ഡാളസ് :കേരള അസോസിയേഷൻ ഓഫ് ഡാളസ് സംഘടിപ്പിച്ച വടംവലി സീസൺ 3 മത്സരത്തിൽ ‘ന്യൂയോർക്ക് കിംഗ്സ്’, ‘ഹ്യൂസ്റ്റണ് ബ്രദേഴ്സ്’ ഓറഞ്ചിനെ തോല്പിച്ച് വിജയികളായി. കഴിഞ്ഞ രണ്ടു വർഷങ്ങളിലും ന്യൂയോർക്ക് കിംഗ്സ് തന്നെയായിരുന്നു ജേതാക്കൾ. റോസ് ഹിൽ സീറോ മലബാർ ചർച്ച് മൈതാനിയിൽ പ്രത്യേകം ക്രമീകരിച്ച പന്തലിൽ നടന്ന മത്സരത്തിൽ പത്ത് ടീമുകളാണ് പങ്കെടുത്തത്. ഹ്യൂസ്റ്റണ് ബ്രദേഴ്സ് ബ്ലൂ’ മൂന്നാം സ്ഥാനം കരസ്ഥമാക്കി. ‘ചിക്കാഗോ അരീകര അച്ചായൻസ് ‘ നാലാം സ്ഥാനവും നേടി.
വാശിയേറിയ മത്സരങ്ങൾ വീക്ഷിക്കാൻ കുടുംബസമേതം ആബാലവൃദ്ധം ജനങ്ങൾ എത്തിയിരുന്നു. വിജയികൾക്ക് ഒന്നാം സമ്മാനം ട്രോഫിയും 5000 ഡോളർ ക്യാഷ് അവാർഡ്, രണ്ടാം സമ്മാനം ട്രോഫിയും 3000 ഡോളർ ക്യാഷ് അവാർഡ്,മൂന്നാം സമ്മാനം ട്രോഫിയും 2000 ഡോളർ ക്യാഷ് അവാർഡ്, നാലാം സമ്മാനം ട്രോഫിയും 1000 ഡോളർ ക്യാഷ് അവാർഡ് എന്നിങ്ങനെയായിരുന്നു. ചാക്കോച്ചൻ, ജിനു കുടിലിൽ എന്നിവരാണ് മത്സരത്തെ നിയന്ത്രിച്ചിരുന്നത്.
ചടങ്ങിൽ മലയാള മനോരമ സ്പോർട്സ് ലേഖകൻ ശരത് മുഖ്യാതിഥിയായിരുന്നു. കേരള അസോസിയേഷൻ ഓഫ് ഡാളസ് പ്രസിഡന്റ് ഷിജു എബ്രഹാം, ഐ.സി.ഇ.സി പ്രസിഡന്റ് മാത്യു നൈനാന് എന്നിവര് മത്സരം ഉദ്ഘാടനം ചെയ്തു. വിനോദ് ജോർജ് (സ്പോർട്സ് ഡയറക്ടർ ), മഞ്ജിത് കൈനിക്കര (സെക്രട്ടറി ) ദീപക് നായർ (മെമ്പർഷിപ്പ് ഡയറക്ടർ ), ജിജി പി സ്കറിയ (ആർട്സ് ഡയറക്ടർ ) ഷിബു ജോൺ (ലൈബ്രറി ഡയറക്ടർ ) സിജു കൈനിക്കര (ട്രഷറര് ), ടെസ്സി മാത്യു (സോഷ്യൽ സർവീസ് ഡയറക്ടർ ), പ്രദീപ് കൊടുവത് (ജോയിന്റ്. ട്രഷറര് ), ഫ്രാൻസിസ് തോട്ടത്തിൽ (ഡയറക്ടർ ബോർഡ് അംഗം ) തുടങ്ങിയവർ പരിപാടിയുടെ മുഖ്യ ചുമതലകൾ വഹിച്ചു.
തോമസ് വടക്കേമുറി, മാത്യു ഒഴുകയിൽ, അജു മാത്യു, സിബി തോമസ്, റെജി മുക്കാലടി,ബേബി ഒഴുകയിൽ, സാബു മുക്കാലടി തുടങ്ങി നിരവധി സന്നദ്ധപ്രവർത്തകർ പരിപാടിയുടെ ഓരോരോ ചുമതലകൾ നിർവഹിച്ചു. ഹരിദാസ് തങ്കപ്പൻ, സിബി തലകുളം, ബിനോജ് മേനോൻ എന്നിവരുടെ അനൗൺസ്മെന്റ് കായിക പ്രേമികളേ ആവേശത്തിലാഴ്ത്തി. ഈ പോരാട്ടത്തിനു മികവേകുവാന് വനിതകളുടെ ചെണ്ടമേളവും, മല്ലൂസ് റൈഡേഴ്സിന്റെ നേതൃത്വത്തിൽ ബൈക്ക് റാലിയുമുണ്ടായിരുന്നു.
വിജയികൾക്കുള്ള സമ്മാനദാനം കേരള അസോസിയേഷൻ ഓഫ് ഡാളസ് പ്രസിഡന്റ് ഷിജു എബ്രഹാം, ഐ.സി.ഇ.സി പ്രസിഡന്റ് മാത്യു നൈനാന് എന്നിവര് നിർവ്വഹിച്ചു. പി.പി ചെറിയാൻ (ഡി മലയാളി, ചീഫ് എഡിറ്റർ), പി.സി മാത്യു (ഗാർലൻഡ് സിറ്റി അഡ്വൈസറി ബോർഡ് ), മാർഗ്രേട് ലോക്ട് (ഗാർലൻഡ് സിറ്റി കൗൺസിൽ അംഗം), ജിമ്മി ട്രാൻ (ബോർഡ് മെമ്പർ ഓഫ് ടാസ് ഇൻക്രെമെന്റ് ഫിനാൻസ്), ഷിബു സാമൂവൽ തുടങ്ങിയവരും, കോശി പണിക്കർ, ചെറിയാൻ ചൂരനാട്, ജോസഫ് ചാണ്ടി, പി. റ്റി സെബാസ്റ്റ്യൻ, ബോബൻ കൊടുവത്ത് തുടങ്ങി മുൻകാല ഭാരവാഹികളും സംബന്ധിച്ചു.
‘നമ്മുടെ റേഡിയോ ‘, ത്രീ ഏയ്ഞ്ചൽ റൂഫിംഗ്, ഗ്രാൻഡ് ലിക്കർ ഗ്രൂപ്പ്, സിഗ്മ ട്രാവൽസ്, ഇമ്പാക്ട് ടാസ്, പ്രൈം ചോയ്സ് ഇൻഷുറൻസ്, റെഡ് ചില്ലി റസ്റ്റോറന്റ് എന്നിവരായിരുന്നു പരിപാടിയുടെ സ്പോൺസർമാര്. കൂടാതെ, ഡാളസിലെ സുമനസ്സുകളായ മറ്റു സ്പോൺസർമാരും സഹകരിച്ചു.
റിപ്പോർട്ട് :അനശ്വരം മാമ്പിള്ളി
ഫോട്ടോഗ്രാഫി: രഞ്ജിത്
