മലപ്പുറം : വനിതാ ദിനത്തോടനുബന്ധിച്ച് ” ജാതി വിവേചനവും സ്ത്രീപക്ഷ കേരളവും ” എന്ന തലക്കെട്ടിൽ വിമൻസ് ജസ്റ്റിസ്‌ മലപ്പുറം മണ്ഡലം കമ്മിറ്റി നേതൃത്വത്തിൽ സംവാദ തെരുവ് സമ്മേളനം സംഘടിപ്പിച്ചു. വിമൻസ് ജസ്റ്റിസ്‌ സംസ്ഥാന കമ്മിറ്റി അംഗം സരസ്വതി വലപ്പാട് ഉദ്ഘാടനം നിർവഹിച്ചു. സംസ്ഥാന കമ്മിറ്റി അംഗം ബിന്ദു പരമേശ്വരൻ മുഖ്യ പ്രഭാഷണം നടത്തി. മലപ്പുറം മണ്ഡലം കൺവീനർ മാജിദ ഉമ്മത്തൂർ അധ്യക്ഷത വഹിച്ചു. കമ്മ്യൂണിറ്റി കൗൺസിലർ ഹാജറ എം വി ആശംസകൾ അറിയിച്ചു. ജൗഹറ ടി സ്വാഗതവും അമീന ടി നന്ദിയും പറഞ്ഞു.
