ഇൻഡോർ : ഇൻഡോറിൽ ഡൊമിനോസ് പിസ്സ വനിതാ ജീവനക്കാരിയെ ഒരു പ്രാദേശിക സംഘത്തിലെ 4 സ്ത്രീകള്‍ ക്രൂരമായി മർദ്ദിച്ചു. സംഭവത്തിന്റെ വീഡിയോ അപ്‌ലോഡ് ചെയ്ത് മിനിറ്റുകൾക്കകം സോഷ്യൽ മീഡിയയിൽ വൈറലായി.
വീഡിയോയിൽ, ഡൊമിനോസ് പിസ ജീവനക്കാരി വേദനയോടെ നിലവിളിക്കുന്നതു കാണാം. പക്ഷേ, ആരും രക്ഷിക്കാൻ ആരും പിന്തുണയുമായി വരുന്നില്ല, പകരം 4 പ്രാദേശിക സ്ത്രീകള്‍ വടികൊണ്ടും കൈകൊണ്ടും ശാരീരികമായി പീഡിപ്പിക്കുന്നത് കാണാം. ഇവര്‍ ഒരു പ്രാദേശിക സംഘത്തിന്റെ ഭാഗമാണെന്ന് പറയപ്പെടുന്നു.
ആക്രമണത്തിന്റെ വീഡിയോ സോഷ്യൽ മീഡിയയിൽ വൈറലായതിന് തൊട്ടുപിന്നാലെ, നിരപരാധിയായ ഒരു സ്ത്രീയെ ക്രൂരമായി മർദിക്കുകയും അപമാനിക്കുകയും ചെയ്യുന്ന സ്ത്രീകളെ നിരവധി പേർ വിമർശിക്കുകയും വീഡിയോയിലെ എല്ലാ അക്രമികൾക്കെതിരെയും പരാതി രജിസ്റ്റർ ചെയ്യാനും കേസിൽ നീതിപൂർവകമായ അന്വേഷണം വേണമെന്നും പോലീസിനോട് അഭ്യർത്ഥിച്ചു.
അക്രമാസക്തമായ വീഡിയോ പ്രാദേശിക സംഘം തന്നെ സോഷ്യൽ മീഡിയയിൽ പങ്കുവെച്ചതായി പറയപ്പെടുന്നു. എന്തുകൊണ്ടാണ് ജീവനക്കാരിയെ ക്രൂരമായി മർദിച്ചത് എന്നതിന് പിന്നിലെ കാരണം ഇപ്പോഴും അജ്ഞാതമാണ്.
