തിരുവനന്തപുരം: കേരള സർക്കാരിന്റെ ഉന്നത വിദ്യാഭ്യാസ വകുപ്പുമായി സഹകരിച്ച് ഐഎച്ച്ആർഡി സംഘടിപ്പിച്ച രണ്ടാമത്
ആർട്ടിഫിഷ്യൽ ഇന്റലിജൻസിന്റെ രണ്ടാമത്തെ ഇന്റർനാഷണൽ കോൺക്ലേവിന്റെ നടപടിക്രമങ്ങള് കേരള മുഖ്യമന്ത്രി പിണറായി വിജയന് കൈമാറി. ആർട്ടിഫിഷൽ ഇന്റലിജൻസുമായി ബന്ധപ്പെട്ട ഏറ്റവും പുതിയ പഠനങ്ങളും പ്രബന്ധങ്ങളുമാണ് നടപടിക്രമങ്ങളില് ഉൾക്കൊള്ളിച്ചിട്ടുള്ളത്.
ജനറേറ്റീവ് എ.ഐ യും ആർട്ടിഫിഷ്യൽ ഇൻ്റലിജൻസിലെ മറ്റ് മുന്നേറ്റങ്ങളും മനുഷ്യജീവിതത്തിൻ്റെ വിവിധ മേഖലകളിൽ വലിയ മാറ്റങ്ങളാണുണ്ടാക്കുന്നത്.വിദ്യാഭ്യാസ മേഖലയിൽ ആർട്ടിഫിഷ്യൽ ഇന്റലിജൻസ് ചെലുത്തുന്ന സ്വാധീനവും വെല്ലുവിളികളും ചർച്ച ചെയ്യപ്പെടേണ്ടതിന്റെ ആവശ്യകത മുൻനിർത്തിയാണ് കോൺക്ലേവ് സംഘടിപ്പിച്ചത്. ഐ.എച്ച്.ആർ.ഡി ഡയറക്ടർ ഡോ:അരുൺകുമാറും ഉദ്യോഗസ്ഥരും സന്നിഹിതരായിരുന്നു.