പാലക്കാട്: തന്റെ പ്രായത്തിലുള്ള മിക്കവരും ചവിട്ടാൻ പോലും ഭയപ്പെടുന്ന പാതയിലൂടെയാണ് റബീയ ഹംദ സഞ്ചരിക്കുന്നത്. വെറും ആറാമത്തെ വയസ്സിൽ തേനീച്ച വളർത്തലിലാണ് റബീയയുടെ വിനോദം. തേനീച്ചക്കൂടുകളില്‍ നീളത്തില്‍ അടുക്കി വച്ചിരിക്കുന്ന ഒരു പെട്ടി എടുത്ത് അവൾ ചിറകുള്ള പ്രാണിയെ കുറിച്ച് എല്ലാം വിശദീകരിക്കുമ്പോൾ, ഇന്ത്യ ബുക്ക് ഓഫ് റെക്കോർഡ്സിലെ ഏറ്റവും പ്രായം കുറഞ്ഞ ആപ്പിയറിസ്റ്റ് എന്ന പദവിയാണ് ഈ കൊച്ചുമിടുക്കി സ്വന്തമാക്കിയത്.
വർഷങ്ങളായി തേനീച്ച വളർത്തുന്ന കുടുംബമാണ് റബീയയുടെ കുടുംബം. പിതാവ് മുഹമ്മദ് റഫീഖ് അനങ്ങനടി കോത്തുകുറിശ്ശി ഗാന്ധി നഗറിൽ കർഷകനായിരുന്നു. രണ്ട് വർഷം മുമ്പ് യുഎഇയിലെ ഫുജൈറയിലേക്ക് പോയ അദ്ദേഹം നിലവിൽ ഒരു ഫാമിൽ തേനീച്ച വളർത്തുന്നയാളായി ജോലി ചെയ്യുകയാണ്.
“റഫീഖ് ഗൾഫിലേക്ക് പോയതിനു ശേഷം ഞാൻ ആ തൊഴിൽ തുടർന്നു. ഞങ്ങളുടെ വളപ്പിൽ 10 തേനീച്ച പെട്ടികള്‍ സ്ഥാപിക്കാൻ അനങ്ങനടി പഞ്ചായത്തും ഹോർട്ടികോർപ്പും എന്നെ സഹായിച്ചു. റബീയ തുടക്കത്തിൽ അൽപ്പം ഭയപ്പെട്ടിരുന്നു. ഞങ്ങൾ തേനീച്ച പെട്ടികളുടെ അടുത്തേക്ക് പോകുന്നത് അൽപ്പം അകലെ നിന്ന് തേൻ ശേഖരിക്കുന്നതും അവള്‍ നോക്കി നില്‍ക്കും. ക്രമേണ അവൾക്ക് താൽപ്പര്യം വളർന്നു. കയ്യുറകൾ, ജാക്കറ്റ്, ഷൂസ്, മാസ്ക്, ഹുഡ്ഡ് സ്യൂട്ട്, തൊപ്പി എന്നിവയുൾപ്പെടെയുള്ള അവളുടെ സുരക്ഷാ ഗിയർ എന്റെ ഭർത്താവ് വാങ്ങി. തേങ്ങാ നാരുകൾ ഉപയോഗിക്കുന്ന സ്മോക്കറും റബീയ ഉപയോഗിക്കുന്നു. ഇത് തേനീച്ചകളെ ശാന്തമാക്കുന്നു,” റബീയയുടെ അമ്മ ടി സൽമ പറഞ്ഞു.
തേനീച്ച കുത്തുന്നത് അപകടകരമാണെന്ന് തനിക്ക് അറിയാമെന്ന് റബീയ പറഞ്ഞു. “ആദ്യം എന്റെ മാതാപിതാക്കൾ എന്നെ തേനീച്ചക്കൂടുകളുടെ അടുത്തേക്ക് പോകാൻ അനുവദിച്ചിരുന്നില്ല. പക്ഷേ, ഞാൻ എപ്പോഴും അവരുടെ കൂടെ ആയിരിക്കാൻ ആഗ്രഹിച്ചു. എന്റെ താൽപ്പര്യം മനസ്സിലാക്കിയ അവർ എനിക്ക് സംരക്ഷണ ഉപകരണങ്ങൾ വാങ്ങി. എന്റെ മാതാപിതാക്കൾ തേനീച്ചക്കൂടുകൾ വൃത്തിയാക്കുന്നത് ഞാൻ കണ്ടിട്ടുണ്ട്. ഓരോ പെട്ടി പുറത്തെടുത്ത് ഞാനും അത് തന്നെ ചെയ്യുന്നു. ഞാൻ തേനീച്ചകൾക്കും ഭക്ഷണം നൽകുന്നു. എന്റെ അദ്ധ്യാപകർ എന്നെ വളരെയധികം പ്രോത്സാഹിപ്പിക്കുന്നുണ്ട്. എനിക്ക് ഒരു ബുദ്ധിമുട്ടും തോന്നുന്നില്ല, ഞാന്‍ ആസ്വദിച്ചാണ് എല്ലാം ചെയ്യുന്നത്,” പാലക്കോട് എയുപി സ്കൂളിലെ ഒന്നാം ക്ലാസ് വിദ്യാർത്ഥി പറഞ്ഞു.
