ബോളിവുഡ് നടി ആശാ പരേഖിന് ദാദാസാഹിബ് ഫാൽക്കെ ലൈഫ് ടൈം അച്ചീവ്‌മെന്റ് അവാർഡ്

മുംബൈ : പ്രശസ്ത ഹിന്ദി ചലച്ചിത്ര നടിയും സംവിധായികയും നിർമ്മാതാവുമായ ആശാ പരേഖിന് ഈ വർഷത്തെ ദാദാസാഹിബ് ഫാൽക്കെ അവാർഡ്. വിജ്ഞാൻ ഭവനിൽ നടക്കുന്ന 68-ാമത് എൻഎഫ്എയിൽ വെച്ച് രാഷ്ട്രപതി ദ്രൗപതി മുർമു അവാര്‍ഡ് സമ്മാനിക്കും.

കേന്ദ്ര വാർത്താവിതരണ പ്രക്ഷേപണ മന്ത്രി അനുരാഗ് സിംഗ് താക്കൂർ തന്റെ ട്വിറ്ററിലൂടെയാണ് നടിക്കുള്ള ബഹുമതി പ്രഖ്യാപിച്ചത്.

അദ്ദേഹം ട്വീറ്റ് ചെയ്തു, “ഇന്ത്യൻ സിനിമയ്‌ക്ക് ആശാ പരേഖ് ജി നൽകിയ മാതൃകാപരമായ ആജീവനാന്ത സംഭാവനയ്ക്ക് ദാദാസാഹിബ് ഫാൽക്കെ സെലക്ഷൻ ജൂറി അവരെ ആദരിക്കാനും അവാർഡ് നൽകാനും തീരുമാനിച്ചതായി അറിയിക്കുന്നതിൽ ബഹുമാനമുണ്ട്. ദാദാസാഹിബ് ഫാൽക്കെ അവാർഡ് വിജ്ഞാൻ ഭവനിൽ നടക്കുന്ന 68-ാമത് എൻഎഫ്എയിൽ വെച്ച് ബഹുമാനപ്പെട്ട രാഷ്ട്രപതി സമ്മാനിക്കും.

ഏകദേശം 5 പതിറ്റാണ്ട് നീണ്ട ചലച്ചിത്ര ജീവിതത്തില്‍, ആശാ പരേഖ് തന്റെ പത്താം വയസ്സിലാണ് ബേബി ആശാ പരേഖ് എന്ന സ്‌ക്രീൻ നാമത്തിൽ ‘മാ’ എന്ന ചിത്രത്തിലൂടെ ബാലതാരമായി യാത്ര ആരംഭിച്ചത്. ബോംബെ ടാക്കീസിനു വേണ്ടി ബിമൽ റോയ് ആണ് സോഷ്യൽ ഫാമിലി ഡ്രാമ സംവിധാനം ചെയ്തത്.

ബോംബെയില്‍ ഒരു സ്റ്റേജ് ചടങ്ങിൽ ആഷയുടെ നൃത്തം കണ്ട് ബിമൽ റോയ് ആശയെ സിനിമയിൽ കാസ്റ്റ് ചെയ്യുകയും ബാപ് ബേട്ടിയിൽ വീണ്ടും അഭിനയിക്കുകയും ചെയ്തെങ്കിലും ചിത്രത്തിന്റെ പരാജയം അവരെ നിരാശപ്പെടുത്തി. കുറച്ചു സിനിമകളില്‍ കൂടി ബാല വേഷങ്ങൾ ചെയ്തെങ്കിലും, സ്കൂൾ വിദ്യാഭ്യാസം പുനരാരംഭിക്കാൻ അഭിനയം ഉപേക്ഷിച്ചു.

പതിനാറാം വയസ്സിൽ, വീണ്ടും അഭിനയത്തിലേക്ക് തിരിഞ്ഞു. നായികയായി അരങ്ങേറ്റം കുറിക്കാൻ അവർ ശ്രമിച്ചെങ്കിലും, വിജയ് ഭട്ടിന്റെ ‘ഗൂഞ്ച് ഉഠി ഷെഹ്‌നായി’ എന്ന സിനിമയിൽ നിന്ന് അവര്‍ നിരസിക്കപ്പെട്ടു. അവര്‍ ഒരു താരത്തിന് യോജിച്ചവളല്ല എന്ന് നിർമ്മാതാവ് വിലയിരുത്തിയതാണ് കാരണം.

പിന്നീട്, ചലച്ചിത്ര നിർമ്മാതാവ് സുബോധ് മുഖർജിയും എഴുത്തുകാരനും സംവിധായകനുമായ നസീര്‍ ഹുസൈനും (ബോളിവുഡ് സൂപ്പർസ്റ്റാർ ആമിർ ഖാന്റെ അമ്മാവൻ) ഷമ്മി കപൂറിനൊപ്പം ‘ദിൽ ദേകെ ദേഖോ’ എന്ന ചിത്രത്തിൽ നായികയായി ആശയെ കാസ്റ്റ് ചെയ്തു. അത് അവരെ ഒരു വലിയ താരമാക്കി മാറ്റി. ആശയും നസീറും തമ്മിലുള്ള ദീർഘകാല ബന്ധത്തിനും ഈ ചിത്രം കാരണമായി. ഇരുവരും ഡേറ്റിംഗിലാണെന്ന് കിംവദന്തികൾ പോലും ഉണ്ടായിരുന്നു. അത് നടി തന്നെ തന്റെ ഓർമ്മക്കുറിപ്പായ ദി ഹിറ്റ് ഗേളിൽ സ്ഥിരീകരിച്ചിട്ടുണ്ട്.

1992ൽ നടിയെ സിനിമയ്ക്ക് നൽകിയ സംഭാവനകൾക്ക് പത്മശ്രീ നൽകി ആദരിച്ചിരുന്നു. മൂന്ന് വർഷത്തിന് ശേഷം, ആന്ദോളനിൽ അഭിനയിച്ച ആശ, 1999-ൽ പുറത്തിറങ്ങിയ ‘സാർ ആങ്കോൻ പർ’ എന്ന ചിത്രത്തിലെ അതിഥി വേഷത്തിന് ശേഷം അഭിനയത്തില്‍ നിന്ന് പിന്‍‌വാങ്ങി.

Print Friendly, PDF & Email

Please like our Facebook Page https://www.facebook.com/MalayalamDailyNews for all daily updated news

Leave a Comment

Related News