മൊറേന: മധ്യപ്രദേശിലെ മൊറേന ജില്ലയിൽ മരിച്ച കുട്ടിയെ വീട്ടിലേക്ക് കൊണ്ടുപോകാൻ അച്ഛൻ ആംബുലൻസിനായി പോയപ്പോള്‍ എട്ട് വയസ്സുള്ള ദളിത് ആൺകുട്ടി തന്റെ അനുജന്റെ മൃതദേഹം മടിയിൽ വെച്ച് ആശുപത്രിക്ക് പുറത്ത് രണ്ട് മണിക്കൂർ ഇരുന്ന കരളലിയിക്കുന്ന കാഴ്ച ജനരോഷത്തിന് കാരണമായി.
കുടുംബം താമസിച്ചിരുന്ന ബദ്‌ഫറ ഗ്രാമത്തിൽ നിന്ന് 30 കിലോമീറ്റർ അകലെയുള്ള മൊറേന ജില്ലാ ആശുപത്രിക്ക് പുറത്ത് ഞായറാഴ്ച നടന്ന സംഭവത്തിന്റെ വീഡിയോ സോഷ്യൽ മീഡിയ പ്ലാറ്റ്‌ഫോമുകളിൽ വൈറലായിരുന്നു.
പിന്നീട്, ചില സോഷ്യൽ മീഡിയ ഉപയോക്താക്കൾ വീഡിയോ പ്രചരിപ്പിക്കുകയും അധികാരികളെ അവരുടെ നിസ്സംഗതയ്ക്കെതിരെ ആഞ്ഞടിക്കുകയും ചെയ്തു.
ക്ലിപ്പിൽ, കുട്ടി ജില്ലാ ആശുപത്രിയുടെ അതിർത്തി ഭിത്തിയിൽ ഇരിക്കുന്നതായി കാണപ്പെട്ടു. ചികിത്സയ്ക്കിടെ മരണപ്പെട്ട രണ്ട് വയസ്സുള്ള സഹോദരന്റെ മൃതദേഹം തുണികൊണ്ട് മൂടിയ നിലയിൽ മടിയില്‍ വെച്ചിട്ടുണ്ട്.
ബദ്‌ഫറ ഗ്രാമത്തിലെ താമസക്കാരനായ പൂജാറാം ജാതവ്, ജില്ലയിലെ അംബ നഗരത്തിലെ ആശുപത്രിയിൽ നിന്ന് റഫർ ചെയ്‌തതിന് ശേഷം ഞായറാഴ്ച രാവിലെ ആംബുലൻസിൽ രണ്ട് വയസ്സുള്ള മകൻ രാജയെ കൊണ്ടുവന്നതായി മൊറേന ജില്ലാ ആശുപത്രിയിലെ റസിഡന്റ് മെഡിക്കൽ ഓഫീസർ സുരേന്ദ്ര ഗുർജാർ പറഞ്ഞു.
അവരെ ജില്ലാ ആശുപത്രിയിൽ വിട്ട ശേഷം ആംബുലൻസ് അംബയിലേക്ക് മടങ്ങി. ഞായറാഴ്ച ഉച്ചയോടെ വിളർച്ചയും മറ്റ് രോഗങ്ങളും ബാധിച്ച് ചികിത്സയ്ക്കിടെ പിഞ്ചുകുഞ്ഞ് മരിച്ചു, അദ്ദേഹം പറഞ്ഞു.
കുട്ടിയുടെ മരണത്തെ തുടർന്ന് പിതാവ് ജാതവ് ചില ആശുപത്രി ജീവനക്കാരോട് ആംബുലൻസ് ആവശ്യപ്പെട്ടെങ്കിലും ആ സമയം വാഹനം ലഭ്യമായിരുന്നില്ലെന്ന് ഉദ്യോഗസ്ഥർ പറഞ്ഞു.
ജാതവ് ആംബുലൻസ് ക്രമീകരിക്കാൻ പോയ സമയത്താണ് മരിച്ച കുട്ടിയുടെ ജ്യേഷ്ഠൻ അനുജന്റെ മൃതദേഹവുമായി വഴിയരികില്‍ ഇരിക്കുന്നത് വീഡിയോയിൽ പതിഞ്ഞത്.
സംഭവത്തിൽ മധ്യപ്രദേശ് കോൺഗ്രസ് അധ്യക്ഷൻ കമൽനാഥ് വേദന രേഖപ്പെടുത്തി. ചില നാട്ടുകാരുടെ ഇടപെടലിനെത്തുടർന്ന് മൃതദേഹം കൊണ്ടുപോകാൻ വാഹനം ഏർപ്പെടുത്തി.
എംപിയിൽ ഇത്തരം സംഭവങ്ങൾ വളരെ സാധാരണമാണെന്ന് അവകാശപ്പെട്ട നാഥ്, സംസ്ഥാനത്ത് മെഡിക്കൽ സൗകര്യങ്ങൾ ശക്തിപ്പെടുത്തണമെന്നും ഇത്തരം സംഭവങ്ങൾ ഒഴിവാക്കാൻ സംവിധാനം കൂടുതൽ സെൻസിറ്റീവ് ആക്കണമെന്നും മുഖ്യമന്ത്രി ശിവരാജ് സിംഗ് ചൗഹാനോട് അഭ്യർത്ഥിച്ചു.
The incident is from Morena in Madhya Pradesh. The dead child was two years old.https://t.co/AhBiEtJBca
— The Dalit Voice (@ambedkariteIND) July 10, 2022
8-YO boy seating outside MP's Morena Dist hospital with body of his 2-YO brother who died with anaemia.
Meanwhile, his father Pujaram Jatav was struggling to find ambulance when Hospital admin failed to provide it.
They got help when passersby informed cops. @newsclickin
2/1 pic.twitter.com/lbP8bkjpkZ
— काश/if Kakvi (@KashifKakvi) July 10, 2022
