സിനിമകൾ ആഭ്യന്തരമായി നിർമ്മിക്കണമെന്ന് പ്രസിഡന്റ് ആവശ്യപ്പെടുകയും അമേരിക്കയിലേക്ക് പ്രവേശിക്കുന്ന എല്ലാ വിദേശ സിനിമകൾക്കും 100 ശതമാനം തീരുവ പ്രഖ്യാപിക്കുകയും ചെയ്തു.
വാഷിംഗ്ടണ്‍: അമേരിക്കയ്ക്ക് പുറത്ത് നിർമ്മിക്കുന്ന എല്ലാ സിനിമകൾക്കും 100 ശതമാനം തീരുവ ചുമത്തുമെന്ന് പ്രസിഡന്റ് ഡൊണാൾഡ് ട്രംപ് ഞായറാഴ്ച പ്രഖ്യാപിച്ചു. അമേരിക്കൻ ചലച്ചിത്ര നിർമ്മാതാക്കളും സ്റ്റുഡിയോകളും വിദേശ രാജ്യങ്ങൾക്ക് നിർമ്മാണം ഔട്ട്‌സോഴ്‌സ് ചെയ്യുന്ന രീതി വളർന്നുവരുന്നത് ഹോളിവുഡിനെ “തകർത്തു” എന്ന് അദ്ദേഹം പറഞ്ഞു. വിദേശ നിർമ്മിത സിനിമകൾക്ക് പുതിയ താരിഫ് ചുമത്താൻ യുഎസ് വാണിജ്യ വകുപ്പിനും യുഎസ് വ്യാപാര പ്രതിനിധിക്കും അധികാരം നൽകിയിട്ടുണ്ടെന്ന് ട്രൂത്ത് സോഷ്യലിനോട് സംസാരിച്ച ട്രംപ് പറഞ്ഞു. എന്നാൽ, നടപ്പാക്കലിന്റെ വിശദാംശങ്ങൾ വ്യക്തമല്ല.
മറ്റ് രാജ്യങ്ങൾ അമേരിക്കൻ ചലച്ചിത്ര നിർമ്മാതാക്കളെയും സ്റ്റുഡിയോകളെയും അവരുടെ നിർമ്മാണം വിദേശത്തേക്ക് മാറ്റാൻ വശീകരിക്കുന്നുണ്ടെന്നും, അമേരിക്കൻ സിനിമാ വ്യവസായം വളരെ വേഗത്തിൽ മരിച്ചു കൊണ്ടിരിക്കുകയാണെന്നും അദ്ദേഹം ആരോപിച്ചു. അത് മറ്റ് രാജ്യങ്ങളുടെ കൂട്ടായ ശ്രമമാണെന്നും അതിനാൽ അത് ദേശീയ സുരക്ഷയ്ക്ക് ഭീഷണിയാണെന്നും ട്രൂത്ത് സോഷ്യൽ പോസ്റ്റിൽ ട്രംപ് പറഞ്ഞു.
സിനിമകൾ ആഭ്യന്തരമായി നിർമ്മിക്കണമെന്ന് പ്രസിഡന്റ് ആവശ്യപ്പെടുകയും അമേരിക്കയിലേക്ക് പ്രവേശിക്കുന്ന എല്ലാ വിദേശ സിനിമകൾക്കും 100 ശതമാനം തീരുവ പ്രഖ്യാപിക്കുകയും ചെയ്തു. അതിനാൽ, വിദേശ രാജ്യങ്ങളിൽ നിർമ്മിക്കപ്പെടുന്നതും നമ്മുടെ രാജ്യത്തേക്ക് വരുന്നതുമായ എല്ലാ സിനിമകൾക്കും 100% താരിഫ് ചുമത്തുന്നതിനുള്ള പ്രക്രിയ ഉടൻ ആരംഭിക്കാൻ ഞാൻ വാണിജ്യ വകുപ്പിനെയും യു എസ് ട്രേഡ് പ്രതിനിധിയെയും അധികാരപ്പെടുത്തുന്നതായി അദ്ദേഹം പറഞ്ഞു. അമേരിക്കയിൽ വീണ്ടും സിനിമകൾ നിർമ്മിക്കണമെന്ന് ആഗ്രഹിക്കുന്നതായും അദ്ദേഹം കൂട്ടിച്ചേര്‍ത്തു.
കാലിഫോർണിയയിലെ വിദൂര ദ്വീപിലെ കുപ്രസിദ്ധമായ മുൻ ജയിലായ അൽകാട്രാസ് വീണ്ടും തുറക്കാനും വികസിപ്പിക്കാനും തന്റെ ഭരണകൂടത്തിന് നിർദ്ദേശം നൽകുന്നുണ്ടെന്നും ട്രംപ് പറഞ്ഞു. 60 വർഷത്തിലേറെയായി അത് അടച്ചിട്ടിരിക്കുകയാണ്.
“വളരെക്കാലമായി അമേരിക്ക ക്രൂരരും, അക്രമാസക്തരും, ആവർത്തിച്ചുള്ള കുറ്റവാളികളാലും വലയുകയാണ്, അവർ സമൂഹത്തിലെ ഏറ്റവും താഴ്ന്ന നിലയിലുള്ളവരും, ദുരിതവും കഷ്ടപ്പാടും ഉണ്ടാക്കുന്നവരുമാണ്. മുൻകാലങ്ങളിൽ നമ്മൾ കൂടുതൽ ഗൗരവതരമായ ഒരു രാഷ്ട്രമായിരുന്നപ്പോൾ, ഏറ്റവും അപകടകാരികളായ കുറ്റവാളികളെ ജയിലിലടയ്ക്കാനും അവർക്ക് ഉപദ്രവിക്കാൻ കഴിയുന്ന എല്ലാവരിൽ നിന്നും അവരെ അകറ്റി നിർത്താനും മടിച്ചിരുന്നില്ല. അങ്ങനെയായിരിക്കണം അത്,” ഞായറാഴ്ച വൈകുന്നേരം തന്റെ ട്രൂത്ത്ഔട്ട് സോഷ്യൽ സൈറ്റിൽ ട്രംപ് എഴുതി.
