ഇന്നത്തെ ആഗോള വ്യവസ്ഥയിൽ വ്യാപാരം, നിക്ഷേപം, ധനകാര്യം എന്നിവ കൂടുതൽ കൂടുതൽ ആയുധവൽക്കരിക്കപ്പെടുന്നുണ്ടെന്നും ഇന്ത്യ ജാഗ്രതയോടെ നടപടികൾ സ്വീകരിക്കണമെന്നും രാജൻ മുന്നറിയിപ്പ് നൽകി.
ഇന്ത്യൻ കയറ്റുമതിക്ക് അമേരിക്ക ഏർപ്പെടുത്തിയ കനത്ത തീരുവ ആശങ്കാജനകമാണെന്നും, ഏതെങ്കിലും ഒരു വ്യാപാര പങ്കാളിയെ ആശ്രയിക്കുന്നത് കുറയ്ക്കുന്നതിനുള്ള മുന്നറിയിപ്പാണിതെന്നും റിസർവ് ബാങ്ക് ഓഫ് ഇന്ത്യ മുന് ഗവർണറും പ്രശസ്ത സാമ്പത്തിക ശാസ്ത്രജ്ഞനുമായ ഡോ. രഘുറാം രാജൻ പറഞ്ഞു.
ഇന്ത്യൻ ഉൽപ്പന്നങ്ങൾക്ക് അമേരിക്ക 50 ശതമാനം തീരുവ ചുമത്തി. ഇന്നത്തെ ആഗോള വ്യവസ്ഥയിൽ വ്യാപാരം, നിക്ഷേപം, ധനകാര്യം എന്നിവ കൂടുതൽ കൂടുതൽ ആയുധവൽക്കരിക്കപ്പെടുന്നുണ്ടെന്നും ഇന്ത്യ ജാഗ്രതയോടെ നടപടികൾ സ്വീകരിക്കണമെന്നും രാജൻ മുന്നറിയിപ്പ് നൽകി.
ഇതൊരു മുന്നറിയിപ്പാണെന്ന് രഘുറാം രാജൻ പറഞ്ഞു. ഒരു രാജ്യത്തെയും നമ്മൾ അധികം ആശ്രയിക്കരുത്. കിഴക്കിലേക്കും യൂറോപ്പിലേക്കും ആഫ്രിക്കയിലേക്കും നോക്കുകയും അമേരിക്കയുമായി മുന്നോട്ട് പോകുകയും വേണം. റഷ്യയിൽ നിന്ന് അസംസ്കൃത എണ്ണ വാങ്ങിയതിന് ട്രംപ് ഭരണകൂടത്തിൽ നിന്ന് ഇന്ത്യ കടുത്ത തീരുവകൾ നേരിടേണ്ടി വന്നപ്പോൾ, റഷ്യൻ എണ്ണയുടെ ഏറ്റവും വലിയ ഇറക്കുമതിക്കാരായ ചൈനയും മോസ്കോയിൽ നിന്ന് ധാരാളം ഊർജ്ജ ഉൽപ്പന്നങ്ങൾ വാങ്ങുന്ന യൂറോപ്പും വാഷിംഗ്ടണ് കണ്ടില്ലെന്ന് നടിക്കുകയാണ്.
റഷ്യന് എണ്ണ ഇറക്കുമതിയെക്കുറിച്ചുള്ള ഇന്ത്യയുടെ നയം പുനഃപരിശോധിക്കണമെന്ന് രഘുറാം രാജന് നിര്ദ്ദേശിച്ചു. ഇതില് ആര്ക്കാണ് നേട്ടം, ആര്ക്കാണ് നഷ്ടം എന്ന് നാം ചോദിക്കണമെന്നും അദ്ദേഹം പറഞ്ഞു. റിഫൈനര്മാര് വന് ലാഭം നേടുന്നുണ്ട്, എന്നാല് കയറ്റുമതിക്കാര് താരിഫുകളിലൂടെ അതിന് വില നല്കുകയാണ്. നേട്ടം അത്ര വലുതല്ലെങ്കില്, വാങ്ങണോ വേണ്ടയോ എന്ന് നാം പരിഗണിക്കണം.
ഇന്ത്യയെ ചൈനയുമായി താരതമ്യം ചെയ്യുമ്പോൾ, പ്രശ്നം നീതിയുടെതല്ല, മറിച്ച് ഭൗമരാഷ്ട്രീയത്തിന്റെതാണെന്ന് രാജൻ പറഞ്ഞു. “നാം ആരെയും അമിതമായി ആശ്രയിക്കരുത്. വ്യാപാരം ആയുധമാക്കി. നിക്ഷേപം ആയുധമാക്കി. ധനകാര്യം ആയുധമാക്കി. നമ്മുടെ വിതരണ സ്രോതസ്സുകളും കയറ്റുമതി വിപണികളും വൈവിധ്യവൽക്കരിക്കേണ്ടതുണ്ട്” എന്ന് അദ്ദേഹം പറഞ്ഞു. അന്താരാഷ്ട്ര നാണയ നിധിയുടെ (IMF) മുൻ മുഖ്യ സാമ്പത്തിക വിദഗ്ദ്ധൻ ഇന്ത്യ ഈ പ്രതിസന്ധിയെ ഒരു അവസരമായി കാണണമെന്ന് വാദിച്ചു.
“ചൈന, ജപ്പാൻ, യുഎസ് അല്ലെങ്കിൽ മറ്റാരെങ്കിലുമായി പ്രവർത്തിക്കുക. പക്ഷേ അവരെ ആശ്രയിക്കരുത്. കഴിയുന്നത്ര സ്വാശ്രയത്വം ഉൾപ്പെടെയുള്ള ഓപ്ഷനുകൾ ഉറപ്പാക്കുക” എന്ന് രാജൻ പറഞ്ഞു. യുഎസ്-ഇന്ത്യ ബന്ധത്തിന് തിരിച്ചടിയാണിതെന്ന് വിശേഷിപ്പിച്ച രാജൻ, ചെമ്മീൻ കർഷകർ, തുണി നിർമ്മാതാക്കൾ തുടങ്ങിയ ചെറുകിട കയറ്റുമതിക്കാരെ പ്രത്യേകിച്ച് ദോഷകരമായി ബാധിക്കുമെന്നും അവരുടെ ഉപജീവനമാർഗ്ഗം അപകടത്തിലാക്കുമെന്നും ആശങ്ക പ്രകടിപ്പിച്ചു.
