തിരുവനന്തപുരം: നിരവധി ക്രിമിനല് കേസുകളിലെ പ്രതി പശുഅനീഷിനെ നാലാമതും കാപ്പാ ചുമത്തി അറസ്റ്റ് ചെയ്തു. പശുഅനീഷ് എന്ന് വിളിക്കുന്ന അനീഷിനെ (36) കഴക്കൂട്ടം പോലീസ് ആണ് അറസ്റ്റ് ചെയ്തത്. നിരവധി കൊലപാതക ശ്രമം, തട്ടിക്കൊണ്ടുപോകല്, അടിപിടി കേസുകള് എന്നിവയില് പ്രതിയാണ് അനീഷ്. കാപ്പാ നിയമപ്രകാരം മൂന്ന് തവണ അറസ്റ്റിലായ പ്രതി ഒന്നേമുക്കാല് വര്ഷത്തോളം ജയിലില് കഴിഞ്ഞിട്ടുണ്ട്. മൂന്നാം തവണ ജയിലില് നിന്ന് പുറത്തിറങ്ങിയ ശേഷവും നിരവധി ക്രിമിനല് കേസുകളില് ഇയാള് പങ്കാളിയാണ്. ഈ അടുത്ത് കൂട്ടാളികളുമായി ചേര്ന്ന് കഴക്കൂട്ടം സെന്റ് ആന്ഡ്രൂസ് ജംങ്ഷന് സമീപം ഓട്ടോ ഡ്രൈവറെ കൊലപ്പെടുത്താന് ശ്രമിച്ച കേസില് അറസ്റ്റിലായതോടെയാണ് കാപ്പാ ചുമത്തി കരുതല് തടങ്കലില് പാര്പ്പിക്കാന് തീരുമാനിച്ചത്. ഇതിന് പുറമേ പ്രതിക്കെതിരെ മറ്റ് കേസുകളുമുണ്ടെന്ന് സിറ്റി പോലീസ് കമ്മീഷണര് അറയിച്ചു. പുത്തന്തോപ്പ് സ്വദേശിയെ തട്ടിക്കൊണ്ട് പോയി വെട്ടിക്കൊലപ്പെടുത്താന് ശ്രമിച്ച കേസ്, ഗുണ്ടാപ്പിരിവ് നല്കാത്തതിന് കടയില് കയറി മൂന്ന് പേരെ വെട്ടിക്കൊലപ്പെടുത്താന് ശ്രമിച്ച കേസ്. പൗണ്ട്കടവ് സ്വദേശിയെ വെട്ടിക്കൊല്ലാന് ശ്രമിച്ച കേസ് തുടങ്ങി 12ഓളം കേസുകളാണ് പ്രതിയുടെ പേരിലുള്ളത്.
More News
-
തൃശൂരും തിരുവനന്തപുരത്തും ബിജെപിയെ ജയിപ്പിക്കാനാണ് സിപിഐ എം പ്രവര്ത്തിക്കുന്നതെന്ന് സാബു ജേക്കബ്
എറണാകുളം: ഈ തിരഞ്ഞെടുപ്പിൽ തൃശ്ശൂരും തിരുവനന്തപുരത്തും ബിജെപി വിജയിച്ചാലും അത്ഭുതപ്പെടേണ്ടതില്ലെന്ന് ട്വൻ്റി ട്വൻ്റി പാർട്ടി പ്രസിഡൻ്റ് സാബു എം ജേക്കബ് അഭിപ്രായപ്പെട്ടു.... -
രോഗാവസ്ഥയിലും ജനാധിപത്യ ബോധം കൈവിടാതെ ആശാ ശര്ത്തിന്റെ പിതാവ് വോട്ട് ചെയ്തു
തിരുവനന്തപുരം: രാജ്യത്ത് ഇന്ന് രണ്ടാം ഘട്ട തെരഞ്ഞെടുപ്പാണ് നടക്കുന്നത്. കേരളം ഉൾപ്പെടെയുള്ള സംസ്ഥാനങ്ങളിൽ പോളിങ് അതിവേഗം പുരോഗമിക്കുകയാണ്. മുതിർന്ന പൗരന്മാർ പോലും... -
മതത്തിന്റെ പേരില് വോട്ട് അഭ്യർത്ഥിച്ചു; ബിജെപിയുടെ തേജസ്വി സൂര്യയ്ക്കെതിരെ ഇസി കേസെടുത്തു
ബെംഗളൂരു: സോഷ്യൽ മീഡിയ പ്ലാറ്റ്ഫോമിൽ വീഡിയോ പോസ്റ്റ് ചെയ്യുകയും മതത്തിൻ്റെ പേരിൽ വോട്ട് അഭ്യർത്ഥിക്കുകയും ചെയ്തതിന് ബിജെപി എംപിയും ബാംഗ്ലൂർ സൗത്ത്...