ന്യൂഡല്‍ഹി: ചന്ദ്രയാൻ -3 ന്റെ വിജയത്തിന് ഇന്ത്യൻ ബഹിരാകാശ ഗവേഷണ സംഘടന (ഐഎസ്ആർഒ) ശാസ്ത്രജ്ഞരെ കോൺഗ്രസ് അഭിനന്ദിച്ചു. എന്നാൽ, ചന്ദ്രയാൻ -3 ടീമുമായി ബന്ധപ്പെട്ട ശാസ്ത്രജ്ഞരെ പ്രധാനമന്ത്രി നരേന്ദ്ര മോദി അവഗണിക്കുകയാണെന്നും ആരോപിച്ചു.
ചന്ദ്രയാൻ -3 വിജയകരമായി ചന്ദ്രനില്‍ ഇറക്കിയതിന്റെ ക്രെഡിറ്റ് പ്രധാനമന്ത്രി മോദി ഏറ്റെടുക്കുന്നുവെന്നും എന്നാൽ ഐഎസ്ആർഒയുമായും അതിന്റെ ശാസ്ത്രജ്ഞരുമായും സഹകരിക്കുന്നതിൽ ദയനീയമായി പരാജയപ്പെട്ടെന്നും കോൺഗ്രസ് വ്യാഴാഴ്ച ആരോപിച്ചു.
ബഹിരാകാശ വകുപ്പിന്റെ ബജറ്റ് വെട്ടിക്കുറച്ചെന്നും ചന്ദ്രയാൻ-3ൽ പ്രവർത്തിക്കുന്ന ‘എച്ച്ഇസി’ (ഹെവി എൻജിനീയറിങ് കോർപ്പറേഷൻ) എൻജിനീയർമാർക്ക് മാസങ്ങളായി ശമ്പളം ലഭിച്ചില്ലെന്നും അവകാശപ്പെടുന്ന ചില വാർത്തകൾ കോൺഗ്രസ് ജനറൽ സെക്രട്ടറി കെസി വേണുഗോപാൽ ഉദ്ധരിച്ചു. ഇക്കാര്യങ്ങളിലെല്ലാം പ്രധാനമന്ത്രി എന്തെങ്കിലും മറുപടി പറയണമെന്നും അദ്ദേഹം ആവശ്യപ്പെട്ടു.
ചന്ദ്രയാൻ -3 ലാൻഡിംഗിന്റെ ആവേശവും അഭിമാനവും നമ്മിൽ വളരെക്കാലം നിലനിൽക്കുമെന്ന് കോൺഗ്രസ് നേതാവ് വേണുഗോപാൽ സോഷ്യൽ മീഡിയ പ്ലാറ്റ്‌ഫോമായ X (ട്വിറ്റർ)ല്‍ പറഞ്ഞു. “ISRO ചെയർമാൻ സോമനാഥിന്റെ നേതൃത്വം തീർച്ചയായും ചരിത്രം സൃഷ്ടിച്ചു. അദ്ദേഹത്തിനും അദ്ദേഹത്തിന്റെ ടീമിനും ഞങ്ങൾ ഹൃദയംഗമമായ അഭിനന്ദനങ്ങൾ അറിയിക്കുന്നു,” അദ്ദേഹം പറഞ്ഞു.
ചന്ദ്രയാൻ -3 ൽ പ്രവർത്തിക്കുന്ന ‘എച്ച്ഇസി’ (ഹെവി എൻജിനീയറിങ് കോർപ്പറേഷൻ) എഞ്ചിനീയർമാർക്ക് കഴിഞ്ഞ 17 മാസമായി ശമ്പളം ലഭിക്കാത്തത് എന്തുകൊണ്ടാണെന്ന് അദ്ദേഹം ചോദിച്ചു. എന്തുകൊണ്ടാണ് ഇത്രയും പ്രധാനപ്പെട്ട ദൗത്യങ്ങൾക്കായി നിങ്ങൾ ബജറ്റ് 32 ശതമാനം കുറച്ചത്?, വേണുഗോപാല്‍ ചോദിച്ചു.
അതേസമയം, ഐഎസ്ആർഒ ശാസ്ത്രജ്ഞർ നമ്മുടെ രാജ്യത്തിന്റെ ഹീറോകളാണെന്നും, അവർ ലോകോത്തര ബഹിരാകാശ ഗവേഷണ പരിപാടികൾ നടത്തുന്നുണ്ടെന്നും, എന്നാൽ അവരുടെ കഴിവും കഠിനാധ്വാനവും നിങ്ങൾ വിലമതിക്കുന്നില്ലെന്നും കോൺഗ്രസ് ജനറൽ സെക്രട്ടറി വേണുഗോപാൽ അവകാശപ്പെട്ടു. പ്രധാനമന്ത്രി മോദിയെ പരിഹസിച്ചുകൊണ്ട്, ശാസ്ത്രജ്ഞരുടെ നേട്ടങ്ങള്‍ ഈയൊരു നിമിഷത്തിലാണോ നിങ്ങളുടെ ശ്രദ്ധയിൽപ്പെട്ടതെന്നും
അദ്ദേഹം ചോദിച്ചു.
ഇന്ത്യയുടെ ചാന്ദ്രദൗത്യം ചന്ദ്രയാൻ-3 ചന്ദ്രന്റെ ദക്ഷിണധ്രുവത്തിൽ ഇറങ്ങിയതിന് തൊട്ടുപിന്നാലെയാണ് പ്രധാനമന്ത്രിക്കെതിരെ വേണുഗോപാല്‍ പൊട്ടിത്തെറിച്ചത്.
ബഹിരാകാശ രംഗത്ത് പുതിയ ചരിത്രം സൃഷ്ടിച്ചുകൊണ്ട് ഐഎസ്ആർഒ ബുധനാഴ്ച ചന്ദ്രന്റെ ദക്ഷിണധ്രുവത്തിൽ ലാൻഡർ ‘വിക്രം’, റോവർ ‘പ്രഗ്യാൻ’ എന്നിവ ഉപയോഗിച്ച് എൽഎം വിജയകരമായി സോഫ്റ്റ്-ലാൻഡ് ചെയ്തു.
മരണം ആരെയും വിശുദ്ധൻ ആക്കുന്നില്ല! ഉമ്മൻ ചാണ്ടിയെയും!
കെ കരുണാകരനെയും നമ്പി നാരായണനെയും ഐഎസ്ആർഒ ചാരക്കേസും അതിലെ പിന്നാമ്പുറ കഥകളും എല്ലാം ഓർത്തു പോകുന്നു!
മനസ്സിനെ ചങ്ങലക്കിടാൻ പറ്റില്ലല്ലോ!