Day: June 9, 2026

തിരുവനന്തപുരം: യൂട്യൂബർമാരും ഇന്‍സ്റ്റാഗ്രാം റീല്‍ നിര്‍മ്മാതാക്കളും കണ്ടന്റ് ക്രിയേറ്റര്‍മാരും സദാചാര ബോധമില്ലാതെ എവിടെയും ഇടിച്ചു കയറി മറ്റുള്ളവരുടെ സ്വകാര്യതയെ മാനിക്കാതെ മൊബൈല്‍ ഫോണ്‍/ക്യാമറ എന്നിവ ഉപയോഗിച്ച് വീഡിയോ ഷൂട്ട് ചെയ്യുന്ന പ്രവണത അവസാനിപ്പിക്കാന്‍ സര്‍ക്കാര്‍ പെരുമാറ്റച്ചട്ടം കൊണ്ടുവരുന്നു. നിയമപരമായ നിയന്ത്രണവും പരിഗണിക്കുന്നുണ്ട്. നടൻ സലിം കുമാറിന്റെ അന്ത്യകർമങ്ങൾക്കിടെ മൊബൈൽ ക്യാമറകളുമായി കടന്നുകയറിയവരെ പ്രകോപിപ്പിച്ച മകൻ ചന്തുവിനെതിരെ പൊതുജനങ്ങളിൽ നിന്ന് പ്രതിഷേധം ഉയർന്നതിനെ തുടർന്നാണ് സർക്കാരിന്റെ നീക്കം. ഇത് ചർച്ച ചെയ്യാൻ മുഖ്യമന്ത്രി വി.ഡി. സതീശൻ ഉന്നതതല യോഗം വിളിക്കുമെന്നാണ് റിപ്പോർട്ട്. ആഭ്യന്തര മന്ത്രി രമേശ് ചെന്നിത്തല, സാംസ്കാരിക മന്ത്രി പി.സി. വിഷ്ണുനാഥ്, സാമൂഹിക നീതി മന്ത്രി ബിന്ദു കൃഷ്ണ തുടങ്ങിയവരുമായി മുഖ്യമന്ത്രി കൂടിയാലോചന നടത്തും. അംഗീകാരമില്ലാത്ത മാധ്യമങ്ങൾക്ക് ഏതറ്റം വരെ പോകാമെന്ന് വ്യക്തത നൽകും. രമേശ് പിഷാരടി എംഎൽഎ ഉൾപ്പെടെയുള്ളവർ ഈ വിഷയത്തിൽ സർക്കാർ ഇടപെടൽ ആവശ്യപ്പെട്ടിട്ടുണ്ട്.…

കൊച്ചി: തനിക്കെതിരെ വർഗീയവും അവഹേളനാപരവുമായ പരാമർശങ്ങള്‍ നടത്തിയ അമ്മ എക്സിക്യൂട്ടീവ് കമ്മിറ്റി അംഗവും നടനുമായ ടിനി ടോമിനെതിരെ നിയമപോരാട്ടം തുടരുമെന്ന് നടിയും മുൻ ജോയിന്റ് സെക്രട്ടറിയുമായ അൻസിബ ഹസ്സൻ പറഞ്ഞു. “നീതിക്കുവേണ്ടിയുള്ള എന്റെ പോരാട്ടത്തിൽ സർക്കാർ എന്നോടൊപ്പം നിൽക്കുമെന്ന് ഞാൻ പ്രതീക്ഷിക്കുന്നു,” ടോമിനെതിരായ പരാതിയുമായി ബന്ധപ്പെട്ട് കടവന്ത്ര പോലീസ് സ്റ്റേഷനിൽ മൊഴി നൽകിയ ശേഷം അവർ മാധ്യമപ്രവർത്തകരോട് പറഞ്ഞു. ടോമിനെതിരെ കേസ് രജിസ്റ്റർ ചെയ്യുന്നതിൽ പോലീസ് പരാജയപ്പെട്ടാൽ കോടതിയെ സമീപിക്കുമെന്ന് അന്‍സിബ പറഞ്ഞു. തന്റെ സഹ നടൻ പലപ്പോഴും വിവിധ രാഷ്ട്രീയക്കാരുമായി ഇടപഴകുന്നത് കണ്ടതിനാൽ തനിക്ക് നീതി ലഭിക്കില്ലെന്ന് അവർ ഭയപ്പെട്ടു. ഇൻഫോപാർക്ക് പോലീസിലാണ് ആദ്യം പരാതി നൽകിയതെങ്കിലും പിന്നീട് അത് കടവന്ത്ര പോലീസ് സ്റ്റേഷനിലേക്ക് കൈമാറി. തനിക്കും കുടുംബാംഗങ്ങൾക്കുമെതിരെ അടിസ്ഥാനരഹിതമായ ആരോപണങ്ങൾ ഉയർന്നതിൽ തനിക്ക് വേദനയുണ്ടെന്ന് അവർ പറഞ്ഞു. തന്റെ പരാതിയിൽ അമ്മ നേതൃത്വം പ്രഖ്യാപിച്ച…

