കോഴിക്കോട്: നിലവിളക്ക് വിവാദം ഒരു ചെറിയ കാര്യമാണെന്നും, അത് വ്യാപകമായി ചര്ച്ച ചെയ്യേണ്ട ആവശ്യമില്ലെന്നും വിദ്യാഭ്യാസ മന്ത്രി എന് ഷംസുദ്ദീന് പറഞ്ഞു. അതെല്ലാം വളരെക്കാലമായി തുടര്ന്നു വരുന്ന സമ്പ്രദായമാണെന്നും മന്ത്രി പ്രതികരിച്ചു.
അതേസമയം, പിഎംശ്രീ വിഷയത്തിലും മന്ത്രി പ്രതികരിച്ചു. വിഷയത്തിൽ പെട്ടെന്ന് തീരുമാനമെടുക്കാൻ കഴിയില്ലെന്നും വിദഗ്ധരുമായി ചർച്ചകൾ ആവശ്യമാണെന്നും അദ്ദേഹം പറഞ്ഞു. സാമ്പത്തിക കാര്യങ്ങൾ ഉൾപ്പെടെയുള്ള റിപ്പോർട്ടുകൾ പരിഗണിച്ച ശേഷമേ അന്തിമ തീരുമാനമെടുക്കൂ എന്നും മന്ത്രി പറഞ്ഞു.
കേന്ദ്ര-സംസ്ഥാന സർക്കാരുകൾ ഒപ്പു വെച്ച ഒരു കരാറുണ്ടെന്നും മുൻ സർക്കാർ അതിൽ ഒപ്പുവെച്ച് ഫണ്ട് സ്വീകരിച്ചതാണെന്നും അദ്ദേഹം പറഞ്ഞു. പുതിയ സർക്കാർ മുൻ സർക്കാരിന്റെ തുടർച്ചയാണ്. ഫണ്ട് നൽകുന്നതിന് കേന്ദ്രം സംസ്ഥാന സർക്കാരിന് മേൽ നിബന്ധനകൾ ഏർപ്പെടുത്തരുത്. അടിയന്തരമായി തീരുമാനമെടുക്കേണ്ട ആവശ്യമില്ലെന്ന് എൻ ഷംസുദ്ദീൻ പറഞ്ഞു.
പിഎംശ്രീ പദ്ധതി മുന്നോട്ട് കൊണ്ടുപോകാമെന്നും ഇതിനായി വിദ്യാഭ്യാസ നയത്തിൽ മാറ്റം വരുത്തേണ്ടതില്ലെന്നും പൊതുവിദ്യാഭ്യാസ ഡയറക്ടറുടെ റിപ്പോർട്ടിൽ പറയുന്നു. കേന്ദ്ര ചട്ടങ്ങൾ പ്രകാരമുള്ള എസ്എസ്കെ ഫണ്ടുകൾ സംസ്ഥാനത്തിന് അത്യാവശ്യമാണെന്നും പദ്ധതി മുന്നോട്ട് കൊണ്ടുപോയില്ലെങ്കിൽ ഈ ഫണ്ടുകൾ ലഭ്യമാകില്ലെന്നും റിപ്പോർട്ടിൽ പരാമർശിക്കുന്നു. പൊതുവിദ്യാഭ്യാസ ഡയറക്ടർ നൽകുന്ന റിപ്പോർട്ടിൽ അന്തിമ തീരുമാനം എടുക്കുന്നത് സംസ്ഥാന സർക്കാരാണെന്നും അദ്ദേഹം പറഞ്ഞു.
