കൊച്ചി: നടിയെ ആക്രമിച്ച കേസില് നടി കാവ്യാ മാധവന് തിങ്കളാഴ്ച ചോദ്യംചെയ്യലിന് ഹാജരാകില്ല. അസൗകര്യമറിയിച്ച് അവര് അന്വേഷണോദ്യോ?ഗസ്ഥര്ക്ക് കത്ത് നല്കി. മറ്റൊരു ദിവസം ചോദ്യംചെയ്യലിന് ഹാജരാകാമെന്നാണ് കാവ്യ അറിയിച്ചിരിക്കുന്നത്. കാവ്യയുമായി ബന്ധപ്പെട്ട ചില ഓഡിയോ തെളിവുകള് പുറത്തുവന്ന സാഹചര്യത്തിലാണ് ചോദ്യംചെയ്യലിന് വിളിച്ചത്. ദിലീപിന്റെ സഹോദരീ ഭര്ത്താവ് ടി.എന്. സുരാജ് ഉള്പ്പടെയുള്ളവരുടെ ഫോണുകള് ശാസ്ത്രീയ പരിശോധന നടത്തിയതില് നിന്ന് ചില സുപ്രധാനമായ വിവരങ്ങള്
പോലീസിന് ലഭിച്ചിരുന്നു.
കേസുമായി ബന്ധപ്പെട്ട് എട്ടാം പ്രതികൂടിയായ ദിലീപിന്റെയടക്കം ശബ്ദരേഖകള് ഇതിനോടകം പുറത്തുവന്നിരുന്നു. തുടരന്വേഷണത്തിന്റെ ഭാഗമായി കൂടുതല് തെളിവുകള് ശേഖരിക്കാനുള്ള നീക്കത്തിലാണ് നിലവില് അന്വേഷണ സംഘം.
ഇതേ കേസിന്റെ തുടരന്വേഷണവുമായി ബന്ധപ്പെട്ട് നടി മഞ്ജു വാര്യരില്നിന്ന് ക്രൈംബ്രാഞ്ച് സംഘം മൊഴിയെടുത്തിരുന്നു. ദിലീപ് അടക്കമുള്ളവരുടെ ശബ്ദസാമ്പിളുകള് മഞ്ജു തിരിച്ചറിഞ്ഞുവെന്നാണ് പുറത്തുവരുന്ന വിവരം.