വയനാട്: ജില്ലയില്‍ രണ്ട് കുട്ടികള്‍ക്ക് ഷിഗെല്ല രോഗബാധ സ്ഥിരീകരിച്ച സാഹചര്യത്തില്‍ പരിസര പ്രദേശങ്ങളിലെ കിണറുകള്‍ ക്ലോറിനേറ്റ് ചെയ്യാന്‍ ബുധനാഴ്ച സ്‌പെഷ്യല്‍ ഡ്രൈവ് നടത്തുമെന്ന് കൃഷി വകുപ്പ് മന്ത്രി അഡ്വ. ടി സിദ്ധിഖ് പറഞ്ഞു. സ്ഥിതി ഗതികള്‍ അവലോകനം ചെയ്യാന്‍ സുല്‍ത്താന്‍ ബത്തേരി ഗവ. ഗസ്റ്റ് ഹൗസില്‍ ചേര്‍ന്ന ഉന്നതതല യോഗത്തിന് ശേഷം സംസാരിക്കുകയായിരുന്നു മന്ത്രി. ജില്ലയിലെ എല്ലാ സ്‌കൂളുകളിലും പരിശോധനയും കിണറുകളില്‍ ക്ലോറിനേഷനും നടത്തും. നെന്മേനി പഞ്ചായത്തിലെ എല്ലാ വാര്‍ഡുകളിലും ചൊവ്വാഴ്ച തന്നെ അവലോകന യോഗം ചേരുമെന്നും മന്ത്രി പറഞ്ഞു. ഷിഗെല്ല സ്ഥിരീകരിച്ചിന് ശേഷമുള്ള തുടര്‍പ്രവര്‍ത്തനങ്ങളും അവയുടെ ഏകോപനവും ഉറപ്പുവരുത്താന്‍ യോഗത്തില്‍ തീരുമാനമായി. ശുചിത്വം ഉറപ്പാക്കാനുള്ള മാര്‍ഗനിര്‍ദേശങ്ങള്‍ അച്ചടിച്ച് എല്ലാ സ്‌കൂളുകളിലും വ്യാപാര സ്ഥാപനങ്ങളിലും വീടുകളിലും എത്തിക്കും. നെന്മേനി പഞ്ചായത്തിന് പുറമെ നൂല്‍പ്പുഴ, അമ്പലവയല്‍ പഞ്ചായത്തുകളിലും സുല്‍ത്താന്‍ ബത്തേരി മുനിസിപ്പാലിറ്റിയിലും ചൊവ്വാഴ്ച തന്നെ പ്രത്യേക യോഗം ചേര്‍ന്ന്…

