണിയയിലെ ടാലിനിൽ അദ്ദേഹം പറഞ്ഞു.
“എസ്റ്റോണിയയിലെ ജനങ്ങൾ — സോവിയറ്റ് അധിനിവേശത്തില്‍ അതിജീവിച്ചവര്‍ — ഉക്രെയ്നിലെ റഷ്യയുടെ പ്രകോപനരഹിതവും ന്യായീകരിക്കപ്പെടാത്തതുമായ യുദ്ധം എത്ര തെറ്റാണെന്ന് ആഴത്തിൽ മനസ്സിലാക്കുന്നു. ഒരു പരമാധികാര, ജനാധിപത്യ രാജ്യമായി നിലനിൽക്കാനുള്ള ഉക്രെയ്നിന്റെ അവകാശത്തെ ലോകം സംരക്ഷിക്കണം. സ്വന്തം ഭാവി തിരഞ്ഞെടുക്കാനുള്ള സ്വാതന്ത്ര്യം അവര്‍ക്കുണ്ടാകണം,” എസ്റ്റോണിയൻ പ്രധാനമന്ത്രി കാജ കല്ലസുമായി നടത്തിയ പത്രസമ്മേളനത്തിൽ ബ്ലിങ്കൻ പറഞ്ഞു.
“ഞങ്ങളുടെ കൂട്ടായ ശക്തിയുടെ മുഴുവൻ കരുത്തും ഉപയോഗിച്ച് നേറ്റോ പ്രദേശത്തിന്റെ ഓരോ ഇഞ്ചും ഞങ്ങൾ സംരക്ഷിക്കും,” അദ്ദേഹം പറഞ്ഞു.
