യുണൈറ്റഡ് നേഷൻസ്: യുഎൻ പൊതുസഭ വ്യാഴാഴ്ച പുതിയ നോൺ-ബൈൻഡിംഗ് പ്രമേയത്തിൽ വോട്ടു ചെയ്യുമെന്ന് പ്രതീക്ഷിക്കുന്നു. ഭൂരിപക്ഷം അംഗരാജ്യങ്ങളും അംഗീകരിച്ചാൽ, ഉക്രെയ്നിലെ യുദ്ധം “ഉടൻ” റഷ്യ നിർത്തണമെന്ന് ആവശ്യപ്പെടും.
141 രാജ്യങ്ങൾ മാർച്ച് 2 ന് പ്രമേയം അംഗീകരിച്ചതിന് പിന്നാലെയാണ് ഉക്രെയ്നിനെതിരായ ബലപ്രയോഗം റഷ്യ ഉടൻ അവസാനിപ്പിക്കണമെന്ന് ആവശ്യപ്പെടുന്നത്.
ആ വോട്ടെടുപ്പിൽ റഷ്യ ഉൾപ്പടെ അഞ്ച് രാജ്യങ്ങള്‍ എതിർത്ത് വോട്ട് ചെയ്യുകയും 35 രാജ്യങ്ങള്‍ വിട്ടുനിൽക്കുകയും ചെയ്തു. പ്രമേയം നോൺ-ബൈൻഡിംഗ് ആയിരുന്നു, ലോക വേദിയിൽ റഷ്യയുടെ ഒറ്റപ്പെടൽ പ്രകടമാക്കുന്നതല്ലാതെ, പോരാട്ടത്തെ സ്വാധീനിക്കുന്നതായി തോന്നിയില്ല.
ബുധനാഴ്ച ന്യൂയോർക്കിൽ നടന്ന ജനറൽ അസംബ്ലിയുടെ മറ്റൊരു അടിയന്തര സെഷനിൽ ഉക്രെയ്ൻ പുതിയ പ്രമേയം മുന്നോട്ടുവച്ചു.
നോൺ-ബൈൻഡിംഗ് ആയ വാചകം, “ഉക്രെയ്നിനെതിരായ റഷ്യൻ ഫെഡറേഷന്റെ ശത്രുത ഉടനടി അവസാനിപ്പിക്കണമെന്ന് ആവശ്യപ്പെടുന്നു, പ്രത്യേകിച്ചും സിവിലിയന്മാർക്കും സിവിലിയൻ വസ്തുക്കൾക്കും എതിരായ ആക്രമണങ്ങൾ.”
യുഎൻ സെക്രട്ടറി ജനറൽ അന്റോണിയോ ഗുട്ടെറസ് മോസ്കോയുടെ സൈനിക ആക്രമണം അവസാനിപ്പിക്കാനും വെടിനിർത്തൽ സ്ഥാപിക്കാനും സംഭാഷണത്തിന്റെയും ചർച്ചകളുടെയും പാതയിലേക്ക് മടങ്ങാനുമുള്ള അദ്ദേഹത്തിന്റെ ആഹ്വാനം ആവര്‍ത്തിച്ചു.
ഒരു മാസമായി കുട്ടികളും മെഡിക്കൽ സ്റ്റാഫും പത്രപ്രവർത്തകരും ഉൾപ്പെടെയുള്ള സാധാരണക്കാരെ കൊന്നൊടുക്കുന്ന ഉക്രെയ്നിന്റെ ആക്രമണം അവസാനിപ്പിക്കാൻ ഫ്രാൻസ് മോസ്കോയോട് ആവശ്യപ്പെടുകയാണെന്ന് ഫ്രഞ്ച് അംബാസഡര്‍ നിക്കോളാസ് ഡി റിവിയേർ പറഞ്ഞു.
ഇതൊരു കൂട്ടക്കൊലയാണ്, ശത്രുതകൾ ഉടനടി അവസാനിപ്പിക്കുകയും അന്താരാഷ്ട്ര മാനുഷിക നിയമങ്ങൾ പൂർണ്ണമായും പാലിക്കുകയും വേണമെന്നും അദ്ദേഹം പറഞ്ഞു. പ്രമേയം ബുധനാഴ്ച ചർച്ച ചെയ്തു, വ്യാഴാഴ്ച വോട്ടെടുപ്പ് നടത്തും.
ഉക്രൈനിലെ “മാനുഷിക സാഹചര്യം” സംബന്ധിച്ച് റഷ്യ ബുധനാഴ്ച യുഎൻ രക്ഷാസമിതിയിൽ ഒരു പ്രമേയം സമർപ്പിച്ചെങ്കിലും അത് അംഗീകരിച്ചില്ല.
റഷ്യയും ചൈനയും അനുകൂലമായി വോട്ട് ചെയ്തു. എന്നാൽ, കൗൺസിലിലെ മറ്റ് 13 അംഗങ്ങൾ റഷ്യൻ വാചകം “സ്വീകാര്യമല്ല” എന്ന് പറഞ്ഞ് വിട്ടു നിന്നു.
ഫെബ്രുവരി 24 ന് ഉക്രെയ്ൻ ആക്രമിക്കുകയും സിവിലിയന്മാർക്കെതിരെ യുദ്ധക്കുറ്റങ്ങൾ ചെയ്തതായി ആരോപിക്കപ്പെടുകയും ചെയ്ത റഷ്യ കഴിഞ്ഞയാഴ്ച അതിന്റെ ഏറ്റവും അടുത്ത സഖ്യകക്ഷികളുടെ പിന്തുണയില്ലാത്തതിനാൽ പ്രമേയത്തിനുള്ള നേരത്തെയുള്ള ശ്രമം റദ്ദാക്കിയിരുന്നു.
പാശ്ചാത്യ ശക്തികൾ വീറ്റോ ചെയ്യുമെന്നതിനാൽ ആ പ്രമേയം ഒരിക്കലും അംഗീകരിക്കപ്പെടാൻ സാധ്യതയില്ല.
എന്നാല്‍, അനുകൂലമായ ചില വോട്ടുകൾ ലോക വേദിയിൽ തങ്ങൾക്ക് ഇപ്പോഴും കുറച്ച് പിന്തുണയുണ്ടെന്ന് കാണിക്കുമെന്ന് റഷ്യ പ്രതീക്ഷിച്ചിരുന്നു.
