ലഖ്‌നൗ: 2023-ലെ ഉത്തർപ്രദേശ് മദ്രസ വിദ്യാഭ്യാസ ബോർഡ് (യുപിഎംഇബി) പരീക്ഷയെഴുതിയ 84 ശതമാനം വിദ്യാർത്ഥികളും വിജയിച്ചതായി പ്രഖ്യാപിച്ചു. കഴിഞ്ഞ വർഷം 81 ശതമാനം വിദ്യാർഥികളായിരുന്നു പരീക്ഷ പാസായത്.
മുൻഷി/മൗലവി (ഹയർസെക്കൻഡറി), ആലിം (സീനിയർ സെക്കൻഡറി), കാമിൽ (ബിരുദം), ഫാസിൽ (ബിരുദാനന്തര ബിരുദം) എന്നീ കോഴ്‌സുകളിലായി ഈ വർഷം 539 പരീക്ഷാ കേന്ദ്രങ്ങളിലായി 1. 69 ലക്ഷം വിദ്യാർഥികളാണ് പരീക്ഷ എഴുതിയത്.
യുപിഎംഇബിയുടെ കണക്കനുസരിച്ച്, മൊത്തം 1.09 ലക്ഷം (84.48 ശതമാനം) വിദ്യാർത്ഥികൾ മദ്രസ ബോർഡ് പരീക്ഷ പാസായി. പാസായവരിൽ 54,481 പുരുഷ വിദ്യാർത്ഥികളും (98. 54 ശതമാനം) 55,046 (87. 22 ശതമാനം) സ്ത്രീകളുമാണ്.
കൂടാതെ, മുൻഷി/മൗലവി പരീക്ഷയെഴുതിയ 1.01 ലക്ഷം വിദ്യാർത്ഥികളിൽ 70,687 (79.21 ശതമാനം) പേർ വിജയിച്ചു, 29,496 പേരിൽ 23,888 (88. 8 ശതമാനം) ആലിം വിദ്യാർത്ഥികൾ വിജയിച്ചു.
അതുപോലെ, കാമിൽ പരീക്ഷയെഴുതിയ 8,120 ഉദ്യോഗാർത്ഥികളിൽ 7,513 പേർ (91. 2 ശതമാനം) വിജയിച്ചു, 4,420 ഫാസിൽ വിദ്യാർത്ഥികളിൽ 4,129 (95. 31 ശതമാനം) പേർ വിജയിച്ചു.
മുൻഷി/മൗലവി (അറബിക്/പേർഷ്യൻ) പരീക്ഷയിൽ ബദോഹി ജില്ലയിൽ നിന്നുള്ള മുഹമ്മദ് നാസിൽ ഒന്നാമതെത്തിയപ്പോൾ ഫറൂഖാബാദിൽ നിന്നുള്ള ചാന്ദ്‌നി ബാനോ അലിം പരീക്ഷയിൽ ഒന്നാമതെത്തിയതായി യുപിഎംഇബി അറിയിച്ചു.
വാരണാസിയിൽ നിന്നുള്ള റുക്കയ്യ ബേബി കാമില്‍ ബോർഡ് പരീക്ഷയിൽ ഒന്നാമതെത്തിയപ്പോൾ, ഫാസിൽ കോഴ്‌സിന് കാൺപൂരിൽ നിന്നുള്ള ഫർഹ നാസ് ഒന്നാമതെത്തി.