തിരുവനന്തപുരം: ഡിജിറ്റൽ റിപ്പോർട്ടിംഗിന്റെ മറവിൽ പൊതുജനങ്ങളുടെ സ്വകാര്യതയിലേക്ക് കടന്നു ചെല്ലുന്ന ഓൺലൈൻ കണ്ടന്റ് ക്രിയേറ്റർമാർക്കും സ്വതന്ത്ര വ്‌ളോഗർമാർക്കുമെതിരെ എതിരെ കേരള ആഭ്യന്തര വകുപ്പ് നിയന്ത്രണങ്ങൾ കർശനമാക്കുന്നു. നടൻ സലിം കുമാറിന്റെ സംസ്കാര ചടങ്ങുകൾക്കിടെ സോഷ്യൽ മീഡിയ വീഡിയോഗ്രാഫർമാരുടെ അനിയന്ത്രിതമായ പെരുമാറ്റം മൂലം വ്യാപകമായ പൊതുജന രോഷം ഉയർന്നതിനെ തുടർന്നാണ് ഈ നിർണായക നീക്കം. കുടുംബത്തിന്റെ സ്വകാര്യ ദുഃഖ നിമിഷങ്ങളെ ആക്രമണാത്മകമായി തകർത്ത വ്‌ളോഗർമാർക്കെതിരെ അന്തരിച്ച നടന്റെ മകൻ ചന്തു സലിം കുമാർ പ്രകടിപ്പിച്ച കടുത്ത രോഷമാണ് നടപടിക്ക് ഉടനടി കാരണമായത്. മൊബൈൽ ക്യാമറകൾ ഉപയോഗിച്ച് മറ്റുള്ളവരുടെ സ്വകാര്യതയിലേക്ക് കടന്നുകയറിയ വ്യക്തികൾ ജയിൽവാസം ഉൾപ്പെടെയുള്ള കടുത്ത നിയമനടപടികൾ നേരിടേണ്ടിവരുമെന്ന് കേരള പോലീസ് ഒരു ഔദ്യോഗിക സോഷ്യൽ മീഡിയ പോസ്റ്റിൽ കർശനമായ മുന്നറിയിപ്പ് നൽകി. നോർത്ത് പറവൂരിലാണ് സംഭവം നടന്നത്. ടൗൺ ഹാളിൽ പൊതുദർശനത്തിന് വച്ച ശേഷം സലിം കുമാറിന്റെ…

ഡാളസ് :: യഥാർത്ഥ സ്വാതന്ത്ര്യവും സാമൂഹിക മാറ്റവും ഉണ്ടാകേണ്ടത് നിയമങ്ങളിലൂടെയല്ല, മറിച്ച് ദൈവവുമായുള്ള ആഴമേറിയ ബന്ധത്തിൽ നിന്നും പരസ്പരമുള്ള ക്രിസ്തീയ സ്നേഹത്തിൽ നിന്നുമാണെന്ന്  ഡോ. യുയാക്കിം മാർ കൂറിലോസ് സഫ്രഗൻ മെത്രാപ്പോലീത്ത ഓർമിപ്പിച്ചു  അന്തർദേശീയ പ്രാർത്ഥനാ കൂട്ടായ്മയായ ഇന്റർനാഷണൽ പ്രയർ ലൈന്റെ 630-ാമത് പ്രാർത്ഥനാ സമ്മേളനത്തിൽ ജൂൺ 9 ചൊവ്വാഴ്ച രാത്രി മുഖ്യ സന്ദേശം നൽകുകയായിരുന്നു തിരുമേനി  .അമേരിക്കയിൽ ഹ്രസ്വ സന്ദർശനത്തിനായി എത്തിച്ചേർന്ന  മാർത്തോമ്മാ സഭയുടെ സഫ്രഗൻ മെത്രാപ്പോലീത്ത റൈറ്റ് റവ. ഡോ. യുയാക്കിം മാർ കൂറിലോസ് ഡാളസ്സിൽ നിന്നാണ് സമ്മേളനത്തിൽ മുഖ്യപ്രഭാഷണം നടത്തിയത് . ദൈവത്തിന്റെ ശക്തമായ പ്രവൃത്തികളിൽ വിശ്വസിച്ച്, പ്രതികൂല സാഹചര്യങ്ങളിൽ ഒന്നിച്ച് പ്രാർത്ഥിക്കേണ്ടതിന്റെ ആവശ്യകതയെക്കുറിച്ച് അദ്ദേഹം തന്റെ സന്ദേശത്തിൽ ഓർമ്മിപ്പിച്ചു. വിശുദ്ധ ബൈബിളിലെ ഫിലേമോന് എഴുതിയ ലേഖനം ഒന്നാം അധ്യായം 1 മുതൽ 10 വരെയുള്ള വാക്യങ്ങളെ ആസ്പദമാക്കിയാണ് തിരുമേനി മുഖ്യസന്ദേശം നൽകിയത്.…