കൈവ്: കിഴക്കൻ ഉക്രെയ്‌നിൽ രണ്ട് ഹെലികോപ്റ്ററുകളിലായി ആറ് ഉക്രേനിയൻ സൈനികർ കൊല്ലപ്പെട്ടതായി സൈന്യം
റിപ്പോര്‍ട്ട് ചെയ്തു. ചൊവ്വാഴ്ച വ്യാപകമായി ഉപയോഗിച്ച രണ്ട് എംഐ-8 ഹെലികോപ്റ്ററുകൾക്ക് എന്ത് സംഭവിച്ചുവെന്ന് സൂചനയില്ല.
റഷ്യൻ അധീനതയിലുള്ള കിഴക്കൻ നഗരമായ ബഖ്മുട്ടിന്റെ സെക്ടറിൽ ഉക്രേയിയന്‍ സൈന്യം “ദൗത്യങ്ങൾ നടത്തുകയായിരുന്നു” എന്ന് ടെലിഗ്രാമിലെ ഒരു സൈനിക പ്രസ്താവന പറഞ്ഞു.
റഷ്യയുടെ അയൽരാജ്യമായ ഉക്രെയിനിലെ അധിനിവേശത്തിൽ ഭൂരിഭാഗം പോരാട്ടങ്ങളും നടന്ന ഡൊനെറ്റ്സ്ക് മേഖലയിലെ ബഖ്മുട്ടിന്റെ പടിഞ്ഞാറുള്ള ഒരു വലിയ പട്ടണമായ ക്രാമാറ്റോർസ്കിന് സമീപമാണ് സംഭവം നടന്നതെന്ന് ഉക്രേനിയന്‍ വാര്‍ത്താ സൈറ്റില്‍ പറഞ്ഞു.
രണ്ട് ഹെലികോപ്റ്ററുകളും പൂർണ്ണമായും നശിപ്പിക്കപ്പെട്ടതായും മൃതദേഹങ്ങൾ സ്ഥലത്തുനിന്നും കണ്ടെത്തിയതായും റിപ്പോര്‍ട്ടില്‍ പറയുന്നു.
ഹെലിക്കോപ്റ്ററിലുണ്ടായിരുന്നവർ ഉദ്യോഗസ്ഥരാണെന്ന് എയർഫോഴ്‌സ് വക്താവ് യെവൻ രകിത പബ്ലിക് ബ്രോഡ്‌കാസ്റ്റർ സസ്‌പിൽനോട് പറഞ്ഞു.
സെൻട്രൽ നഗരമായ പോൾട്ടാവയിൽ വ്യാഴാഴ്ച രണ്ടു പേരുടെ സംസ്ക്കാരം നടക്കും. എന്നാൽ, സുരക്ഷാ കാരണങ്ങളാൽ അവരുടെ ഐഡന്റിറ്റി പരസ്യപ്പെടുത്തുന്നില്ലെന്നും അദ്ദേഹം പറഞ്ഞു.
